بلاستر اللعاب

[الرهيييفه]

السلام عليكم

أمس كان عندى موعد في الطب التطوري لبنتي

وصرف لها بلاستر تحطه ورا اذنها علشان يخخف اللعاب

خاصة ان بنتي عنها مشكلة في البلع علشان جذيه دائما تتبلل ملابسها وأضطر أحط لها صدرية

سؤالي منو جربتها ؟

هل كان لها نتيجة ايجابية ؟؟؟


ناطرتكم!!!

 

[الصابرة المحتسبة]

ماجربت بس ماحبيت أطلع من غير ماأرد على الغالية

 

[مشاعل الشمري]

والله يا الغاليه ما عندي فكره

 

[الرهيييفه]

ماجربت بس ماحبيت أطلع من غير ماأرد على الغالية

كافي مرورك ياست الناظرة

 

[الرهيييفه]

والله يا الغاليه ما عندي فكره

يعطيك العافية ان شاء الله ماتحتاجينه

 

[فجرالعيد]

أول مره أسمع عنها وإنشالله يفيدونج البنات والله يشفيها

 

[بنت الكويت1]

انا جربتها وبصراحة ما استفادت بنتي حييييل يعني كنت احط الصدرية بعد وبعدين الدكتورة لما شافت جذي ما صرفت لها مرة ثانية وللحين ما لقيت حل بس انشاءالله تفيد بنتج لانه الدكتورة قالت وايد ناس استفادوا والله كريم

 

[ام نوونه]

انا ولدي كان وايد يسعبل حتى كان حنجه دايما يلتهب
بس الحين الحمدلله احسن خف وايد بس اول مرة اسمع عن اللبلاستر

 

[نشـــامي]

الله يشافي عيالكم امين

ممكن سؤال شنو الطب التطوري؟وشنو الحلات الحالات اللي يستقبله

 

[الرهيييفه]

أول مره أسمع عنها وإنشالله يفيدونج البنات والله يشفيها

هذا البلاستر موجود من زمان بس أنا أول مرة أستخدمه لبنتي

شكرا لمرورك

 

[الرهيييفه]

انا جربتها وبصراحة ما استفادت بنتي حييييل يعني كنت احط الصدرية بعد وبعدين الدكتورة لما شافت جذي ما صرفت لها مرة ثانية وللحين ما لقيت حل بس انشاءالله تفيد بنتج لانه الدكتورة قالت وايد ناس استفادوا والله كريم

بنت الكويت قالوا الدكتور ممكن ينفع وممكن ماينفع بس قال جربيها وشوفي

عسى الله يشافي بنتي

 

[الرهيييفه]

انا ولدي كان وايد يسعبل حتى كان حنجه دايما يلتهب
بس الحين الحمدلله احسن خف وايد بس اول مرة اسمع عن اللبلاستر

شكرا لمرورك يالغالية
وعسى الله يشافي ولدك

 

[الرهيييفه]

الله يشافي عيالكم امين

ممكن سؤال شنو الطب التطوري؟وشنو الحلات الحالات اللي يستقبله

آمين

الطب التطوري يتابع حالات الشلل الدماغي وتأخر النمو العقلي ويسوون بعد عندهم اختبارذكاء

 

[HearT ChocolaTe]

لا والله يا الرهييفه ما سمعت فيه أول مرة أسمع منج بعد
أنتي تسوين لها على بالبلع ؟؟ ترى ضروري ..
أنا عزوز كان جذي بس الحمد لله راح مع المعالجه .. الحين بس إذا استمرض يكثر عنده اللعاب وقليل السيلان

 

[مشاعل الشمري]

الطب التطوري يعالج او بالاحرى يتابع جميع الحالات اللي منها
الشلل الدماغي -التوحد- بطئ التعلم
جميع الاعاقات التطوريه للنمو
وما ياخذون الحاله الا بعد اجراء اختبار-وما ادراك ما الاختبار:eh_s(14):

 

[& الذاهبه &]

بنات شرايكم اودي بنتي التطوري والا انطر ليماا تكمل سنتين اهي شخصتها عبير عوض توحد بسيط؟؟؟

 

[مشاعل الشمري]

ببالنسبه للذي ذكرتوه عندي بنت اختي وتعاني من نفس المشكله بس اهي كبيره يعني 24
ينفع لها ولا لأ؟ ومن وين احصله؟ساعدوني بنات لان امها طلبت مني اسألكم؟

 

[الرهيييفه]

ببالنسبه للذي ذكرتوه عندي بنت اختي وتعاني من نفس المشكله بس اهي كبيره يعني 24
ينفع لها ولا لأ؟ ومن وين احصله؟ساعدوني بنات لان امها طلبت مني اسألكم؟

مشاعل بنت اختك تعاني من مرض معين يعني اسم الله عليها فيها اعاقة

راجعي مستشفى الوطني ""الأعصاب وقوليلهم عن الحالة وراح يعطونك هذا العلاج

 

[brendyshooo]

والله انا سمعت عنه بلندن لنه ولدي يسعبل وايد وللحين عمره 5سنين وللحين يسعبل وعلى طول السدريه مااطيح من رقبته بس الدكتور قالي ماانصحج تستخدمين البلاستر يقول لنه من الاذن يخلي اللعاب يوقف حاولي تعلمين ولدج يبلع وشوي شوي يتعدل وكاني للحين اعلمه والله يشافي عيالنا يارب

 

[الرهيييفه]

والله انا سمعت عنه بلندن لنه ولدي يسعبل وايد وللحين عمره 5سنين وللحين يسعبل وعلى طول السدريه مااطيح من رقبته بس الدكتور قالي ماانصحج تستخدمين البلاستر يقول لنه من الاذن يخلي اللعاب يوقف حاولي تعلمين ولدج يبلع وشوي شوي يتعدل وكاني للحين اعلمه والله يشافي عيالنا يارب

الدكتور قالي ماله أضرار جانبية

وأنا راح أكمل كورس العلاج وبعدين بوقفه اذا ما شفت نتيجة