مستجدات ومستمرات الجامعه العربية المفتوحة **) تعالوا نتناقش وندردش ونستانس (**

[بنت الجامعة]

تلاقين الخطط الدراسية برابط بتوقيعي

وموفقة غاليتي

 

[ماكينتـ*زينة*ـوشة]

مبـــــــــــروك

طلعت نتايج

الصيفــــــــــــــــي ..

 

[ليانة]

بنات من عنده خبر عن الأعانه ؟

 

[زبــــــــدة]

ليانه

انا بعد ناطرتها...

 

[pinki.style]

تبون تضحكون؟؟؟
انا مانجحت باختبار الانجليزي عطوني مقرر98
عاد انا شاطره بالانجليزي وحليت عدل بس مادري ليش جذي !!! حدي انصدمت ..

وبعدين اشدعوه 376 دينار وانا ماخذه 3 مواد بس .... وحده جنه 50 دينار والثانيه 60 دينار والثالثه انجليزي89 مادري جم...
انا ماتوقعت جذي

متى اخر موعد لدفع الرسوم ؟ اخر هالشهر صح بنات؟

 

[طموحي يعانق سماي]

يامامي كان امتحان الانجليزي صعب موت والخط صغير والله راسي صكني بالامتحان كلمات جديده علي اول مره اشوفها كنت مركزه على القواعد لما درست بس تفاجأت بالكلمات خذيت انجليزي 98 مو شي ادري والمشكله ان تخصصي ادب انجليزي حابه هالتخصص بس الامتحان صدمني........ وبعدين ليش المبلغ 376 شدعوه كنت حاسبتها اول ماتتعدى ال200

 

[pinki.style]

يصير اعيد الاختبار بنات؟؟
انا امتحنت القدرات يوم الاربعا ... يصير اعيده؟

 

[pinki.style]

طموحي يعانق سماي
سبحان الله انتي نفسي بالظبط !!
مادري ليش هالزيادات .... ومادري ليش نتيجة الاختبار جذي مع اني زينه بالانجليزي !!!

 

[بورشه]

لامايصير تعيدينه

 

[ماكينتـ*زينة*ـوشة]

مـــــــــوفقين ..

 

[النوفاا]

صباح الخير​

بغيت أسألكم كم سؤال وأتمنى الاقي الرد
أنا عندي دبلوووم تجاري ادارة مواد بغيت اسأل اذا يعادلوون لي مواد ؟؟وشنو التخصص الي ممكن يقبلوني فيه ؟!والدراسه صعبه ؟؟

وأهم سؤال في مواد فيها أرقام وحسابات؟؟ لأن أنا ماأمشي بهالسوالف وهذ أهم سؤال
وشكرا حبيابي كثرة عليكم بالاسئله :eh_s(6):

لا أطنشووني بليز​

 

[فرفورره]

قوه بنات شلونكم

انا توني متخرجه من التجاري تخصص ادارة وحابه اكمل علي تخصصي بالجامعه ادارة اعمال وبغيت اعرف شلون طريقه الدراسة بالانجليزي ولا العربي وصعبه ولا لاء لاني وايد خايفه حاسه انها صعبه وانا ماحب الانجليزي ويعادلولي مواد ولا لاء يعني مواد تخصص او مواد الانجليزي

بغيت اعرف التربيه للحين مسكره ولا لاء وشنو تخصصاتها

وانا انشاء الله بقدم علي الديوان وناويه اتوظف وادرس العصر عادي ولافي تعب

وشكرا بلييييييييييييييييز جاوبوني لا تطنشوني

 

[ماكينتـ*زينة*ـوشة]

اهلين

تقريبا انتوا نفس السؤال بسوي مكس بالجواب

تجاري انسب شي ادارة اعمال فيها افرع اختاري اللي يناسب وبالنسبة للمعادلة يعادلون بس المواد الاختيارية

الدراسة نفسها باي جامعة يعني صعبة وسهلة
بالنسبة لسوالف المحاسبة مادري لانه مو تخصصي والدراسة بالانجليزي بس ان شاء الله مو صعب

والتربية للحين ما بطلوها

موفقين

 

[miss shmo0o5]

البنات الكفتريا مشتركه اللي اعرفه انهم افصلوها

 

[ماكينتـ*زينة*ـوشة]

مشتركة بس مفصولة ببارتشن البنات داخل الشباب براا

 

[لعب وجد]

حبيبتي

لو ماخذه انجليزي وعربي ووحده ماده اجبارية واللي اهي التعلم الذاني جي ار 101

تقدرين تغيرينهم دخلي الموقع لو مبطلع غيري او نطري للسحب والاضافة وغيريهم

بس حرام تتعبن نفسج من اولها وتاخذين المواد الاختيارية

وموفقة يارب

واي سؤال لاتترددين

:0bee2e8d89:بنات انا الحين دفعت وعطوني الكتب انجليزي 4 كتب تخيلوووو ثنين كاتبين عليهم رقم 1 وثنين كاتبين عليهم رقم 2 بس بطلته سهل جنه مال اولى ابتدائي كلا هلووو وقود ايفننق وباي وسي يو ليتر لووووول
انزين الحين مابي الحضاره ويا تاريخ الكويت دام يقولون صعب وفوق هذا كلا اختياري مواجباري شلي حادني عليهم الحين اقدر اغيرهم ؟؟؟ ومتى اغيرهم وابدل الكتب ولا شلون بناات واللي يعافيكم قولولي احس اني ضاايعه :krkrkr:

 

[pinkya_dlo3ah]

حبيبتي عادي روحي سحبيهم بوقت السحب والاضافة وحطي من المواد الاجباريه اللي اهما tu170 او تعلم ذاتي

لوول الحين الانجليزي سهل لان تمهيدي بعدين شوي شوي يصير صعب

قلتلج بوقت السحب والاضافة بس مومتأكده من التاريخ متي دشي ع منتديات الجامعه وشوفي

 

[pinkya_dlo3ah]

تبون تضحكون؟؟؟
انا مانجحت باختبار الانجليزي عطوني مقرر98
عاد انا شاطره بالانجليزي وحليت عدل بس مادري ليش جذي !!! حدي انصدمت ..

وبعدين اشدعوه 376 دينار وانا ماخذه 3 مواد بس .... وحده جنه 50 دينار والثانيه 60 دينار والثالثه انجليزي89 مادري جم...
انا ماتوقعت جذي

متى اخر موعد لدفع الرسوم ؟ اخر هالشهر صح بنات؟

اتوقع 100 او اكثر انا على وقتي كانت جنه 100 دينار بس مادري غلوها ولا لأ وحبيبيتي لاتنسين رسومات الجامعه

عشأن جي طلعلج هالمبلغ وبالنسبه لاختبار الانقلش اهما يتعمدون يسووون جذي صعب ومادري شلون عشان تدفعين فلوس

حق هالماده ويستربحون

مادري بش شهر 9

 

[pinkya_dlo3ah]

يصير اعيد الاختبار بنات؟؟
انا امتحنت القدرات يوم الاربعا ... يصير اعيده؟

لأ

 

[ميــآســهـ ..!]

امتحان الانجليزي كان صعب بالنسبه لي ..

كلمات غريبه !! وفووق هذا انا توقعته كله اختياري فخذيت راحتي بالحل ولما وصلت الصفحه الاخيره والي قبلها حليت بسرعه بسرعه

ولو كاان معاي وقت كان حليت احسن من هيك وربي

المهم الحمدلله اخذت 52 وعديت التمهيدي ..

والعربي كان سهل حيل ومايسوى خوفي الي كنت خايفته منه ..

واخذت 4 مواد الاجباريه


سؤالي هو .. اقدر بس ادفع للمواد وباقي الرسوم بعدين .. صراحة صدمه 352 والواحد مو حاسب حسابه ولا حاطين لنا وقت كافي ..؟