اسعارالولاده بالمستشفيات الخاصة(تم تجميع المواضيع المتشابهه)

[أم بدير]

رد: الي يبي يشوف رويال حياة ويعرف عنه

دكتورج من نفس المستشفى ولا من برة؟

مو انا اللي ولدت
مرة اخوي
بس الدكتوره اهي كانت النقطه السوده بالولاده
خخخخخخخخخخخخخخخ
ماخلت الزين يكمل
مرة اخوي كانت مصره على دكتوره مو دكتور
دكتورتها كويتيه اسمها وفاء عبدالعزيز أو أمل عبدالعزيز اعتقد شي جذي
انا عمري ماسمعت عنها
طبعا مو من نفس المستشفى
اصلا لما دقوا عليها قالولها البنيه بتولد يالله شرفي
خلت مرة اخوي ثلاث ساعات ونص على ماشرفت
وعليه اهم كان عندهم خوش دكتور قالولها نخليه يولدج
اهي قالت لا مابي الا دكتورتي
وكل شوي تدق عليهم تقول خل تنام على جنب عشان يخف الطلق على ما اييكم
الظاهر كانت بتكمل نومتها​

 

[ألوي الكويت]

رد: الي يبي يشوف رويال حياة ويعرف عنه

شكرررررا

 

[Fatima]

رد: الي يبي يشوف رويال حياة ويعرف عنه

انا انشاء الله بولد فيه وراح اخذ غرفة الكاميليا انا الحين بالسابع

 

[أم بدير]

رد: الي يبي يشوف رويال حياة ويعرف عنه

الله يسهل عليج وتولدين فيه وولاده طبيعيه انشالله
:eh_s(17):​

 

[فلورا]

رد: الي يبي يشوف رويال حياة ويعرف عنه

تستاهلون والله حيل حيل حلو

وبالعافية علىمن راح تولد فية

لوول

 

[cat women]

رد: الي يبي يشوف رويال حياة ويعرف عنه

حدها اتينن المستشفى بس احس مايسوى

 

[رومية]

رد: الي يبي يشوف رويال حياة ويعرف عنه

والله المستشفى حلو وايد وخدمته احلى....وبعدين الاسعار هم مو هينه بالهادي والسلام والمواساة..كلهم...رحت اشوف السلام احلى غرفة اللي صج مرتبه اطلعت 1200....اروح اولد برويال حياة احسن لي..على الاقل هدوء وريحة ترد الروح,,والمصااااااااااااااعد تطقينها تفتح مو تنطرين ليما تولدين مثل باجي المستشفيات.

 

[أم بدير]

رد: الي يبي يشوف رويال حياة ويعرف عنه

والله المستشفى حلو وايد وخدمته احلى....وبعدين الاسعار هم مو هينه بالهادي والسلام والمواساة..كلهم...رحت اشوف السلام احلى غرفة اللي صج مرتبه اطلعت 1200....اروح اولد برويال حياة احسن لي..على الاقل هدوء وريحة ترد الروح,,والمصااااااااااااااعد تطقينها تفتح مو تنطرين ليما تولدين مثل باجي المستشفيات.

اي شفتيها غرفة السلام اللي بمستشفى السلام؟
صج روعه
شقه عنونه
غرفتين.. غرفه للأم وغرفه للمرافق
صالة للاستقبال
تلفزيونين بلازما واحد بالصاله وواحد بغرفة المرافق
خووووش غرفة
وفرشها حلووو
هم تسوى 1200
​

 

[nono78]

رد: الي يبي يشوف رويال حياة ويعرف عنه

صج وايد يمدحونه

الولاده العاديه والغرفه العاديه

اتوقع يوصل سعرها 700 دينار

بس الخدمه فندقيه

مشكوره عالموضوع

 

[رومية]

رد: الي يبي يشوف رويال حياة ويعرف عنه

ام بدير غرفة السلام بمستشفى السلام تسوى 1200....بس حطي بعين الاعتبار الازعاااااااااااااااااج واللويه والزحمه على المدخل والمصاعد والناس بالممرات....وبعدين بديهيا مع الزحمه يقل مستوى الخدمة والعناية....واللي رايحه تولد طبيعي خايفه ومتنرفزه وطفرانه مو ناقصه حر وزحمه وريحه!!...والله يا ام بدير انصدمت لما رحت السلام.....مستحيل اولد هناك....وسعر الغرفه 1200.....اولد برويال حياة.....هدوووووووووووء والممرضات فاضين لي...والمصافط فاضيه...والموسيقى بكل الممرات كأني في منتجع...والبخور...ماكو مقارنه يا ام بدير..ومشكوره على هالموضوع الحلو.

 

[أم بدير]

رد: الي يبي يشوف رويال حياة ويعرف عنه

روميه اختي توها والده هناك
ماكو ازعاج ولا زحمه
اصلا جنه محد يمها بالجناح
جناحهم ثنتين غيرها والدين
يعني ثلاثه بس بجناح واحد
ثنتين منهم طلعوا ثاني يوم ولدت فيه ومابقى الا اهي
تهقين صدفه يعني؟
عالعموم اختي الثانيه دشت شهرها وبتولد بالسلام باذن الله
اشوف شلون الأوضاع مره ثانيه واعطيكم اخر التفاصيل
خخخخخخخخخخخخخخخخخخخخخخخخخخ​

 

[irresistible]

رد: الي يبي يشوف رويال حياة ويعرف عنه

wow 3ajeeeeeeeeeeb

 

[رومية]

رد: الي يبي يشوف رويال حياة ويعرف عنه

اي والله ام بدير يمكن صادف على حظي الاقشر...حتى السسترات قالوا لي كل الغرف فل....ماعدا الغرف اللي بالدور الثامن...اما السادس والتاسع كانوا فل ماشالله...الحمدالله على سلامة اختج... ووافينا بآخر التفاصيل .. واذا الله كتب وولدت برويال حياة..(باقي جم اسبوع على الولادة) اواااااافيكم باخر التفاصيل.

 

[أم رشودي2003]

شرايكم أولد عند ناهده ولا عند معصومه!!!!!!!!!!!!!

بولدي الأول سنة2003 كانت مراجعاتي وولادتي عند د.معصومه مخصيد
حبيتها حيل وأرتحتلها بطريقه موطبيعيه بالولاده كانت هاديه وحبوبه وتذكر الله وتدعي
ولمدة3سنوات راجعتها كذا مره

بس إالحين إرفعت أسعارها يعني مراجعه عاديه لحامل50-70د.ك

وآنا إلحين حامل بالثاني نصحتني رفيجتي أروح لناهده العلي وفعلا جزاها الله ألف خير على هالنصيحه طلعت الدكتوره حبوبه وهم أرتحتلها الحمدلله وأسعارها نفس أسعار د.معصومه لما كنت أراجع عندها بولدي البجر

وإلحين آنا بالشهر الخامس وبديت أفكر وأحاتي الولاده وأكيد السهاله من الله
بس محتااااااااره أكمل وأولد عند ناهده ولا أرجع لمعصومه أحسن لأني مجربه ولادتها وأرتحت لتعاملها معاي وقت الولاده؟!؟!

عفيه بنات أبي نصيحتكم

 

[سبحان الله^الحمدلله]

رد: شرايكم أولد عند ناهده ولا عند معصومه!!!!!!!!!!!!!

والله استخيري اول شي ...... ومدام ارتحتي لناهدة الحين ورحتي عندها أولدي بعد عندها ..... ولا تخلين المخاوف من الولادة تخليج تغيرين الدكتورة لان مثل ماقلتي السهالة من الله ..... بس المهم ان الوحدة تررتاح للدكتورة ودام ارتحتي لها كملي معها \\


والله يوفقج

 

[* LOVE STORY *]

رد: شرايكم أولد عند ناهده ولا عند معصومه!!!!!!!!!!!!!

ناهدة وااااايد زينة وخليج عليها أحسن

 

[poneta]

رد: شرايكم أولد عند ناهده ولا عند معصومه!!!!!!!!!!!!!

ناهده ممتازه والله يسهل عليج وعلى باجي الخوات

 

[دموع الذهـب]

رد: شرايكم أولد عند ناهده ولا عند معصومه!!!!!!!!!!!!!

حبيبتي أنا جربت ناهدة بصراحة روعة بكل شي حتى خياطها عجيب و حتى معصومة زينة وكنت أراجع عندها بس عندي ناهدة وااااايد أحسن

 

[أم بدير]

رد: الي يبي يشوف رويال حياة ويعرف عنه

اي والله وافينا بالتفاصيل
والله يسهل عليج ولادتج بس على فكره ترى الاهم من الولاده
الدكتور أو الدكتوره اللي بتولدج​

 

[nanosa78]

رد: شرايكم أولد عند ناهده ولا عند معصومه!!!!!!!!!!!!!

معصومه شاطره وهي دكتورتي ما أروح لغيرها وناهده يمدحونها بس ما جربتها , استخيري وتوكلي على الله , انا باخر حمل ما راجعت الدكتوره الا بالثامن كنت اروح اراجع بالمستوصف بعدين رحت لها .