تجمـــــع المعلمات السعوديات بالكويت .. حياكم

[بشاير خير]

شموخـــــه
,,
سعوديـــه واضحـه

جزاكم الله خير ما قصرتوا

وحيـــــــااااكم اللـــــه ..

 

[junabody1]

السلام عليكم
بغيت أعرف معاش السعوديه كم؟
لأ، بنات عمي يبون يجون هنيه للعمل كمعلمات , لأن أكبرهم صار لها أكثر من أربع سنين تنتظر الوظيفه
فالله يخليكم قولوا لي كم المعااااااااااااااااش
ظروري

 

[فـلـفـلـهـ]

انا كويتيه

وبصراحه فديت السعوديه حكومه وشعب

 

[fat!ma]

يابنات ماشاءالله تتهنو بوظيفتكم

انا خريجة ثاني دفعه من قسمي ومجموعي عالي مع مرتبة الشرف

وداومت على مدى 8 سنوات متعاقدة واخرتها كنسلوني بحجة الإكتفاء وصدموني رغم اني من فترة تكرمت من التوجيه كأفضل معلمة للعام الدراسي

صارلي 9 سنوات خريجة علوم تربوي لكن للأسف هنا تحطييييييييييييييم

ودي اتعيين لو بموزمبيق بس الظروف لاتسمح

الله يهنيكم يارب

 

[نوني.]

الي تسال عن الجغرافياا انا بالتقديم الي راح كنت بقدم لبنت جيرانا تخصصها جغراافيا قالوا مايستقبلون مكتفين بس اذا كويتيه عاادي

 

[سعوديه ثقه]

واااااااااااااااااااو وش هالتجمع الحلوو ليه ماعطتوني مسد كول واجيكم <<< اقول انثبري هههههههههههههه

ماشاءالله عيني عليكم بارده منوررين والله لايخليني منكم جميع


اختي كل شي عادي اوافقك بكلامك بس اسمحيلي اعقب عليه شويه

سعوديتنا ومملكتنا فيها خير وملكنا الله يحفظه ماقصر بس البلا كله من الحاشيه وياشينهم لاحطو هالحرايم بالمراكز العليا والله الدنيا تخرب كلها فمابالك بمنصب محدود <<< ودتس هالعجز في بيوتهن ابرك لهن هههههه

بالنسبه للراتب لا اكثر ولاشي حاليا السعوديه راتبها اقوى 7249 ريال لو تحسبين سايق يوديك ويجيبك قولي 200 ريال له والباقي بجيبك بس راتب الكويت اذا نزل الدينار مايطلع 7الاف وشوفي السايق كم ياخذ 1000 لا وازيدتس من الشعر بيت نصهم ياخذون 1200 وغيرهم اكثرر وخبرك البنات محتدات لو يقول 2000 قالت يالله شوفي كم يبقى لك 4000 او 3000 وانتي احكمي عاد

بالنهايه احنا خليج واااحد وقلوبنا على بعض...


ارحب ترحيب حار بكل وحده متواجده بموضوعي وياهلا ويامرحبا

ودي اقهويكم بس تخبرون صيااام ههههههههههه <<< مرتاحه


سعوديه ثقه

 

[سعوديه ثقه]

فلفله لبى روحتس واحنا نحب اللي يحبنا

ياحبي لتس

 

[ساره البطه]

السلام عليكم ورحمة الله وبركاته

هلا والله ببنات السعوديه حياكم الله خواتي وكلنا شعب واحد والله لا يفرق بينا

حبيباااات قلبي ابي مساااعده

رفيجتي سعوديه وتبي تسجل بالتربيه مدرسه اجتماعيات - ابتدائي

درست بالكويت والجامعه و شهادتها بكالوريوس تربيه - اجتماعيات

متى تسجيل السعوديين وشنوو الاجراءات اللي يسونها والاوراق اللي ياخذونها وهل لهم مقابله ولا لأ

تكفووووووون هي مسافره وتبي مساعدتكم

الله يوفقكم ويسعدكم ياااااااااااااارب

 

[سعوديه ثقه]

شوفي حبيبتي الموعد مادري متى بس لازم تروح الوزاره وتقدم اوراقه اي شي عندها تاخذه معه

وفيه امتحان وفيه مقابله


موفقه ودعواتك لي يابطوطه

 

[بحر الغموض]

ياهلالالالالالالالالالالالا ويامرحبا فييييييييييييكم

بس انا كويتيه حبيت ارحب فيكم

 

[النمله الخارقه]

حياج الله
ومبارك عليج الشهر
كويتيه وسعوديه مافي فرق كلنا خوات وديره وحده ياج في المنتدى وفى ارض الكويت الطيبه تحياتي لاحلى سعوديه ثقه

 

[النمله الخارقه]

السلام عليكم ورحمة الله وبركاته

هلا والله ببنات السعوديه حياكم الله خواتي وكلنا شعب واحد والله لا يفرق بينا

حبيباااات قلبي ابي مساااعده

رفيجتي سعوديه وتبي تسجل بالتربيه مدرسه اجتماعيات - ابتدائي

درست بالكويت والجامعه و شهادتها بكالوريوس تربيه - اجتماعيات

متى تسجيل السعوديين وشنوو الاجراءات اللي يسونها والاوراق اللي ياخذونها وهل لهم مقابله ولا لأ

تكفووووووون هي مسافره وتبي مساعدتكم

الله يوفقكم ويسعدكم ياااااااااااااارب

السلام عليكم

كلمت رفيجتي وهي تشتغل بوزارة التربيه

الطلبات

شهادة التخرج مختومه وعليها توابع وصوره عنها

جواز السفر وصوره عنه والبطاقه المدنيه وصوره عنها

شهادة ال اي سي ال الاصليه وموثقه من المعهم وصوره عنها

تاخذ الطلبات وتروح مبنى 2 تروح عن الموارد البشريه ( امحق اسم بس)

وتملا النموذج وتعطيهم الاوراق

الباب مفتوح للكويتيات وخليجيات فقط

مع الشكر

ودمتم سالمين:eh_s(6):

 

[كل شيء عادي]

لو سمحتو في سعوديه من الخفجي تدرس في ابتدائية عمره بنت مسعود بالسالميه

 

[كل شيء عادي]

واااااااااااااااااااو وش هالتجمع الحلوو ليه ماعطتوني مسد كول واجيكم <<< اقول انثبري هههههههههههههه

ماشاءالله عيني عليكم بارده منوررين والله لايخليني منكم جميع


اختي كل شي عادي اوافقك بكلامك بس اسمحيلي اعقب عليه شويه

سعوديتنا ومملكتنا فيها خير وملكنا الله يحفظه ماقصر بس البلا كله من الحاشيه وياشينهم لاحطو هالحرايم بالمراكز العليا والله الدنيا تخرب كلها فمابالك بمنصب محدود <<< ودتس هالعجز في بيوتهن ابرك لهن هههههه

بالنسبه للراتب لا اكثر ولاشي حاليا السعوديه راتبها اقوى 7249 ريال لو تحسبين سايق يوديك ويجيبك قولي 200 ريال له والباقي بجيبك بس راتب الكويت اذا نزل الدينار مايطلع 7الاف وشوفي السايق كم ياخذ 1000 لا وازيدتس من الشعر بيت نصهم ياخذون 1200 وغيرهم اكثرر وخبرك البنات محتدات لو يقول 2000 قالت يالله شوفي كم يبقى لك 4000 او 3000 وانتي احكمي عاد

بالنهايه احنا خليج واااحد وقلوبنا على بعض...


ارحب ترحيب حار بكل وحده متواجده بموضوعي وياهلا ويامرحبا

ودي اقهويكم بس تخبرون صيااام ههههههههههه <<< مرتاحه


سعوديه ثقه

كلامك صحيح يالغاليه إحنا قابلين بأي راتب بس يوظفونا
والواحد مايستغني عن ديرته واهله بس المعيشه صعبه والأسعار كل مالها تزيد
والله إني ماأدري شلون أجاز الكويت الله يكتبه في ميزان حسناتهم وظفونا وأكرمونا وعاملونا زي الكويتيه
ا
لله يهدي السعوديه ويزيد خيرها وتوظف شبابها وبناتها العاطلين قولو أأأأأأأأأأأأأمين:yaaaaaarb:

 

[ريوف22]

هلا و اهل غللللللللللللللللللللللللللللللللللا بااهل السعوديه وخاصه اهل الخفجي فديتهم

 

[دراهــم]

انا مو سعودية

بس داشة اقولكم .. حياكم الله بديرتكم الثانية

 

[gazaaaal2]

حياكن الرحمن
ويا هلا ومسهلا
بصراحة جتنا دفعه سعوديات في المدرسة العام اللي فات
بنات ولا اروع
ويعطيهم العافية

 

[شمووخه]

وش ذا التحطيم ياناس بديت اكره ديرتي

وربي انواع الظلم عندنا

البترول من حظ غيرنا

احتياج قليل مرررررررره ويروح من حظ اهل الواسطات

واثبات الاقامه صرنا على اخر عمارنا مثل الاجانب لازم نثبت اقامتنا في ديرتنا

والميزانيه ماتساعد على انهم يزيدون الاحتياج بس تساعد في بناء وحدات سكنيه في الاردن اللي كانها قصور امراء والوحدات اللي عندنا تفشل

وفواتير كهرباء في منطقه من مناطق المغرب على حسابنا وحنا الفواتيرنا تكسر الظهر ونطفي من هالمكيفات واخرتها تجي الفاتوره ضربه

والمليارات نوزعها يمين ويساااااااار والشعب رايح فيها الرواتب ضعيفه والاسعار مرتفعه

والقصيمي بساعدنا في حال البطاله وقال نشتغل في البيوت خدمات مو هذا اللي ناقصنا هو وربعه الحراميه بناتهم وعيالهم بخير ونعمه ومن يتخرجون يتوظفون وظايف مرموقه وحنا خدمات وشبابنا يبعون خضار والا يشتغلون بالمطاعم


واللي يقهر ان ثلاث سنوات بس ينحسب لنا نقاط قعدتنا في البيت بدون وظيفه ومن تعدي الثلاث سوات مالنا نقاط

والدورات مدتها خمس سنوات ونبلها ونشرب مويتها اللي مايخافون ربهم الدورات دفعنا اللي قدامنا واللي ورانا عشان ناخذها واخرتها خمس سنوات وتنتهي

بس ان شاء الله ينتهي عمر اللي نزل هالقرار قبل لاتنتهي الدورات اللي اخذتها


يصعبها لما ديرتك للي المفروض تعزك هي اللي تذلك

 

[وهج-البندري]

>>>>>>> دخول قوي وش ذا تتكلمون في السياسة

السلام عليكم ويعطيك العافية للجميــــــــــــــــــــع

أنا الحمد لله العكس من السعودية متخرجه من الكويت وتوظفت بديرتي حبيبتي السعودية

والحمد لله كل شي تماااااااااااااام واذكر مرة طلع تعييني بالفيحاء ورفضت وقدمت وطلع بحولي ورفضت

وتوظفت بالخفجي...وبصراحة يابنااااااات الخفجي عندي اخذ هالرويتب واقول الحمد لله ولا.......

زحمة الجمرك والتطبيق وهالسواقين وارجع لبيتي عقب العصر وانا هلكانه...

اعرف بناااااااااااااااااااااااااات كثير من عندنا ومتوظفين بالكويت صدق راتبهم ارفع بشي بسيط200 او اكثر

لكن الراحة النفسية غيييييييييييييير

وحبيبتي اللي تقول الفصول فيها 50 >>>>>>شدعوة

هي زحمة طلبة بس مو لهالدرجه..>>طالبات فصلي العام 34 خخخخخخ

. لا احد يزعل مني بس ترى كلنا ننقل صورة بلدنـا

وتسسسسسسسسسسلم اللي فتحت الموضوع وهالفضــفضة

وقلبــــــــي معاكم عسى الله يوفقكم هنا وهنااااااااااااك

وتحياتي للجميع

 

[ريومة المزيونة]

اخخخخخخخخخخخخخخخ بس يا بنات الحلال خلوها ع الله هههههههه
مراااااااااااااااحب:68_asmilies-com:
الله يطرح فيكم البركه وترجعووون السعوديه وتتوظفون ولا تتزوجووووووون بلكووويت:q8: ههههههه
الغاليات انا ابي احط رجلي والحقكم:ada: ان شا الله ما دام شايبي وافق الله ايطول بعمره ( دادي) مثقفه ههههههههه:bbbiu:
حبايبي الحين الاوراق المطلوبه عرفنهاشهادة التخرج مختومه وعليها توابع وصوره عنها

جواز السفر وصوره عنه والبطاقه المدنيه وصوره عنها

شهادة ال اي سي ال الاصليه وموثقه من المعهم وصوره عنها

تاخذ الطلبات وتروح مبنى 2 تروح عن الموارد البشريه ( امحق اسم بس)

وتملا النموذج وتعطيهم الاوراق
للوزاره مبنى 2 ههههههه شاطره حافظه الدرس
الحين ابي اسئلكم الامتحان كيف ومقابله شفهي ولا تحريري والاسئله عامه ولا بتخصص لجنه حليوه ولا اتخووووف وش اشباح ههههههههههه وتخصصات العلميه مطلوبه لا هنتووووووووووووووووووووووووووااا