قروب بإرادتنا نوصل لهدفنا ..

[layan 23]

هاي بنوتات شلونكم الله يستر باج موعد وزني <<خااااااايفه حدي

بنات اليوم بس شوربه عالفطور

وتعشيت تشريب وسلطه

وعالسحور اكيد لبن كالعاده

بنات شخباركم فديتكم قولولي عنكم شسويتوا

 

[الساحـره]

اهلييييييين الحب عذاب

يلا شدي حييييييييلج

يارب يارب يارب يارب ضاعفه بصحه وعافيه يارب

بشرييييييييناااااا باجر

انا اليوم طحتله ربيان ع الفطور لووووووووول

شييين اثنين ماقدر اقاومهم الربيان والبشاميل :eh_s(1):

 

[layan 23]

لووووول الساحره ماتقاومينهم

*****************

قست وزني اليوم نازله كيلو وشوي
وحدي مستانسه

 

[الساحـره]

علبرررررررررررررررررررررررررررركه

ومنها للآعلى ياااااااااااااارب ^_^

يلا خل نشد حيلنا باقي 10 ايام برمضان

طبعا ً اذا يا العيد الله يستر , تبدي المشاوير والاكل والمطاعم لوول

::

نونا وينها ماتبين
نووووووووونا وينج :eh_s(6):

 

[نوناA]

مرحبااااااااااااا


شو الاخباار

يعطيج العاافية الحب عذااب((( الساحره كاني موجوده



بناات اناا فطوري كل يوم شوربة ولبن >>> لان رجيم سوائل ..

واليوم عندنا زوارة >> الله يستر

 

[layan 23]

مرحباااااااااااااااااااااا

شلوكم حبايبي

مشتاقتلكم

انا فطوري اليوم كالتالي:
شوربه
تشريبه
سلطه
طبقات توست مع دجاج
ادري بدعت بس ماتعشيت ولاتسحرت على فطوري بس<<معاقبه نفسي هع هع

 

[الساحـره]

نونا مسكي نفسج بالزواره لووول
بس اكلي شي خفيف عن خاطرج بس مو تبدعين وايد لوول

::

الحب عذاب, اي نفس الحاله , اذا كليت شي ع الفطور اعاقب نفسي ع السحور لوووول


موفقين بنوتات

 

[الساحـره]

up
up
up
up

 

[الساحـره]

قوه بنات

وينكم من امس مالكم حس

نونا شخبار رجيم السوائل؟ ها تمديحنه ولا لا؟ حسيتي نفسج خافه هاليومين؟
بس مادري احسها صعبه كله سوائل

 

[نوناA]

مرحباااااا بناااات

مشتاقتلكم ..

السااحره رجيم السوائل اتوقع اسهل برمضان لان فتره قصيرة من بين الفطور والسحور بس اماا بالايام العااديه يكون من الصبح لي بالليل فصعبه ..>>> المهم احس نفسي خفيفة واضمن لج ب10 اياام كيلوين بس>> اذا خربطتي .... اماا اذا التزمتي مع ريااضه 5 كيلوو

 

[الساحـره]

مرحباااااا بناااات

مشتاقتلكم ..

السااحره رجيم السوائل اتوقع اسهل برمضان لان فتره قصيرة من بين الفطور والسحور بس اماا بالايام العااديه يكون من الصبح لي بالليل فصعبه ..>>> المهم احس نفسي خفيفة واضمن لج ب10 اياام كيلوين بس>> اذا خربطتي .... اماا اذا التزمتي مع ريااضه 5 كيلوو

اهلييييين نونا

واخيرا وحده دشت فيكم لوول وينكم اختفيتوا

موفقه نوونا برجيم السوائل

شكلي بجربه بس المشكله ماقدر استغني عن السلطه بالرجيم, اهيا الي تسد يوووعي

شكلي بحطلها بالخلاط وبسويها عصير :dddds:

 

[نوناA]

ههههههه

الساحره رجيم السوائل يصير سلطات وفواكه بدون الموز والمانجا

 

[الساحـره]

اي اذا في سلطات وفواكه زين عيل في مجال اسويه

صراحه ماتحمل طول اليوم بس سوائل لوووووول

الحب عذاب وينها مختفيه

 

[layan 23]

مرحبااااااا مليووووون

مشتاقتلكم وفقدتكم ولكم وحشه

بنات صارلي يومين المنتدى مو راضي يبطل كلش

واليوم رضى عني واخيراااا

المهم والله اشتقتلكم

وبقولكم اني توني امس شريت الشورت الحراري من صيدلية الغانم والله خوش شي علطول حسيت المنطقه احترت وبدا المفعول

وكنت احوس اكمل باجي كماليات العيد

اما عن الرجيم الحمدلله مستمره
بنات بقولكم شي مادري انتو نفسي او لا
صايره ما اشتهي اكل عالفطور كلش والله اليوم اكلت تمره وقفشة شوربه وشربت قلاص فيمتو وبس
كلش ماكو نفس
ومنهاااا للأعلى يارب

 

[layan 23]

بنات انا وزني الحين وصل لي 96 وهذا انجاز بالنسبه لي

على فكره بنات في شي انتم ماتدرون عنه انا كان وزني قبل 4شهور 115

والحين 96 يعني حاليا نازله19 كيلوو وهذا شي حلو ومننها للاعلى يااااارب اوصل للهدف اللي ابي

والكل يوصل للي يبي ومووووفقين يارب

فديتكم

 

[الساحـره]

اهلييييييين الحب عذاب

شخبارج؟ اشتقنالج

عالبركه ع الشورت الحراري ^_^ حده اينن, انا ماعرف العب رياضه الا فيه

ومبروووووووووك ع الوزن الي نزلتيه

يارب منهاااا للاعلى بصحه وعافيه يارب

:::

اي حتى انا ع الفطور صايره ماشتهي اكل كلش

 

[layan 23]

العيد قرب

 

[layan 23]

وان شاءالله نعيد بخير والله يتقبل منا صيامنا وقيامنا وصلاتنا ودعائنا

 

[layan 23]

اليوم فطوري تشريبه وتمر وسمبوسه حبه وحده

بس مامشيت اليوم

قولوا لي شسويتوا

 

[الساحـره]

اهلين الحب عذاب

انا صارلي 3 ايام معدله نومتي, انام ع الساعه 10 بالليل لي 6 الصبح, انام وماتسحر << عاد الصبح اموووووووووووووت من اليوع لووول

امس كان فطوري
سلطه - شوربه - وكليتلي توسته سمره مع جبن لايت وخس وطماط ^_^