العيش الاخضر مع الدياي و الكريمة,,, ضروري تجربونه

[ღa7La TeaCHeRღ]

طبق العيش الاخضر مع الدياي و الكريمه

المقادير2
2 دياي
2 طماط
3 بصل
شويه ثوم
شويه زنجبيل فريش
2 كزبره
2 م ك معجون طماط
1 كريمه حمره
شويه تمره هندي " اللي اهوا نفس الصبار "
البهارات ( كركم - كمون - فلفل اسود - العلبه الخضرا اللي فيها بهارات )

المرحله الاولى
طريقة الصلصه او المرقه

نقص البصل شرائح و ناخذ الثوم و الزنجيل بالهاون ندقهم
و نحطهم بالجدر و فوقهم البهارات و معجون الطماط و نحط معاهم الدياي
بعدين ناخذ التمر الهندي طبعا نكون منقينه بشويه ماي و نحط فوقهم
مع 4 قلاصات ماي تقريبا و ننطر ليما الدياي ينطبخ نحط علبة الكريمه و شويه ملح

المرحله الثانيه
العيش

نحتاج
6 كزبرة
6 فلفل اخضر
ثوم مدقوق
2 مكعبات ماجي
العيش

نخلط الكزبرة مع الفلفل الاخضر بالخلاطه
و نحط بالجدر ماي و نحط فوقه الخلطه مالت الكزبرة و الفلفل الاخضر
مع الثوم و مكعبات الماجي ونخليهم شوي عالنار بعدين نحط فوقهم العيش
و ليما يستوي العيش نخلطهم مع المرقه اللي سويناها بالمرحله الاولى
و اخر شي عقب ما احط العيش بالصحن
ازينه بشرايح بصل صغار مقلية مقرمشه

و عليكم بألف عافيه

الصور من موضوع شنو كليتي





التصوير ظالم العيش اهوا احلى بوااااااااااايد
و احنا ناكله بدون دقوس و لا شي لذيذ

و سامحوني اذا طولت عليكم

 

[ساره2009]

ماشاءالله شكلها حلوه الاكله
يعطيج الف عافيه

 

[يآمصعب رضآهم]

عوار قلب !



تسلم ايدج حبوبه .. ان شالله اطبق :$

 

[دراما كوين]

يم يم لذيييذ
انزين بسالج اختي الدياي نحطها بعضمها والا انتفها؟؟؟؟؟؟؟؟؟

 

[eman84]

تسلم الايااادي

شكله عجيييييييييييب

 

[غيدآء]

تسلم الايادي والله

 

[شوارفسكية]

تسلم ايدج شكله خطيرررررر

 

[جارة القمر]

مشكوووووووره



وتسلم ايدج

 

[jawhara.77]

تسلم ايدج على هالطبق الروعه

 

[^noonaa^]

واااو رووعه

تسلم الايادي

 

[شيهانه]

تسلم الايادي ..

 

[al-hlwa]

مشكوووورة
حبيبتي

 

[عروس الدنيا]

تسلم ايدج بس تقصدين بفلفل اخضر شنو ؟؟ العلوب و لا الفليفله الحلوه

 

[*نور الكويت*]

يعطيج العافيه شكلها لذيييييييذه
بس ابي اعرف جم مقدارج للعيش والماي ؟
والدياي فيليه ولا عدل ؟

وتسلم ايدج

 

[pama girl]

يعطيج العاافيه


وتسلم اييدج

 

[ღa7La TeaCHeRღ]

الله يعافيكم
تسلمون ما تقصرون

يم يم لذيييذ
انزين بسالج اختي الدياي نحطها بعضمها والا انتفها؟؟؟؟؟؟؟؟؟

احنا نحط الدياي عادي بعضمها
نفس اللي ينحط بالبرياني :eh_s(6):

تسلم ايدج بس تقصدين بفلفل اخضر شنو ؟؟ العلوب و لا الفليفله الحلوه

الله يسلمج
قصدي الفلفل الاخضر العادي
مو الحار

يعطيج العافيه شكلها لذيييييييذه
بس ابي اعرف جم مقدارج للعيش والماي ؟
والدياي فيليه ولا عدل ؟

وتسلم ايدج

الله يعافيج و يسلمج
ان شالله اييب لج المقدار باجر او ادزه رساله خاصه
والدياي عادي بعظمة
نفس اللي نحطه بالبرياني

 

[مشرومه]

تسلم ايدج .... ويعطيج العافيه

 

[غنوة ستايل]

تسلم ايدج

 

[*نور الكويت*]

نحتاج
6 كزبرة6 فلفل اخضر
ثوم مدقوق
2 مكعبات ماجي
العيش

قصدج ب6 كزبرة يعني 6 شدات ؟
وشلون نخلط المرقه والعيش ؟

 

[Ftooosha]

العيش شكله يدوخ

متى يأذن