وناستنا في رشاقتنا ((الجزء الثاني)) تم التمديد الى تاريخ 18-9

[Ya7aLaTi]

Hiii :eh_s(6):


شلوووونكم ؟



فطوري اليوم قلاص فيمتوو + 2 لقيمات...

ورحت وديت إختي الصغيره وولد إختي ألعاب وطبعا لازم عشى لهم... طلبتلهم ماكدونالدز وكليت 3 بطاطات منهم

توني راده ومادري شاكل لووووووول.. طول طريج الرده وأنا أفكر شاكل :dddds:

بس ما ودي آكل لأني شوي وبنام.. وراي قعده من صباح الله خير


إي إي ورحت النادي اليوم لعبت ساعتين بالماي :ggdw:

 

[Ya7aLaTi]

أم فجووور.. لووووووووووول حرام علييج.. كلهم جم قفشه كورن فليكس لووووووول :dddds:


منمن.. اي والله البنات إختفوا فجأه لوووووول... إن شاء الله باجر أدزلج وزني :tomato2:


الحنوونه.. علييج بالعافيه حوووبي :eh_s(6):

 

[عليـاء]

شلونكم بنات يارب بخير

أنا بعد تسحرت كورن فليكس وزبادي أكتيفيا
يعطيكم الصحة كلكم

وتحية لمن من
ولستيلا
وياحلاتي .

 

[mn.mn]

يا حلاتي والحنونة بالعاااااااااااافية فطوركم وان شاء الله ناطرة اوزانكم باجر

علياء هلا والله حبيبتي ومشكووووووورة على التحية لاتحرمينا من طلتج الحلوة

 

[مس يو]

صباح الخير


شلوووووووونكم ترا انا معاكم لووول بس مالي خلق اكتب

يوميااااااااااااتي:

الفطور: اليوم عندنا عزيمة (ذبيحه) فكليت اول شي 3 تمرات ولبن بعدين قمت صليت وارتحت شوي وبعدها كليت بصحن كبير نصه عيش ولحم ونصه تشريب وبس..

بين الفطور والسحور: كليت قفشتين حلو وجاي.. و3 حبات بطاط شبس

السحور: بياض بيضتين مع طماط + جبن مالح لايت + طماط وخيار + خبزة كامله +جاي

ووووووووسلااااااااااااااااااااامتكموووووووووو

 

[مس يو]

اي ونسيت شربت كوبين زهورات على الساعه 11 بالليل

 

[~ MhMh ~]

صباح الخير
بنات أنا معاكم <<< أخاف نسيتوني
بس تعرفون رمضان ,,, عسانا و ياكم من عواده
الموهيم انا مو ماشيه على ريجيمي و أمس موعدي عند الدكتور و عطيته طاف


بس و الله قاعده أحاول أقلل كمية أكلي

 

[Ya7aLaTi]

Hiii :eh_s(6):


شلووونكم ؟


قاعده مبجر اليوم.. رحت الطبيب حق التحليل والنتيجه تطلع الساعه 12.. إن شاء الله خيير..

وشكلي بسحب عالنادي اليوم.. مااااااالي خلق كلش.. راسي صاكني وحدي عطشانه.... بروح آخذ نتيجه الحليل وبرد أسحبها نومه لي الفطوور :dddds:






عليااء.. بعد عمري شلوونج ؟ :eh_s(6):


منمن.. الله يعافييج ويخلييج :eh_s(6):


مس يووو.. علييج بالعاافيه :eh_s(6):


مهمهااا.. لووووووووول.. لا فديتووووج أكييد ما نسيناج.. عاد والله أمس كنتي على بالي :tomato2:

هاو آر يوو ؟ :eh_s(6):

 

[mn.mn]

ظهر الخير عليكم كلكم

شكرا لكل اللي طرشوا اوزانهم وراح احط التقرير قبل الفطور على ال 6 لان بعدين بطلع

مس يو بالعافية عليكم الذبيحة

مهمها هلا والله حبيبتي فقدناج وشكرا على التزامج بالميزان

يا حلاتي ان شاء الله مافيج الا العافية واي كلش مو مال نادي مع صيام وحر خليه بعد الفطور احسن لج

 

[miss_lymoona]

هاي ياحلوين توني مشيت نص ساعه وحدي يوعانه وزني للحين 66 لاني ماالتزمت عدل بس اشوه مازاد وزني لاني قاعده امشي ومن اليوم صج بلتزم

 

[al7noona]

من من دزيت لج توني وزني
الحمدالله نازله تقريبا كيلو احسن من ولا شي




ياحلاتي ماتشوفين شي وتحليل شنو مسويه؟؟؟

 

[al7noona]

يقولون احسن وقت للرياضه قبل الفطور بساعه


انا ودي اسوي رياضه بس كله اتعيز ويطوف اليوم وانا ماسويت

 

[mn.mn]

تقبل الله طاعتكم وبالعافية الفطور

ليمونة هلا والله والحمد الله انج مو زايدة نعمة

الحنونة مبروك النزول وصاجة الواحد يتعييز قبل الفطور يمشي

بعد شوي بحط التقرير

 

[mn.mn]

تقرير الاسبوع السادس لتجمع وناستنا في رشاقتنا

منمن
الوزن السابق 77.2
الوزن الحالي 79
الفرق + 1.8

Loving Stella
الوزن السابق 94.2
الوزن الحالي 94.3
الفرق + 0.1

مس يو
الوزن السابق 65.5
الوزن الحالي 65.5
الفرق 0

بطة رشيقة
الوزن السابق 76
الوزن الحالي 76
الفرق 0


~MhMh~
الوزن السابق 101
الوزن الحالي 100.5
الفرق - 0.5


Ya7aLaTi
الوزن السابق 69.9
الوزن الحالي 69
الفرق - 0.9

al7noona
الوزن السابق 78.4
الوزن الحالي 77.6
الفرق - 0.8




رشيقة الاسبوع <<< يا حلااااااااااااااتي >>>

_03BA:_03BA:_03BA:_03BA:_03BA:

 

[Loving Stella]

مبرروووووووووووووووووووووووووووووووووووووووووووووووك ياحلاتـــــــــــــــــــــــــــــــــــــــــــــــــــــــي تستاهلين حبيبتي :****

 

[عليـاء]

مبروك ياحلاتي
وعقبال الباقي إن شاء الله

 

[بطة رشيقة]

مشكوووره منمن على النتبحه واشالله الاسبوع الياى نكون احسن

 

[Ya7aLaTi]

أنا بااااااك..

فطوري اليوم قلاص فيمتوو + 2 سمبوسه جبن + شووويه الخبز مال الشوربه كليته بروحه..

وقبل شوي كليت كاكاو كادبوري :eh_s(1):... بس ماراح آكل شي ثاني اليوم


فديتكم.. الله يبارك فييكم :eh_s(22):



التحليل خذيته.. قراه الدكتوور قالي الحمد لله طبيعي.. طبعا ما يبتله طاري الرجيم لوووووول...

وشاف أذوني قالي ملتهبه يمكن إهيا إلي مسببتلج الدوخه :eh_s(1):.... أقوله لا دكتوور ما تعورني مافيها شي.. يقول إمبله توني شفتها ملتهبه <<< غصب غصب لوووووول

بس من شنو ملتهبه ؟ :080402ask_prv: << يمكن من ماي حمام السباحه بالنادي :080402ask_prv:


المهم عطاني قطره وفي تحاليل ثانيه قالي لازم تسوينها بس تكونين صايمه 12 ساعه..





الحنونه.. التحليل مسويته لأن طالعتلي بقعه صغيرونه على خدي.. أفتح من لوني... قالولي يمكن نقص بس مادري بشنوو... وهمن على الدوخه وعوار الراس... وفي تحليل الشامل قالي سويه بس لأني كنت ماكله بالليل ما سويته فا قالي الحين سوي مال نسبه الدم بس..
والشر ما إييج :*

 

[miss_lymoona]

امبيه منوي ماتشوفين شر حبي فديتج مشتاقتلج حبيبتي

مبرووووووووووووووووووووووووووووك على الوزن الحلو والله استانست ايه صديقتي قدها دشت الستينات


انا اليوم تفطرت 4 سمبوسات وحبه كبه وشوربه
وبعدها قطايف وحده جاي وقهوه وتسحرت صمونه بس ماراح اكل شي بس ببلع حبوب الجاي الاخضر اليوم شريتهم

 

[Ya7aLaTi]

ليمونوووو فديتووووج والله.. الشر ما إييج :*


بعد عمممممري... يبارك فييج :eh_s(22):


ليمونووو خوو شبكي MSN خوو :eh_s(2):.. ولهت على سوالفووووج :eh_s(2):

توني شبكت ما لقيتج ... أنا شابكه بس مختفيه لووووووول.. تلقيني شابكه أوف لاين :dddds:


وعلييج بالعاافيه :eh_s(6):

وزيين تسوين بس لا تاكلين لي باجر وإمشي أحسنلج :ggdw:



اي اي ليمونوو... شنوو حبوب الجاي الأخضر ؟ @@


قالتلي أم توته ذاك اليوم عن حبوب.. الحبه الوحده تساوي كووب جاي أخضر <<< نفسهم إلي تستخدمينهم ؟ :080402ask_prv:


عموما إنتي تعرفيني ما أعرف أبلع الحبوب بس أبي أعرف شلوونهم ؟ <<< بلاغة شف يعني.. لا أكثر ولا أقل لوووووووووووول :dddds: