مليت صج صج مليت والكل مستغرب....

[malekatsabaa]

حبيباتى كلكم فديتكم وماقصرتوا ومشكورين عالحجى الطيب ونصايحكم الاحلى ، وفى اشياء من اللى قلتوها أسويها الإستقطاع الشهرى لكفالة الأيتام والمشاريع الخيرية والصدقة شىء أكيد ما انساها وحاطه حصاله لهشغلة ، بس يمكن بعضكم قالى حاولى ما تروحين السوق وايد وهم هالشغله قللت منها عشان ما طيح عينى على أشياء وأروح اشتريها مثل ماقلتو لأنى اعرف نفسى إذا شفت شى اشتريه ، والحمد الله رب العالمين انا ما اتسلف من احد معاشى مكفينى بس اللى مضايقنى إنى موعارفه أوفر وإن وفرت فلسين مثل ماقلت فى بداية موضوعى طارو يا خراب سيارة او ظرف عائلى أو هالمناسبات اللى ماتخلص ولاده زواج تخرج وغيره بصراحه موعارفه وين الخلل بالضبط .. الله كريم

الخلل
دام انج قاعده تتصدقين..
فغالبا يكون في ضعفج جدام المغريات والمجاملات

ولما تكونين حاطه فلوسج بالبوك وادشين السوق..شي طبيعي اني ما راح تقدرين تمسكين نفسج والشيطان شاطر
---------------------
اغلبنا مثلج ..بقولج تجربتي وانشالله تستفيدين منها..

انا كانت عندي مشكلة اني ما اقدر اتحكم في روحي بالسوق..ولما ارجع ..اتحسف..
و عندي استقطاع ..وهم دايما ارجع اسحبه....على سوالف تافهه

عاد وصلت لحالتج الي انتي الحين تحسين فيها..ومليت من وضعي..وقمت اقارن نفسي بالي احسن مني..
ماشالله يوفرون ويستانسون..
=============
شنو سويت؟
1-فقلت محد احسن من احد ...وانشالله انا قدها ..
2-ولغيت الاستقطاع الي عندي ..وقررت اني اشيل مبلغ التوفير باييدي ولا ارجع اخذه ابدا..
3-ولما ادخل السوق ما يكون عندي الا نص المبلغ الي حاطته للمشتريات.وساعات ميكفي ..بس لما ارجع البيت اقول اشوه اني ما شريته ..انا مو محتاجته...اما اذا صج داش بخاطري اروح مره ثانيه واشتريه.
ودايما ما اقط الفواتير..عشان اقدر اسوي استرجاع..لو شنو كان الشي قيمته بسيطه..
4-والمبلغ الي حاطته للمصاريف الاسبوعيه ما اتعداه ابد.
5-اما الهدايا فحطيتلها بند و تسعيره ..الهديه ما تتعدى20-30 >>بصراحه انا ما اشتغل عشان اوزع معاشي هدايا <<
=============
النتيجه
*احساسي اني الله راضي عني..الحمدلله.
*الحين لما ادخل السوق...قمت اعرف الي صج محتاجته والي بس منبهره فيه وادري ماراح استفيد منه..
*لما اشوف مبلغ التوفير ما شاء الله بمكانه..صرت نفسيا مرتاحه وحاسه بالامان اني اذا الله لايقول احتجت ..ما راح اتازم..
*مبلغ التوفير لما يوصل للهدف الي ابيه..راح اسويلي هدف ثاني ويكون مبلغ توفير لكن ما ينجاس الا لامور معينه مثلا سفر..او سياره(ليش احط على روحي قسط) ..يعني الكماليات مرتفعه القيمه..
*حتى مشترياتي صارت رزه اكثر لاني ما قمت امشي واشتري..احط فلوشي بشي ماركه بدال 3 اشياء عاديه..

اهي مسألة اراده ...بس والباجي الله يسهله ..الله يوفقج

 

[baby johnson]

حبيبتي البنات ماقصروووووووووا والله
انا برايي فتحيلج حساب واستقطعي كل شهر 50 او 100 وانسييييييييييييهم
او دشي جمعيه مع مجمووعة ثقه واستلميهاا اخر شيييييي
انا عن نفسي ماخلالاني اجمع الا الجمعيه والله

 

[كـــكـــاوة]

malekatsabaa

حبيبتى ألف شكر ويعطيج العافية على النصايح الطيبة واليوم اتخذت القرار ودخلت جمعية وقلت خلاص بكيف نفسى على اللى يبقى وماراح أخربط وايد واشترى اللى احتاجه وما أحتاجه وعلى قولتج اشتريلى شغلتين سنعين بدال ألف شغله خرابيط وماتسوى والله كريم وأتغير للأحسن .

baby johnson

يعطيج العافية وجزاج الله خير اليوم دخلت جمعية وقايله بعد بروح افتحلى حساب ثانى واوفر فيه ، بس تدرين ساعات شنو أحس وهالإحساس أهو اللى مخلينى اشعر بالإحباط وأهون عن التوفير إنى طاف على وايد من اشتغلت 14 سنة مو شويه ماعرفت أجمع فيهم تهقين الحين بقدر وساعات أقول ويييييييييييييييييييييه ىخر العمر موت حق منو أجمع وأوفر هالشين كل ما أفكر فيهم أتحبط بشكل موطبيعى.

 

[شكليطه]

حبيبتي بالعكس لا تقولين ليش ايمع واخر العمر موت وحق منو

حبيبتي انتي مو ضامنه الظروف شنو......اذا كبرتي يمكن لاسمح الله تحتاجين هالفلوس بوقت عازة.....وذيك الساع الفلوس اللي يمعتيها الحين
راح تعفج من سؤال فلان وفلنتان والا التمرمر يمين ويسار...مثل العلاج بالخارج لاسمح الله او شي جذي


والله لا تنطرين اللحظة اللي تمرين فيها بهالمواقف الصعبه

انتي بس تخيلي والله تخافين وتمسكين الفلس عدل

 

[pama girl]

ماشاءالله عليهم البنات كفوو و وفوو

 

[*أم*خالد*]

شلون مدى الحياة ليمتى ؟؟

مدى الحياة .. يعني وقت ماتكون المسألة مسألة حياة أو موت .. تلقين عندج هالفلوس تعينج وتعاونج
ماتنجاس أبدا وأفضل شي انج تخشينها بعمله غير الدينار الكويتي لأنه احنا قعد نتكلم عن 20 إلى 30 سنه جدام
لو تشترين بهالمبلغ ذهب وتخشينه أو تحطينه بعمله عالميه تحسين انها آمنة مو مثل الدولار اللي كل يومين خافق وموهقنا معاه

بس شلون إذا جمعت مبلغ كل شهر 100 او 150 مثلا بدون هالتقسيمات وإن احتجت للسفر ولا لظروف طارئه أطلع منه لأنه احس لو بوزعهم نفس ماقلتى ماراح يطلع مبلغ يسوى ... أنتى شرايج حابه آخذ رايج ؟؟؟؟

شوفي أول شي انتي حددي حق شنو قعد تيمعين ..
طبعا مدى الحياة هذا شي أساسي ومستقل ماله علااقه أبدا بالباجي ولا ينسحب منه كلششش كلششش كلششششش مثل ماقلتلج الا اذا كان الموضوع حياة أو موت أو سجن جذي حق الحالات الحمره والسووده الله لايقوله بس الواحد مايدري شنو يجري عليه ( زهبي الدوا قبل الفلعه )

وعندج تبين سفره
سياره
وحطي حساب حق الأشياء اللي تهف عليها نفسج وسعرها فوق الإميه موبايل كمبيوتر جنطه ماركه ساعه ماركه إلخ من هالسوالف حتى لو تصليح سياره تاخذينه من هالمبلغ

انتي بتقولين شدعوه وايد .. بس هالنظام وايد مريح لأنه لكل ذي حق حقه .. وماكو شي مايع على شي وبعدين تقولين ويي صرفت المبلغ على السفر ومابقى شي حق السياره أو العكس

الناتج 4 حسابات توفير

لازم يكونون مستقلين كل واحد منهم حساب بروحه بالبنك .. اذا بنكج الوطني تقدرين تفتتحين حساب عن طريق الوطني أونلاين وبأي عمله تبينها وعلى كيف كيفج

شهريا قطي بكل واحد مبلغ .. أقل شي 50 دينار وانتي صاعده

وحطي إبالج انه اللي يبقى يكون حق مصروفج .. واذا تبين شي غالي ميزانيتج ماراح تتأثر لأنج حاطه حساب حق هالأمور
جذي راح تكونين مستقره ماديا
ولازم شوي تمسكين ايدج عن الصرف العاطفي وتشترين الشي اللي انتي تحتاجينه بسس وترصدين الأموال اللي تصرفينها وتكتشفين الأماكن اللي تاخذ من فلوسج وايد وشوفي اذا تسوى او ماتسوى وتحسين الفلوس قعد تضيع ,, وحطي بالج من الجمعيه والمكياج اشتري من هالأشياء بس اللي تحتاجينه خاصة المكياج لأنه غالي
اشتري بس الأشياء اللي صج تحتاجينها وتستخدمينها وطلعي سعرها

خلج جعصه عشان تبقى الفلوس وتستغلينها بأشياء ثانيه انتي تحتاجينها

حياج الله صيري لزقه على كيفج :dddds:

 

[on line]

اول شي الله يوفقج وتوفير فلوسج وماتحتاجين لاحد
شوفي اختي في فرق بين ابي اوفر وبين ابي يكون عندي مال للعمر؟ يعني اذا حابه توفرين لنفسج للمدي البعيد هذا مايبيله استقطاع شهري علي حسب قدرتج بحيث انج تنسييييييييينه كان هالمبلغ موموجود اصلان وتحدين الفتره 10 سنوات جدام 15 سنه كيفج او اذا تبين توفرين عشان احتياجاتج والظروف الطارئه انصحج بالجمعيات بين البنات وعلي حسب المبلغ بحيث من تبين سفره تكون استلامج لقطيته مثلا بنفس شهر سفرتج عشان ماتخربطين المبلغ ويكون معروف وين بتصرفينه و؟وتري كلنا نعاني من هالموضوع مافي احد قادر يوفر الا القليل واذا وفرنا قلبت النفسيه و رحنا صرفنا اللي بالجيب
اقترح عليج كل قبل بدايه راتب تجيبين ورقه وقلم وتكتبين التزاماتج وطبعا قبل كل هذا تغيرين عاداتج الشرائيه

والدعاء بالبركه والاستغفار
وربي يوفقج ووفقنا يارب لما يحبه ويرضاه

 

[كـــكـــاوة]

حبيبتي بالعكس لا تقولين ليش ايمع واخر العمر موت وحق منو

حبيبتي انتي مو ضامنه الظروف شنو......اذا كبرتي يمكن لاسمح الله تحتاجين هالفلوس بوقت عازة.....وذيك الساع الفلوس اللي يمعتيها الحين
راح تعفج من سؤال فلان وفلنتان والا التمرمر يمين ويسار...مثل العلاج بالخارج لاسمح الله او شي جذي


والله لا تنطرين اللحظة اللي تمرين فيها بهالمواقف الصعبه

انتي بس تخيلي والله تخافين وتمسكين الفلس عدل

والله صح كلامج عشان جذيه هالمره متحمسة حق هالموضوع وأقول ماعليه شئ أحسن من شى أبدى فى التوفير متأخرة ولا ما أبدى كلش ... أسعدنى ردج

 

[كـــكـــاوة]

ماشاءالله عليهم البنات كفوو و وفوو

فيكم الخير والبركة والله لا يحرمنا من هالناس الطيبة

 

[كـــكـــاوة]

اول شي الله يوفقج وتوفير فلوسج وماتحتاجين لاحد
شوفي اختي في فرق بين ابي اوفر وبين ابي يكون عندي مال للعمر؟ يعني اذا حابه توفرين لنفسج للمدي البعيد هذا مايبيله استقطاع شهري علي حسب قدرتج بحيث انج تنسييييييييينه كان هالمبلغ موموجود اصلان وتحدين الفتره 10 سنوات جدام 15 سنه كيفج او اذا تبين توفرين عشان احتياجاتج والظروف الطارئه انصحج بالجمعيات بين البنات وعلي حسب المبلغ بحيث من تبين سفره تكون استلامج لقطيته مثلا بنفس شهر سفرتج عشان ماتخربطين المبلغ ويكون معروف وين بتصرفينه و؟وتري كلنا نعاني من هالموضوع مافي احد قادر يوفر الا القليل واذا وفرنا قلبت النفسيه و رحنا صرفنا اللي بالجيب
اقترح عليج كل قبل بدايه راتب تجيبين ورقه وقلم وتكتبين التزاماتج وطبعا قبل كل هذا تغيرين عاداتج الشرائيه

والدعاء بالبركه والاستغفار
وربي يوفقج ووفقنا يارب لما يحبه ويرضاه

مشكوره حبيبتى وجزاج الله خير عالنصايح وقاعد أحاول أطبق منها ..

 

[كـــكـــاوة]

أم خالد حبيبتى فديتج وفديت اللزقه العسل:eh_s(6):

بطلب منج خدمه واستشاره ممكن إذا وافقتى قوليلى بدزلج عالخاص وبلزق عدل:eh_s(6):