ودي اشوف مستشفى الأمريكاني بالكويت قديما

[*+$كويتية$+*]

السلام عليكم
يا كويتيات
بنات ودي اشوف
مستشفى الامريكاني القديم
الي بالكويت شفت مسلسل الهدامة
وقعدت اتخيل شكل المستشفى

وينة اي مكان بالكويت؟

 

[كوارين]

انا بعد ودي اشوفه

 

[n00ni]

حتى انا شفته بالهدامه
بس مادري وين كان مكانه

 

[Q8stylle]

حتى انا شفته بالهدامه ياريت اللي تعرف تفيدنا

 

[ســتارز]

تلقونه على البحر ورا الابراج تشوفونه عاليسار مبنى قديم دورين

 

[ii DareeN ii]

اتوقع على البحر مرممينه يم مركز السكر بس ترا مو اكيد بس اتاكد من يدتي كل قبل تسولف لنا عنة وجنة امي مولودة فية

 

[miss fa6om]

هع هع
انا بعد شفته بالهدامة ودي اشوف مكانه وجذي
انشالله اسأل يدي يقول لحقت على ايام بيوت الطين وهيك
هع

 

[أنا غير]

أنا ودي ألبس دراريع قبل .....طلعت براا الموضوع هااا
بس مادري وين ألقاا ؟؟

 

[PHOTO♥BOOTH]

هذي صورة المشتشفى

 

[ريووم]

لووول الصدقين كل شافو بلهدامه يبون يشوفون اتهقون لو ما شفتو بلهدامه كنتو بتشوفناا ؟؟ انا منكم ترا لول

عيل دام جذي سوو جوله عل هذا شسمه مباني كويت قديما السور وبيت ديكسون هاوس وجذي سوالف ونااسه

 

[بـريـق الـمـاس]

صوب الاميري على الشارع تلقونه مبنى قديم تلقونه واضح مو بدواعيس

 

[Strawberry Shortcake]

أنا ودي ألبس دراريع قبل .....طلعت براا الموضوع هااا
بس مادري وين ألقاا ؟؟

لؤؤؤل حتى انا ذاك اليوم شفت منيره مسويه عجايف جاان اسوي هههههه

 

[اللمسة المخملية]

المستشفى الأمريكاني عالبحراذا كنتي ماشية والبحر على يمينج.. بعد ما تعدين مجلس الامه تلاقينه على يسارج..
هو كان فيه مبنى الرجال ومبنى النساء..
اشرف على ترميمه المجلس الوطني للثقافة والفنون والآداب
مبنى النساء تم الانتهاء من ترميمه 2004 / فيه الحين (( دار الآثار الاسلامية ))
ومبنى الرجال تم الانتهاء من ترميمه 2005 / مغلق حاليا: بس فيه قاعات عرض

شوفو هذي صورته قبل الترميم




وهذي صورته بعد الترميم

 

[ساندريلا كويتيه]

المستشفى الأمريكاني عالبحراذا كنتي ماشية والبحر على يمينج.. بعد ما تعدين مجلس الامه تلاقينه على يسارج..
هو كان فيه مبنى الرجال ومبنى النساء..
اشرف على ترميمه المجلس الوطني للثقافة والفنون والآداب
مبنى النساء تم الانتهاء من ترميمه 2004 / فيه الحين (( دار الآثار الاسلامية ))
ومبنى الرجال تم الانتهاء من ترميمه 2005 / مغلق حاليا: بس فيه قاعات عرض

شوفو هذي صورته قبل الترميم




وهذي صورته بعد الترميم

لووووووووووووول انا اللي اعرفه ان المستشفى الامريكاني هو بيت ديكسون

لان عايلة ديكسون الامريكيه اللي هم الطبيب والسستر اللي بالمسلسل هي اللي ماسسه هالمستشفى وبيتهم هم جنب المستشفى حيل او انه بالمستشفى والله مدري هذاي معلوماتي واتنمى اني افدتكم

 

[اللمسة المخملية]

لووووووووووووول انا اللي اعرفه ان المستشفى الامريكاني هو بيت ديكسون

لان عايلة ديكسون الامريكيه اللي هم الطبيب والسستر اللي بالمسلسل هي اللي ماسسه هالمستشفى وبيتهم هم جنب المستشفى حيل او انه بالمستشفى والله مدري هذاي معلوماتي واتنمى اني افدتكم

لا حبيبتي .. بيت دكسون غير
بيت ديكسون هو كان مسكن ومكتب للمعتمد السياسي البريطاني من سنه 1904 الى 1935
وبعد ما انتهت فترت عمله ظل عايش بالبيت لما توفى .. وزوجته فولييت ديكسون ظلت عايشه فيه لما توفت
والحين البيت موجود كمتحف لعائله ديكسون بالكويت .. وعايش فيه لما الحين واحد من الخدم اللي كانو عندهم وهو حارس خاص بالبيت

هذي فيولبت ديكسون ( كانو يسمونها ام سعود ) باليوتيوب

http://www.youtube.com/watch?v=lBFJ7kq8niQ

وهذي صورة بيت ديكسون ..

 

[أساور]

اهو مكانه عالبحر بس مادري اي صوب بالضبط

 

[nice-girl]

واي وناسه تراثنا
اهوه على البحر وبيت ديكسو هم واسه انا رحتله ايام الثانويه رحله البيت يقولون كا على البحر الحين صار شارع رايح وراد وبعدين البيت مادري البحر وين راح

 

[احلى ورده]

المستشفى الامريكي مكانه قبل مجلس الامه ومقابل يوم البحار تقريبا

 

[وهج الحب]

أنا ودي ألبس دراريع قبل .....طلعت براا الموضوع هااا
بس مادري وين ألقاا ؟؟

السلام:
احنا اطلعت عندنا في رمضان اللي طاف او اللي قبلة موضة الجلبيات القديمة ..والله كنا نشتري القطع من سوق واقف ونفصلها عند الخياطين ....

 

[ورده بنفسجيه]

صح احلى ورده مقابل يوم البحار