اولياء امور مدرسة التكامل( صباح السالم )

[باونتى]

بنات شلونكم .. بنات بغيت أسألكم المدرسه فيها ممرضه يعنى لا سمح الله اذا الطفل طاح وتعور او فيه حراره عندهم ممرضه ؟؟
ودى أدق على المدرسه وأسألهم شنو استعداداتهم ؟؟ يعنى المدارس الحكوميه مستعده ومجهزه العيادات الخاصه والادوات المعقمه فما أدرى بالنسبه للتكامل فى استعداد ولا لاء ؟؟؟

 

[ام _خلودي]

قوه بنات

شسالفه دوام الكى جى 1 مو الوزاره قالو الى اخر نوفمبر

شكو بالله يدومون بعد العيد شنو المدراس الخاص ماتخضع لقوانين وزاره

التربيه

 

[تركوازية]

انا بعرف بعد الكي جي 1 انا ما كملت دقع الرسوم و متى ندفع؟؟ و بعدين اشلون بداومون انا بصراحه خايفه

 

[manarah]

اشلونكم بنات ...
والله كلنا محتارين ما ندري يداومون من اول يوم والا لا ... يعني على قولت كويتيه ذربه اللي الله كاتبه بيصير والمرض ممكن ايي من اي مكان .. بس هم من جهه ثانيه تقولين ان هذول يهال وبسرعه يلقطون المرض من بعض يعني المدرسه مكان مناسب لانتقال الامراض والله مادري انا جربت استخف من كثر ما افكر .. الله كريم الواحد يستخير ويتوكل على الله ..

أم خلودي النظام الخاص بروحه يعني كل مدرسه ونظامها مالهم علاقه بداوم الحكومه ... انا بعد ليلحين ما دفعت الرسوم بس عالاسبوع الياي انشالله ندفع .

 

[جوري الحلوة]

بنات دقيت على المدرسة وقالولي ان الكي جي يدامون عقب العيد على طول بس المراحل الثانية دوامهم 6/9 وراح يجتمعون ويبلغون أولياء الأمور يوم الخميس اذا تأجل الدوام ودوامهم برمضان راح يكون من 9 إلى 1:30

جوري الحلوة
ودقيت على التسجيل طلع ولدي عند مس آن اشرايج فيها تكفيين ترا ولدي شيطان ومدرسته مالت قريد 1 اهي اللي وصت يحطونه عند مس آن بس ما أبيه يكره المدرسة لأنه مستواه مو ذاك الزود

اسفه حبيبتي توني اشوف اللي كتبتيه

مس ان ترى زينة مادري انا ماشفت منها شي وحتى لو عصبت ترى ماتصرخ او مثلا تحرجهم اتوقع الزف العادي
مادري يمكن تعاملها مع البنات غير عن الصبيان، بس اهيه ترى مافيها حيل تدرس ماشاء الله مادري جم عمرها
لا تحاتين ماراح يكره المدرسة وانتي لا تخرعينه فيها :dddds: اخاف يكرهها من اول يوم قوليله مدرستك طيبه وجذي قصي عليه

بنات انا امس رحت المدرسة وييييييع تراب وعفسة وصفطت بعيييييييد عفسة عفسة هناك متى يمديهم يخلصون؟؟؟ كله تراب

شريت تيشرتات بس مالقيت لبس الرياضة كله خالص في حق اكبر بس مالقيت كبر بنتي وشريت نفنوف ابيه مالقيت شي كل المقاسات طايرة قالت لي بعد شهر انييب باقي الهدوم غلطانة

سألت عن صف بنتي وقتلهم شلون اذا بنقلها صف ثاني قالوا لما يبدي الدوام تعالي نقليها ابيه مادري ليش النفسية الخايسة مالهم خلق يردون على استفساراتنا ونسيت اسألهم اذا ثالثة ابتدائي خلط ولا بنات بس

 

[رفرف]

باونتي ..
اي عندهم نيرس حتى اذا الياهل مريض تودين لها الدوا وانا مرة بنتي تعبت بالمدرسة راحت عند النيرس وعطتها خافض حرارة ودقت علي كلمتني قالتلي شنو فيها بالضبط وانا رحت خذيتها يعني حق الحالات العادية في نيرس اكيد بس مادري شلون عالوضع اليديد ..


بنات محد عنده خبر شصار على دوامهم ؟ محد دق اليوم كنت متوقعة يدقون يأجلون

 

[كويتيه ذربه]

اليوم رفيجتي مرت المدرسه قالوا دوامهم الاحد انشاءالله ومااجلوا
بس للحين محتاره اذا اخليها تداوم ولا لأ
انا بوديها اول يوم وبشوف الوضع وبعدين اقرر اذا اغيبها ولا تداوم عادي

رفر ف
بنتي نفس بنتج تستحي اذا تاخرت
حتى اللبس اذا خذيت لها مو من المدرسه تحس انها غير وتنحرج
وهيا اساسا وايد خجوله العام كانت تقول المس كله تقعد بالفرصه بروحها وتستحي وايد

 

[باونتى]

بنات اليوم المدرسه داقين على موبايل زوجى بس ما رد عليهم وانا موبايلى طول اليوم مغلق دقوا عليكم ؟؟؟
بنات شفتوا موضوع المصاب اللى فى الصف الخامس اللى فى المدرسة العالميه ةhttp://www.q8yat.net/showthread.php?هذا الرابط وشوفوووه

 

[jolie_q8]

المدرسه فيها نيرس

انا مره ولدي (استفرغ) ودقوا علي ورحت خذيته

بس مادري عن استعداداتهم

وانا الاحد ماراح اخليهم يداومون ,, بس انا بروح اشوف نسبه الحضور والوضع

المدارس الاجنبيه الثانيه مافيها حضور الصف فيه 5 -6 طلاب

اتوقع كلهم مأجلين بخلونهم الاحد يداومون

 

[manarah]

السلام عليكم ..
شخباركم بنات مع هالاخبار اللي ما تونس والله ... اا قررت ان ما اخليه يداوم اول شي بس لي متى والله ماني عارفه يعني غيبته يوم والا ثلاث والا اسبوع وبعدين هل اضمن ان ماراح يكون في حالات مصابه بعد اول اسبوع ؟! يعني اخبار الجرايد شي يخرع والله توني قاريه الجريده فيلم رعب اللي مكتوب واللي قاعد يصير ما اقول غير الله يسترويحفظ هالديره واعيالها من كل شر ومكروه ويرفع عنا هالبلاء امين .

 

[كويتيه ذربه]

اي مناره انا بعد حدي ضايعه احس ماني عارفه شسوي اخليها تداوم ولا اغيبها احسن

 

[باونتى]

بنات .. اليوم باخبار الوطن يقولون ان منظمة الصحة العالميه تقول ان الوضع مطمئن بالكويت بس بالجرايد نقرا غير هالكلام والله احترنااا

 

[نواره الحلوة]

بنات آنا بروح وياه الأحد وبشوف الوضع واستعدادات المدرسة ونسبة حضور الطلبة وإذا تطمنت بخليه يكمل الدوام بس أذا ما ارتحت بآخذه وارجع وأنا عيزت وآنا أوصيه لا تآخذ اي شي من اليهال ولا تمسك شي ومعلمته على Anti bacteria كله بجيبه

والله المستعان

 

[manarah]

هلا بنات .. ايه نواره بس هذوله يهال تضمنين ماراح ياخذ شي من احد يعني باختصار حتى لو يعرفون طرق الوقايه ماراح يلتزمون فيها ..
باونتي وانتي الصاجه ما تدرين وين الصج يعني اشلون الوضع مطمن واشلون من ناحيه ثانيه نفس المنظمه تقول الكويت اكبر معدل اصابات بالمنطقه !!
كويتيه ذربه الله يزيل هالمرض انشالله ونرتاح يارب .

 

[رفرف]

والله انا مره اقول بخليها تداوم ومره اقول بغيبها ..
الارجح اني بغيبها الاحد لأني اصلا مادري دوامهم من متى لي متى ولا شي فبداوم انا وبمر مدرستهم اشوف الوضع واشوف صفها ..
والاثنين مادري بستخير واشوف اذا اخليها تداوم والا لا ..
المشكلة مثل ما قالت مناره ماندري اهمه يومين ولا شهرين ولا شكثر بنغيبهم بالضبط يعني مردهم بيداومون ..
الله الحافظ الجرايد تخرع !

 

[jolie_q8]

بنات حتى لو تعطونهم انتي بكتيريا وما يسلمون على احد ولا ياخذون شي

اهيا عطسه او كحه وحده كافيه تنشر المرض حق كل اللي دار مداره

وبعدين الصفوف ترى فيها 26 طالب واحتمال اكثر والصف مو كبير

يعني احسن مكان تنتقل العدوى

وثاني شي انا اعرف ناس كبار واطباء ياتهم العدوى ,, فشلون بالله طفل بو 7 سنوات بيفهم !! انا عيزت اشرح لهم المرض

ومو فاهمين شي ,, مابي اخرعهم زياده !!

انا بنتظر مو علشان المرض يخف انا ناطره قرار من الوزاره بتوقيف الوزاره لين يتوفر العلاج او تطعيم على الاقل

وثاني شي ,, التامي فلو اللي يعطونه المرضى (انتهت صلاحيته ) خلاص مافي ادويه

من صجكم تقولون الصحه العالميه تقول الوضع مطمئن !!

الكويت ثاني دوله بانتشار المرض

الله المستعان

 

[كويتيه ذربه]

هلا بنات .. ايه نواره بس هذوله يهال تضمنين ماراح ياخذ شي من احد يعني باختصار حتى لو يعرفون طرق الوقايه ماراح يلتزمون فيها ..
باونتي وانتي الصاجه ما تدرين وين الصج يعني اشلون الوضع مطمن واشلون من ناحيه ثانيه نفس المنظمه تقول الكويت اكبر معدل اصابات بالمنطقه !!
كويتيه ذربه الله يزيل هالمرض انشالله ونرتاح يارب .

انشااااااااااااء الله

 

[مـــامى]

السلام متاكدين ان الدوامات ما تاجلت؟؟؟؟؟؟
انا امس قعدت من النوم الا المدرسه داقين على اربع مرات مادرى شالسالفه ولما دقيت ماكو دوامهم خلص ؟؟
انا بغيبهم بس احاتى الدروس الى بتطوفهم اشلوووون؟؟

 

[كويتيه ذربه]

السلام متاكدين ان الدوامات ما تاجلت؟؟؟؟؟؟
انا امس قعدت من النوم الا المدرسه داقين على اربع مرات مادرى شالسالفه ولما دقيت ماكو دوامهم خلص ؟؟
انا بغيبهم بس احاتى الدروس الى بتطوفهم اشلوووون؟؟

وعليكم السلام
دوام الروضه تاجل
بس باقي المراحل الاحد يداومون
انا قلت بس بودي اول يوم وبعدين اشوف الوضع واقرر اذا اغيبها ولا لأ

 

[كويتيه ذربه]

اشصار الحين
شنو قررتوا باجر تودونهم ولا لأ