عنيّد
New member
صبحكم الله بالخيـــــــــــــر
أمس ياطويلات العمر كنت عند الدكتور عبدالله المطوع ، أول لقــــــــــــاء :dddds:
خلأقولكم كل شي بالتفصيل ، لتعم الفائدة
رحت له بعيادته اليديده Rijeemy
مكانها : مجمع الأوقاف برج 12 الدور 2 مكتب 3
تليفون : 22492229
كنت مسويه بالمستوصف تحليل شامل + الغده ، وممكن تسوونهم عنده بس مادري بجم << لازم التحاليل
خذوا وزني وطولي ، والدهون والماي والمادري شنو بجهاز الفضيحه على قولة الدكتور :s141:
فتح الملف + الكشف بــ 25 دينار
الأعشاب + حبوب Omega 3 بــ 9.500 دنانير (الأعشاب أعتقد 4 دنانير)
المراجعه 10 دنانير
وبعدها دخلت على الدكتور ، طبعاً الي يعرفه أكيد بيعرف أخلاقه وااااااااااااااااايد محترم وحبوب والنعم فيه والله
وأهم شي برايي اني أحسه فااااااااهم ماشالله وهذا فعلاً الي كنت أدوره ، وقعدت معاه وفضفضت براحتي مو شغل خمس دقايق ومش حالك :eh_s(6):
شاف تحاليلي والحمدلله كل شي OK ماعدا الكلسترول عندي شووويه مرتفع ، قالي الكلسترول لاتتغشمرين معاه :lololoe: ولازم ينزل باذن الله وعطاني حبوب اوميغا 3 وقالي انهم موجودين عنده أرخص من بره بفرق دينارين تقريباً ، وهذي خدمة خاصه لمراجعينه فقط
المهم ، أنا وزني الحين 88 كجم وطولي 164.2 سم
قالي أبيج توصلين 72 كجم واذا بعدين تبين أكثر كيفج
يقول تقريباً 15 كيلو هذا مو وايد مقارنه بالحالات الي عندي << رفع معنوياتي :n2006107:
ويقول أهم شي ان الواحد تكون عنده اراده وانا الي علي بس اني أرشدج للأكل الصح والباقي كله بيدج انتي
بعدها سألني عن الأشياء الي ماحبها ، وقلت له ، وسوا لي برنامج شهر رمضان
طبعاً وبلا فخر ، خليت الدكتور يعترف باني صعـــــــبه بالأكل :krkrkr: وانا فعلاً جذي :tongue22: بس الحمدلله عدّت السالفه
وهذا نظامي ...........
الفطــــور
3 تمرات + كوب روب خالي الدسم أو كوب ماي نخي (يضحك يقولي أول مره بالتاريخ أكتب هالشي:krkrkr: ، لأني ماحب الشوربه) + 1 كبه أو سمبوسه
صلاة
سلطة + 6 ملاعق من أي صنف من أصناف رمضان + نص كف اليد لحوم + دايت أو ماء
أعشاب (شريتهم من عنده قالي لازم تاخذينهم على مسؤوليتي مالهم أي أعراض جانبيه وينزلونج ضعف الوزن الي بتنزلينه ، وممكن أي احد ياخذهم بالبيت من 12 سنه وفوق ، قال حق اخوي اشربهم يومياً بدون رجيم وراح تنزل بالاسبوع كيلو)
بين الفطور والسحور ع الساعه 8.30-9 (يقول أكبر غلط ان الواحد ياكل الحلو مباشرة بعد وجبة الفطور ، ياربي حياتنا كلها غلط × غلط :cxxxp
واحد من هالخياراتكوب محلبية
3-4 لقيمات (قلت له دكتور أكيد يعني باكل 4 ، جان يقولي انا احط جذي لأنه البعض يسوي اللقيمات الوحده عن ثنتين ، لكن اذا بالحجم الطبيعي فاكلي أربعه)
ككاو وسط
2 قطايف
5 تمرات
3-4 ملاعق كنافه
+ شاي أو قهوه
السحور ، من الساعه 11 وفوق ، واحد من هالخيارات
رقي كميه مفتوحه (قالي هذا اكليه بعد 3 أيام من الرجيم مو من أوله)
كوب عيش أبيض + كوب روب خالي الدسم
7 تمرات + كوب حليب أو لبن أو لبنه قليل الدسم
1 موزه + حليب أو لبن قليل الدسم
2 توست أسمر + جبن أو لبنة قليل الدسم وقليل الملح + 3-5 زيتون + كوب روب قليل الدسم
يوم - يومين جكن برجر بدون مايونيز من ماكدونالدز + سلطه + 1 فاكهة
ملاحظات
شرب كوب ماء على الأقل مع كل وجبة (للحد من الجوع بين الوجبات)
ممارسة الرياضة 20-40 دقيقة يومياً قبل الفطور تزيد من سرعة انقاص الوزن بقوة (واااايد مدح نط الحبل ، وقالي الرياضه بعد أول ثلاث أيام من الرجيم)
مسموح بتناول الخضار الورقية وبشرب الشاي/البابونج/المرمرية/الينسون/الزنجبيل/النعناع بأي كمية بين الوجبات الرئيسية
أخيراً ،، مراجعتي بعد اسبوعين ، يوم 8/9/2009م فترقبوا :ggdw:
بقولكم شغله ، أمس عطيت رفيجتي قائمتي وعطيتها قائمة وحده من البنات تراجع عند نفس الدكتور وحاطه لنا نظامها بالقسم ، جان تقولي لالالا ابي اسوي رجيم البنت لأنه رجيمج حكرررره ، وقتها تأكدت ان مراجعة دكتور التغذية احسن من ان ناخذ اي نظام من النت ، لأني فعلاً واااايد أشياء قالي عنها الدكتور وقلت له ماحبها ولغاها لي ، فانتوا لاتتحبطون لما تشوفون الرجيم مايعجبكم ولا تحكمون على الدكتور من النت :ada:
التعديل الأخير:
