بناااااااااااات قررت اتهور واسويها شراااااااااااااااااااااااااااايكم؟؟؟

[تووت]

مرحبا كويتيااااات



حبايبي
انا بستشيركم بشغله.....انا قررت باذن الله اشترك في نادي جامبينز لمدة سنه
لاني لما درست اسعارهم ماتسوى اشترك شهر لانه ب150 وال6 شهور تقريبا ب350
لكن اشتراك سنه ب450....يعني ماتفرق وانا المستفيده؟؟

بس اللي احاتيه اخاف مالتزم وانا اساسا ماسبق واشتركت في جامبينز
فاللي اشتركوا وجربووووه شرايكم يسوى اشترك لمدة سنه؟؟؟
والا يعتبر تهووووووووووووووووووور


وجزاكم الله خييييييييييييير

 

[ظلال القرآن]

مرحبا كويتيااااات



حبايبي
انا بستشيركم بشغله.....انا قررت باذن الله اشترك في نادي جامبينز لمدة سنه
لاني لما درست اسعارهم ماتسوى اشترك شهر لانه ب150 وال6 شهور تقريبا ب350
لكن اشتراك سنه ب450....يعني ماتفرق وانا المستفيده؟؟

بس اللي احاتيه اخاف مالتزم وانا اساسا ماسبق واشتركت في جامبينز
فاللي اشتركوا وجربووووه شرايكم يسوى اشترك لمدة سنه؟؟؟
والا يعتبر تهووووووووووووووووووور


وجزاكم الله خييييييييييييير

سبحان الله نفس تفكيري بالضبط
بس باذن واحد احد راح اسويها واشترك لاني مصختها ولازم اتخذ موقف اللبس يلوع الجبد وبالجامات الزينه تقول قطيني والبديات يبي يروح موديلهم وانا ما لبستهم بخاااااااااااااااطري البس بدي

لا خلاص قررررررررررت اشترك وما بذني ماي :eh_s(15):

توت كافي ان الوحد تستانس وتسوين ريلاكسيشن هناك وتحس انها قاعد تقدم حق نفسها شي مو كلا البيت اليهال المواجيب الناس مايصير هم لنفسيحق

 

[قمر ضاوي33]

تفكيركم صح 100%


سيروا ونحن ورائكم ههههههههههه

بصراحة وايد افر اشتراك السنة وممكن تقفين اشتراكك شهرين خلال السنة ...

 

[^مزهريه^]

اهوا اوفر

بس اذا انتي شاكه بروحج انج ماراح تلتزمين
او القرار الي اتخذتيه بسرعه كان
نصييييييييييحه لا تشتركين
او جربي تشتركين شهر واذا شفتي نفسج ماشيه وعجبج الوضع
سجلي بسنه
عشان اذا ما التزمتي بتخسرين 150 ولا انج تخسرين 450

 

[$$مذهلة$$]

السلام عليكم

النادي واايد نظيف وعجبني

اشتركت فيه قبل 3سنوات لمده شهر كنت بجربه اذا زين ولا لا وبعدها بغيت اجدد اشتراكي واخليه سنه بس حملت وقلت بعد الحمل ارد اشترك بس للاسف مالقيت وقت حزتها لاني لما اشتركت كنت اطلع من الدوام الساعه 2 اروح سيدا للنادي بعدها ارد البيت تعبانه ومالي خلق عيالي

الحين افكر بالموضوع يمكن اشترك سنه

بس ترا انا اغلب وقتي بحمام السباحه لان رياضة الماي والسباحه وااايد نسقت جسمي وسلامتج وتعيشين

 

[New Mum]

تشامبينز يعقد ولا يعلى عليه كنت مداومه فيه قبل الزواج اما بعده اشتركت سنه و ما شافوني إلا اسبوع فنصيحه لا تهورين

 

[xxx]

توكلي على الله

والنادي يستاهل الصراحه

 

[girl_in_abottle]

نصيحتي لا تشتركين
خن اقولج قصتي
انا كان وزني 46
متنت صار48
و يوم متنت ماصدقت و انهرت نفسيا, جان اشترك بجامبيونر, وقتها كان في النزهة
و كنت متبعة رجيم صحيح و محترم
يوم خلص اجتراكي عقب شهر
اكتشفت اني متنانة و صار وزني 50
لانهم يخلونج تقعدين على كللل الاجهزة و هذا الشي يخلي عندج عضلات فيزيد و زنج
انا اقول ماكو على الامشى, انا امشي بالحر و بالبرد و على كيف كيفي
و المشي و الركض ينسق الجسم بشكل عجيب
السباحة ممتازة بس عيبها تمتن لانها تيوع و اقص ايدي تقدرين تحملين
حاولي ادشين نادي ارخص, اشتراكة بحدود 50 دينار وشوفي نفسج
اتمنا تضعفين

 

[ملاله كويتيه]

حتى انا والله كنت مشتركه سنه بنادي فيت وتوه امخلص اشتراكي ومحتاره مادري أجدد فيه او اروح جامبينز

جربت يوم وعجبني وايد الصراحه وليما الحين ماقررت

انا اقول اشتركي ثلاث شهور بالاول وباول اسبوعين راح ايبين معاج لا استانستي عليه وشفتي روحج انج راح تلتزمين دفعي الفرقيه واشتركي سنه

وشكلي هاذا لي بسويه ولا أجدد بفيت أحسن
واااي مادري مادري

 

[شربت بيذان]

انا اقول اذا انتي مشتركه من قبل باي نادي سنه كامله وكل يوم تروحين اشتركي بس اذا تعرفين روحج مزاجيه ولا ما لا باجر واللي عقبه نصيحه لا تشتركين . اهم مو اغبيه يسوون عروض عشان يخسرون اي شي حبيبتي اهم ما حطوا هالعروض الا عشان يدرون احنا خبر خير يوم نروح وعشره واذا رحتي شهر على بعض هذا ويهي . انا اكثر وحده اموت على السباحه والرياضه وهالسوالف ولا شغل ولا مشغله بس اتعييز ما اروح واهم الربحانين انا كنت مشتركه بالسفير رحت اول يوم عشان اشوف النادي وادف الفلوس وقالولي خلاص باجر يبدي الاشتراك وتاخذين كرتج مال النادي والله وكياج لي الحين ما شافوا رقعت ويهي من يوم دفعت فليساتي

 

[julanar]

دامج حيل مترددة احنا ماراح ننفعج
قعدي مع روحج بهدوء وفكري فيها عدل
واذا ليلحين محتاره سوي استخاره او صلي استخاره
وبس

 

[مستشاره قانونيه]

احسن شي سنه انا كله اشتراكي سنه او 6 اشهر
كنت مشتركه بشامبينز 6 اشهر وقبل 3 اشهر
يهبل واييد استانس عليه والحين غيرت اشتركت بفلكس سنه بعد ماكبرو صار اينن صراحه
وناويه ااذا خلص اشتراكي ضروري اجدد
نصيحتي اول شي اشتركي شهر اذا حبيتي النادي وضعفتي جددي سنه
لانه انا بنت خالتي اشتركت وياي 3 اشهر ماراحت الا اسبوعين
بس
وراح عليها الاشتراك
انتي جربي اول شي شهر احسن لج