بمناسبة رمضان الكريم

[كويتية كشخة]

السلام عليكم
رمضان كريم و ينعاد كليكم كل سنة يارب
بمناسبة رمضان المبارك راح اسوي لعيونكم ملف متجدد مليء بالاطباق
الرمضانية الأطباق منقووووله واي وحدة تبي طريقة طبق تقولي وانا حاضرة من عيوني الثنتين​

الجبنية
المقادير

قلاصين طحين ابيض
قلاص جين (يا كرافت يا بوك)
قفشة جاي خميرة فورية
ربع قلاص ماي
زيت للقلي
شيرة
فستق مطحون للتزين
........................................................................
الطريقة
نخلط الخميرة مع الطحين و يعجن بالجبن بعدين نحط الماي
نعجنها لما تصير طرية و بعدين نغطيها و نخليها لمدة ساعة

بعدين نفردها لمه تصير رقيقة و نقطعها بقطاعة البسكوت

بعدين نجهز الزيت ونسخنه وبعدين نحط حبات الجبنية

اول ما تحطينها راح تشوفين انها انتفخت

نحمرها من الصوب الثاني

بعدين نحطها بصحن و نصب عليها شيرة و نزينها بالفستق

وبس هنا و عافية على قلوبكم

لي عودة مع طبق يديد

 

[Snow angel]

يسلموووووو حياتي على الجبنيه العجيبه

 

[جرح الليالي]

تسلم ايدج


ولاااااااااااااااااااااا يوقف

 

[مساء مونترو]

يعطيج العافية..
روعة

 

[جارة القمر]

مشكووووره

 

[كويتية كشخة]

السلام عليكم

عدنا و العود احمد


القطايف
المقادير :
قلاص طحين ابيض
3 قلاصات ماي
بيضة
قفشة خميرة
ربع قفشة جاي شكر

الطريقة:
تذوبين الخميرة ويا الشكر بنص قلاص ماي دافي وتخلينها لما تختمر
تحطين الطحين بصحن وتسوين حفرة بالوسط وبعدين تصبين الماي والخميرة بوسط الحفرة
و تحركينها لمه تصير عجينة شبه سائلة
وتخلينها لمدة ساعة لمن تختمر
تسخنين المقلا و تدهنينها بشوية زيت
تاخذين قفشة طبخ من العجينة وتصبينها بالمقلا و تفردينها شوي وتخلينها على نار خفيفة
راح تشوفين انه قام يصر فيها ثقوب هذا شي عادي ومعناته انها استويت و تشيلينها و تحطين غيرها و جذي لمه تخلص كل الكمية
بعدين تقدرين تخشينها بموز او لوز او قشطة و تقلينها بالزيت و تصبين عليها الشيرة
وبعدين تصف للتقديم

وبالهنا على قلوبكم

 

[al-hlwa]

ميرسي

 

[كويتية كشخة]

عفوا حبيبتي >>>>ماتدري شيقولون
لوول

 

[كويتية كشخة]

السلام عليكم ورحمة الله وبركاته

:68_asmilies-com:
السمبوسة:


المقادير:
قلاصين وربع طحين
قفشتين كبار سمنة
نص كوب ماي او 3 ارباع على حسب استيعاب العجينة
ربع قفشة صغيرة كمون
نص قفشة صغيرة ملح


مقادير الحشوة :
3 حبات بطاط مسلوق
قفشة صغيرة كركم
كزبرة
بصلتين مقطعين مربعات
4 حبات فلفل اخضر حار مقطع
ربع كوب من اوراق الكاري المقطعة
نص قفشة صغيرة مسحوق الكاري
نص قفشة صغيرة زنجبيل طازج
مكعب مرقة الدياي


طريقة العجينة :
تحطين كل شي ويا بعض ولازم ما تزيدين ماي الا اذا احتاجت العجينة
لازم تكون العجينة قاسية شوي
عقب ما تعجنينها تخلينها ثلث ساعة عشان ترتاح
ترقين العجينة على سطح مستوي على شكل دائرة كبيرة
بعدين تبدين تقطعين الدائرة لدوائرة صغيرة بقلاص
تاخذين كل دائرة و تحشينها بالحشوة وبعدين تصكرينها من الاطراف مع الضغط للداخل
بعدين تقلينهم بزيت حار و تحطينه بالفريزر عشان الاستعمال بعدين


طريقة الحشوة :
نسلق البطاط بماي مغلي ليما تستوي بعدين تقشرينها و نقطعها مكعبات
نحط شوي زين بمقلا وتحطين البصلة وكل المقادير مع البهارات و نقلبها عدل على النار لمدة 5 دقايق
بعدين نحط البطاط وياهم ونخليهم كلهم على نار هادية
نضيف 4 قفاش ماي وخليه ليما يبرد و بعدين نحشي العجينة

وعليكم بالعافية

 

[l!ke A roSe]

مشكوووووووووورة

ابي اذا عندج طريقة لقيمات الكيري ؟؟


ويعطيج العافية

 

[||الجـــواهـــــر||]

تسلم ايييييييدج ماشالله الجبنيه تشوووووووووووووق

 

[كويتية كشخة]

مشكوووووووووورة

ابي اذا عندج طريقة لقيمات الكيري ؟؟


ويعطيج العافية

الله يعافيج حبيبتي والحين راح احط لج الطريقة

 

[كويتية كشخة]

تسلم ايييييييدج ماشالله الجبنيه تشوووووووووووووق

الله يسلمج حبيبتي
تبين اسويلج واطرش لج ويا السايق

تسلمين حبيبتي

 

[F.A]

تسلم ايدج حبيبتى

 

[كويتية كشخة]

السلام عليكم

يينا ويبنا لكم طريقة اللقيمات الكيري


اللقيمات الكيري
المقادير:
قشطة
قفشة صغيرة خميرة
رشة ملح
قلاص و نص طحين
12 حبة جبن كيري


الطريقة:
خلطي القشطة ويا الخميرة والملح
بعدين حطي الطحين بالتدريج ليما تصير عجينة متجانسة بعدين غطيها و خليها ترتاح لمدة 10 دقايق
كوري العجينة كرات صغار و حشيها بالكيري بعدين اقليها بزيت حار و غزير ليما تتحمر
وتقدرين تزينينها بشيرة و فستق

و عليكم بألف مليون عافية

 

[كويتية كشخة]

الله يسلمج
قلبي

 

[فازلين]

تسلمييين ياقلبي ماقصرتي والجبنه رووعه رووعه

 

[كويتية كشخة]

تسلمين حبيبتي

 

[مرايــــــــم]

انـــــــا اسويهــــــا نفــس الطريقــــــه بـس
بــــــدال الخميــــــره احـط بكينــــــج بـــودر

 

[كويتية كشخة]

اها
لا انا احط خميرة