{ ...الدكتورة رشا الصفي تجيب على استفسارتكم ..} استضافة اسبوعية

[ام ناصر 2009]

قوه دكتوره يعطيج العافيه
دكتور أكتبلج وانا أبجي تعبت من ولدي عمره خمس أشهر مايرضع الا رقم اورقمين
يتم خمس ست ساعات بدون رضاعه لارضع رقم اورقمين حليبه سميلاك
سمعت عن عسل العويد خاص للأطفال جبته يفتح الشهيه عطيته اليوم الصبح شرايج ؟
شسوي مع هالولد ذبحني اللي يشوفه عبالهم توني والدته ماكو صحه كلش ذبحني
والله اكتبلج وانا منقهره اول طفل لي
أبلش أوكله والا شنو بضبط ارجوج تردين علي بسرع وقت اعطيه العسل
مشكوره على الرد مقدما
فديتج

 

[عمشه المنتفشه]

السلام عليكم

دكتوره عندي سؤالين ماعليج امر

ولدي عايش على الله وعلى الملين دوفولاك الحين عمره سنتين وقبل جم يوم استعملت فيتامينات وردله الامساك وطلع بفتحة الشرج نتوء

من الامساك وعشنا ثلاث ايام الله لايوريهم لحد من المعاناة والسهر بس قطعت الفيتامينات الحين الحمدلله صار احسن

بس يوم رحت للمستوصف عطاني ملين اسمه كولاكس قالي هذا نفس الدوفولاك بس انا للحين مابلشت فيه ناطره دوفولاك يخلص

بس هم خايفه مابي اجازف ونرد لايام المعاناة يعني الكولاكس نفس الدوفولاك ؟؟ يعني ولدي ماراح ياثر فيه هالتغيير ؟؟؟




وثاني سؤال :

حليب النكهات وخاصه الكاكاو نفس الحليب الابيض ؟؟ والا فيه مضره ؟؟

يعني ولدي مايشرب الابيض اكثر شي الكاكاو


ومشكوره ماقصرتي

 

[ام ناصر 2009]

قوه دكتوره يعطيج العافيه
دكتور أكتبلج وانا أبجي تعبت من ولدي عمره خمس أشهر مايرضع الا رقم اورقمين
يتم خمس ست ساعات بدون رضاعه لارضع رقم اورقمين حليبه سميلاك
سمعت عن عسل العويد خاص للأطفال جبته يفتح الشهيه عطيته اليوم الصبح شرايج ؟
شسوي مع هالولد ذبحني اللي يشوفه عبالهم توني والدته ماكو صحه كلش ذبحني
والله اكتبلج وانا منقهره اول طفل لي
أبلش أوكله والا شنو بضبط ارجوج تردين علي بسرع وقت اعطيه العسل
مشكوره على الرد مقدما
فديتج

نسيتج أقولج اعطيه هملايا شرايج فيه؟

 

[pe-engineer]

مشكووورة دكتورة وما تقصرين

عندي بس استفسار...واااايد أمهات ما يحبون السيميلاك ويفضلون الأنواع الثانية...شالفرق بين السيميلاك وغيره من أنواع الحليب؟

مشكووووورة

 

[د. رشــا الصفــي]

مساء الخير دكتورتنا

بنتي طلع فيها عقنقز او بشنيتر
بس حبيت استفسر في علاج غير لوشن الابيض
واقدر اسبحها ؟
وطالع لها في منطقه الحفاظ مسكينه تبجي لما تتبول هل شي عادي ولا لازم اشوف الطبيب
وجم فتره احتضان المرض؟

مساء الورد

ادري متأخرة بالرد

بس عذروني وايد مشغولة

بالنسبة للعنقز في دوا شراب غير اللوشن الأبيض بس نعطيه لحالات الشديدة جدا

و ما ينصرف الا بوصفة دكتور

و الأفضل انه ياخذه الياهل قبل انتشار الحبوب

يعني في اغلب الحالات ما منه فايدة كبيرة

لأنه علما يبين على الياهل انه فيه عنقز يكون قب جمه كله من هالحبوب و يصير الدوا ما منه فايدة


بالنسبة للتسبح

طبعا تقدرين تسبحينها و اذا حصل ماي بحر يكون ممتاز جدا

ينشف الحبوب بسرعة و تطيب اسرع


اثناء التبول لازم يحرها عادي ما تحتاج دكتور

فترة حضانة المرض من 7 - 21 يوم عقبها يظهر الطفح لمدة اسبوعين تقريبا

خلال فترة الحضانة يكون الطفل معدي و اثناء وجود الطفح بعد

جزاج الله خير دكتوره على الاجابه تعبتج معاي وايد اسفه و ربي يكون في ميزان اعمالج

فعلا دكتوره للاسف كنت اضيف هالبسكوت من عمرها 3 اشهر كانت نصيحه من حماتي
بس كنت اعطيه ؤضعه ابسكوت و رضعه لا وكانت تشرب الكل ما عندها مانع
و من عرفت انه هالشي غلط وقفت صرت اعطيها بسكوته مذوبتها بماي بالقفشه
و الحين غيرت حليبها ملاحظه عليها صارت تشرب بس بعيت اسأل دكتوره اعطيها رضعه كل 6 ساعات اوكي ؟
ساعات تاخذ 120 كامله و ساعات بس 90 اوكي جذي (3 او اربع مرات باليوم)

دكتوره طلعت على خدودها من اليوم الثاني اللي غيرت فيه الحليب احمرار
و بعد ما خف صار مكان الاحمرار حبوب حمره استمرت 3 ايام
و طبعا المنطقه ناشفه حيل و قمت ادهن عليها فازلين
اليوم اختفى الاحمرار صار بس حبوب صغيره على خدودها

هل هذا بسبب الحليب او اكزيما ؟ بنفس اليوم اللي طلع فيه هالاحمرار كنت طلعه وماخذتها و الجو حار و غبار

بالنسبة للرضاعة الكميات معقولة

مو شرط تشرب كل رضعة نفس الكمية

هذي الحبوب اللي على خدودها اكزيما حطيلها كريم مرطب و تروح و مالها علاقة بالحليب

يعطيج العافية دكتورة
حبيت اسال
ولدي عمره9شهور كل ما انومه بعد ربع ساعة يقعد يبجي حيييل وكح كحة ناشفة متواصلة لييييييمن ينقطع التنفس عنده ويسود وجهه
بعدين يالله يرد النفس

قبل اسبوع كان صدره متنك حيل بس يقول الدكتور مو ملتهب
وعطاني له كمام مرتين باليوم (فنتولين شخطتين اقل من نص السنتم واتروفنت 1مل)لمدة 3ايام وقفت الكمام عقب
والحين احسه مايرتاح بنومه والسبه هالكحة والتفززكل ساعة والثانية
والخشم يصب حيييييييل افرازات (بعد الكمام)


ويعــطــيـــج العـــــــــــــــــــــافيــــــــــــة وماتقــــــــــــــصريـــــــــــــــــن
تقبلي تحياتي لك

ممكن يكون لي الحين متنك صدره

الكمام مرتين باليوم عمره ما كان كافي لعلاج الحساسية او التنك

اقل شي مبدئيا يبيله 4 مرات باليوم و الكمية تكون نص مل يعني خمس شخطات مو اقل مع 3 مل محلول ملحي

الاتروفنت ماشي مو مشكلة بس الفنتولين مو كافي كلش

يمكن علشان جذي ولدج مو متحسن

ر

السلام عليكم

يعطيج العافية دكتورة

شاكرتلج المجهود الكبير اللي قاعدة تقومين فيه كل اسبوع

سؤالي دكتورة آنه ولدي عمره ثمان شهور
الحمدلله للحين يرضع طبيعي على الرغم من اني وايد عانيت معاه و كل مرة كنت انوي فيها اني اعطيه صناعي اتعوذ من ابليس و اهون
و ما ارتحت الا لمن بديت معاه بالاكل اللي اهوه عبارة عن خضروات مسلوقة + بسكوت + فواكة + سيريلاك و بس
و الكل قاعد يقولي ابدي عطيه لحم و دجاج و الاكل اللي نسويه لنا
انتي اشرايج شنو اضيف على اكله ؟؟؟
و السؤال الثاني اهو صار يرضع مرتين قبل النوم و مرة اذا قعد الفجر مثلا
و رضعة وحدة اول ما يقعد من النوم
فهل هالرضعات كافية و لا لأ ؟؟؟

و شاكرة الرد مقدما . . .

اول شي اهنيج على اصرارج على الرضاعة الطبيعية

بالنسبة للأكل ممتاز نظامج

بس زيدي الرضعات شوي

اكل البيت تو الناس عليه لأنه فيه بهارات و ملح و دهن

نطري عليه لما يكمل 10 شهور و اكثر

 

[د. رشــا الصفــي]

السلام عليكم دكتورتنا الغالية

أنا سألتك قبل هالمرة كتير عن بنتي و معاناتي مع الأكل و الحليب و انها من عمر 4 شهور ما بتشرب الحليب و ما بتحب المميات ابدا

هلا هلا امبلة تذكرتج ​

المهم بنتي كملت السنة من شهر و انا كنت أستخدم لها حليب سيميلاك 2 مع الطعام حتى أعوضها عن شرب الحليب و هلا والدها إشترى لها حليب نيدو 1 بالعسل لعمر 1 الى 3 سنوات و طلب مني أحاول معها أشربها منه يمكن تحبه لأنها ضعيفة و ما بتاكل كويس أوكي

هل نيدو 1 منيح لعمر السنة و لا لأ ؟؟

اي زين لعمر السنة النيدو 1​

من الأفضل برأيك سيميلاك غين بلص ( سيميلاك 3) و لا نيدو 1 و لماذا ما الفرق؟؟

ماكو وايد فرق بينهم و اثنينهم مثل بعض بس الحديد في غين بلس اكثر من النيدو و الطعم طبعا يفرق​

هل ممكن أستخدم حليب بدياشور مع حليب النيدو ( أقصد كاس حليب بدياشور الصبح مثلا و كاس حليب نيدو بالليل أو أخلطهم مع بعض ؟؟)

لا تخلطينهم

و خليه البيدياشور بالليل لأنه يسد الشهية شوية​

إذا فشلت مرة أخرى في اني أجعلها تشرب الحليب هل أستمر في عمل وجبة سيريلاك او ميلوبا مع الحليب ؟؟؟

نعم و ممكن اضافة الحليب لأكلها العادي مو لازم سيريلاك او ميلوبا​

لمتى اضلني أعطيها سيريلاك الاطفال ؟؟

ما في وقت معين في ناس كبار ياكلون سيريلاك​

ملاحظة: بنتي هلا بدت تسنن و بتحاول توقف لحالها في حين انه ابن عمها ماشاءالله عمره 9 اشهر و عنده 4 اسنان فوق و 2 تحت و بيحاول يمشي هالأيام بيمشي خطوة او خطوتين هل هذا الفرق عادي و لا المشكلة بسبب عدم شرب الحليب

لا هذي فروق فردية مالها علاقة بالحليب​

سؤال أخير : شو رايك بالزبادي ياللي على فواكه و شوكولاه مثل المراعي للاطفال هل عادي لو أعطيها وحدة منه يوميا و لا بيأثر على السكر لأن زوجي خوفني قالي غلط هالاشيا ممكن تجيب سكر للاطفال ( اللهم احفظنا من المرض يارب ) هل هالكلام صحيح

هالكلام غير صحيح بتاتا سكر الأطفال ماله علاقة بالأكل
عطيها الروب بالفواكه ما يضر​

و بعدين دكتورة عادي لو اعطيت بنتي شوربة كنور العدس او لأ ؟؟؟

ماله داعي كنور سويلها شوربة عدس بالبيت احسن علشان الملح و البهار كثير بالشوربات الجاهزة​

سامحيني طولت عليكي بس والله بنتي افقدتني عقلي و الله نفسي أشوفها بتشرب حليب متل الأطفال بس الحمد لله و الشكر لله

الحمدلله انها بصحة و عافية​

مشكورة دكتورة و جزاكي الله ألف خير و جعله في موازين حسناتك

حياج الله غاليتي​

 

[د. رشــا الصفــي]

مشكورين على هالموضوع لاني اول مره ادش في هالقسم واشكر كل الشكر للدكتوره على موجهودها معانا
حبيتي عندي كذا سؤال
عندي ولد عمره 11 شهر له كم شهر وهو يعاني من الامساك كنت استخدم له سميلاك وتوني غيرت الحليب الى غين رقم 2

نفس الشي اثنينهم سيميلاك​

وماكو فايده اذا ماعطيته الجلوكوزعلى الريج مع عصي البرتقال يخرج بس يكون امساك حيل وانتي بكرامه

كثريله فواكه و عصاير ​

وعندي ولدي عمره 6 سنوات ونص ماياكل عيش ابد يحب الدجاج حيل وبشكل مو طبيعي ياكل الخبز والصمون بس العيش لايمكن

العيش و الخبز و الصمون نفس الشي هو معوض عدم تقبله للعيش بأكل الخبز و الصمون​

صراحه لي فتره اكتشفت فيه ريحه من الابط ريحه كريه مش ريحه الاطفال العاديه اللي بعد اللعب لا ريحه نسميها عندنا الصنه
اتمنى تفهمين قصدي لان راجعت دكتولر وقال هذا كله من اكل الدجاج والهرمونات

ممكن صح و ممكن ساعات مع تغيير الأكل و البهارات بالأكل تسوي هالريحة باللأطفال​

اتمنى تنصحيني بشي غير السباحه انا يوميا اسبحه
قالو لي استخدمي ديودرن خالي من الكحول ويتكون من المواد الطبيعيه انا متردده بس اتمنى اعرف ردج
واشكر لج رحابه صدرج

ما انصح بالديودرنت تو الناس

كافي عليه سباحة و ملابس نظيفة و بس​

قوه دكتوره يعطيج العافيه
دكتور أكتبلج وانا أبجي تعبت من ولدي عمره خمس أشهر مايرضع الا رقم اورقمين
يتم خمس ست ساعات بدون رضاعه لارضع رقم اورقمين حليبه سميلاك

جم وزنه وقت الولادة و جم وزنه الحين ؟​

سمعت عن عسل العويد خاص للأطفال جبته يفتح الشهيه عطيته اليوم الصبح شرايج ؟

العسل ممنوع لي بعد السنة حتى الخاص بالأطفال​

شسوي مع هالولد ذبحني اللي يشوفه عبالهم توني والدته ماكو صحه كلش ذبحني
والله اكتبلج وانا منقهره اول طفل لي
أبلش أوكله والا شنو بضبط ارجوج تردين علي بسرع وقت اعطيه العسل

مشكوره على الرد مقدما
فديتج

لا تعطينه العسل و لا توكلينه الا لما يكمل 6 شهور

الرضاعة اذا مو متقبل السيميلاك غيريله اياه

عطيه اي نوع ثاني

بس اول عطيني وزنه

نسيتج أقولج اعطيه هملايا شرايج فيه؟

ممتاز

السلام عليكم

دكتوره عندي سؤالين ماعليج امر

ولدي عايش على الله وعلى الملين دوفولاك الحين عمره سنتين وقبل جم يوم استعملت فيتامينات وردله الامساك وطلع بفتحة الشرج نتوء

من الامساك وعشنا ثلاث ايام الله لايوريهم لحد من المعاناة والسهر بس قطعت الفيتامينات الحين الحمدلله صار احسن

بس يوم رحت للمستوصف عطاني ملين اسمه كولاكس قالي هذا نفس الدوفولاك بس انا للحين مابلشت فيه ناطره دوفولاك يخلص

بس هم خايفه مابي اجازف ونرد لايام المعاناة يعني الكولاكس نفس الدوفولاك ؟؟ يعني ولدي ماراح ياثر فيه هالتغيير ؟؟؟

وثاني سؤال :

حليب النكهات وخاصه الكاكاو نفس الحليب الابيض ؟؟ والا فيه مضره ؟؟

يعني ولدي مايشرب الابيض اكثر شي الكاكاو


ومشكوره ماقصرتي

اثنينهم نفس الشي و ما راح يأثر التغيير

لا ما يضر الكاكاو نفس الحليب الأبيض بس الأبيض سادة و الثاني بالكاكاو

على فكرة كثر الحليب يزيد الامساك

مشكووورة دكتورة وما تقصرين

عندي بس استفسار...واااايد أمهات ما يحبون السيميلاك ويفضلون الأنواع الثانية...شالفرق بين السيميلاك وغيره من أنواع الحليب؟

مشكووووورة

ماكو فرق عزيزتي ولا شي

كل ما في الموضوع تفضيلات شخصية

المكونات وحدة على مستوى العالم في كل انواع الحليب

و هذي مكونات اجبارية يجبرون عليها الشركات انها توفرها بحليبها

الفرق الوحيد هو الطعم

سيميلاك ميزته عن باقي الأنواع انه طعمه و ريحته حلوين غير عن الباقي​

 

[ام ناصر 2009]

مشكوره دكتوره على الرد
وزنه أول ماولدته 3440
والحين وزنه سبعه وربع انا اللي ذابحني مايرضع يمكن مره مرتين شلون يزيد وزنه
وديته لدكتةر محمد سعيدشافه قالي صحتهه ممتازه
بس يعاني من أرتخاء بالحنجره مايروح الا بعد السنه
بغيت أسألج دكتوره من شنو يجي أرتخاء الحنجره؟ لن الدكتور يقولي كان أكلج وحش على قولته
أيام حملي بس والله أكلي كان زين
قتله مايرضع قالي أكليه فواكه ميلوبا اي شي مال اربع شهور
عطيته امس تفاحه مع موز فوحت التفاح حطيته بالخلا ط ماشاء الله أكل
بس البرتقال مايحبه ليش ماوكله في خطوره عليه
بس كله يصيح من بطنه هل ممكن سبب السميلاك أن مسبب له غازات بس أعطيه
ماي غريب خمس ملي يهدأ وينام يصير الهملايا وماي غريب مع بعض أعطيه يعني نفس اليوم بس ساعات بينهم
بس يقولين السميلاك ممتاز فيه ففيتيامنات وايد
يعني اذا مارضع يكون مو متقبله
الحين عمره خمس شهور أيام يخلص الخامس 51الشهر شلون يصير أغيرله الحليب يصير
الا انطر يخلص السادس
شنو أحسن حليب ترشحيلي أمانه دكتوره أحسن حليب شنو؟
دكتوره الدكتور قلي نومي ولدج على بطنه بس غريت يسبب الموت الفجائي اسم الله على وليدي
يقول عشان الحنجره راح يرتاح بالهوضعيه؟
طولت عليج مشكوره يالغاليه

 

[new mother 2008]

حياج الله غاليتي​

مشكورة دكتورة على ردك و الله يسعدك يارب

برايك من الأحسن نيدو 1 او سيميلاك غين بلص 3 ؟؟؟

يعني لو انتي راح تختاري اي واحد تاخذي و لماذا ؟؟؟؟؟؟؟

الله يوفقك و آسفة على الإطالة

 

[الفنر]

السلام عليكم
يعطيج العافية دكتوره
ولدي عمره سنة ونص
اللهم بارك
مايقعد على الارض 5 دقايق
من يقعد من النوم الى الليل

متعبني حيل حركته زايده

بس يخرب في البيت

ابي اعرف شنو طريقة التعامل الصحيحة معاه
طبعا هو البجر وماعندي غيره وانا معاه اغلب الوقت في البيت
ولما نطلع تشوفينه بس يركض لدرجة اني اضطر اقعده في العربانة او اشيله
طبعا مايرضى يقعد في الحباسة ولا5دقايق
واذا جبرته وقعدته يحط ايده بحلجه ويرجع غصب
ولما العبه يحب اللعب بس يمل بسرعة


وجزاج الله خير

 

[pe-engineer]

دكتورة

آنا ولدي عمره اسم الله عليه الحين سنة, بس وااايد يصير عنده التهاب اما بالأذن أو الحلق. يعني ما يمر شهر أو شهرين الا ترتفع حرارته لي 39.7 ويطلع التهاب, شنو الأسباب؟ وشلون أقدر أحصنه؟ وهل الالتهاب يمكن يأثر على السمع؟ يعني اذا خلص كورس المضاد الحيوي لازم أروح أشيك على الأذن؟

وشلون أقدر أقوي مناعته؟

مشكورة

 

[ام يارا]

يعطيج العافيه دكتوره ما قصرتي

و اسفه اذا تعبتج بكثر الاسأله جزاج الله خير

 

[عمشه المنتفشه]

يزاج الله خير دكتوره على سعة صدرج

عندي سؤال بعد


انا سالتج عن الكولاكس والدوفالاك وان ولدي طلع فيه نتوء

الحين الامساك مره زين ومره لا بس حتى لما يكون اسهال يبجي حيل ويعوره وادكتور معطيني كريم حقه بس بسالج

الكريم استعمله داخل مع الانبوب ؟؟ والا بس بره اذا فيه نتوء ؟؟

 

[د. رشــا الصفــي]

مشكوره دكتوره على الرد
وزنه أول ماولدته 3440
والحين وزنه سبعه وربع انا اللي ذابحني مايرضع يمكن مره مرتين شلون يزيد وزنه

وزنه طبيعي على عمره المفروض لما يكمل 6 شهور وزنه يكون ضعف وزن الولادة

معناته قاعد شرب اللي يكفيه و يزيد وزنه و يخليه بصحة زينة​

وديته لدكتةر محمد سعيدشافه قالي صحتهه ممتازه
بس يعاني من أرتخاء بالحنجره مايروح الا بعد السنه
بغيت أسألج دكتوره من شنو يجي أرتخاء الحنجره؟

ارتخاء الجنجرة يصير من رخاوة في عضلات الحنجرة و هذي نعتبرها ظاهرة اكثر منها مرض لأنها ما تأثر على صحة الطفل و تصير بشكل كبير جدا بالأطفال المواليد لغاية عمر السنة او اقل شوي

لن الدكتور يقولي كان أكلج وحش على قولته

مادري والله ما سمعت هالمعلومة من قبل !

أيام حملي بس والله أكلي كان زين

قتله مايرضع قالي أكليه فواكه ميلوبا اي شي مال اربع شهور

الأفضل تأجيل الأكل الصلب الى الشهر السادس

عطيته امس تفاحه مع موز فوحت التفاح حطيته بالخلا ط ماشاء الله أكل

بس البرتقال مايحبه ليش ماوكله في خطوره عليه

البرتقال بعد الشهر السادس

بس كله يصيح من بطنه هل ممكن سبب السميلاك أن مسبب له غازات بس أعطيه
ماي غريب خمس ملي يهدأ وينام يصير الهملايا وماي غريب مع بعض أعطيه يعني نفس اليوم بس ساعات بينهم

نعم يصير

بس يقولين السميلاك ممتاز فيه ففيتيامنات وايد

كل الأنواع نفس الشي

يعني اذا مارضع يكون مو متقبله

ممكن اي

الحين عمره خمس شهور أيام يخلص الخامس 51الشهر شلون يصير أغيرله الحليب يصير
الا انطر يخلص السادس

غيري اي نوع رقم 1 عادي مو شرط تنطرين يكمل السادس و لما يكمل السادس عطيه رقم 2

شنو أحسن حليب ترشحيلي أمانه دكتوره أحسن حليب شنو؟

امانة ما كو حليب احسن من الثاني
كلهم نفس المواصفات بالضبط
الفرق بالطعم فقط
و كل طفل و يتقبل نوع مو نفس لثاني ما نقدر نحكم الا لما نجرب و نشوف تقبل الطفل للحليب من ناحية االضاعة او الامساك او الغازات

دكتوره الدكتور قلي نومي ولدج على بطنه بس غريت يسبب الموت الفجائي اسم الله على وليدي

يقول عشان الحنجره راح يرتاح بالهوضعيه؟

ما في مانع بس تكونين قاعدة يمه مو تهدينه و تروحين مكان ولا تروح عليج نومه
اذا نومة الليل و انتي بتنامين لا خليه على ظهره او على جنب بس مو علي بطنه

طولت عليج مشكوره يالغاليه

:sfg:

مشكورة دكتورة على ردك و الله يسعدك يارب

برايك من الأحسن نيدو 1 او سيميلاك غين بلص 3 ؟؟؟

يعني لو انتي راح تختاري اي واحد تاخذي و لماذا ؟؟؟؟؟؟؟

الله يوفقك و آسفة على الإطالة

لو انا اختار اللي تحبه ينتي و تشربه بكميات زينة

السلام عليكم
يعطيج العافية دكتوره
ولدي عمره سنة ونص
اللهم بارك
مايقعد على الارض 5 دقايق
من يقعد من النوم الى الليل

متعبني حيل حركته زايده

بس يخرب في البيت

ابي اعرف شنو طريقة التعامل الصحيحة معاه
طبعا هو البجر وماعندي غيره وانا معاه اغلب الوقت في البيت
ولما نطلع تشوفينه بس يركض لدرجة اني اضطر اقعده في العربانة او اشيله
طبعا مايرضى يقعد في الحباسة ولا5دقايق
واذا جبرته وقعدته يحط ايده بحلجه ويرجع غصب
ولما العبه يحب اللعب بس يمل بسرعة


وجزاج الله خير

حبيبتي يعز على اني ما اجاوب سؤالج
بس الموضوع للاستفسارات الطبية


اعذريني

دكتورة

آنا ولدي عمره اسم الله عليه الحين سنة, بس وااايد يصير عنده التهاب اما بالأذن أو الحلق. يعني ما يمر شهر أو شهرين الا ترتفع حرارته لي 39.7 ويطلع التهاب, شنو الأسباب؟ وشلون أقدر أحصنه؟ وهل الالتهاب يمكن يأثر على السمع؟ يعني اذا خلص كورس المضاد الحيوي لازم أروح أشيك على الأذن؟

وشلون أقدر أقوي مناعته؟

مشكورة

ماكو اسباب معينة

طبيعي انه الطفل خلال السنة الأولى ترتفع حرارته مرة كل شهرين تقريبا
التحصين يكون فيالبداية عن طريق الرضاعة الطبيعية
الاتهاب اذا صار مزمن بالأذن ممكن يأثر على السمع و النطق بعد
مو لازم تفحصين اذنه بعد الاتهاب مباشرة
ممكن بعد اسبوعين او ثلاثة من المضاد تجيكين افضل
و التهاب الأذن اقل شي المضاد 10 ايام مو 5 ولا 7 علشان ما يرد الاتهاب
ماكو شي معين تقوين فيه المناعة
حتى الادوية التجارية المتوفرة بالصيدليات ما تنفع بشكل فعال
خليه جسمه يقاوم عادي ما فيها شي لما يمرض الياهل اذا السبب معروف و العلاج بسيط

يعطيج العافيه دكتوره ما قصرتي

و اسفه اذا تعبتج بكثر الاسأله جزاج الله خير

ماكو تعب ولا شي

يزاج الله خير دكتوره على سعة صدرج

عندي سؤال بعد


انا سالتج عن الكولاكس والدوفالاك وان ولدي طلع فيه نتوء

الحين الامساك مره زين ومره لا بس حتى لما يكون اسهال يبجي حيل ويعوره وادكتور معطيني كريم حقه بس بسالج

الكريم استعمله داخل مع الانبوب ؟؟ والا بس بره اذا فيه نتوء ؟؟

الكريم تحطين منه داخل بس شوي مو تدخلين الانبوب وايد لا مجرد نص سانتي او سانتي بالكثير و تحطين الكريم و تكملين برة بعد

​

 

[اندومي بالكاكاك]

السلام عليكم ورحمة الله وبركاته
من زمان متابعه بس توني مسجله بالمنتدى :eh_s(6):

دكتوره ابني عمره 9 و شهور ونص رخو مو كثير بس يقعد وشوي منحني ظهره رحت لدكتور صرفلي بيكال دي2ونص مل قالي استمري عليه شهر لي تقريبا سبوعين ماحس في تحسن .
هل ممكن ازيد كميه الفيتامين ؟
وسمعت عن السمسم والفول السوداني مفيد للعظم هل ممكن اعطيه ؟​

 

[new mother 2008]

المشاركة الأصلية كتبت بواسطة new mother 2008
مشكورة دكتورة على ردك و الله يسعدك يارب

برايك من الأحسن نيدو 1 او سيميلاك غين بلص 3 ؟؟؟

يعني لو انتي راح تختاري اي واحد تاخذي و لماذا ؟؟؟؟؟؟؟

الله يوفقك و آسفة على الإطالة

لو انا اختار اللي تحبه ينتي و تشربه بكميات زينة

دكتورة انت عارفة انو بنتي ما بتشرب الحليب ابدا و انا ناوية أجرب معها مرة أخيرة يمكن تحبه و تشربه سبحان الله و لهيك سألتك أي نوع تختارين ايهم الأفضل النيدو 1 بالعسل و لا سيميلاك 3 و عموما مشكورة كتير دكتورة و آسفة على الإزعاج و الله يعطيكي العافية

 

[miss_art]

السلام دكتورة شلونج .... انا راح انطر الجمعة على نار ...
بنتي عمرها 10 شهور دكتورة كلللش ماتاكل ولا شي... وايد احاتيها شهيتها بالاكل كلش مافي الاكل اللي اسويلها ياه كله ينقط ويخترب لانها ماتاكل...
عفية دكتورة عطيني الحل اذا عندج
ومشكورة ويعطيج الف عافية

 

[q8yah]

السلام عليكم يعطيج العافيه دكتوره... ولدي عمره سنتين و3 شهور ووزنه 12 وشي وشهيته للأكل حييييل ضعيفة أعطيه مكمل غذائي الي اهما فيتامينات الصيدليه بس خايفة عليه احسه ماياكل الا شي بسيط وليلحين يشرب حليب ميلوبا 3 قبل النوم بس.... بس ماكو الغدى شي بسيط والريوق اقل بعد هم الععشا يعني التوسته الوحده مايكملها تخيلي عمره ماكمل الاكل كله يقرم شوي ويقطه احس شهيته مو زود شالحل وياه؟واذا انحط الغدى ياكل السلطة وبس لا لحوم لا نشويات بس سلطة
ساعات يطلب مني الاندومي واذا سويته بس يشرب الماي مال الاندومي !!!!! والله مظيق خلقي
ووايد وبسرعه يمرض احس مناعته ضعيفة من قلة الأكل ماحس فيه صحه ولدي مع انه اسم الله عليه واااااايد حركي

 

[Yarayoyo]

دكتورة لو تكرمتى وين اقدر احصل تطعيم الروتا فى الكويت ---- وهل هو ضرورى للرضع وما فائدتة ..... ومتى يتم اخذة بالضبط؟؟؟ بنتى عمرها شهرين و15 يوم يصير اعطيها الحين ووين اقدر اعطيها.


مشكورة على ذوقك الرفيع ومبارك عليكم الشهر

 

[RaQawY]

سلام عليكم دكتورة رشا ..انا عندي بنتي عمرها سنة ونص بس اهي متاخرة في كلش شي بدت تقعد يوم عمرها 11 شهر ويوم صار عمرها سنة و4 اشهر تقريبا بدت تحبي وللحين اهي ماتمشي .. ومن صغرها لما كان اي احد يشيلها كانوا يقولون لي بنتج وايد رخوة .. شنو يكون السبب حق كل هذا مع العلم انه بنتي سننت مبجر وطلعت كل اسنانها كاملة يوم كان عمرها سنة و3 اشهر ..