مركز "Physiomins " للتنحيف اللي بالجابرية .. لازم اقولكم سالفتي ...!

[المحامية هبة السهلي]

بنات انا ودي اشترك هالايام بهلث ووتشر والنادي هاذا رفيجتي ماشاء الله صاحبة النادي وايد اظعفت بس تلتزم هيلث ووتشر + المساج يوم وترك

 

[noty]

بنات انا ودي اشترك هالايام بهلث ووتشر والنادي هاذا رفيجتي ماشاء الله صاحبة النادي وايد اظعفت بس تلتزم هيلث ووتشر + المساج يوم وترك

هيلث ووتشرز ممتاززز صجج .. الله اوفقج ديير

 

[Featured Lady]

وينكم جمانه وملقوفه
قولولنا يومياتكم
عشان نتعرف على الاجهزة وتشجعونا نشترك

 

[ياشايل الظبى]

وينكم جمانه وملقوفه
قولولنا يومياتكم
عشان نتعرف على الاجهزة وتشجعونا نشترك


واذا فيه مراكز ثانيه ارخص البنات يدلونا عليها

 

[**Jumana**]

هلووووووووو بنات... سامحوني كنت حدي حدي لاهيه اليومين اللي فاتوا...

انا الرجيم و الأجهزة ماشيه عال العال معاي ولله الحمد <---- اللهم لا حسد !

هههههههههههههههههههه

بس الاسبوع اللي فات بس ضعفت كيلو ونص

الى الآن وصلت 11 ونص كيلو من بدايه المشوار... عقبال ما أشوف الآخر يارب... دعواتكم بنات الله يخليكم

 

[Featured Lady]

صباح الخير جمانه
زين دخلتى لموضوعج انا انطرج
جمانه شنو الاجهزة اللى استخدمتيها عندهم ؟
ولاحظتى جسم تناسق وشد والا بس ضعفتى ؟
وانا بعد شوى بمر عليهم وباخذ فكرة

 

[**Jumana**]

هلا فنن

صباح النور حبيبتي

اي والله صار فتره غاطه عن المنتدى....

الأجهزة كذا نوع أظن 5 ... وأكو جم جهاز يستخدمونهم حق كذا شي..

أكو جهاز مثل الكبسوله.. يلفون الجسم فيه و يحطون معاه كريمات .. حتى الكرييمات تختلف على حسب الجلسه.. أكو كريمات للشد و أكو كرميات و خلطات للشد..

والجهاز الثاني حق السؤال اللي بالجسم... علشان تطلع من الجسم..

وأكو أجهزة مثل أشياء حديد يلفونها عليج و تكسر الدهون اللي بالجسم..

وبعد............ هممممممممممممم... مادري نسيت !

أيييي ... وبعد جهاز حق الشد... استعملته 3 مرات بس لأنه أنا ابي أضعق مو أشد.. اللي يبون الشد برنامجهم غير عني...

وبالنسبه للتنسيق بالجسم... انا قاعده احاو كثر ما اقدر اني اتحرك.. لأن دوامي رك رك رك مووووووووو طبيعي.. فالكرشه.. اللهم يا كافي ! ههههههههههه

بس انا ولله الحمد ما حسيت انه جسمي ترهل... يمكن لأنه انا يبيلي وايد أضعف فعلشان جذيه ما يبين علي لمن الليحن..

عموما ترا انا جددت ورديت خذيت 30 جلسه بس عاد عسى اكمل ... جني خقيت و بديت اتكاسل بالروحه...

 

[Featured Lady]

مشكورة جمانه
انا ودى ازرق الحين للمركز واشوف الاجهزة
انا ماابى الا 15 جلسة لانى ملولة
والله انج شجعتينى انت وملقوفة على الاشتراك لانى مالى خلق للرياضة
بس عندى سؤال لج اعتبريه فضول انت تداومين بالبنك ؟؟؟؟؟؟؟؟؟؟
لانه من ردودج فهمت ان دوامج على فترتين

 

[**Jumana**]

لأ حبيبتي انا مو بنك... أنا في شركة استثماريه..

ودوامي مو كل يوم دوامين لأ يكون شفتات,, يعني تقريبا بالشهر اسبوع الى 10 ايام

ناويه اغير وظيفتي لأن بس لاعت جبدي.. بس وايد عطيتهم وجه !

هههههههههههههه

ودي اتفرغ حق نفسي شوي.... يمكن ضعف.. واذا ضعفت يمكن احد يلتفت صوبي... واذا احد التفت يمكن يعجب فيني.. وتالي الله يوفقني و اتزوج !

هههههههههههههه قلبتها فلم هندي !

 

[Featured Lady]

ربى يرزقج بالزوج الصالح
جمانه لاتئسيين عقب زواج اختى اقول لكل البنات اذا الله قاسملكم زواج راح تتزوجون سواء كنت متينه والا شيفه
واعتقد انج انت الحلا كله
جمانه ممكن تتوسطين لى بالشركة اتوظف والا مايبون عاد انا خريجة تجارة؟؟؟؟؟؟؟؟؟؟
وين تبين تروحين احد يترك شركات الاستثمار ويروح يدور شغل غيرهم
ياالله خلينى اتوظف معاج ونسوى عليهم عصابه

 

[**Jumana**]

هههههههههههه

أي عصابه الله يهداج... هم بكبرهم مافيا بعد مو بس عصابه!

فنن تصوري المدير يبيني كل 3 شهور اييبه مدخول مليون دينار !!

ما ادري من وين اجيبهم له! عندج مليون؟؟

النمشكله ان التقييم السنوي مرتبط بهالمدخول.... واحنا التقييم مالنا ينقسم حق ضعيف / مقبول / عادي / جيد جدا / ممتاز... أوكي؟

والأردى من هلاشي انه لنفرض اني يبت له الفلوس تدرين شنو تقييمي يكون؟؟؟










عادي !!!!!!!!!!!!!


ليش؟؟؟


لأنه انا بس سويت اللي مطلوب مني ... ما سويت شي أكثر من المطلوب!

يعني لو اجييب 2 مليون يصير التقييم جيد جدا ... و اذا جبت له 4 مليون يالله يصير ممتاز.... انا وين و4 مليون وين؟؟!!

كل اللي اعرفهم قروض و بلاوي.... وبس بنات الهوامير ابوها يعطيها و خالها يقط عليها واذا خلصت السنه يسحبونهم و يردونهم مرا ثانيه !

وانا يا غافلين لكم الله ... ها للحين معزمه تجين عندنا؟

هههههههههه

 

[Featured Lady]

جمانه الله يعينج شغلج موتعب الا يعور القلب كله ملايين
انا لو منج اظبط نفسي واطلع منهم
اعرف واحد اشتغل بشركة استثمار كان حافى الحين وبظرف 5 سنوات مكن المليارديرات وهو كان منتف حتى شهادة حده 2 ثانوى يمكن تعرفينه يسمونه " فلان الساحر "
بس جد مافى وظايف عندكم ؟ لاعت جبدى من التقاعد؟؟؟؟؟

 

[**Jumana**]

والله ما دري... بس اذا ملزمه أسأل لج من عيوني

شنو كنتي تشتغلين قبل... لأنه اذا نفس المجال راح تستفيدسن من ناحية الدرجه و الراتب.. وذا لأ أظن يحطونج مبتدأه...

 

[Featured Lady]

حبيتى اسالى لى
بس راح ابعثلج المعلومات على الخاص
ولكن عندى سؤال
انت مشتركة بدايت كير مثل ملقوفة ؟
وفى وحدة معانا بالمنتدى مشتركة فيه وماشاء الله عليها بظرف 10 ايام نازلة 3كيلو و600
شراي باكلهمممممممم؟؟؟؟؟؟؟ظ

 

[**Jumana**]

لأ حياتي انا اشتركت بهيلث كومباني كانوا حاطين الكاتالوج مالهم بالمركز و شجعوني أشترك... ولمن رحت هيلث كومباني عطوني جلسه مجانيه في المركز ! ههههههههههه الظهر مسوي اتفاق بينهم...

أشوه من حسن حظي يعني اللحين صار عندي 4 مجاني مو 3 ! الله يزيدهم و يطرح فيهم البركه و اضعف بكل جلسه كيلو ياااااااااااااااااارب

 

[Featured Lady]

والله راعية حسابات
كلش شي تدورين على مجانى منه والا انت مشنصه
طلعى شي مجانى من الملايين اللى تتعاملين معاها ههههههههه
انزين اشلون اكل هليث كومبانى ؟ وجم سعر الاسبوعين عندهم ؟
وبالنسبه للمركز اذا اخذت 15 جلسه فى جلسه مجانية والا لا

 

[**Jumana**]

بالنسبه لهيلث كومباني... هم الطباخ مالهم نفسه مال لو نوتر... وايد لذيذ... بالنسبه لأكل الرجيم زين .. يعني قاعد يعطوني مجبوس و قبوط و برياني !

وبالنسبه للجلسات المجانية ... ما أدري ... أظن تسالينهم أحسن لنه انا 30 جلسه مو 15.. بس أظن انه اكو مجاني بعد.. أحسن تأكدي منهم

وعلى الحسابات <----- قل أعوذ برب الفلق ! انا حدي جلسات مجانية .. التواضع زين فعلشان جذيه مخليه الملايين المجانيه لأصحابها لأنه ما احب اتدخل بش ما يخصني ....... <---- شرايج بالقناعه؟

 

[malgoofah]

بنات اشلونكم واشلون الرجيم والجلسات معاكم و جمانه عاش من شافج قطعتي جم يوم والله فقدناج وفنونه ايه فيه جلسه فري اذا خذتي 15 جلسه و قوليلهم عطوني 2 فري ترا سمحين انا خذيت للحين كذا جلسه و معاملتهم اتينن و بالنسبه حق دايت كير اينن لا يطوفج بس كل هالشركات ملوت الرجيم على حسب الجسم تنزلين فيه ناس تنزل ابسرعه و ناس عالبطيئ و اذا كنت اول مره اتسوين رجيم او تشتركين في مثل هالشركات انشالله ابتظعفين ابسرعه و صدقيني راح يبين عليج حتى لو بالوزن ما نزلتي وايد و اكلهم زوووووووووووغه انا ادمنته الحين ماني قادره ابطل منهم لووول صايره اكل اكلهم و اخربط يا ربي مادري اشفيني اختربت ارادتي صايره ميح جمانه شنو احسن جلسه اخذتيها؟ اي نوع انا للحين جربت الكبسوله و لزقات الكهربا نوعين بس ما اعجبوني و جربت الطين عجبني اهوا والككبسوله و فيه شي نفس ال البي جي هم زين و الجهاز اللي يعصر هم جنه اوكيه انتي متى اتروحين عادة؟

 

[malgoofah]

يا ربي انا جسمي يبط الجبد ما ينزل واي مت من الأحباط كل اللي ابيهم 5 كيلو وامطلعين روحي ماني عارفه شسوي ابروحي لاعت جبدي جمونه عفيه ابي اكثر جلسه فادتج شنو و بنات اللي اتعرف احد يوفرلي حبوب فايتو شيب اتقولي ادعولي بنات عفيه

 

[**Jumana**]

هلا و غلا والله ملقوفه شخبارج؟؟ ولهنا عليج والله .... شخبار الجلسات وياج؟

انا خبري فيج ما تبين الضعف.. و تبين بس الشد... شفيج هونتي؟ ههههههههه

انا يا طويلة العمر أحب الطين الحراري ... على ما تخلص الجلسه الا انا نايمه .. ههههههههه بس أنا تحط لي طين التخسيس مو الشد.. لأن ابي اضعف... هي مرا سألتني شنو تبين أكثر تضعفين والا تشدين قلت أبي أضعغ فحطته لي...

وهم أحب جلسه اللي فيها الطوق اللي ينحط على البطن و يرعص.. وايد زين حق البطن... لأنه انا مشكلتي في بطني..

أحب بعد الكهرباء اللي مربعات الكبار البيض... أحس ايها أكثر شي تنفع وياي ... ما ادري بس أحس بالفرق من باجر لمن أسويها

أنا العاده أروح على ال3 أو 4 حسب الدوام... وجم مرا رحت على 6 .. لأنه هم يسكرون 7 أظن... بس ترا اذا تبين ممكن يتأخرون على شانج... مرا كنت أبي متأخر و مسكينه نيلي قعدت نطرتني لمن خلصت الساعه 8... بس كسرت خاطري و ما عدتها مرا ثانييه ... ههههههههه