المـــناوبة ... و خطرها !!!

[{ملاك}]

السلام عليكم ورحمة الله وبركاته



اندش بالموضوع دووغري و مانطول عليكم ابلاتنا الحلوات
سؤال .. هل المناوبة ( اجبارية )؟
طيب واللي ماتبي المناوبه وماتبي فلوسها ؟هل يحق لها ان ترفض المناوبه و فلوسها ؟


وسؤال ثاني هم بخصوص المناوبه ..
في ناس تخاف على بناتهم يناوبون بروحهم مع 2 حراس مفجوعين مو شايفين اهلهم و متغربين!
و في رياييل ما يرضون حريمهم يقعدون هم والحراس فقط !!

والسؤال الثالث والاهم .. وين هيبتنا كمعلمات .؟ الى متى احنا حراس@@ لي متى @@
خل يحطون ناس شغلتهم تناوب وبس...

مو نكرف طول اليوم وحالتنا حاله مناقز و مطامر كأننا اراجوزات ونهاية الدوام حراس @@


ولا سمح الله غص ياهل ، ولا اختنق ولا انفلع ..
شلون هالمعلمة الوحيييدة مناوبه .. تعابل فيه @@ وشتسوي بباقي اليهال!
تخيلوها يا جماعه ترى والله الوضع مزري ..
لي صار ما صار .. محد يسأل الاداره كله على راسج يا معلمه ..

مسكينه كبش فدااء :0bee2e8d89:

وبعدين يعني :0bee2e8d89:

 

[عبااير]

المناوبه ضروريه ولازم .....لان بعض الاهالي الله يهديهم ماياخذون اعيالهم من الروضه اللي نايم واللي لما الخدامه اتركب الغدا تروح تاخذ الجهال واللي ينطرون الابتدائي عشان الروحه وحده
بس المناوبه ضروريه ......بس برايي لازم يزيدون الفلوس عليها لانها تعبتبر اوفر تايم ...مو بس اربع دنانير ..ولا اشرايكم ؟

 

[{ملاك}]

اوكي .. اليهال عيال ناس ..
والمعلمات مو بنات ناس ؟
\ما ورانا اهل ينطرونا !
الله لايقول الحارس المفجوع اعتدى على المعلمة وهي بروحها .. وقتها منو بينفعها !
احنا ما نتكلم عن زياده الفلوس .. يا يزيدون عدد المناوبات يا .. اييبون مناوبه خاصه
يا بلاها ..
احنا مو هامتنا الفلوس

 

[ArEEj]

اهو المفروض المعلمة ما تناوب بروحها
لازم معاها اما معلمة ثانيه او منفذة او مجهزة
والمناوبه غصب فينا فينا
يعنى صعبه نطلع كلنا من الروضه ونخلى ورانا جهال اهلهم ما استلموهم للحين

وانا ما عندي مانع اناوب بدون فلوس وال 4 دنانير ما ابيها
بس لازم يصير عند الاهالى وعي شوي وما يتأخرون على عيالهم
يعنى الدوام ينتهى 12,20
يأخذون عيالهم 2
مو حرام حتى الطفل يا حرام يكسررررررررررر الخاطرررررر

لازم يكون في وعى من الاهالى يا جماعه لا تتأخرون على عيالكم
كلش كلش نص ساعه مو ساعتين !!!!!!

 

[مســـــافره]

لا لا لا لااااااااا مو خوش خبر
الحين المناوبه هذي بالله كل جم تحوشني؟؟

 

[رفرف]

المفروض المناوبة تكون بصالة الالعاب او المسرح او مكان مسكر ومكيف وايون ا لاهل يستلمون عيالهم مو بالشارع وعند الحراس ع الاقل مكان مريح بدال هاللاهووووب مادري شنو الحكمة من النطرة بره اصلا خطر ع اليهال ..
واليهال من يطق الجرس ينتشروووون لي الشارع واللي عند بياع البرد وتعالي يا مناوبة لحقيهم ويمعيهم وكلمن يركض من صوب حشا شاوي مو معلمة !!

لو جذي والله جان محد عارض وبدون فلوس بعد بس هالبهدلة مادري شنو الهدف منها ..

 

[المستغفرة 74]

اللة يكون بالعون. وازيدكم من الشعر بيت وياليت بس جذي تجي ولية الامر اوولي الامر ويزفج زف جنج خدامتة الخاصة ؟؟؟واللهخ صارت معاي كذا مرة

 

[ArEEj]

اللة يكون بالعون. وازيدكم من الشعر بيت وياليت بس جذي تجي ولية الامر اوولي الامر ويزفج زف جنج خدامتة الخاصة ؟؟؟واللهخ صارت معاي كذا مرة

شكو يزفون ليش نشتغل عند ابوهم ؟

المفروض اهم ما يتاخرون عن عيالهم

 

[مخروووشة]

الله يعينا على هالوزارة

 

[miamy]

المفروض المناوبة تكون بصالة الالعاب او المسرح او مكان مسكر ومكيف وايون ا لاهل يستلمون عيالهم مو بالشارع وعند الحراس ع الاقل مكان مريح بدال هاللاهووووب مادري شنو الحكمة من النطرة بره اصلا خطر ع اليهال ..
واليهال من يطق الجرس ينتشروووون لي الشارع واللي عند بياع البرد وتعالي يا مناوبة لحقيهم ويمعيهم وكلمن يركض من صوب حشا شاوي مو معلمة !!

لو جذي والله جان محد عارض وبدون فلوس بعد بس هالبهدلة مادري شنو الهدف منها ..

رفرف بالروضه دايما الاطفال يكونون في غرفة مسكره ومكيفه

الابتدائي اهما اللي بالشارع

 

[رفرف]

اي والله انا بعد مرة حصلت زفة !!
اهمه متأخرين وانا اللي انزف ليش حضرتهم ما يدرون الساعة جم ينهدون بناتهم ولا يبون يتصلون ويسألون مع ان الكويت كلها تدري الهدة الساعة جم وبالجرايد وبالنت وقرار رسمي بس اهمه كانو يبون اتصال شخصي وعليه وليش انا المقرودة مادقيت خو مادري منو قالهم اني انا الناظرة صارت الزفة بويهي الشرهه علي قاعدة مع بناتهم بالحر وادلعهم واسولف معاهم علشان لا تضيق خلوقهم من النطرة خخخخخخ اشكال والله ..

 

[*أم*خالد*]

رفرف شكو حصلتي زفه ؟ مارديتي عليهم ؟

ماجعمتيهم وحطيتي لهم حد ؟

والله طرطره

 

[moone GRL]

مو مشكلة المناوبه


بس انا اقولج شنو المشكلة


بروضتي ناظرتنا سانه قانون بكيفها .. المناوبه الصبح مو الساعة 7 .. لا لازم ست ونص يجون ليش ؟ لانه فيه اولياء امور يقطون عيالهم مبجر وما تصدقين لو اقولج في بعضهم يجيبونهم قبل ال 6 ونص بعد ..

والمشكلة الادهي والامر .. صارت فيني اكثر من مره يبقى طفل او اثنين تعدي الساعة 1 ما جوا اهلهم ياخذونهم اروح للحارس اخذ منه كشف الصفوف اسماء الاطفال وارقام اولياء امورهم .. ادق على تلفون الام او تلفون البيت اكتشف انه اهله ناسينه !! او مره وحده كلمتها تقول ولدي نايم بغرفته ماداوم اليوم !! بالله شتقولين للاهالي اللي جذي صج بطت جبدي الاخت نايمه الشغاله والسايق هم يودون الولد ويجيبونه وهي ماتدري حتى داوم ولا ما داوم

بس جيدين بالشكاوي مالت بس

 

[رفرف]

لا والله مازفيته كان ريال ماقدر الاسنه بس قلت حسبي الله ونعم الوكيل وكان برمضان بعد .. مو مال اخرب صيامي ومو متعودة ارد عالهلاقة ..

 

[شعار الطفولة]

انا شقول .. اللي ادق على اهل الطفل يرد علي الابو معصب يقولي شمهنتج انتاي نطري لما تطلع اخته من الابتدائي اييبهم يميع .. رديت عليه قلت له لك 5 دقايق والا بتلاقيه بروحه ... اثاري الاخ سكران ..

تخيلوا سكران ياني الدوام..


ومن يومها حدي وحده الا ربع .. واشيل شلايلي وامشي ..

وكلمت الناظره بهالخصوص ..

منو بينفعني لو صاير شي لاسمح الله .. الناظره والا الوزاره والا الأربع دنانير ملوتهم ...


واللي اعرفه انه مو اجباري .. كيفهم يحلون مشكلتهم ..

 

[Om_Ksha]

خليني ساكته احسن ,,

الله كريم

اجر اجر يا ابلات لا تقلبون المواااجع

 

[kajool_80]

المناوبه اجباريه بس بطريقه لطيفه قبل كل شي احنه عيال هالديره وعيال الناس عيالنه بالروضه والصبر زين ولمن ننطر شوي ترى كله اجر وثواب بس احنه بهالوقت كله مستعيليين ونحاتي اللي ورانه بس هم المهنه لها حق عليج
واذا على الحراس انتي ما تقعدين بروحج معاج معلمه ثانيه ما يصيير تناوبين بروحج واذا على اولياء الامور تلقين فيهم الزين وفيهم الشين بس تمر الايام انا مرت علي ايام بالمناوبه الابو نايم والام تطق الهرن من عند الباب ييبو ولدي
واللي بنتهم رايحه مع الجيران والابو يناشبنه وين بنتي ما ردت وووووووووووووووووووووووووووووو بس الصبر زين وكله في ميزان حسناتج قبل الفلوس اللي يبون يعطونج اياها

 

[شعار الطفولة]

اختي kajool

عمره مايصير معلمتين يناوبون بو قت واحد " تأخير"
ماسمعت فيها .!

واذا كانت روضتج بمحافظة وبيتج بمحافظة ثانيه ، شبيتسوين بتقولين صبري والصبر زين ؟
صح الصبر زين بكل الاحوال الا هالحاله ، انا اخاف على نفسي ، والحارس بابه ببابج ،
وليش مايوزعونها على المنفذات والمجهزات اهما يبونها يحنون عليها ؟
ليش لازم نظام " مص دماء معلمة الروضة من 7.30 لي 12.20 + المناوبه"

صدقيني اختي الحالات اللي مرت علي متأكده مامرت على احد ،

 

[DoOoOoha]

لاااااا انا اللي سنعته ان المناوبه بداية الدوام اجباااري ام نهاية الدوااام اختياااري

وكانت معاااي وحده خبرة جم سنه تستلم بس الصح ونهاية الدوام تقول رفضتها مو اجباريه

ليش منوووو يقووولكم اجباااريه ؟؟؟؟؟


تكفووون شنو القااانون اللي يقووول لاني مو ناويهخ استلم هالسنه

حنا نصبر ماعندنا فيها ونتحمل عادي بس حق ناس يستاهلووون واولياء امووور يقدرووون

حنا ادارتنا ما تدز اسمائنا كل سنه واولياء الامور اذا تاخر وتعذر ميخالف لكن لسااان طويل لا حبيبي

واحنا همن عننا عيال وزوج ينطرووونا

تاكدووو من الخبر عفيه

 

[{ملاك}]

مشكورين حبيباتي عالرد ، بس اللي يقول مناوبة التأخير اجباريه ..
هذا افضل رد

لاااااا انا اللي سنعته ان المناوبه بداية الدوام اجباااري ام نهاية الدوااام اختياااري

وكانت معاااي وحده خبرة جم سنه تستلم بس الصح ونهاية الدوام تقول رفضتها مو اجباريه

ليش منوووو يقووولكم اجباااريه ؟؟؟؟؟


تكفووون شنو القااانون اللي يقووول لاني مو ناويهخ استلم هالسنه

حنا نصبر ماعندنا فيها ونتحمل عادي بس حق ناس يستاهلووون واولياء امووور يقدرووون

حنا ادارتنا ما تدز اسمائنا كل سنه واولياء الامور اذا تاخر وتعذر ميخالف لكن لسااان طويل لا حبيبي

واحنا همن عننا عيال وزوج ينطرووونا

تاكدووو من الخبر عفيه