% كـل وحـده مـركـبـه تـقـويـم تـتـفـضـل ( تجمع خاص لبنات التقويم ) %

[مشاعر القمر]

عندي سؤال في احد يعرف عياده لتقويم يكون شغلهم زين وما يكلف وايد
لان انا بصراحه مليت من نطرت الحكومه صاري 9 شهور وانا ناطره؟

 

[noty]

عيادة الميدان 2242888
مركز البيان د.الخياط 2497797
فيرجينيا د.الكندري 5665131
البخيت كلينك د.أوس 2618255
مركز المباركيه 5630509
مركز الفوزان 2619557
مركز الحكمه 2641442
عيادة الخليج 2561444
مركز الطبي الكويتي 5759044
د.نعمت عيد 2525334
مستشفى الهادي د.ايراج
بيرفكت دنتل كير
دنتل كير الانصاري

 

[noty]

عندي سؤال في احد يعرف عياده لتقويم يكون شغلهم زين وما يكلف وايد
لان انا بصراحه مليت من نطرت الحكومه صاري 9 شهور وانا ناطره؟

اللي انا شفتهم ماكو اقل من 700 دينار ..كل مازادت صعوبة الاسنان زادت التكلقه يعني حق اللي حالتهم يبيله 900 و طالع .. تقديرين اتسوينها دفعات

 

[مشاعر القمر]

مشكورهnoty
الله يعطيج العافيه

 

[ii DareeN ii]

ان شاء الله ضروسكم كلكم يصيرون صف الرمان ثبت الموضوع عشان تخلونه دوانيه حقكم


دوانيه بنات التقويم::eh_s(9):

 

[kanana]

قوة بنات اشلووونكم

انا مشكلتي مثل ما قلت بروز بالفكين

فييييييييه وحدة حالتها مثلي و عالجت بالتقويم و ردوا أوووكيه ولا شافت أحد لاني متخوووفة حددددددددددي

احس ان النتيجة بسيطة و بطيئة مدري ليش

بليييز ردوا علي لا تطنشووووني:eh_s(13):

 

[noty]

هااي بنات .. صج التقويم ينحط مو مره وحده .. يعني اول شي فوق و بعد مده احطونه تحت ؟؟

 

[أسيرة قلبه]

هااي بنات .. صج التقويم ينحط مو مره وحده .. يعني اول شي فوق و بعد مده احطونه تحت ؟؟

اي نعم

 

[noty]

بتيت دير ... ليش ؟؟ شالفايده ؟؟ ليش ما ينحط مره وحده ؟؟

 

[* مـذهـلـه *]

بنات وين تنصحون اراجع استشاره للتقويم,... أنا ما احتاج واحد قوي بس بسيط

انصحج بالدكتور أشوك متخصص بالتقويم و ما شاء الله عليه حيل حيل زين تلاقينه بعيادة الحكمه اللي بشرق انا اراجع عنده بالتقويم و ممتاز ..
​

 

[* مـذهـلـه *]

واااي شكله عذاب انا موعدي ب 16 - 2 وحدي خايفه

بنات صج تنزف اللثه و الخدود من داخل تتشقق ؟؟؟
اذا اييي جم يوووم هالحاله ؟؟ و شنو أصعب فتره ؟؟

و شلون التفريشششش وايي ؟؟؟

و بعد في شغله انا ودي احط الشفاف بس قالوا مع المده يصوفر و صير شكله مو حلو .. صج .؟؟

مو مع الكل تنزف اللثه و الخدود تتشقق انا الحمدالله ما صار معاي جذي ممكن من داخل صوب الخدود شي بسيط بس اول ما يشده و بعدين عادي ..

التفريش عادي الدكتور يعلمج شتسويين انا دكتوري شرحلي شسوي و عطاني الشغلات اللي لازم اشتريها من الصيدليه و بعد كل وجبه لازم تفرشين ضروسج و تنظفينهم ..

بالنسبه للشفاف انا كنت ابي احطه بس قالي دكتوري اذا انتي تشربين قهوه واجد و تشربين بيبسي و هالسوالف راح يصوفر و انا طبعا مدمنه قهوه و البيبسي اشربه احيان بعد مو مقصره عشان جذي قلت احط العادي احسن ..
​

 

[* مـذهـلـه *]

والله ماعندي فكرررررررة

مذهلة انقذيييييييييييييييييني قبل امس كان موعدي بغيييييييييييييييت اموووووووووووووووووووووووووت للحين يعورني وموعدي الجاي 3/3 انتي متى موعدج

هلا غلوي الله يعينج هذي معاناة لازم اول ثلاث ايام حتى الاكل ما تعرفين تاكلينه انا موعدي الجاي 13\3 ..
​

 

[قلب راشد]

انا اعااني

سويته وخلصت وبعد ما شلته سويت

حادث وانكسر فكي وتفرقت اسناني

الحين ابي عياده خاصه بس اقل من 1000

ما عندي ميزانيه ممكن تفيدوني

 

[* مـذهـلـه *]

بنات بليز ردوا علي


رحت حق الدكتور و قال 8 اشهر .. و انا اقرا البنات اللي اهني الكل على سنه و فوق!!!

و شنو المتحرك لازم ؟؟؟ و السيور ؟؟ مايابلي طاري

حسرتي شكله اذيه ..

قالي التطابق سليم وماكو بروز .. بس اسناني متحركين

عادي يا عمري على حسب ضروسج شنو تحتاج يعني فيه ناس يحطون سنه في ناس اقل و فيه يقعد معاهم سنتين و اكثر ..

و على طاري السيور ما يقولج بحطلج هذيله يجون بعد جم موعد من شد التقويم يعني مو ضروري يقولج بحطلج السيور لانه شي معروف السيور لازم تنحط ..

و اذا ماكو بروز ما شاء الله زين يعني ما تحتاجين تطولين بالتقويم بس يرجعون ضروسج و يتسكرون ..
​

 

[* مـذهـلـه *]

لالالالا بعد و حدي خايفه بعد ما قريت البنات اشقايلين زاددد الخوف

انا موعدي ب 26 -2 انشا الله

ما تدرين اذا الاسنان متسوسه اركبون ولا لازم اعالجون يالله اركبون ؟؟

و انشاالله خير على باجر لا تحاتين الله وياج و بشرينا شصيير معاج

بالسلامه حبيبتي

اذا فيج تسوس لازم يعالجونج و بعدين يركبون لج التقويم ..

شصار على موعدج على كلامج كان امس بشرينا شسويتي ؟؟
​

 

[* مـذهـلـه *]

الي عندهاا خبره ومرت بالي مريت فيه تسااعدني


انا مركبه تقويم صارلي 3 سنين

اول سنتين تقويم ثابت
وسنه ولحد هاللحظه تقويم متحرك

المهم الغمنده اهي انه بين بعد ماركبت التقويم المتحركضاع مني لمده شهر وكان
عندي امتحانات فاينل وبعدها سافرنا فماطلعت واحد ثاني وبعد مرور شهر
رحت وقلت حق الدكتور وسوالي واحد ثاني

المشكله انه اسناني تبطلت شوي وصار فيه فتحه وتجدمت وصار شكلها ملحوظ بس مو ملفت


الحين شسوي هل اركب تقويم ثابت مره ثانيه عشان ارجعهم ولا البس التقويم المتحرك 24 ساعه واهمه بروحهم يردوون ؟؟؟؟؟!!!!!!!

افيدوناا جزاكم الله خيرا

يا قلبي يا طموشه ودي افيدج بس بهالحاله اللي يفيدج دكتورج ارجعيلي و قوليله و اهوه يفحصهم و يشوف ..
​

 

[* مـذهـلـه *]

اس اس السلاااااااااام عليكووووووو

ينات انا كنت حاطه تقويم في عيادة الحكمة والحمدلله شلته وكانوا حدهم حوسه

كنت ما احب اضحك اكره عمرررررري مغارة جعيتا بحلجي

خخخخخخخخخخخخخخخخخخخخخخخخ

بس الحين يوم شلته الحمدلله مرتبين حيل وصاروا صفة وحده..

وتغيرت حتى ملامحي

والله يعينكم يا بنات التقويم..

بس ترى شكله يونس وكنت أستانس لما اروح اغير الوان السيووور

الف الف مبروك حبيبتي و الفال لي و الباقي البنات يارب
​

 

[* مـذهـلـه *]

واي بنات ماشاء الله عليكم صج جريئين
انا حدي خوافه ابي اركب تقويم لان عندي بروز بالاسنان العلويه بس متردده و خايفه وايد من العوار . . وما احب طبيب الاسنان أكرها أكرها شسوييييييييي !!؟؟

الزين اهوه اللي خلانا نصير جريئين و اهم شي الابتسامه الحلوه باجر لي ابتسمتي و ضحكتي و شقيتي الحلج بكل ثقه مو مغاره و لا بروز الابتسامه ما تحلى الا بضروس صفه و بيض انتي تجرئي و حطي و تحملي العوار عادي على فكره العوار مو طول الوقت بس اول ما يركب التقويم لانه شي غريب بحلجج يستمر معاج تقريبا ثلاث ايام و كل ما شد لج التقويم يعورج بس عادي تقدرين تتحملين ..

تبين نصيحتي حطي الحين قبل لا تتحسفين باجر ..
​

 

[* مـذهـلـه *]

زين سؤال لما يحطون تقويم وانتي حاطه مكياج واحمر شفايف يطلع شكلج غلط يعني ممكن يطلع برا الشفايف والا عادي ؟

لما تحطين مكياج عادي يكون شكلج مو غلط بس الحمره تحسين انها مادري شلون فأنا مستغنيه عنها و احط قلوسات لانه الحمر احس مو حلوين على التقويم اكتفي بقلوس بس
​

 

[* مـذهـلـه *]

موعدي الياي بشيله :> والفال لكم :>

ما شاء الله الف مبروك حبيبتي و الفال لي و الباقي البنات و نشيله و نفتك
​