**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[sOkOnOnO]

هلا و الله حبيبتي أم علاوي
إحنا تمام و الحمدلله
خلصنا من القرقيعان و ألحين نبتدي بأغراض العيد ​

 

[sOkOnOnO]

بنات آنا شعري قام يحت
يقولون يعني البيبي قام يعرفج
صج أحس ألحين إسم الله عليها تعرفنا آنا و أبوها و اليهال يحليلها​

 

[Anestazya]

سكونونو شعلاقه الشعر بالجاهل ؟؟؟؟؟؟؟؟؟؟؟؟؟؟؟؟؟؟؟؟؟

ماله علاااقه

 

[sOkOnOnO]

وينكم وين رحتوا ​

 

[sOkOnOnO]

سكونونو شعلاقه الشعر بالجاهل ؟؟؟؟؟؟؟؟؟؟؟؟؟؟؟؟؟؟؟؟؟

ماله علاااقه

لا حريم أول يقولون إذا البيبي قام يعرف أمه يحت شعرها
سوالف العيايز ههههههههه​

 

[استبرق أم علاوي]

انا بعد شعري قام يحت وايد وايد بس من أول ما ولدت

 

[al7noona]

قوه شلونكم ياحلوين


سوالف وايد طايفتني



اول شي عن المساج انا ودي اييب وحده تمسجني وعندي رقم الصينينه الي عطتني اياه ام اميره وحيل تمدحها انشالله اجربها لان صج جسمي متكسر للحين من عقب الولاده وخصوصا ظهري يعورني حييل




والسالفه الثانيه عن الشعر ماله علاقه ان الياهل قام يعرف امه لالا اصلا معروف الوحده من تولد يبدي شعرها يحت يحت وااي على شعري بروحه خفيف صرت تقريبا قرعه لما امشط المشط ينترس شعر صج ضايق خلقي على شعري خل اشتغل بخلص معاشي على شعري لووول لا صج اذا الحين ضعري هالكثر خصلتين اذا كبرت اصير قرعه استغفرالله

 

[al7noona]

وعن صور القرقيعان

انا اسوي قرقيعان حق الكبار فاحط فيهم صور بنتي وبالعكس ماراح يقطونهم راح يحتفطون فيهم

بس اذا بسوي حق اليهال لا مااحط الصور حقهم

 

[eman84]

اموووووووووووووووووره اهلين وسهلين والحمدلله على سلامتج يا ام عبووود بشرينا عنج شخبااارج ؟؟ هاا شلون الولادة تدلدغ لوووول


----------

اسوووره اليوم وديت لولو يااعمري وخرمو اذنها بصيدلية يااعمري خليت الخدامة تمسكها وانا عند الباب ابجي اخااااف موقادره اخليها واطلع ولا قادره اشووفها تبجي بس الحمدلله صاارت بنوووته الخيوووسه شكلها تغير علي

--------

فطوووم والله انتي بعد قلبي ولدج مع الغازات لاعبه فيه لعب شنوو اخر شي قالو الدكاتره ؟؟ انا احس الحليب هو السبب والله اعلم وعطيه اليانسون يوميا الضحى ترى مفيد ..

----------

سكونوو انا بعد شعري الحين قام يطيح اكثر من اول يقولون بنتج عرفتج و احب اوضح ان حريم اول قصدهم بهالشي المده الزمنيه يعني معرووف عقب الاربعين الشعر يبدي يطيح اكثر وبنفس الوقت البيبي اسمالله عليه يبدي يركز بهالعمر فاربطو هالشيين

 

[مجنونة حبه]

صباح الخير يا نايمين
اشلونكم

 

[الشيخه فطامي]

سلام بنات شلونكم
اي والله لين الحين لاهيه مع هل الغازات
اروح او ارد عل المواساه
قام استعمل الدوا 3 مرات باليوم او عطوني بونيسان من هملايا بعد استخدمه مرتين حقه بس عزكم الله ما يطلع ريح ولا يتريع
مادري ليش يحتبس الهوا داخل بطنه
معني اخليه ربع ساعه او اكثر بس ما يسوي شي انومه على بطنه

ام عزوز عطيني رقم الصينيه لانه شكله داشني هوا
عاد تنفسين عدل ما تنفسين يدشج هوا يدش بس انشا ءالله يطلع عاد

مبروك للعرايس الحلوين اللي قضو اذانيهم لولو او فيونه عقبال الباجي
اسوره انا بعد سرت ولدي لبره لا تخلينها تبجي وايد او من الغازات او الهوا تطلع لبره بعد

 

[ام زين العابدين]

السلام عليكم اشلونكم

 

[استبرق أم علاوي]

قوة بنات شلونكم
ام زين العابدين كيف الحال؟

 

[sOkOnOnO]

اول شي عن المساج انا ودي اييب وحده تمسجني وعندي رقم الصينينه الي عطتني اياه ام اميره وحيل تمدحها انشالله اجربها لان صج جسمي متكسر للحين من عقب الولاده وخصوصا ظهري يعورني حييل


والسالفه الثانيه عن الشعر ماله علاقه ان الياهل قام يعرف امه لالا اصلا معروف الوحده من تولد يبدي شعرها يحت يحت وااي على شعري بروحه خفيف صرت تقريبا قرعه لما امشط المشط ينترس شعر صج ضايق خلقي على شعري خل اشتغل بخلص معاشي على شعري لووول لا صج اذا الحين شعري هالكثر خصلتين اذا كبرت اصير قرعه استغفرالله

وااااااااي آنا على عوار الظهر لا تحاجوني عذاااااااااااااب
والله إني ما أقدر أميل بجسمي أو أجندس صرت سكراااااااااب :dddds:
و سالفة الشعر هاذي من الحريم الكبار بس أكيد يحت من الفيتامينات اللي فقدناها و البلاوي بالولادة
علشان جذي لازم ناخذ الفيتامينات و الكالسيوم بعد الولادة بس عمكم أصمخ :eh_s(6):

​

 

[sOkOnOnO]

سوري ما سلمت
سلااااااااااااااااااااااام
شلونكم حبايبي و شلون البيبيات ربي يحفظهم ؟​

 

[sOkOnOnO]

اسوووره اليوم وديت لولو يااعمري وخرمو اذنها بس الحمدلله صاارت بنوووته الخيوووسه شكلها تغير علي
----------
سكونوو انا بعد شعري الحين قام يطيح اكثر من اول يقولون بنتج عرفتج و احب اوضح ان حريم اول قصدهم بهالشي المده الزمنيه يعني معرووف عقب الاربعين الشعر يبدي يطيح اكثر وبنفس الوقت البيبي اسمالله عليه يبدي يركز بهالعمر فاربطو هالشيين

مبرووووووووووووووك على التراجي بعد عمري لولو الله يخليها إن شالله و تشوفينها عروووووووووس تلبس الشبكة
إي يحليلها فيونه قامت تعرفنا و تضحك لنا إسم الله عليها ​

 

[sOkOnOnO]

سلام بنات شلونكم
اي والله لين الحين لاهيه مع هل الغازات

مبروك للعرايس الحلوين اللي قضو اذانيهم لولو او فيونه عقبال الباجي

حبيبتي الشيخه فطامي شلونج ؟
و الله كاسر خاطري وليدج الله يحفظه إن شالله
آنا فيونه كانت تعاني من الغازات وتبجي بجي مسكينه تقعد اللي بالبيت
و أشوه الحمدلله جربت هالشغلات وألحين وايد أحسن من قبل
شوفي إغلي ماي و بعدين حطي عليه قفشة ورد البابونج و شخليه و حفظيه بمطاره و هذا يكون الماي اللي تسوين في حليبه وإن شالله يرتاح عليه
و غيرت حليبها و إستخدمت أبتاميل كمفورت هذا خاص حق الغازات و عندج بعد حليب بيبيلاك وايد زين
بس الحليب إذا بتغيرينه لازم بالتدريج مو مره وحده علشان لا يخبص بطنه حبيبي
يعني تعطينه رضعه من الحليب القديم و رضعه من الحليب اليديد و الحليب ماتغيرينه إلا بعد إسبوع على الأقل

و بعد في دوا إسمه إنفاكول موجود بس بالإمارات و لندن شوفي إذا أحد يقدر يوفره لج و آنا عندي واحد إذا تبين من عيوني
هذا تعطينه قبل لا يشرب الحليب و ريحته برتقال آنا استخدمه حق فيونه و أشوه الحمدلله وايد أحسن من قبل
وبعد عطيه ماي و سكر نبات وااااايد زين
بصراحة آنا جربت وايد شغلات و آخر شي إستقريت على هالأشياء
و إن شالله تستفيدين مني و يتحسن وليدج يارب ​

 

[حور البحرين]

قوة امهات شلونكم

عساكم بخير

واااااااي سافه الغازات بتستمر مع الياهل الى 5 او 6 شهور تقريبا

وتختلف من ياهل الى ياهل

 

[ShoOog el3YoOoN]

مرحبااااااااااااا ,,,


شلونكم ,,, بنضم معاكم لان قبل 6 ايام صرت ام حق ولد فصعوون دوخني .. ههههههههه

 

[مجنونة حبه]

السلام عليكم
اشلونج يا شوق ومبروك ويتربى بعزكم ان شاء الله
شكله ما في تجمع حق النفاس انضمينا على طول اهنيه
اشلون النفاس معاج ان شاء الله اطبقينا بحذافيره
الحين صار لي 15 يوم وبديت الصراحه اخربط يالله اهتم باكلي
اليهال والحوسه ما يخلون احد ياكل
هذي تبجي بلشت الغيره والولد وعليه عليه احس اني هاملته بالغصب ارضعه