استجواب وصراحة من العيار الثقيل ... للأالعضوات

[مـــامى]

شكلنا بالكويت حبينا الاستجوابات
متابعتكم يا الغاليات

 

[tmtmt]

tmtmt ​

اهنيج على الاجوبه المقنعه و الاسلوب الراقي بالرد احسنتي :ggdw:​

اظبطج :tek:

هههههههه ...

تصبحون على خير انا بروح انام وان شاءالله لا رحت الدوام اشوفكم شنو كاتبين عني ؟؟؟؟

 

[baby-phat85]

اب

اب

موضوع حلو ولايوقف

 

[كبرياء امراة]

هلا والله .. سوري اذا تأخرت علييكم بس كنت رايحه اكمل اراض العيد

هلا حبيبتي كلامج في نوع من الصح ... بــــــــــــــــــــــــــس مو كله !!!

انا اقولج شلون بالعكس ما عندي مشكله مع اي وحده وامووووووووووت علييهم كلهم ..بس اذا انا مالي شغل باحد وقلت رايي ويت وحده مو عاجبها رايي بالعكس على عيني وراسي

بس اتيي وتقولي ان رايي غلط باسلوب يستفزني وفي تجريح لي لا والله ما ارضى ...مثل ما اهيا بدت وتكلمت بهالاسلوب ليش ما ترضى احد يكلمه بنفس الاسلوب صح ولا لا ؟؟!!! ارد عليها بالاسلوب القاسي عشان تتضايق وتستعوب ان اسلوبها غلط ..

عمري ا بديت انا بالرد القاسي ولا راح يصير ان شاءالله الا بحالات معينه اذا شفتي ان ردي قاسي بغير هالنقاط الي يقولهم قوليلي اكييد راح اكون غلطانه

1- الي ايي ويقول الكويت ما فيها واسطه لا بالقانون ولا بالعلاج بالخارج !!!!

اموووووووووووووووووت لا سمعت جذي تدرين ليش ؟؟

لنه اعرف تاجر مخدرات ومدمن بعد يطلع بالواسطه ...

ولنه والمهم جدا جدا جدا ...


اخوي ربي يشافيه ويعافيه ويحفظه لنا ... 3 مرات صار فيه بعيد عنكم ان شاءالله مرض السرطان
واهوا عمره 17 سنه ...

ظل بالفراش طايح قلنه هاذي ايامه الاخيره ما سافر ب 3 مرات والحين المره الرابعه بعد الله يرده لنا سالم الا بالواســــــــــــــــــطــــــــــه

مو من حقي اهاجمهم ؟؟؟؟؟!!!

2- الي يقول مستشفى مكي جمعه من افضل المستشفيات وما فيهم شي ..

اهاجمهم مو برد قاسي الا اقوى من القاسي .. لنه رحت وشفت وجربت لما اخوي كان هناك الله لا يعوز احد حق هالمكان والله ثم والله ثم والله المره نايمه بالفراش عند الباب الرئيسي ماكو غرف !!!
الدكتوره تقول تقول حق امي لاحظي الدكتوره ان الناس ياخذون الكيماوي عزج الله بالحمام !!!!!

مو من حقي اهاجمهم ؟؟؟؟؟!!!!

3- عندي قناعه تامه ان كل واحد حر بدينه ومذهبه وعقيدته وما افكر اقنع احد ..

بس لما اتييني وحده واقرى انها كاتبه والله المذهب السني والشيعي نفس الشي !!!!

لا والله ما ارضى ... صح كلنا اهل الكويت ومو القصد كره احد المذاهب

بس الغلط غلط... لا مو نفس الشي .. يختلفوون اختلاف كلي .. !!! و واضح ..

كل وحده قالت انا هذا مذهبي لقتناعها ان المذهب الاخر غلط ولا ليش ما صارت على المذهب الثاني !!!!

اهني ايي اهاجمها بس مو بقسوه لااا بس توضيح ان المذهبين فيهم اختلاف بس مجرد التوضيح البعض يعتبره هجوم

انا عطيت هالامثله لنه كان ردي قاسي بهالمواضيع

ادري طولت ... بس اخر شي ..

الــغــــلط في كلامج عني ... اني افرض رايي على الاخرين وهذا ابد ما صار ولا راح يصير لنه عندي اقتناع تااااام ان كل واحد ورايه

وابدا كلامج ما زعلني

ِأشكرك tmtmt على صراحتك وعلى أقوالك وبالفعل تطرقتي لأشياء كثيرة وخاصة مرض اخوج الله يرجعه لكم سالم ومايشوف شر ان شاء الله وأمور كانت خافيه علينا وبكل صراحة
وخصوصا يوم قلتي إن عصبيتك أو قساوتك مبنيه قلب الحقائق وخاصة في الكويت من واسطه وغيره ومن التدخل في شؤنك الشخصية ومس كرامتك
فهذا الأمر مرفوض رفض كامل فما في أحد يرضى على نفسه أو على كرامته .
بس المشكلة tmtmtقليل من الناس اللي تعتذر لأنه في الأخير بيسوي روحه إهو الصح وغيره خطأ
فهذا الأمر مرفوض رفض كامل فما في أحد يرضى على نفسه أو على كرامته . وهذه المشكلة معاك
إنك ماتقبلين إلا بالاعتذار ولا يتحمل مايجيه مثل ماتفضلتي ...

بالنسبة لوجهة النظر فالمفروض مأحد يفرض رايه على أحد بل بالعكس على كل عضو إن يكون
صريح مع نفسه ومع غيره وله كامل الحرية بحدود المعقول إنه يبين وجهة نظره .
وأنا قد أكون مخطأ عندما اتهمتك بمهاجمة الأعضاء بسبب المواضيع لأنه ماكنت أدري إنه فيه بعض الأعضاء
تهاجم وجهات النظر مثل ماتفضلتي وقلتي ( عشرين ألف واحد يهاجم بدون مايحس )
اذا اللي يهاجم وجهة النظر يستاهل مايجيه ..
بس صديقيني راح يتعب قلبك من هالموضوع فالأنفس مختلفة والأفكار مختلفة ووجهات النظر مختلفة
وكل واحد له رده وله أسلوبه وصعب اشوي عليك إنك تدققين على كل كبيرة وصغير ...يعني
في بعض الردود مشيها ولا تصير شراهه حيل ... لأني أنا لو بشره على كل اللي يزعلوني ويغثوني
كان ماأخلص الى بكرا ...
وكذلك قد يكون بعض الأعضاء نيتهم زينه بس مايعرف يوصل طرحه ووجهة نظره بالطريقة الصحيحة.
أما الشخص اللي يتعمد وباستمرار إنه يخطأ في حقك ومترصدك فهذا يستاهل إنك تتهجمين عليه .

وبالنسبة للي يجرحونك ويغثونك فهذا حق طبيعي إنك تردين عليه بنفس أسلوبه وتذوقينه مرارة الجرح
اللي حصلك بسببه ...
وإحنا كأعضاء يمكن مانقدر نلاحظ هذه الأمور مابين الأعضاء وبعض وخصوصا إن قد كلام هذا العضوه
يهمني ولا يهمك أو يقصدني ولا يقصدك ... بس في الأخير لو يكون فيه حسن ظن بالآخرين الى آخر لحظة
وبعدين اذا ماشفنا معاه فايده نبتدي نوريه العين الحمرا ..
القصد إنك لاتكونين حاره باستمرار مع مثل هالأعضاء لأنه في الأخير قد يجي أي عضو أو أي مشرف
ويشوف ألفاظك القاسية وياخذ عنك فكرة وهو مايدري شالسالفه ..
اللي يغث واللي يزعل إما إنك تكلمين المشرفين واذا مافاد راسليه بالخاص واذا مافاد حاولي تتفاهمين
معاه بطريقة هادئة وعااااد اذا مافاد هالمره عندج إيااااه استلميه​

 

[كبرياء امراة]

السؤااال التالي الى

++MesK++
,
,

++MesK++
وهذه تمثل وجهة نظري أنا ارى شخصيا فيج وقد أكون مخطأ أو مصيب في وجهة نظري
ولج حق الاعتراض
,
,
ألاحظ عليج ++MesK++في أغلب مواضيعج وردودج إن لم يكن كلها بأنج تميلين الى المزاح وعرض الرسومات الكرتونية

وعدم الجدية فيها وحتى وإن كان الموضوع ذات شأن وأهمية ...

أين الجدية ؟ ولماذا نفقدها منج ؟

الى هذه الدرجة تشوفين الأمور سهلة وبسيطة .

هل أسلوب المزاح وإضحاك الأعضاء هو مايشغلج ؟؟

لماذا لاتبدين وجهات نظرج بكل جدية ولماذا لاتسعىن إلى جعل المواضيع والردود تكون بأجمل صوره

بعيدا عن المزاح والضحك والهزلية في الكثير من المواضيع ؟؟

وأنتي قد لاتكونين هكذا باستمرار( ولكن هذا الانطباع السائد عليج )

فالمنتدى مرآة لآبائنا وآمهاتنا وقد يأخذون إنطباع سيء اذا وجدوا هذا المزاح الزائد عن حده.
ماقولك يا ++MesK++؟
وماهي الأسباب التي تجعل من العضوه ++MesK++تاخذ الأمور ببساطة الى هذه الدرجة ؟؟
لماذا لانرى رأيج الصارم في المواضيع ؟؟
لماذا لانرى العضوه ++MesK++وهي تتألم بحسرى وتتألم لموضوع يخص مجتمعنا ؟؟

لماذا نرى ++MesK++تقلب الموضوع الجدي الى موضوع فكاهي ؟؟

؟
رأينا منج ++MesK++الشات وقلب المواضيع من فكره معينه لاحد العضوات وبعدين تسوينها موضوع اخر لج

وتغيرين مسار الموضوع ... وخدعهم بحجة تبغين تحركين المنتدى ... وهل تحريك المنتدى يتم باستغفال الأعضاء بغض النظر عن وجهة نظري الشخصية

وهنا أنا لن أدخل في موضوع الشات منج الاخير احتفظ فيه بنفسي فلقد أخذ حقه... ولكن هي من باب التأكيد لكلامي
هل تشوفين ماتفعلينه هو الصائب ... هل هذا الأسلوب هو الذي سيحقق رغباتك بان تصير لج شعبيه في المنتدى

وتصيرين المراة الاولى في منتديات كويتيات النسائية


أم أن المنتدى فقط لتسلية و ( التقزير )


أنا هنا لا أقول أن نمتنع عن المزح والضحك ولكن لايجب أن يكون هو شخصيتنا في المنتدى ..

ننتظر ردج وانشاءالله بعد التعقيب على الردود والاكتفاء بردود الاعضاء سننتقل الى عضو آخر

تحياتي​

 

[Whisper ~]

موضوع جداً جميل
منها نكتشف الاشياء السلبيه اللي احنا مانشوفها بنفسنا ونحاول نصلحها

اعتبريني مشاركه ،

 

[كبرياء امراة]

++MesK++

ارجو انج تتواجدين وتجوبين على الاستجواب

حتى نذهب الى عضوه ثانية

 

[tmtmt]

كبرياء امرأه .. كلامج جدا جمييييل ..

ونسيت نقطه كنت بردي انفعل فيها بعض امرات بس خلاص ماله داعي تنذكر ...

وانا فعلا قمت اخفف لني تعبت قمت شسوي من العنوان اذا عرفت ا الموضوع من النوع الي يضايقي ما ادخل .. واذا العنوان ما بين من اقرى الموضوع سييد اطلع من غير لا اشوف الردود عشان لا اضطر اني ارد هلى احد

 

[pama girl]

اب



ناطرين الاستجواب اليديد

 

[اسوووره]

متابعين و ناطرين رد الاخت ( ++MesK++ ) على الاستجواب ...

يعطيج العافيه كبريــــــــــــــــــــاء على المجهود الواضح تستاهلين تصفيق حار :ggdw:

 

[اوراد العشق]

كبرياء امراه مووضووعج واااااااايد حلو راااااااااااااااقى
اهــنــيــج عليه ياقلبي
وننــتـــظـــر MesK تجاوب ع الاسئله

 

[كبرياء امراة]

النداء الأخير

( ++MesK++ ) على الاستجواب

ارجو تواجدها​

 

[ملفتة للنظر]

ياحلوج صايرتلي مسلم البراك ههههههههههههههههههه

طيب استجوبوني ..متى دوري

 

[ملفتة للنظر]

دزولها عالخاص ..شدراها ان وراها استجواب


قلبي معش يامسك

 

[كبرياء امراة]

ياحلوج صايرتلي مسلم البراك ههههههههههههههههههه

طيب استجوبوني ..متى دوري

بعد تاخر العضوه MesK في الاستجواب

ننتقل مع العضوه ملفتة للنظر
,
,
,

ملفتة للنظر
دائما مايقلون عنج فيلسوفه ودائما ماتكونين ردودج فيها ثقة زائدة بحيث إنج تتفلسفين كثير وصعب أحد يطبق فلسفاتج وكلامج
وتقولين لنا وجهات نظر ماأحد يستوعبها ...
سؤالي لج
ليش دائما تتفلسفين في ردودج وبعض مواضيعج.
والفلسفة اللي أقصدها إهي أسلوبج في طرح فكرتج... يعني مو مشكلة العضوه تطرح وجهة نظرها وبأسلوبها
بس دائما نشوف تحيثق منج...
وعلى هالأساس دائما اذا جينا نتكلم نقول ملفتة للنظر صاحبه أفكار ونظريات صعبة التطبيق
وليش ماتصير وجهة نظرج في الأمور بدون تعقيد اشوي .
ترى الناس تحب البساطة
واذكر كان عندك نظريات كثيرة وانتي تكتبين مواضيع سابقة بس جبتي لنا مسميات جديدة وخطط هيكليه وخريطة وطبخه يديده و و و ...
من هالمسيات الغريبة وفي الأخير ماتطبقينها لأنها بعيدة عن اشوي عن الواقع وصعب تطبيقها
هذه وجهة نظري وننتظر وجهة نظرك
ليش هالتعقيد منج ؟؟​

 

[ضحكة فوشية]

السلام عليكم
ما شاء الله اختي كبرياء امرأة اسلوب راقي في الحديث
وجهة نظري أراها بأن من انتقد شخص فقد فتح جرحا
فإما يبرى الجرح و يحسن الشخص من نفسه
أو ينزف فلا نكون قد فعلا خيرا

أشعر بأن استجواباتك راعت الاسلوب الذرب و الراقي في الطرح
ولكن ما زال الأمر يسبب الازعاج للعضوات
وهذه وجه نظر شخصية أخص بها نفسي
مع أنني جديدة يا الغالية في المنتدى ولا أكن لأي واحدة منكن أي ضغينة بالعكس جدا ارتحت معاهم
و لكن أحس لو كنتي تبين تستجوبين فيمكنك عمل هذا بالخاص و كما قلت فهذا رأي شخصي لا ألزم أي أحد فيه

أدري ان بعض البنات بيقولون بس احنا ما عندنا شي نخاف منه خل تستجوبنا و لكن
كبرياء امرأة ما شاء الله عليها شكلها مطلعة الاستجوابات من تحت الأرض و لأمور ممكن تنرفز البعض
اعذريني كبرياء امرأة على ردي
و لكن كما قلت وجه نظر لا أكثر ولا أقل
و أتمنى أن تتقبليها بصدر رحب ...


تقبلي خالص شكري و احترامي

 

[اسوووره]

كبرياء ودي اسالج سؤال ... الاستجواب قاعد يتم على اساس عضوات معينات في بالج ولا بالدور للي ردت عليج ؟

لاني اللي فهمته لمن استجوبتي tmtmt انج خليتيها اول وحده لانها اول من رد على الموضوع ...

ارجو التوضيح و دمتي بود يا الغاليه ...

 

[قـہۈه فـرنسيـہ™]

أيوااااااااا أيوااااااااا يلااا ملفته للنظر وينج ,,,يالفيلسوفهـ ,,,

كبرياااء أمرأه استجواااااااابج مو طبيعي ,,, شي حلو ان الواحد ينتقد الثاني بطريقه مثل طريقتج

 

[كبرياء امراة]

كبرياء ودي اسالج سؤال ... الاستجواب قاعد يتم على اساس عضوات معينات في بالج ولا بالدور للي ردت عليج ؟

لاني اللي فهمته لمن استجوبتي tmtmt انج خليتيها اول وحده لانها اول من رد على الموضوع ...

ارجو التوضيح و دمتي بود يا الغاليه ...

عيوني طبعأ اللي في بالي واللي اعرف طبعهم من خلال مواضيعهم وردوهم


اسوووره شرايج تشاركيني في الموضوع في استجواب الاعضاء​

 

[pama girl]

اب اب


عشان يستمر الاستجواب