طريقتي باحلا حمام مغربي...يلا ياحلوين هلمووو

[lolocati]

شلونكم يااحلا بنوتات ...مرتاحين انشااالله:33_1185028183:




ببدي موضوعي ماني مطوله عليكم....


انا وحده غرامي شي اسمه خلطات وحمامات وتفرك واغلب وقتي حق هالسوالف ودايم ادور كل شي يديد ويفيدني وبقى شي ماجربته وبالامانه في اشياء انفعتني واشياء خربوووطه تطلع...ولو اتعيزن ماراح تلقين احسن من الحمام المغربي لانه محتوياته اشياء طبيعيه...وهالكريمات فترة بتستانسين فيهم وبتردين نفس ماكنتي
تقريبا صارلي 5 سنين على هالسوالف ولقيت احلا نتيجه الي صج فااادتني ومستحيل اقطعها وقلت مايصير مااقول حق احلا بنوتات منتدى كويتيات.


الي تبي السنع واحلا نتيجه تلتزم بكل حرف بحذافيرة...موكل شي يصير بيوم وليله لانه مو سحر اهم شي الالتزاام والصبر



قرقت وايد...سامحوني:tomato2:



حمامي هذا تكرمون مخصصتله يوم بالاسبوع..يعني كل سبت_03BA:


المدة: سااعه ونص



المطلوب:


خيمه البخااار





وتحطين مع ماي البخار قفشتين كبار من...


بابونج






وورد وخزامي





طبعا تكونين غاليتة ومصفيته..





2- الصابون المغربي..








وانا اخلط معاه هالانواع من الصابون التونسي كل واحد منه شوي



بزيت اركان+بالورد+عكر فاسي+نيله صحراويه







3- خلطتي الصابونيه..نفس مكوناتها المعروفه بس انا ضايفه فيها اشياء




4- الليفه المغربيه...احسن شي مالت صالون الشرقيه حيييل خشنه ولقيتها بحواي الصبوحه







5- حنه مرة...مالت الجسم





6- داد




7- كوب عصير ليمون






8- غاسول بلدي....حق الجسم والشعر استعمله





9- شويه ورد وبابونج وخزامى مطحونه ومنقعه بماااي حااار




10- خلطة السنفرة ...بعدين اقولكم عنهاا..





يتبع


بليز محد يرد

 

[lolocati]

الخطوات:


اتفركين بالخلطه الصابونيه عاديه ثلاث دقايق واتغسلينها تالي تدهنين جسمج بخطله الصابون المغربي+التونسي وتكون الخيمه حارة طبعا تقعدين فيها 15 دقيقه بعدها اتغسلين الصابون وهات ياتفريك وتعالي شوفي الوصخ تكرمون والبلاليط

نيي حق الخلطه الي بعد التفريك..


قفشتين كبار حنه +قفشه كبيرة داد+قفشه كبيرة من الورد المطحون المنقع+عصير الليمونه+كوب صغير غاسول طبعا يكون منقع...عاد تخلطينهم وتدهنين كل جسمج

وتردين تقعدين بالخيمه لمده عشرين دقيقه عشان يبين مفعول الداد..عا كيفج تبين تشغلين البخار اولا من ناحيتي اشغله عشر دقايق بعدين اطفيه


غسلتي الخلطه نيي حق خلطة السنفره


مكوناته:

قفشتين كبار كريم العروسه وكريم كاب+قطعه سفيدااب مطحون+قفشتين ملح يوكو+وشويه جلسرين سائل+كوب صغير نشا+وقفشتين حنا بيضا+وكوب صغير هرده ونص كوب ماي ورد...بس صج فله











تفركين جسمج بس مو حيل شوي شوي جنج اتسوين مسااج بدون بخار عادي...اقل شي تقعدين فيهاا ربع ساعه



بس قبل لا تحطين السنفره...الي حابه اتسوي هالطريقه


انقع شويه من الغاسول وادهن في شعري وهو مبلل بعدين احط السنفرة


خلص الوقت غسلي جسمج اول بعدين غسلي بالشامبو مالج ...وغسلي جسمج بشكل سريع بصابونه طااووس




قبل لا تلبسين فوطتج وجسمج مبلل...دهني جسمج مع البيبي اويل خلطة هالزيوت


اللوز المر شوي+الليمون+جلسرين+اركان...كل واحد منهم شوي وحطيهم افبطل





وهذا احلا ماسك..استعمله مرتين بالاسبوع


قفشه طين ابيض او اخضر+شويه نشا+قفشه روب او لبن








عاد بعد الماسك بخي وويهج بخاخ ماااي ورد





وحمام الهنا والعافيه يااحلا سنعات






نصايح حلوة:


قبل لاتسوين حمامج بثلاث اربع ايام تدهنين جسمج كللله بفازلين...عشان تطلع البلاليط وهو يساعد عالتقشير بشكل طبيعي

يعيني مثلا...بتسوين السبت ابدي من الثلاثه لي ليله الجمعه كل يوم تمرقدي بفازلييين


وبعد الحمام لااا تحطين بجسمج لا عطور ولا لوشنااات لانها معطرة ويلتهب جلدج...كريم جلسرين وجلسوليد يفضل



وساموحوني عالطواااله...وبشروني بالنتايج:tek:

 

[** الحب كله **]

مشكووووووره حبوبه على هالطريقه الحلوه يعطيج الف عافيه انشالله بجربها لاني امووووت على هالسوالف

بس حبوبه سؤال الصابون التونسي من وين ماخذته لان شفت في المباركيه نوع واحد بس الي بالعكر فاسي مو كل الانواع وزيت الاركان بعد من وين ماخذته

 

[لولو وألماس]

الله وناسه احب هالسوالف


موضوعج روعه .تسلمين حبيبتى

 

[نور الكويت$$]

:eh_s(17):
خوووووووووووووش طريقه..
مشكووووووووووووره ياقلبي..

:eh_s(17):

 

[قمر^عبدالله]

اي والله من ماخذه الصابون التونسي بليز قولليلنا انا طلبت من وحده بالمنتدى وطنشتني

 

[ارنوبه]

والله شكله واااااايد حلووو وبيطلع بلاوي بس تعب وااااااااااايد ياخذ وقت واغراضه وااااايد

 

[shjoon]

مشكوره حبيبتي على الموضوع

بسألك الغاسول وين احصله وهمن الحنه البيضا والحنه المره

وهم اداد شيكون وين ينباع وبعد الطين الابيض وين ينباع

وشاكره لج

 

[الكشخه]

مشكوووووووووره

 

[روزه]

مشكوره حياااااااااااتي.....

 

[الكشخه]

مشكوووووووووره

 

[عز النفس يغنيني]

ياااااااااااااااااا مال العافيه بعد عمرررررررررري شوقتيني اشتري خيمه البخار ..

انزين بسألج صج تضعف خيمه البخار << سؤال داش عرض بس ميخالف


انزين حبيبتي بالنسبه للشغلات اللي حاطتها حسيتي بفرق وبياض .. .؟؟ ومن وين تشترين الشغلات الاصليه


واسفه على الاطاله فديتج على هالموضوع السنع

 

[ام الفواكه]

يعطيك العافيه

 

[dla3_princess]

موضوووووووووووعج مميز

و يااااااااارب بميزااااااانج اشكرررره بطبقها ان شااء الله عقب رمضاان بتفرغ حق هالساالفه لووول

 

[lolocati]

مشكووووووره حبوبه على هالطريقه الحلوه يعطيج الف عافيه انشالله بجربها لاني امووووت على هالسوالف

بس حبوبه سؤال الصابون التونسي من وين ماخذته لان شفت في المباركيه نوع واحد بس الي بالعكر فاسي مو كل الانواع وزيت الاركان بعد من وين ماخذته

العفو حياتي...تسلمين



الي على عكر ونيله الصحروايه من صديقتي كازاويه..اما الورد والاركان من احمد المغربي ولا تحاتين دام نفس هالشكل معناه اصلي

 

[lolocati]

الله وناسه احب هالسوالف


موضوعج روعه .تسلمين حبيبتى

يسلمج قلبي..شاكرة مرورج

 

[lolocati]

:eh_s(17):
خوووووووووووووش طريقه..
مشكووووووووووووره ياقلبي..

:eh_s(17):

العفو حبوبه..نورتي

 

[lolocati]

اي والله من ماخذه الصابون التونسي بليز قولليلنا انا طلبت من وحده بالمنتدى وطنشتني

ويييييه صارت فيج مثلي.:eh_s(6):..اكيد نفس التاجرة...كيفها ماتشوف شر


حبيبتي تلقينه عند التاجرة كازاويه وهمن بعد عند احمد المغربي بس ماتحصلين كل الانواع انتي وحظج

 

[lolocati]

والله شكله واااااايد حلووو وبيطلع بلاوي بس تعب وااااااااااايد ياخذ وقت واغراضه وااااايد

الي يبي الدح مايقول اح:eh_s(6):


بصراحه انا حاطة ميزانيه حق هالاشياء...ولازم بيكلف دام النتيجه بتفرح


شاكرة مرورج

 

[lolocati]

مشكوره حبيبتي على الموضوع

بسألك الغاسول وين احصله وهمن الحنه البيضا والحنه المره

وهم اداد شيكون وين ينباع وبعد الطين الابيض وين ينباع

وشاكره لج

العفو حبوبة..


الغاسول والداد والحنه عند والطين التاجرة المغربيه كازويه اتيبهم من المغرب


اما الحنا البيضا بالحواي تحصلينها