اهم الشغلات إلي تجهزينها حق البيبي والمستشفى خل نستفيد

[سحايب نجد]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

النقره على 55 دينار

 

[بنات حواء2]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

همس الجراح
هلا و الله حبيبتي يارب الله يتمم عليج حملج يارب
شنو الي تبينه بالضبط تبني ملابس البيبي و لا تبين التوزيعات و لا شغلات حق الاستقبال حددي الي تبينه و انشاله بساعدج بلي
اقدر عليه


مغرورة بنت ابوها

حبيبتي الازرق لون وايد صعب بس لا تتقيدين فيه في وايد الوان ممكن تستخدمينهم للولد مثل الاخضر
و ممكن تدخلين لونين الاخضر الفاتح مع التركواز مثلن
و ممكن الزيتي وايد روعه
فصلي احسن لانه اللون الي في بالج صعب



بنات الي يبي كفري ترى بعده موجود و بسعر الي تبينه انا موافقه عليه

بنت العز وينج

 

[العاشقة]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

مرحبا...
لوسمحتوا وين القي كيس البيبي للتقديم..اب شي ذرب وما يكون غالي

 

[قطوطه 1985]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

صار لي 3 ساعات افر بالموضوع ومو لاقيه ولا شي من العنوان لاافكار حق التجهيز ولا بطيخ اللي تشتكي من بطنها واللي تطلق واللي بالنفاس وانا مصدقه داشه الموضوع عبالي باخذ افكار لووووووووووووووووووووووووووووووووووول
يريت تفتحون موضوع ثاني حق افكار للتجهيز البيبي واستقبال الولاده ويكون ممنوع فيه السوالف الخاجه عن الموضع حرام 6الاف صفحه ومااستفدنا من الموضوع شي

 

[Lady^bird]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

يعطيكم العافيه عالموضوع.. والحمدلله ذكرتوهم .. وبشوف اللي ناقص واكمل عليهم
الله يسهل عليكم جميعا .. ويرزق المحتاجه يا رب

 

[Om Ghalia]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

توزيعات حق المواليد، أنا سويت بيض الصعو مطبوع عليه اسم ولدي، داخله كاكاو وينوكل بعد..
وسويت بعد كوكيز بأشكال خاصة للمواليد تهبل وشغل عدل ونظيف...وصراحة اهي فكرة يديدة وحلوة وخصوصا أن شركة الحلويات هذي يديدة بالديرة..

 

[محبوبي الاسمر]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

والله انا اكتب بورقة وقلم شنو الاشياء اللي ابيها وروح اشتري بس اهم شي اخذ لون الابيض ولون البيج واخضر

 

[محبوبي الاسمر]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

:ggdw: موفقييييييييييييييييييييييييييييييييييين :ggdw:

 

[Marilyn Monroe]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

بنات انا خايفه من الولاده

ميته ميته من الخرعه بلييييز قولولي صج ولاده البنت اصعب من الولد ؟؟؟

ولا كلهم نفس الشي

هذي حمالتي الثانيه

 

[Lady^bird]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

توزيعات حق المواليد، أنا سويت بيض الصعو مطبوع عليه اسم ولدي، داخله كاكاو وينوكل بعد..
وسويت بعد كوكيز بأشكال خاصة للمواليد تهبل وشغل عدل ونظيف...وصراحة اهي فكرة يديدة وحلوة وخصوصا أن شركة الحلويات هذي يديدة بالديرة..

حبوبه من وين سويتي بيض الصعو والكوكيز ؟؟ وجم كلفج ؟؟

 

[Om Ghalia]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

حبوبه من وين سويتي بيض الصعو والكوكيز ؟؟ وجم كلفج ؟؟

سويتهم عند شركة يديدة بالكويت اسمها كو كيز بوكيه،
بيض الصعو الكيلو 150 حبة بـ 35 دينار، والنص كيلو 75 حبة بـ 17.5 دينار وتقدرين تشكلين فيهم، يعني ممكن شوية اسم البيبي، شوية كلمة مبروك، شوية صورة، ..
والكوكيز الوحدة كانت نص دينار، سويت حوالي 50 واحدة، يعني 25 د.ك.
كانت التكلفة كلها 42.5 دينار ..

وأنا سألتهم عن تكلفة إذا بحط وحدة الكوكيز اللي أنا اخترتها مع وحدة بيض صعو داخل بوكس صغير حلو مزين، عندهم كل الألوان، تطلع الوحدة حوالي 1.5 دينار. أذا تبين معلومات أكثر أنا حاضرة ...

 

[عود مبخر]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

ام غاليه حبوبة ممكن تعطينا عنوان الشركة اذا سمحتي ... وبالنسبة للكوكيز شكبر حجمه وهل اقدر اكتب اسم البيبي عليه ؟

 

[BaToTa]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

مشكوره حبيبتي

 

[Om Ghalia]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

ام غاليه حبوبة ممكن تعطينا عنوان الشركة اذا سمحتي ... وبالنسبة للكوكيز شكبر حجمه وهل اقدر اكتب اسم البيبي عليه ؟

أختي المحل مالهم قاعدين يجهزونه،ويسووله ديكورات بس اهم بدو فعليا من حوالي شهر بالمعارض والمجمعات، شوفي موقعهم
www.co okiesbouquetsweets.com
وتلاقين عندهم أشكال أكثر بعد من الموقع...واذا تبين دقي عليهم، البنية اسمها رنا، واهي وايد خلوقة وتحترم المواعيد،

بالنسبة للكوكيز عندهم صغير وعندهم وسط وكبير وكل الأشكال، تقدرين تكتبين اسم البيبي، وأنت بعد تقدرين تختارين الألوان، وتقدرين تحطين صورته بعد اذا تبين، عندهم كوكيز مطبوع عليه الصور وااااااااايد حلوة حق البيبي أو حتى المعاريس..
شوف الصور أخذتهم من موقعهم على الفيس بوك:

 

[عود مبخر]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

تسلمين حبوبه الموقع واااااااايد حلو شغلهم مرتب

 

[Brown^_*suger]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

حبيبتي مشكوره

 

[بنات حواء2]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

العاشقة
حبيبتي في سرداب بسوق الديره عنده هسوالف كشخه و اسعارهم ارخيصه يعني حده حده ب 5 او 4 و مع جنطته بعد

قطوطه 1985

اهلين حبيبتي
اضاهر انج مو متفره عدل يا حياتي الموضوع متروس صور و تحارب شخصيه و اذا حبيتي مواضيع تستفيدين منها كأفكار للاستقبال و التجهيزات دشي ملفي الخاص راح تلقين اكثر من موضوع او شوفي الروابط الي في توقيعي
حياتي ياريت ماتقللين من قيمة الموضوع اذا كان مو عاجبج فهو عاجب آلاف غيرج و حياج الله


كربوجا

اهلين يا حياتي
السرداب اهمه يقصدون سرداب بياع الورد الي يصير بحولي قبال مستشفى دار الشفا
و انا حالين طايحه على سرداب البغلي وااااااااااااااااااايد ارخص و اوفر من سرداب بيع الوردي ما اعرف اوصفه بس هو يصير تخلين حولي بارك على يمينج و تمشين يصير بسراديب واحد من المجمعات الي على يمينج

و المصنع فعلن وايد حلو و يسويلج الككاو طلبيه يعني فريش مو عتيج يصير بشويخ و اذا حبيتي الرقم راسليني على الخاص و من عيوني ماراح اقصر معاج



Lady^bird
حياج الله يا حياتي و ترقبي الصور اليديده لتجهيز المواليدد


Om Ghalia
ماشاء الله افكارج عجبتني و يعطيج الف عافيه كفيتي و وفيتي

BaToTa
حياج الله حبيبتي


عود مبخر حياج الله يا حياتي و اتمنى انج استفدتي من الموضوع

 

[بنات حواء2]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

Brown^_*suger

العفو يا حياتي و حياج الله

:tek:

 

[Om Ghalia]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

عود مبخر
بنات حواء 2
مشكورين حبايبي....

 

[شي حلو 22]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

انا شريت كيس البيبي
من محل اسمة انار
في البستان
وااايد حلو وراقي ب 19