ريمه الكويت
New member
- إنضم
- 30 سبتمبر 2005
- المشاركات
- 36,095
- مستوى التفاعل
- 13
- النقاط
- 0
العجينه
عباره عن 3 ونص كوب طحين ., ملعقه كبيره خميره. , ربع ملعقه وسط ملح + نص ملعقه وسط سكر
تخلطينهم مع بعض وتعجنينهم بماي دافي الى ان تتماسك غطيها وخليها تخمر ساعتين تقريبا
بعد ماخمرت كوريها كور حجمها متوسط وفرديها وانتي تفردينها رشيها بملعقتين زيت نباتي وخليها خفيفه
الحشوه حسب رغبتج انا حمست بصل مفروم مع فص ثوم مفروم وصدور دجاج مقطعتها قطع صغيره وفلفل اخضر وبطاط مقطع وطماطه مفرومه وبهارات وملح
وحطي ملعقتين من الحشوه بوسط كل دائره من العجينه
واسفطيها بشكل مربع واظغطي عليها بايدج واقلبيها وحطيها بصينيه الفرن
حطي عليها صلصه البيتزا سواء جاهزه او تسوينها بالبيت وفوقها شرايح زيتون وجبنه المازرولا مع القشقوان
( ممكن تكتفين بالمزرولا وممكن تحطين فطر)
وهني بعد ماصفيتهم ولازم تخلين بينهم مسافه علشان راح يتضاعف حجمها
خليها نص ساعه بعد واهي مغطيه راح يتضاعف الحجم
بعدها دخليها فرن حار لحد مايشقر لونها من تحت وتسيح الجبنه
وقدميها حاره
وهذي من داخل
بالعافيه
