هل من العيب إن احنا ناخذ الصابون وبعض الأغراض اذا طلعنا من الفندق ..

[كبرياء امراة]

السلام عليكم

كيفكم وشخباركم وشلونكم

طبعا الكثير منا راح فنادق مع زوجها او اهلها وخصوصا في السفر وطبعا الفندق غالبا ياخذ منكم فلوس خدمة مبالغ فيها اشوي
وفي الأخير راح نضطر ان إحنا نمشي ونرجع بلد
عادة اذا رحنا فندق نسكن ثلاث أو أربع أيام وبعدين نرجع الى الكويت او بلدنا...
طبعا قبل مانطلع لازم نتأكد إن أغراضنا كلها في شنطانا ونحرص إن إحنا ماننسى شي
سؤالي
هل ترون إن من العيب إن إحنا ناخذ بعض الحاجيات الكمالية اللي في الفندق قبل مانطلع
مثل صابون أو جل أو بعض الحاجيات في الثلاجة مثل العصير أو الماي اللي ماشربناه
أو ترون أن مثل هذه الأمور حق مشروع لنا كوننا دافعين قيمة هالأغراض بشكل غير مباشر أو لأي سبب آخر ؟؟؟​

 

[ريم الرشيقة]

لا عادي كله بفلوسج

 

[اميره بضحكتي]

هههههههههههه اي زين انه عادي عشان بالمره الثانية اخذ لان بصراحة في وايد شغلات يعجبوني بس كلهم شغلات صغيره والله

 

[gold girl]

la y3ni 3adi ;Pp~lol

e7na daf3en floos ala'3ra'9 hathi ;pP~lol

 

[كبرياء امراة]

سلاام ..
.
.
والله أنا أقول على حسب الفندق يعني ..
بعضهم يجيبون لك غرشة شامبو رهيبة (( مثل كلير الصغير )) يمكن أخذه ..
أما اذا كان شامبو عاادي الي يبيعونه في محل البلاستك لااا أصلا مو زين ..
يعني ماادري شلون بعض المرات أتغمض على الأشيااء وبعض المرات عادي ..
يعني في الكلية اذا علينا أختبار يجيبون لنا قلاامه بعضهم يخلونهم .. أما أناا لا أخذهم..
واذا سويت زين حليت فيهم في اليوم الثاني .. واذا زفت أكسررررهم ^_*​

 

[كبرياء امراة]

لا عادي كله بفلوسج

والله من ناحيتي ما مره خذت صابونه ولا شامبو العلب الصغيره ولا رغوه بس أستخدمها لو كنت مضطره قبل ما أطلع من الفندق

بس من وجهت نظري هالأشياء عادي

لأن هم محسوبين في الفاتوره

و من الأساس حاطينهم لأستضافة المؤجر


بس من ناحية الأغراض الي في الثلاجه مثل ماي عصير ببسي لا لا مايجوز
أنا أعتقد ما يجوز إن هالأشياء ناخذها يعني لو بنضطر ناخذ شئ لازم نستأذن من الرسيبشن وندفع حسابها لأن في بعض الفنادق يحطون أكياس صغيره حليب وكابتشينو سكر شاهي للإستضافه بس هم الإستئذان من الرسبشن أفضل لأن مو كل شئ بلاش وخاصة الي في الثلاجه بحساب

 

[Um 3aBooD]

الصابون والجل والرغوه والشغلات الموجودة بالحمام وانتوا بكرامه , عادي تاخذينهم لان لو حاشهم ماي او تدمروا الفندق راح يبدلهم ويقطونهم ماراح يخلونهم مدمرين حق الناس الي بيسكنون وراج بالغرفه، بالنسبه حق الشغلات الي بالثلاجه راح يحاسبونج عليها لان وقت Checkout يدزون واحد يجيك اذا في شي ناقص وبالبار او الثلاجه ويحاسبج عليهم

 

[LuLiTa]

الاكل اللي في الثلاجه له حساب برووحه غير حساب الاقامه ,, بس الصابون و الشامبو و هالشغلات اهي للاستخدام الشخصي يعني ما يقدرون يخلوونهم حق الضيوف اللي عقبج لأنها للاستخدام الشخصي,, شلوون اشرحها يعني شغلات تستخدمينها وقت الحمام لوول

 

[جـــواهر]

والله زين ماكنت ادري حسافه !!!!

العوض بالمره الجايه ان شاء الله والله ماخليلهم شي

 

[shai5at al3arab]

انا الكل ياخذ عندنا بس انا ما اخذ ما ادري احس ماني قاصرة لووية وزحمة لوووول

وبعدين ما احب شامبو الفنادق ما ادري احسه ما يرغى ومليق

 

[البنفسج]

ماحس ان مايجوز .. بس أنا شخصياً .. أستحي آخذ !..:tomato2:

ماخذت ولا مره وبصراحه مافكر آخذ !.. أغراضهم كلها صغيره ماتسوى ههههههههه ..​

:ada:

 

[آلسحرآلحلال]

لا مو حلوة لوووول ... احس جني مو شايفة خير ..

ابروحة الصابون صغير شحقة اخدة بعد ....


اعتقد من الاتكيت ماتخذينة ... هذا راي طبعا

 

[krkooora]

^^^

معاها من الاتكيت ما اخذه ... اشدعوا علي اخذهم !!

 

[~Unreachable]

سواء خذينا ولا ماخذينا

كله بفلوسنا و دافعينه قبل لانسكن بالفندق

والاغراض اللي بالثلاجه اذا سوينا جيك آوت يجيكون احنا شخذينا و ندفعه بعدين

يعني ماكو شي ابلاش لوول

 

[كبرياء امراة]

لا عادي كله بفلوسج

ذكــرتني مــرة كنت مع يدي وربعــه في أحد الفـنادق في الكويت

وكنا جالسين يومين لأنهـم معزومين من أحد الشخصيات

المهــم واحـنا طالعــين

في أحد الرجــال الله يذكـره بالخــير

واحد كـبير وشخصيـة معروفـة ولها احترامها

طـلع من الفندق ومخــابيه الاثنين مليانيين

ومن ثقل الاغراض اللي حاملهم ماسك مخباه بيده

اسألوه الرجال شفيك يابوفلان شحاط في مخباك

قال لهم وهو منحرج

لا .. مافي شي شوية أغراض

المهم وهو في الطريق ماتحـمل مخباه أكثر

انشق المخبأ وطلعت الفضايح ...

مابقى صابون ولا شامبو من الفندق إلا نــزل من جــيــبه .. خخخخخ :dddds:

 

[كبرياء امراة]

la y3ni 3adi ;pp~lol

e7na daf3en floos ala'3ra'9 hathi ;pp~lol

وجهة نظر نحترمها وخصوصا مثل ماقلتي كل شي محسوب علينا وهالفندق مو خسران شي
الا إهو كاد من ورانا


يعطيج العافية

 

[عذبة الإحساس]

والله عني انا اخذ لان نحتاااجه بردتنا الديره وعلشان نحلل فلوسنا ههههههههههههههههههه

 

[ReeM ^ Style]

ماادري حتى لو عادي احتاجهم في شنو ؟

ولاعمري اخذت من الفندق اي شي

 

[مربية اجيال]

عااااااادي كله بفلوسنا وحلانا ومحسوب علينا بعني جان خليته غيرج بباخذه ههههههههههه

 

[ليتني مـآ كبرت]

لا والله ما آخذ ولا عود . والله يذبحني أبوي ما يحب ناخذ شي . أصلا أي شي يحطونه الأوتيل مستحيل أستخدمه شلون آخذه وياي .

بالعكس آحنا نعطيهم , تو رادين من السفر وقبل ما نطلع من الاوتيل لمينا أغراضنا ورتبنا المكان وكان باقي فواكه آحنا شارينهم وزادوا شكثر والله حطيناهم بعلبة وعطيناهم واحد من الخدم .