راواية فانيلا - لوليد الجاسم..

[.]

رونه

اي والله صدقتي

تسلمين حبيبتي ع الدعوه الحلوه

الله يخليلج امج وابوج ويطول باعمارهم انشاءالله

الله يسلمج يارب..

اجمعين يارب وياخليج اهلج يارب..

جزاج الله خير..

الحين اشتريها ولا ما تنصحون ؟

بامبي انتي اذا حابه تقرينها تصفحيها قبل احنا عطيناج فكره اوليه باجي انتي بس تجيكين ع الاسلوب وقو اهد خيتو..

حياج الله..

 

[نيــلــوفــر]

مشكورة حياااتي رووونة

 

[.]

العفو ولو نيلوفر..

حياج الله خيتو..

 

[رشيقه]

القصه توضح
ان كلنا بشرنا و عندنا رغبات باختلاف جنسياتنا
لان القصه بدت بضرب بو معارك للسايق الهندي لان زوجته حملت
وشلون زوجة المعزب حامل و زوجة السايق حامل

و الخاتمه الي صدمتني فعلا في هيا ام معارك
وهروب منيره و زواج معارك الفاشل
تدل على ان كلنا عندنا رغبات ما تقلل من انسانيتنا الا اذا اشبعناها بطريقة خطأ بسبب القيود التي فرضها علينا المجتمع و الي مالها اساس شرعي او ديني

انا اشوف انها قصه مسليه ما عدا اسلوب وصفه لمنيره الي الصراحه استحيت و انا اقراه ​

 

[.]

هلا رشيقه..

انا عجبتني القصه بس ماحبيت بعض المقاطع اللي فصلها بشكل خايس ومالها داعي اساسا ..

وحياج الله خيتو..

 

[غلا منار]

الصراحه الروايه انا قريتها بس وايد فيها ايحاءات جنسية ومشوه صورة المرأه الكويتية ابى السبب ليش ؟؟؟؟؟ شنو يبى زيادة مبيعات ؟؟؟؟؟؟

 

[.]

هلا اختي..

سالفة تشويه الصوره ذكرتها من قبل ..

هالشي عمره مايكون مقياس لنا و الحريم ماكان كلهم كويتين جنه مرت معارك لا..

والعاده يكن هالتوجه اهو الايحات لزيادة المبيعات بس اهو مادري شنو هدفه..

حياج الله خيتو..

 

[miss alreem]

مشكووووووورة اختي على الطرح المميز والراقي

بس انتو حيل وقفتو على السلبيات

 

[.]

هلا ميس الريم..

العفو ولو..

انا تكلمت عن الاثنين صوح خخ..

حياج الله..

 

[Little_Queen]

مشكووووووورة رونة على عرض الكتاب الجميل هذا صحافية صحافية .. والله حسافة ما تشتغلين بالمجال يا رونه !

----------------

أيا يكن ..

برأيي المتواضع انه ماكو كتاب " مو مفيد " ، أو كتاب " لا يستحق القراءة " ، حتى اتفه و أسخف الكتب

الي يمكن كتاب .. يكون كتاب نكت !

مردج بتستفيدين منه حتى لو معلومة

كلمة يديدة

جمله حلوة

بتلاقين فيه اي شي صغير زين ...

فأنا بالنسبة لي ماكو كتاب لا يستحق أن يــُـشترى و يــُــقرأ ..
رواية فانيلا

قريتها اول أو ثاني يوم نزلت فيه

ليلحين محد كان يعرفها

توها مطبوعه
و توهم مسلمين أ.وليد الجاسم الكراتين

و حطلنا نسخ بمكتب رئيس القسم الثقافي

عاد انا لقافه طبعا داشه المكتب .. ألله كتاب يدييييييييييد

جان اخذه و اقعد اقراه

بصراحة .. انا حبيت الرواية !

لا اشوف فيها تشويه حق صورة أحد ولا شي ...

ما قال كل الكويتيين جذي
و بعدين فعلا عندنا فئه من الناس جذي ما اختلقهم غصب الريال

و قصة أولا و أخيرا خياليه
مو لازم معناته انه كتب جذي انه صار جذي فعلا

و بالنسبة حق الوصف الجنسي

شوفو اهو الجنس كان له دور و غرض في الرواية
و غرض أساسي ...

مثل ما قالت وحده من البنات

الرواية تبي تبين انه للكل رغبات !!!

يمكن صحيح كان ممكن الاستيعاض عن الوصف الجنسي الصريح بإيحاءات ..

لكن هالشي يرجع لذوق الكاتب نفسه .. يمكن ما قدر يحس انه عبر بشكل كافي عبر الايحاءات

لا تفهمون كلامي على انه قاعده اتهم الكاتب بشي !!

انا جدا عادي عندي اقرا كتب فيها هالشغلات و أتغاضى او بالاحرى ما أركز فيها . يعني حالها حال اي شي ثاني بالرواية

يمكن كوني اكتب و كوني اكون مضطرة أحيانا اقرا رواية مو عشان اقراها فقط لا غير .. بس اكون مضطرة أشتغل عليها من خلال عملي كصحافية ..
فعيني او ذائقتي خذت على اني اشوف الجوانب الفنية و الفلسفية في النص .. مو الشكل و التقديم النهائي ، و لو ان التقديم النهائي جزء مهم من نجاح او فشل الرواية


فمادري انا عن نفسي شفت الرواية حلوة . تطرح فكرة حلوة عن النفس البشرية . التناقض الي داخل كل انسان ..

و مادري .. كيفكم

" اهم شي عقب كل هالحجي أقول مادري كيفكم !!!! "
و ثانقيووو رونه أقاييين


كوم أقاااين مااام .. ثانقيووو فور كولين ماقدونالدز !

 

[.]

هلا لتول..

اشتغلت بالصحافه ايام الميداني وكنت ناويه اكمل بس مالي خلق اكتفي بهذا القدر واكو جريده تستهويني

اهو اذا مو الحين اشتغلت صعبه بالمستقبل ..

انا منيشنه ع القبس لانه جريدة مثقفين

وبس..

معاج بان اغلب الكتب المفيده بس بعضهم للاسف سطحي وهم كتاب النكت مفيد لانه يوصل للهدف اللي نشر عشان واهو الترفيه والفرفشه..

امم اغلب رايج مايدته

ومثل ماقلت قبل ..

وتنحت ع اخر جمله وبالعافيه الميل مام خخخ..

شكنت بقول اي ع البركه الاشراف..

ومرسي ع المرور..

 

[al.nada]

الروايه حلوه وتشد
بس تتكلم عن واقع المجتمع وحدها جريئه

 

[][ الميـــــــار ][]

قصة الرواية تشبه مسلسل اللي مثلت فيه ميساء المغربي جنه اسمه اسوار شلون حبت سايقهم الهندي وكانت تطلع معاه بس انا ما تا بعته عدل كنت مستغرية شلون بنت عايلة تحب سايق ! بس عقبها قريت صمت الفراشات نفس الطقة واستوعبت ليش
فشكل فانيلا نفس الشي هم هاذي بحطها باللستة و اشتريها

مشكورة رونه =)

 

[WHO CARES!]

مادري ليش مو متشجعه اقراها
بس يلا خلنقرى شورانا العطله طويله
ثنكييووو

 

[.]

هلا بنات..

حياكم الله..

الميار شوقتيني ع صمت الفراشات..

 

[صراع اللحظات]

السلام عليكم و رحمة الله و بركاته

انا قريتها و ما شريتها الا بسبب كثرة اعلاناتها في جريدة الوطن و جذي
و يوم شفتها و ما تسوى بدينار و نص قلت اشتريها اشوف
بس لوعت جبدي ما احب هالسوالف يع !

ما احب هالاسلوب
يعني صج في انواع تشوف عمرها جذي و ان هم الي مافي مثلهم
بس نهايتها ام معارك اي شي صح !

 

[EviL^^GirL]

على الدعايه الي مسوينها حقها
والهوليله

لما قريتها حسيتها حيل سخيفه
ولما تشوفين الاعلان عنها بالجريده
توقعتها صج روايه
بس اهي مادري تقع مابين القصه القصيره والروايه

واسلوبه مو روائي كلش
ومادري شلون بس بطت جبدي الروايه
والحين اي واحد يبي روايته تنتشر يحط فيها شي جنسي
حسيته كان يسعى للمنع عشان تنشهر اكثر بس محد عطاه ويه ومنعها
وشكرن

 

[عاشقة الكاكاو]

الروااية واايد حلوة مع ان شكلها من بره ما يشجع

بس لأني احب القرااءة قريتها وشدتني من اول صفحه

وفعلا قصتهاا واايد موجوده في مجتمعنا مع الاسف

 

[.]

السلام عليكم و رحمة الله و بركاته

انا قريتها و ما شريتها الا بسبب كثرة اعلاناتها في جريدة الوطن و جذي
و يوم شفتها و ما تسوى بدينار و نص قلت اشتريها اشوف
بس لوعت جبدي ما احب هالسوالف يع !

ما احب هالاسلوب
يعني صج في انواع تشوف عمرها جذي و ان هم الي مافي مثلهم
بس نهايتها ام معارك اي شي صح !

هلا والله وعليكم السلام والرحمه..

اي اهو اسلوب زين بس خارها وايد الله يهداها وماله داعي ذكر هالسوالف الاشاره غير المباشره تفي بالغرض عنه..

اي قطع تحسين اسلوب رخيص استغفرالله..

حدها اي شي كان ممكن تكون نهاية 2 واتعس وتخليها تتعدل بس ماكو اهو بال يخرب القصه ..

مشكوره ..

على الدعايه الي مسوينها حقها
والهوليله

لما قريتها حسيتها حيل سخيفه
ولما تشوفين الاعلان عنها بالجريده
توقعتها صج روايه
بس اهي مادري تقع مابين القصه القصيره والروايه

واسلوبه مو روائي كلش
ومادري شلون بس بطت جبدي الروايه
والحين اي واحد يبي روايته تنتشر يحط فيها شي جنسي
حسيته كان يسعى للمنع عشان تنشهر اكثر بس محد عطاه ويه ومنعها
وشكرن

خخ كل الناس شوفوا دعايتها الا انا ع عمي خذيتها لقيتها عند الكاشير وقريت اللي ورا وعجبني اسمها خذيتها ..

اي اهي مو طويل وترا ميزه بالنسبه لي ماحب تمغيط الاحداث ومو كلنا عندنا وقت نقرا وساعات الروايات تصير 300 صفحة واي اقراها اكثر من يوم امل ..

اهو اسلوبه زين بس خارها الله يهداه ..

اي صار عامل رخيص مع انه اغلب المشاركات بالموضوع رافضين هالشي انا احس اسلوب رخيص للنشر والشهره وصراحه مو خوش شي ..

خخ امبيه اني صائمه ترا قريت روايه وماكملتها العن منها والكاتب مو كويتي المفروض يراقبون الوارد لنا اكثر من المحلي مع انه المحلي اخترب للاسف ..

والمنع يرفع سعر القصه ويشهرها ببلاش بدون دعايه

عفوا حياج الله..

الروااية واايد حلوة مع ان شكلها من بره ما يشجع

بس لأني احب القرااءة قريتها وشدتني من اول صفحه

وفعلا قصتهاا واايد موجوده في مجتمعنا مع الاسف

هلا عاشقه..

اهي اخراجها بسيط ..

صح انا اهم ماقدرت اهدها الا حزت المقاطع الخايسه اغشي قويه خخخ ..

اي شوفت النفس والتكبر ع غير سنع وارد وبشده للاسف..

مشكوره..

حياكم الله بنات..

ومبارك عليكم الشهر..