اي استفسار عن المكياج أو عن طريقة وضعه أنا حاضره ....

[عروس الدنيا]

حبيبتي انااا اختي ملامحهااا بارزه وهي كمبتدئه بلميك اب تبي تعرف شنو الميك اب اليومي المنااسب للجامعه والالوان الملائمة ..ماادري ابسالج عن لمعة ناارس البيضا اللي قلتي عنهااا سابقاا هل تنصحيني فيهااا ؟؟

ايي انصحج يها اكيد
و اختج دام ملامحها بارزه تحاول تبرز شي واحد
يعني العين او الشفايف .. الاثنين سوا بيصيرون اوفر و خصوصا للجامعه
لا تستخدم الكحل خليها عل شادوات
الرمادي او البني مع الوان فاتحه و باطراف العين بيعطيها لوك حلو

 

[سـاندرا]

سؤال


عندي مشكلة الاولى اهي البلاشر مااعرف احطه بالطريقة المظبوطة واذا حطيته يطلع ويهي ضعييف حيل ؟ ومااعرف اختار اللون الصح اخاف يسمرني مع اني مو سمرة

ومشكلتي الثانيه شنو اللمعة الحلوة اللي تطلع بالوية ؟؟ اكو كريم او شي معين ؟


ومشكلتي الثالثة ابي رقم حمرة لحمية حلوووة شتنصحيني فيه


وبس

 

[فرزاتشى]

انا عندى استفسار عن الحمره انا شفايفى كباريعنى مو وايد ومااعرف احط الروج المناسب وبعد مااحب الى يلمعون او ناشفين وايد ياليت تعطينى اسامى ماركات تناسبنى وابى ابينهم اصغر كيف

 

[شووق قطر]

مرحبا أختي عروس الدنيا

يعطيج العافيه يااقلبي على هالمجهود ..
بغيت أسألج شنهى أحسن أنواع الفراشي للمكياج انا واايد اسمع عن فراشي ماك بس أختى ياليت تقوليلي شنهى احسن الفراشي مع ارقامهم .. والله لايحرمنا منج يالغلا ..

 

[ام باسلل]

يعطيك العافيه حبيبتي بس بغيت اسأل شلون يحطون عجينه الحواجب انا شريتها من ميكب فور ايفر بس ما عرفت احطها شكلها يضحك

 

[milkshake]

خوش موضوع...يعطيج ألف عافية

 

[g6awi]

مسا الخير يا حلووه

تسلمين على الموضووع الحلو

بقوولج شيين
انا بخاطري جنطة البربري اللي عندج ياريت تقووليلي على التفاصيل وتدزين لي الرقم فديتج

وانا بشرتي دهنيه عند الخشم

ابي كريم اساس حق الصبح يناسب جو الكويت
وابي احسن كونسيلر انا عندي هالات وشووي عيووني تحتها منتفخ

وو ووو ممم شلون اخلي البلشر يثبت على خدي ؟؟

وسلامتج وتعيشيين

 

[daloool]

انا عندي منطقة الخشم دهنية وشوفي عقب ماحط الفاونديشن عقبها بساعه يصير خشمي شكبره

 

[fad50]

انا عندي مشكلة صغيرة الزاوية الخارجية للعين من تحت مرفوعة عا فوق كيف بعمل توازن ؟ منشان تنزل عا تحت ؟؟


وشكرا

 

[g6awi]

ناطره ردج حيااتي

 

[سمنديقه]

السلام عليكم اللة يعطيج العافية حبيت اسأل اشلون اضع الماسكارا وشنو افضل ماركة وشكرا

 

[عروس الدنيا]

سؤال


عندي مشكلة الاولى اهي البلاشر مااعرف احطه بالطريقة المظبوطة واذا حطيته يطلع ويهي ضعييف حيل ؟ ومااعرف اختار اللون الصح اخاف يسمرني مع اني مو سمرة

ومشكلتي الثانيه شنو اللمعة الحلوة اللي تطلع بالوية ؟؟ اكو كريم او شي معين ؟


ومشكلتي الثالثة ابي رقم حمرة لحمية حلوووة شتنصحيني فيه


وبس

حبوبه منكلامج ويهج ضعيف حطي البلاشر خط مستقيم من خشمج لي اذنج .. و حطي شوي على خشمج
و اخر حنجج لون اغمج شوي
اللمعه الحلوه جربي من ميكب فور ايفر او بينيفت لمعاتهم طبيعيه
و الثالثه للاسف حبوبه ما احفظ الارقام .. بس عندج جيرلان و لانكوم عندهم خوش حمر

 

[عروس الدنيا]

انا عندى استفسار عن الحمره انا شفايفى كباريعنى مو وايد ومااعرف احط الروج المناسب وبعد مااحب الى يلمعون او ناشفين وايد ياليت تعطينى اسامى ماركات تناسبنى وابى ابينهم اصغر كيف

جيرلان عندهم حمره من داخل يصير فيها مرطب ابيض .. تصير المعه وسط يعني لا اوفر و لا شويه حلويين حيل حمرهم
بس اخذي الي فيهم مرطب ابيض ..و طلبج غريب الكل بيكبر و انتي بتصغريين ؟؟
عل عموم حطي محدد فاتح نفس لون الحمره داخل شفايفج اخر خط ... و خلي الحمره توزع عدل ... و فتحي اللون شوي عل جوانب و انشالله بيصير الي تبينه و على فكره مافي احلى من الشفايف الكبيره و المتفوخه من الله

مرحبا أختي عروس الدنيا

يعطيج العافيه يااقلبي على هالمجهود ..
بغيت أسألج شنهى أحسن أنواع الفراشي للمكياج انا واايد اسمع عن فراشي ماك بس أختى ياليت تقوليلي شنهى احسن الفراشي مع ارقامهم .. والله لايحرمنا منج يالغلا ..

انا الصراحه احب فرش ميكب فور ايفر .. و رد ايرث .. ارقام مو حافظه لان اشتري تبع الاستخدام ..
يعني لازم تكونين كل فرشاة شنو استخدامها

 

[عروس الدنيا]

يعطيك العافيه حبيبتي بس بغيت اسأل شلون يحطون عجينه الحواجب انا شريتها من ميكب فور ايفر بس ما عرفت احطها شكلها يضحك

للاسف اختي ما اعرف استخدمها و لا احبها ... و احس انه لو شنو تبين و كلش ما احبها

 

[عروس الدنيا]

مسا الخير يا حلووه

تسلمين على الموضووع الحلو

بقوولج شيين
انا بخاطري جنطة البربري اللي عندج ياريت تقووليلي على التفاصيل وتدزين لي الرقم فديتج

وانا بشرتي دهنيه عند الخشم

ابي كريم اساس حق الصبح يناسب جو الكويت
وابي احسن كونسيلر انا عندي هالات وشووي عيووني تحتها منتفخ

وو ووو ممم شلون اخلي البلشر يثبت على خدي ؟؟

وسلامتج وتعيشيين

الطلب الاول انشالله ..
الثاني بشرتج دهنيه كثري اللوز بودر عل خشم
الي يناسب جو الكويت بالنهار الي من ريميل ساند اعتقد اسمه ... الي بعلبه مدوره .. مادري والله ميبيلين جنه
لوول نسيت
كونسيلر .. امم جربي بينفت عجيب بس مو العصار لا الي بعلبه عادي

البلاشر يثبت اذا حدره حاطه لوس بودر ... و اخذي بلاشر من كارجو وايد حلوين بلاشراتهم

 

[عروس الدنيا]

انا عندي منطقة الخشم دهنية وشوفي عقب ماحط الفاونديشن عقبها بساعه يصير خشمي شكبره

نفس ردي عل اخت قطاوي

انا عندي مشكلة صغيرة الزاوية الخارجية للعين من تحت مرفوعة عا فوق كيف بعمل توازن ؟ منشان تنزل عا تحت ؟؟


وشكرا

امم دايما حطي كحل تحت عينج و لاالخير لا تحددينه و نثري الكحل لي تحت .. و لا ترسمين عينج بالكحل .. دايما نثريه بالفرشاة عقب ما تحطينه

 

[عروس الدنيا]

السلام عليكم اللة يعطيج العافية حبيت اسأل اشلون اضع الماسكارا وشنو افضل ماركة وشكرا

افضل الماسكرات من لانكوم .. و شلون تحطينها اول شي مرريها من اليمين لي اليسار .. عشان رموشج لامنبت ياخذون لون و بعديين لي بره
بعدين بطرف الفرشاه سحبي الاطراف ملوت الرموش لي بره .. عشان يبين الطرف اطول

 

[روعة الوجدان]

يعطيج العافيه حبيبتي

على الموضوع الحلوو

وإن شاءالله الكل يستفيد

 

[حلوه بضحكتها]

حبيبتي ابغى استفسر
عن مرطب للعين وللبشره
وواقي شمس
للعلم انا بشرتي مختلطه يعني جبهتي وجوانب دهني
والباقي عادي

وابغى نفسهم لصديقتي بس اهي بشرتها حساسه حيل يعني لو تلمسها بس علطول تحمر
وبالاخير ابغى الخطوات الاساسيه لوضع المكياج
يعني المرطب بعده الواقي بعد الكونسيلر بعدين الاساس ؟؟؟

واسفه على كثرة اسئلتي
ومشكوره وجزاك الله خيير

 

[عاشقة الجنان88]

جزاك الله خير اختي انا سمرا بس مو وايد وبشرتي مختلطة يعني فيها دهني وجاف بس الجاف اكثر ابي كريم اساسي ينور الويه وما يقطع ويغطي العيوب وما يقلب رمادي ومايكون غالي ادري ثقلت عليك بس تكفين ساعديني