ريجييم د.بدر نصر الله للعيد

[نور الشمس 75]

هلا في حبيباتي اللي بيصيرون رشيقات ان شاء الله:68_asmilies-com:

اليوم انا مستانسه حدي:dddds: لأنه وزني نزل 3 كيلو ونص على ريجييم د.بدر نصر الله هالأسبوع

لأني شفت النتيجة بدون جوع وراح أستمر إن شاء الله وانزل بعد الأيام اللي جاية

لأنه خبركم اذا ما شفت نتيجة ما ألتزم:botetoo:

وواييي يا كثر هذرتي وانا ما بديت الموضوع لما الحين

وأدري اني تأخرت عليكم في الموضوع بس والله ظروف تدرون التجهيز للعيد

الحين الريجييم هذا يونس فيه يومين فري طبعا بس وجبه وحده باليوم مو طول اليوم فري

ياللا نبدي

7
7
7
7
7
7

بعد النهوض من النوم مباشرة : 1كوب ماء حار

الإفطار قبل الخروج من البيت : حبة فاكهة ( تفاح - برتقال - كيوي - عرموط - 4 حبات فراولة - 4 حبات عنب )

الضحى : 5 حبات مكسرات + شاي + حليب أو شاي اخضر

الضحى : 2حبة فاكهة

الغداء : 4\1 جاجة أو ما يعادلها ( مشوي - مسلوق - بالفرن )+ سلطة

العصر : 3 تمرات أو حبة فاكهة

العشاء : ( راح تختارون كل يوم شي غير )

2 حبة فاكهة
شوربة + سلطة
شوربة
مشوي + سلطة
2 حبة فاكهة
تبولة

ملاحظة : يجب الإكثارمن شرب الماء ولا تنسون المشي مع ان الدكتور قالي ما راح احاسبج على المشي والرياضة إلا بعد العيد


وبالعافية وإن شاء الله تضعفون:eh_s(8):
​

 

[نور الشمس 75]

عيدكم مبارك رشيقات وعساكم من عواده
بس أشدعوه 14 مشاهدة ولا رد ولا تشجيع!!!!!!!!!!!!!
المهم انا مشيت على هالريجييم امس وكان عندي وجبة الغدا فري الله يا أنا أكلت ما قصرت بلعت لما شبعت وبعدين تحسفت ولابعد مو اي أكله طباخ امي الله يخليها عيش ويا زبيدي من اللي تحبه قلوبكم
بس تدرون انا آكل وأكلم نفسي وأقول خلاص وقفي لا تأكلين وأرد واكلم نفسي واقول هالطبخ ما يتطوف اكلي اليوم عندج فري و اذا متحسفه امشي وسوي رياضة زيادة وفي الأخير ما قدرت أقاوم طبخ أمي وأكلت

بس تدرون شنو اللي صار
مو مثل قبل
لما كنت اكل احس بثقل
هالمره حسيت اني مو ثقيلة
وحسيت انه اللي كليته ما أثر على جسمي
واليوم مع اني امس ما قصرت اكلت وحسيت بتأنيب الضمير
بس اليوم لما قعدت من النوم احس انه جسمي مو متغير والأكل مو مأثر علي

والله قاعده احس انه جسمي قام يشد شوي شوي
لأني حسب ما اعرف انه التفاح الأخضر له مفعول على الجسم ويشده

لأنه انا لما يقولون فواكه بس اكل تفاح اخضر

وان شاء الله ينزل بعد وزني هالأسبوع
لأني حييل استانست لما نزل 3 كيلو ونص
الأسبوع اللي فات لما بديت الريجييم

والحين جني قرقت عليكم وعورت روسكم
ألقاكم ان شاء الله على خير
وياليت في أحد يشجعني ولا يبدي الريجييم معاي

 

[الحراير]

موووووووووووفقه

 

[نور الشمس 75]

موووووووووووفقه

مشكورة حبيبتي​

 

[أمـيـرهـ]

مبروك ياقلبي يلا الفال تخسرين كل وزنج ويثبت على 55 قولي امين

 

[_ظل الياسمين _]

ربى يوفقك.

 

[تمره حلوه]

مبروك يا نور الشمس على 3 كيلو إنشاالله توصلين للوزن إللى تبينه
والفال لنا بعد رمضان الكل زاد وزنه يله انتى تشجعينا

 

[~ MhMh ~]

موفقه حبيبتي
هالدكتور حيل اقدره و احب ريجيماته
ان شاء الله توصلين للوزن اللي نبينه

 

[نور الشمس 75]

أمـيـرهـ رد: ريجييم د.بدر نصر الله للعيد

--------------------------------------------------------------------------------
مبروك ياقلبي يلا الفال تخسرين كل وزنج ويثبت على 55 قولي امين

آمين يارب العالمين
ومشكورة حبيبتي

ريحااانه رد: ريجييم د.بدر نصر الله للعيد

--------------------------------------------------------------------------------
ربى يوفقك.

اجمعين يارب

تمره حلوه رد: ريجييم د.بدر نصر الله للعيد

--------------------------------------------------------------------------------
مبروك يا نور الشمس على 3 كيلو إنشاالله توصلين للوزن إللى تبينه
والفال لنا بعد رمضان الكل زاد وزنه يله انتى تشجعينا

الله يبارك فيج ان شاء الله الكل ينزل ويصير بالوزن اللي يبيه

~ mhmh ~ رد: ريجييم د.بدر نصر الله للعيد

--------------------------------------------------------------------------------
موفقه حبيبتي
هالدكتور حيل اقدره و احب ريجيماته
ان شاء الله توصلين للوزن اللي نبينه

مشكورة يا عمري
وانا ما رحت لهذا الدكتور بالذات إلا بعد ما سمعت عنه كل خير
واهم شي الوحده تنزل بطريقه صحية ومدروسة

واشكر تواصلكم كلكم​

 

[نور الشمس 75]

حبيباتي ورشيقات المستقبل
اليوم انا راح اقولكم شنو سويت امس
كان صراحه يوم حده خفيف
التزمت بالريجييم وما حسيت بالجوع
طبعا الجدول ثابت بس العشاء اللي كل يوم نختار شي مختلف امس انا كان عشاي تبوله
والحمدلله ما قمت احس بالجوع مثل اول يمكن لأنه الريجييم والتعود على كميات معينه من
الأكل يخلي المعده تصير صغيرة وبالتالي ما نحس بالجوع ما دري
لكن صج الشعور بالخفة وانه انا مو ثقيلة وانا امشي واطلع واروح كل مكان
شعور صراحه عجيييييب
مو مثل اول كأني شايله مة بيبي واحد إلا توأم ببطني خخخخخخ من كثر الأكل والحلويات

يالله الحمدلله اهم شي العافية

 

[S0 WHat]

تسلمييييييييييين حبيبتي


يصير ابوق ريجيمج واسويه من باجر :$

ويالله كملي ماشاءلله علييييييييج

انتي نفسي ان ماشفت نتيجة اخربط

لان قبل اسبوعين سويت ريجيم بس من غير رياااضة لمدة اسبووع كامل ولا ضعفت الا كيلووو حدي انقهرت

 

[miss disaster]

بالتوفيق

 

[غراااام]

عيدك مبارك وعساكي من عواده
موفقققققققققققققققققققه

 

[نور الشمس 75]

s0 what رد: ريجييم د.بدر نصر الله للعيد

--------------------------------------------------------------------------------
تسلمييييييييييين حبيبتي


يصير ابوق ريجيمج واسويه من باجر :$

ويالله كملي ماشاءلله علييييييييج

انتي نفسي ان ماشفت نتيجة اخربط

لان قبل اسبوعين سويت ريجيم بس من غير رياااضة لمدة اسبووع كامل ولا ضعفت الا كيلووو حدي انقهرت

حبيبتي عليج بالعافية وياليت القى معاي احد يشجعني
وانا ان شاء الله لي مراجعة يوم ابت عند الدكتور وراح يعطيني ريجييم جديد وراح احطه مع يومياتي واشلون اطبقه

the baby رد: ريجييم د.بدر نصر الله للعيد

--------------------------------------------------------------------------------
بالتوفيق

مشكورة على مشاركتج

غراااام رد: ريجييم د.بدر نصر الله للعيد

--------------------------------------------------------------------------------
عيدك مبارك وعساكي من عواده
موفقققققققققققققققققققه

مشكورة
ومن العايديين والفايزين

 

[نور الشمس 75]

اشلونكم حبيباتي
اليوم انا بقولكم شنو خربطت امس:eh_s(16):

طبعا انا بس لغيت الغدا لأني معزومه بمطعم بالميري اللي بمنتجع النخيل وصراحه الأكل كان _03BA:
خلوني اكل واخربط عدل لأنه امس كان فري عندي بس انا مو بس خليته فري الا دمار ما خليت شي ما لطيته
على بو محرومه من الأكل بس بعد ما رديت البيت ونفس سالفة كل مرة تحسفت وأنبني ضميري:eh_s(14):
فرحت شربت شاي رويال خخخخخخخخخ يعني الحين انقذت الموضوع يعني بس اشوه انه كان عشا يعني انا امس كنت بس أكل فواكه ولاغية وجبة الغدا وكان العشا المدمرة اهي الوجبه الدسمه الوحيده
بس الله كريم راح العب رياضة وامشي عشان اقط شوي من هاللي كليته امس

وسلامتكم​

 

[JnJoOona]

موفقه يا الغاليه وياربي ياحبيبي نضعف انا وانتي وكل بنت تتمني بصحه وعافيه ياااااااااارب :**

 

[to07aH]

انا اراجع عنده ماشاءالله خوش دكتور ..

 

[Marlene Favela]

موفقة يا قلبي

 

[نور الشمس 75]

jnjooona رد: ريجييم د.بدر نصر الله للعيد

--------------------------------------------------------------------------------
موفقه يا الغاليه وياربي ياحبيبي نضعف انا وانتي وكل بنت تتمني بصحه وعافيه ياااااااااارب :**

آمين يارب العالمين نضعف كلنا

to07ah رد: ريجييم د.بدر نصر الله للعيد

--------------------------------------------------------------------------------
انا اراجع عنده ماشاءالله خوش دكتور ..

اي والله انا من اول اسبوع نزلت 3,5 كيلو

marlene favela رد: ريجييم د.بدر نصر الله للعيد

--------------------------------------------------------------------------------
موفقة يا قلبي

مشكوره يا عمري

 

[نور الشمس 75]

اهلين حبوباتي
انا ملتزمه بريجييمي بس والله قاعده اقول حق نفسي بس خلالالالاص ابي اضعف اسرع من جذي والله مليت:0bee2e8d89:
وانا اشوف نفسي متقيدة بأشياء معينه وارد اكلم نفسي اقول انتي صبري وراح تشوفين نتيجه الله يعيني ما احب اتقيد مع ان
الريجييم ما يجووووع ابدا الله كريم انا صابره لين يجي موعدي عقب باجر ان شاء الله واشوف اشكثر نزلت
والله كريم يضعفنا كلنا واحنا بصحة وعافية​