الهمبة في تايلند بلد الإبتسامة والأناسة والوناسة @@ مع الصور

[أحلى همبه كويتية]

موضوع قنننننبلة مشالله عليج ..


عليكم بالف الف عافية ياقلبي ،، مشالله صور تينن ومعلومات روووعة

بس عندي سؤاال ..
شنغماي تسوى اروحلها ؟؟ يعني تنصحيني فيها ولا بوكت احلى؟؟؟

يا هلا ومرحبا
مشكورة حبيبتي علي الكلام الحلو
الله يعافيك

شنغماي اذا اول مرة بتروحين حلوة
كافي عليها 3-4 ايام بس
لكن المرة الثانية بتملين وتقولين ياريتني ما ييت لها
( هذا اللي صار معانا )


وبوكيت غراااااااااامي انا وعيالي
تهبل قعدنا فيها هالمرة اسبوووووووع وكنت ابي امدد وريلي ما واااافق عشان حجز الفندق في بوكيت :0bee2e8d89:
ما تنمل وونيسة :tek:

 

[العين الكحيله]

:ggdw::ggdw::ggdw::ggdw:


حمدلله على السلآمه نوووووورت الكويت


الصور رووعه صج طبيعه

 

[أحلى همبه كويتية]

المحطة الثالثة من الرحلة
الغــــــــــــــــــــــداء

بوفيه مفتوح بمكان اسمه Tiger ناسية الاسم بالضبط
بس المطعم بهالمكان اللي هو عبارة عن مكان تربية النمور
وفيه قفص كبير كله نمور
واللي يبي يدخل يصور _03BA:
الأجانب طبعا ما يخافون :krkrkr:
والله والله لو بيعطوني ملايييييييييين ما دخلت عشان صورة
يمكن فجأة اهجموا على كل النمور
يشوفوني مربربة يستطعمون بلحمي

لقطات من البوفيه ( حلو ومناسب للكل )
والسعر شامل بالتذكرة ما عدا المشروبات مثل البيبسي وغيرها

الحمد لله


المرحلة الرابعة من الرحلة
حديقة الزهور ( الأوركيد )
ما اعجبتني ما فيها شي جديد

فيها ركن خاص بالأستقبال حق تحف واكسسوارات كلها من زهور الأوركيد

وطق المطر طق علينا بالحديقة وما كملنا المشي فيها
وقعدنا نريح على الكراسي


شوفو هالفرااااااااشة وايد كبيرة

المرحلة الخامسة من الرحلة
ركوب الجاموس بالعربانة
ويلف شوي بالغابة وخللاااااااااااااااص

ما تسوى وتخض البطن خض
والريحة يعععععععععععععع
رطوبة مع كرمكم الله وصاخة الجاموس ( العطر فوااااااااااااح )

بس الأهم وناسة العيال
تسوي الدنيا ومافيها

الله يحفظهم من كل شر

خلصت الرحلة على خير الساعة 5 تقريبا والطريق إلى الفندق ساعة ايضا
ورجعنا الفندق مستوووووووووووووين من الحر

 

[أحلى همبه كويتية]

:ggdw::ggdw::ggdw::ggdw:


حمدلله على السلآمه نوووووورت الكويت


الصور رووعه صج طبيعه

اشكرك هذا من ذوقك
والله يسلمج ، منورة بوجودكم

 

[monmoon85]

اسفرت وأنورت
حياك الله


صج رحلاتها حلوة بس هالمرة اكتفينا برحلة وحدة
والشلالات حسافة ما رحنا
واحد من العيال كان فيه ( عقنقز )


والنايت سفاري حسااااااااااااااااااافة
توني اسمع عنها منك

يلا ملحوقه وماتشوفون شر

النايت سفاري ,,,, 7 إلى 12.00 ليلا وهي رحلت السفاري وتبعد عن شانق ماي حدود ساعة بالسيارة
حسافه جان استانستوو فيها لان صج تونس انا وريل جنا يهال فيها ,,,,,كانت عجيبه

رحتووو رحلات للمثلث الذهبي وهي الحدود مع لاوس ومينمار والصين والمياة الحارة
:ggdw:وقرية الاعناق الطويلة
هذي كانت تحفه​

 

[أحلى همبه كويتية]

بالليل نزلنا نتسوق
السوق الليلي كان خلف الفندق
5 دقائق مشي بس

لقطااااااااااات من شنغماي - طبعا مش تصويري


تسمي شنغماي ب "روز للشمالِ". وللسيّاحِ هي المدينةُ الثانيةُ في الشعبيةِ للزيَاْرَة
و شيانك Mai يعني مدينة جميلة
تتميز بالهدوء أكثر بكثير مِنْ بانكوك

:tek::tek::tek:

 

[monmoon85]

الــــــــــ الامام ــــــــــــــــى

 

[أحلى همبه كويتية]

نكمل الصور

المواصلاااااااااااات

:dddds::dddds:

 

[أحلى همبه كويتية]

الــــــــــ الامام ــــــــــــــــى

هلااااااااااااااااااااااااااااااااااااااااااااااااااااااااااا ومرحبااااااااااااااااااااااا

 

[monmoon85]

لايوقف_03BA: لايوقف _03BA:
:ada: :ada: :ada: :ada: :ada:
,,,كملي,,,كملي,,,​

 

[أحلى همبه كويتية]

هذا الموقع فيه كل فنادق تاااااااايلند

http://www.r24.org/thailand1x1.com/bangkok/hotels/

 

[أحلى همبه كويتية]

اليوم الثالث في شنغماااااااااي
21/7/2009

حبينا ناخذ راحة وما حجزنا لأي رحلة
بعد ما أفطرنا وعينا من الله خير


رحنا مجمع central airport plaze
وهذا المجمع الأكبر عندهم بالمنطقة وماكو غيره
وعندهم خدمة التوصيل ببلاااااااااااااااش


اخذنا من الفندق جدول للباص حسب الساعات المدونة فيه يودينا ببلاش ويرجعنا الفندق بعد

شوفوا الجدول خشيته لكم

السوق واااااايد كبير _03BA: وفيه كل شي والأسعار معقولة
فيه الغالي والماركات وفيه الرخيص العادي

غير المطاعم والايس كريم


رجعنا بعد ما تغدينا بكنتااااااااااااااااااااااكي هنااااااك

رجعنا الفندق وشرينا من السوق اللي حوالينا مانجا

ولما وصلنا الفندق
قعدنا بالكافيه
طلبنا كابتشيو وكيك

نلقاكم بعد شوي مع تفاصيل اليوم الرابع 22/7/2009 قبل الأخير


:tek::tek::tek::tek::tek:

 

[أحلى همبه كويتية]

هذا البارت عن الفواكهة التايلندية ، لذيييييييييييييذة

والتايلندييين معروفين بفنهم لتزيين الفاكهة وخصوصا الرقي

والباقي في موضوعي - دليلك السياحي إلى تايلند

على الرابط

http://www.q8yat.net/showthread.php?t=180857&page=7

 

[om MaRyooM]

انتي رووعة وخطيرة .. شوقتيني ارووووووووووح

عاد كنت مترددة شهر عشرة ريلي وده نروح وقتله مليت من تايلند ابي دبي .. بس شكلي بروح والله
يعطيج العااافية همبة

 

[ريم^الفلا]

واااااااااااااايد حلوالتقرير
عليكم بالعافيه

 

[أحلى همبه كويتية]

انتي رووعة وخطيرة .. شوقتيني ارووووووووووح

عاد كنت مترددة شهر عشرة ريلي وده نروح وقتله مليت من تايلند ابي دبي .. بس شكلي بروح والله
يعطيج العااافية همبة

allah yafeek
thank you

واااااااااااااايد حلوالتقرير
عليكم بالعافيه

thank you

 

[أحلى همبه كويتية]

اليوم الرابع 22/7/2009

قضينا الفترة الصباحية بالأسواق المحيطة
والغداء بمطعم عربي خلف الفندق
اسمه ( أسماء ) ما عجبنا وايد والنظافة موووووووشي

طلبنا : برياني دجاج - برياني خضراوات - 3 بيبسي - روب بالخيار - 2 خبز

حسابنا 485 بات

نصيحتي بعدوا عن المطاعم العربية غلا على الفاضي


وحجزنا رحلة عشاء مع رقص فلكلور تايلندي من مكتب الرحلات بالفندق نفسه

سعر التذكرة مع العشاء 400 بات
وصلنا الباص الساعة 6:30 مساءا
الطريق تقريبا نصف ساعة

مدة الرحلة ساعتين تقريبا
من 7 - 9 المساء

بمجرد وصولنا دخلنا القاعة ولازم خلع الحذاء بالخارج عن الأستقبال وتدخلين حافية
ونااااااااااسة

كان فيه قعدات على الأرض
واللي وراهم على الطاولات
اخترنا الطاولة احسن عشان اليهال يقدرون يشوفون عدل

قدموا لنا العشاء اللذيذ وريحته تهبل من البهارات
عبارة عن دجاج مقلي فخوذ - دجاج مثل الحميسة مع المرق خفيف وحار فلفل - سلطة - عيش حلو بالسكر - موز مقلي والصورة خير دليل
فواكة اناناس ورقي

ما عدا البيبسي لازم ندفع حسابه
واللي يبي عشاء زيادة يحطون له مرتين

فيه تصوير مع التايلنديات باللبس الشعبي لشنغماي
والصورة ب 100 بات بس

وبعد العشاء ابتدأ العرض عبارة عن فلكلور تايلندي ( حلو وممتع )
وبالنهاية رقصة مع الجماهير للي يبي يتعلم رقصتهم

ورجعنا الفندق لتجهيز شنطنا
لأن المحطة القادمة بوووووووووووكيت العزيزة

 

[أحلى همبه كويتية]

هذه اللقطات للمعابد عندهم
وفيه وايد رحلات لزيارة المعابد
بس مارحنا

وهذا الورد تلاقونه بكل مكان فيه معبد
يشتروون ويقدمونه للبوذا ( الحمد لله على نعمة الإسلام ) مع بخور وأكل وخرابيط واااااااااااايد

 

[أحلى همبه كويتية]

هذه الصورة بالضبط للبنات اللي يرقصون فلكلور
برحلة العشاء اللي فوق
لا بسين اظااااااااااافر طوييييييييييلة

اليوم الأخير في شانغماي
23/7/2009


اصبحنا واصبح الملك لله
افطرنا ونزلنا الشنط استعدادا للذهاب للمطار

وصلنا الميني فان اللي اتفقنا معاه يوصلنا قبلها بيوم
اخذ يمكن 400 بات بس

طيارتنا الساعة 11:25 الصبح
وطااااااااااارت بالموعد

ومن الجو والطيارة هذه اللقطات
وداااااااااااااااعا شانغماي [/B][/COLOR][/SIZE]

يعني حركة صورت الغيووووووووووووووم بالأبيض والأسود

وقدموا هالوجبة البسيطة
الرحلة تقريبا ساعة ونص دايركت
من شانغماي إلى بوكييييييييييييت

وصلنا مطار بوكيت واخذنا فان للفندق بقيمة 800 بات

وللعلم ساعارهم موحدة من المطاااااااااااار

الطريق ساعة بالضبط

إلى الباتونق بيج PATONG BEACH

قعدنا في بوكيت في الفترة ما بين 23/7/2009 إلى 29/7/209



اليوم الأول في بوكيت
23/7/2009

وصلنا الفندق وسوينا اجراءات الدخول
صار العصر تقريبا الساعة 3

حجزنا في فندق الملينيوم - 5 نجوم

الليلة بـ 28 دينار والحجز من الكويت

المدخل - ميني بار

واحلى شي الحمام فيه شطاف ويفصل بينه وبين الغرفة ستارة
يعني مكشووووووووووووووف

والفندق له مدخل خاص لمجمع jungceylon وفيه كارفوووووووووووووور بعد
والمجمع كبييييييييييييييير ومحلاتهم تهبل
هذا موقعهم

http://www.jungceylon.com/


وهذه صورة ليلية للفندق والغرف كلها تطل على هذا المنظر يعني الممرات مو مكيفة بالهواء الطلق وهذا الشي اللي ما حبيته بالفندق

ريحنا ساعة بالفندق
وانطلقنا داخخخخخخخخخخخخخل المجمع
نبحث عن لقمة هنية تكفي مية

وكان الأختيار على مطعم Jeffer اكله واااااايد حلو
ربيان وهمبورجر دجاج وكله حلااااااااااااااااااااااااااال

وأسعارة حلوة ويقدم مع كل كلبية بوفيه سلطات مجانا وفواكة بعد
وأخر شي الحلو ( جيلي )

السلطة

هذه وجبتي ربيان بالبقسماط
وسعرها 269 بات بس مع السلطة والحلو

وجبة وليدي عين السيح عبارة عن قطعة سمك وايد لذيذة مع الشبس

قيمتها 199 بات بس

وجبة بنتي دانة البيت وأبوها الله يحفظهم ويخليهم كلهم لي يا رب

قيمة الوجبة 256 بات دجاااااااااج

وبعد ما ترسنا الكرشة والحمد لله على النعمة
على الأقل مووووووووو كنتاكي

اطلقنا رويلاتنا بالمجمع للأستكشااااااااااااااااااف

 

[أحلى همبه كويتية]

wowwwww

شوفوا الحمام والستارة الفاصلة بينه وبين الغرفة