حياج الله ام زنوب
الآن مع بنات حواء2
أهلا
بنات حواء2
وأنا وعدتكم إني ماأتكلم على أحد لين إهو يعطيني الضماااان
وأنا الضمان أخذته منك ...
سؤالي لك ياعضوه بنات حواء2 وليس شخصيتك الواقعية بل عضويتك
لماذا نرى في أغلب مواضيعك وردودك اهتمامك بالشكل وبالألوان وبالمظهر
يعني
أشعر احيانا بأن مواضيعك وردوك وتوقيعك وأسلوبك كأنك تعيشين أيام المدرسة والمنتدى عبارة عن دفتر تنقشي فيه ابداعاتك
تحبين الرسم وتحبين الألوان والأشكال الجميلة وطريقة مختلفة في عرض مواضيعك
قد يكون هذا أسلوبك وهو أسلوب ممتع تتميز به الصبايا
لكن
فيه نوع من الاهتمام بالأسلوب وبالمظهر
أكثر من الجوهر
بمعنى
لماذا تضيعي وقتك بالالوان والحركات التجميلية للموضوع والبحث في المواضيع المنقوله
لماذا لا يكون إهتمامك بخبراتك في الحياة وبكتابة مواضيع عن تجاربك الشخصية والمشاكل الموجوده في مجتمعاتنا
أشعر بأن لديكِ الكثير والكثير ...
ولكن أسلوبك الخاص وحبك للشكل والمظهر مسيطر عليكِ
ماتعليقك
يا حياتي بالعكس انا اتقبل رايج فيني و على عيني و راسي و الي عجبني بهلموضوع انه يلفت نظرنه في شي فينه ممكن احنه ما نشوفه و اعتبري هذا تشجيع من اختج بنات حواء

_03ba: عشان تكملين الموضوع الروعه
بنسبه حق اهتمامي حق الالوان و الاشكال و المضهر انا ما اقدر اقولج انه المضهر مو مهم المضهر مهم لي قبل لايكون للناس عشان احسن من نفسيتي سواء هذا اللون في لبسي اوفي مكياجي اوفي بيتي او اثاثي اوصبغ غرفتي لاني احس انه الالوان هي ال تعطي الحياة الروح تخيلي انه الدنيا ابيض و اسود ماراح تكون حلوه مثل ماهي ملونه
بنسبه حق اختمامي بالمضهر اكثر من الجوهر عاد هذي ما اتفق فيها معاج بالعكس انا بنسبه لي الاخلاق و الطيبه هي في الدرجه الاولى بنسبه لي و على اساسها ممكن اكون صداقات و اكتسب ناس وايد
اما بنسبه لمسألة اني تهمني ايام المدرسه و انقش في المنتدى ذكرياتي لا و الله بالعكس اصلن انا منالنوع الي اشوف لي جدام ما انظر لي ورى بس اخلي ماضيي يكون عبره لي اخذ منه المفيد و اترك المتبقي منه اصلن صديقاتي مايهموني لاني انقرصت منهم وااااااااااااايد عشان جذي ما احب اذكر الماضي خصوصن المدرسه و غيره لانه يذكرني فيهم و انا ما ابي اذكرهم بالعكس الي اركز عليه هني في المنتدى هو اني اساعد البنات الي عندهم مشكلات احاول اني اعطيهم رايي حتى لو كان رايي يخالف رايهم لاكن يهمني اني انبهم حق شغلات غامضه بنسبه لهم و اوضح لهم منو الغلطان و منو الي على صواب و طبعن كل هذا نابع من تجاربي في الحياة و اقتبسها من دراستي و خاصتن و اني طالبه في كلية التربيه الاساسيه و انظر لمواضيعهم نظره تربويه نفسيه و مستقبليه و بنسبه حق اسلوبي اشكرج يا حياتي على هلكلام الحول و كلامج على عيني و راسي لاكني قليلة المواضيع لاني دايمن احب انزل موضوع حلو و يستفيد منه الجميع وفعلن عندي الرقبه اني انزل 10000 موضوع بس للاسف الوقت مايسعفني
اما بنسبه للمواضيع المنقوله بالعكس ما اشوف نفسي فيها لاكن اشوف نفسي في المواضيع الي تفيدني و المواضيع الي فيهانوع من الحبكه احاول اني اساعد صاحبة الموضوع في رايي و اناختلف مع هواها او ميولها
لماذا لا يكون إهتمامك بخبراتك في الحياة وبكتابة مواضيع عن تجاربك الشخصية والمشاكل الموجوده في مجتمعاتنا
أشعر بأن لديكِ الكثير والكثير ...
هذي العباره وايد عجبتني فعلن انا عندي تجارب وايد في حياتي و هي الي اصقلت شخصيتي خلتني اكون اقوى في هذي الحياة خلتني اعرف اتصرف في الكثير في المواقف لاكن بدال ما احط تجاربي في موضوع معين لاحظي مشاركاتي كلها عباره عن انعكاس من تجاربي
فلو اي وحده تعرض مشكله احاول اني اعكس جانب من حياتي لها و اخليه عبره لها او خبره من تجربه معينه نجحت معاي احاول افيدها فيها على قدر المستطاع
حبي للمضاهر مو معناته اني ما اهتم بالجوهر بالعكس بعض المرات المضاهر تنحكم علينه بشكل ام باخر مثلن لو يه العيد في احد بيطلع في بدله قديمه بتقولون لي لا انزين ليش هل لانه احنه نحب المضاهر لا لاكنها عادات موجوده عندنه و نحكمت علينه و احنه صرنه نحب نجدد و نهتم بانفسنه و هذا مو عيب اذا كان هذا شي ما اشغلنه عن الجوهر
و سامحيني طولت عليج بس حبي اعلق على كل نقطه عشان لايروح تعبج هباء و هدر يعطيج العافيه موضوع رووووووووووعه و مستعده اسمع و اتقبل منج و من اي احد اي استجواب و بصدر رحب