محتاجه كتب من يجيبها لي ؟؟

[برسم الكلمه]

مساء الخير

عزيزاتي انا محتاجه كتب ضروري عندي بحث بكالوريوس وابيكم الله يوفقكم تساعدوني

تعرفون احد ب: سوريا , الاردن , تونس , الكويت

اقدر اتعامل معاه ويجيبها لي وله نسبه ؟؟:klhfl:

الله يوفقكم اذا احد بيساعدني يرسلي عالخاص

انا من السعوديه

 

[Ms.PeRFeCT]

حبيبتي شنو الكتب اللي تبينها

ومتى تبينها بالضبط يعني جم معطينج مهله؟؟؟

بحاول اساعدج اذا فيه وقت ومابي منج نسبه

دعواتج

 

[Little_Queen]

نرجو توضيح المعلومات أكثر عزيزتي برسم الكلمة ..


يعني شنو التخصص الي تبينه و شنو الكتب بالظبط ؟؟؟ ارجو انج تشرحين اكثر

و ان شاء الله محد بيقصر معاج

و شكرا جزيلا

 

[برسم الكلمه]

مرحبا بنات

ابي كتب في الادب

اول شي انتم من وين عشان احدد

والله يوفقكم اجمعين

 

[Little_Queen]

عزيزتي أغلب الي بالمنتدى كويتيات .. و في معانا عضوات عزيزات من الخليج كله

بس تونس و الاردن .. اتوقع صعبه تلاقين احد هني من هالدول .. بس ممكن تحصلين احد عايش هناك او يعرف احد هناك ..

عموما اذا انتي طالبه اعتقد تقدرين تراسلين المكتبات أو دور النشر الي هناك و يطرشولج ... او تروحين السفارة حق الملحق الثقافي هني
و تسألينهم ..


انا عن نفـسي بالكويت ... آمري ؟

 

[برسم الكلمه]

طيب تعرفون احد يشتغل في جريدة القبس لأني ابي مقالات قديمه لهم من الارشيف ومو قادره اوصل لأحد منهم يساعدني

 

[قدوتي سنتي]

طيب تعرفون احد يشتغل في جريدة القبس لأني ابي مقالات قديمه لهم من الارشيف ومو قادره اوصل لأحد منهم يساعدني

هذا موقع جريدة القبس يمكن يفيدج

http://www.alqabas.com.kw/
وصراحة ماعرف احد يشتغل هناك


وان شاء الله البنات يفيدونج​

اي اي نسيت اقولج


وحده من الخوات ماقصرت حطت موضوع محركات البحث عن الكتب

يمكن تلاقينهم


وهذا رابط الموضوع

http://q8yat.net/showthread.php?t=436952​