تجمع لأولياء امور طلبه مدرسه الرساله ثنائيه اللغه

[Sunshine888]

سلا م, أحد عنده فكرة اذا بعد فيه تسجيل أولى ابتداءي

 

[ملك]

حبيت اسير عليكم واسالكم مدرستكم اجلت مع الحكومة والا را فعة الجام ؟؟

 

[espresso]

من اسبوعين نتصل .. وكله يقولون ما ندري ؟؟
شهالحجي ؟؟ أكو مدرسة هذا ردها ؟؟

نسألهم عن الرسوم فيع تخفيض ولا لأ تقول ماندري السيدة سمية مساافرة و ما قالت شي ؟؟

وتقول الدوام عقب العيد ... قلت شلوون ؟؟؟ مو بكيفكم ؟؟؟ الوزارة تقول ماكو دوام و انتي تقولين اكو جان تقول مادري مادري ندز لكم مسج


و الله خربووطة

 

[espresso]

بنات .. دزولي مسج اليووم .. يقولون دوام اولى روضة ما حددوه لين الحين
و ثانية روضة الاربعا 7-10
و الابتدائي :الثلاثاء 29-9

ويبون فلوسهم مالت الدفعة الاولى


بنات شرايكم ؟؟


كل المدارس الخاصة جذي ؟؟


بتخلوون عيالكم يداومون ؟؟

 

[سر القلوب]

والله مادري عنهم ليش جذي انا ولدي اولى ابتدائي واصلا الحين صارله اسبوع فيه انفلونزا الخنازير يعني على الدوام بيكون انتهت فترة العدوى والحضانة بس ممكن يكون غيره حامل المرض بدون مايبين عليه واهو مايدري وعلى ماتطلع الاعراض عليه بعد 5 او 6 ايام بيكون عدى الفصل كله وحتى يقولون انها عادي ترجع للشخص مرة ثانية وتكون اجيد يعني حتى اخاف على ولدي يصيبه الفايروس مرة ثانية ولا السارية ماتاخذ من احد عينات تقول قرار من الوزير والمدير وتعطيكم الدوى وخلاص انا بالغصب خذو من ولدي العينة لان انا حامل وعندي تليف بالرئة فهذا اللي حجيتهم فيه على العينة وولدى ماصار فيه ولا شي من الاعراض اللي يقولون عنها بس حرارة وكل الاطباء اللي شافوه اكدولي انها عادية مو خنازير والولد 5 ايام حرارته 40 وماتنزل ليما استشاري في دار الشفا شك وحولنا وفوق هذه قالو لريلي ان مافيه شي ولدك وهذا دوا انفلونزا الخازير اخذها وخلاص انزين اخذوا مسحة قال ممنوع ليما انا كلمه بالتلفون وشرحتله ظروفي الصحية قالي عشان خاطرك يامدام ازين انت شنو شايف بالفحص الاكلينيكي قال ابنلك زاي الفل وطبعا خذو المسحة وقالولي بعد ساعتين وبعدين قالو الصبح وبعدين قالوا الظهر وبعدين العصر وبعدين 9 بالليل يعني العبو باعصابنا تالي قالو فيه الفايروس وكلمني الدكتور وقال انتي لازم تروحين الصحة الوقائية وتاخذين نفس الدوا وقائية عشان حالتج الصحية والحمل بشيييييييييييييييييييييييه والله خرطي عقب ست ايام قالولنا فيه وقبل جذي ماكدين انه مافيه شي يعني عقب ماعدى الامة عيال خواتي عداهم وراحوا السارية وعطوهم ادوى بدون ماياخذون مسحة


والادهى والامر اختي مسكينه حامل باول التاسع ارتفعت حرارتها وترجيع تكرمون واسهال وراحت الصحة الوقائية وقالتلهم عندنا حالة انفلونزا الخنازير وانا تعبانة وحرارتي مرتفعة طبعا حولوها المستوصف والمستوصف حولها السارية والسارية يقولها مانستقبل حوامل روحي الولادة انزين المستوصف المفروظ يعرف هالشي ويحولها على طول الولادة مو يمرمطها بروحها تعبانة وايد المهم راحت الولادة وحطولها تخطيط طلق وطلع فيها طلق طبعا من الحرارة والاسهال تكرمون طبعا ماجنها ياية بهالمرض عادي ولازلوا حرارتها ولااعزلوها عن الحريم مساكين وتقول اناديهم ماييون وترجع تكرمون على الارض ولاهمهم ولا شي ولاحتى ينظفون انزين هالمكروب موينتقل حق اللي يولدو مساكين بصراااااااااحة مصخرة ... المهم كلمتها دكتورتها وقالتلها تعالي عندنا بمستشفاهم وراحتلهم ونوموها عندم يوم كامل عطوها دربات وخافظات حرارة ومنوم يريحها وعلاجات وارتاحت وطلعوها من باجر الحين في البيت بس تعبانة بس احسن من اول ماراحت للمصخرة الولادة

يعني تكفون المستوصفات متروسة اوادم تعبانين وكلهم يقولولهم مو هذا الفايروس بس اخذوا الدوا احتياط يعني وطبعا الاوادم يصدقون وعادي يختلطون مع اهلهم والامة كلها تستمرض عيل اشلون لما يدمو بالمدارس



نسيت ماقلتلكم قبل لايستمرض ولدي بيومين ولد اختي عمره 16 سنه طاح استمرض الله لايوريكم تكرمون اسهال وترجيع وحرارة مرتفعة وصداع وعوار بطن ويصيح جنه ياهل والمستشفى يقولون لا نزلة معوية موفايروس الخنازير طبعا صدقنا وعادي بس لما صار مع ولدي وبالغصب خذو المسحة عرفنا ان الكل من ها لمراضى فيه هذا الفايروس ومايدري

يعني العدوى بالمدارس بتصير عرس الخنازير موانفلونزا الخنازير والمعزيم المقرودين احنا ومنظمين الحفل الفاشل الوزارة والوزير ويستاهل الاستجواااااااااااااااب على التخبط والتعليمات الفاشلة :eh_s(14):

حسبي الله ونعم الوكيل
لله يحفظنا ويحفظ عيالنا
ويفكني شره لان الرئة ماتتحمل الله يستر ​

 

[حلم الطفولة]

اسبريسو حتى الابداع يبون الدفعه الأولى الحين قبل الدوام ,, وتقريبا كل المدارس الخاصه نفس الشي.

سر القلووووب !!!!! خطاكم السو حبيبتي ولا باس عليكم جميـعا ياقلبي انتي ووليدج.

 

[سر القلوب]

خطاج اللاش حلم الطفولة يزاج الله خير

 

[حلم الطفولة]

تصدقين سر القلوب بناتي في السفر حاشتهم صخونه ثلاثة ايام والرابع يالله فكتهم .. وبنتي الصغيره عاد اللي حراره شابّه مثل الضو وغرشه ونص بندول وكمادات وتسبح ,, بس فكتهم بفضل الرحمن له الحمد والشكر ,,
وآنا للحين شاكه انها كانت انفلونزا الخنازير !!!! ,, كنا ناخذ فيتامين سي c جرعه عاليه يوميا كلنا من أول يوم سفر ,, فيمكن هالشي قوا مناعتنا الحمدلله ..
بس آنا شكّي الوحيد بنتي الصغيره , لأن أختها كان فيها احتقان بالبلاعيم يمكن لهالسبب صخنت .
الحمدلله على كل حال ,, ربي خير حافظ سبحانه

 

[sadeem yam yam]

سر القلوب مايشووف شر وليدج .. شلوونه الحيين ان شاء الله زين .. ياحيااتي عاد الصغار مايتحملون الحراره ..
والله انا ولدي اولى ابتدائي بغيبه وماراح اخليه يداوم بشووف الين 11 اكتوبر ,, لان الي عندي معصقل لا ياكل ولايشرب .. بروحه صاير هيكل عظمي وخاايفه عليييه الله يستر على اعيالنا ويكفيهم شر المرض
وبالنسبه حق الفلوس انا دافعه لهم تقريبا دفعه اولى وثانيه عشان اوفر على نفسي بعدين .. وماهمتني الفلوس والله .. خصوصا اني الحين بالنفاس .. وبعطي ولدي اجازه وضع معاي
بس خايفه يطوفه شئ ولاياثر هالغياب عليه ولاشئ .. انتوا شرايكم بتغيبون عيالكم ؟ والله الزم ماعلينا صحتهم

 

[سر القلوب]

حلم الطفولة اتوقع انها انفلونزا الخنازير لان الحين اختلطت الموسمية بالخنازير والحمدلله الله فكهم

سديم بعد عمري الحمدلله على سلامتج ومبروك ماياج وانا بعد والله ولدي معصقل بس الحمدلله عدت وانا عن نفسي بودي ولدي والله لاتحوشة مرة ثانية الله يستر ولاني اول شهر 10 بدش الشهر التااسع يعني يالله اروح وارد معا ايسره قبل الولادة ان شاء الله

 

[espresso]

مو مشكلة حلم الطفوولة ... عالدفع
المشكلة الدواام وااايد مبجر حق الروضة

يعني شمعنى مخلين ثانية روضة يداومون ؟؟؟؟ حرام عليهم

 

[espresso]

بناات منو ما تبي عيالها يداومون إلا مع الحكومة ؟؟؟

 

[sadeem yam yam]

انا ماراح اخلي ولدي يداوم الا بعد ماتطمن على الاقل اسبوعين مااراح يداوم باذن الله .. من غير شر عليه حبيبي ..
وراح ادق عليهم .. شدعوه عاد قالوا لنا احنا مع وزاره التربيه .. كاهي الوزاره اجلت اجلوا انتوا بعد .. خصوصا انهم ليلحين قاعدين يشتغلون على المدرسه ومطولين يعني هالشئ كان من مصلحتهم مادري ليش ما اجلو !!

 

[espresso]

سديم حبيبتي ولدج أي صف ؟؟

 

[sadeem yam yam]

حبيبتي اسبريسو ولدي رايح اولى ابتدائي ان شاء الله

 

[حلم الطفولة]

حلم الطفولة اتوقع انها انفلونزا الخنازير لان الحين اختلطت الموسمية بالخنازير والحمدلله الله فكهم

سديم بعد عمري الحمدلله على سلامتج ومبروك ماياج وانا بعد والله ولدي معصقل بس الحمدلله عدت وانا عن نفسي بودي ولدي والله لاتحوشة مرة ثانية الله يستر ولاني اول شهر 10 بدش الشهر التااسع يعني يالله اروح وارد معا ايسره قبل الولادة ان شاء الله

واي سبحان الله ... الحمدلله الله فكهم. تولدين بالسلامه سر القلوب

مو مشكلة حلم الطفوولة ... عالدفع
المشكلة الدواام وااايد مبجر حق الروضة

يعني شمعنى مخلين ثانية روضة يداومون ؟؟؟؟ حرام عليهم

انا ماراح اخلي ولدي يداوم الا بعد ماتطمن على الاقل اسبوعين مااراح يداوم باذن الله .. من غير شر عليه حبيبي ..
وراح ادق عليهم .. شدعوه عاد قالوا لنا احنا مع وزاره التربيه .. كاهي الوزاره اجلت اجلوا انتوا بعد .. خصوصا انهم ليلحين قاعدين يشتغلون على المدرسه ومطولين يعني هالشئ كان من مصلحتهم مادري ليش ما اجلو !!

يا جماعه توكلو على الله .. سمو بالرحمن واقرو عاليهال الأذكار واستودعوهم كل صباح : بـ استودعكم الله الذي لا تضيع ودائعه ,, ماكو إلا عافيه ان شالله
المرض موجود كل مكان لي متى نبي تأجيل يعني ؟؟ بنحكرنفسنا مثلا يا جماعه عشان مايحوشنا ؟؟ أكيد لو بتتأجل الدراسه بنطلع مع اليهال ألف مكان صح وللا لأ ؟؟ ماظن بنقعد ونحكرهم بالبيت !! خل يروحون أحسن لهم والله الحافظ سبحانه .

 

[espresso]

سديييم : الله يحفظ ولدج

حسبالي روضة مثل بنتي

اسم الله عليه لااازم يروح لأنه أولى ابتدائي سنة دراسية مهمة واايد ...

 

[حلم الطفولة]

بنات كم عدد صفوف الروضه والحضانه عندكم ؟؟؟؟
وكم عدد صفوف الابتدائي في كل مرحه ؟؟
كم أولى روضه ؟ كم ثانيه ؟ كم أولى ابتدائي ؟ ......

 

[حور الجنان]

مرحبا ياحلوات العيد عليكم مبارك وتقبل الله طاعتكم
بتخلون عيالكم يداومون!

 

[sadeem yam yam]

اسبريسوا مشكوره بعد عمري والله يحفظ عيالنا من كل شر ومكروه يارب .. ماعتقد هالاسبوع بخليه يداوم بشوف على نص الاسبوع الجاي اذا ربي كتب ان شاء الله والله محتاره ودي استخير بس الحين نفاس ويني وين الاستخاره

حلم الطفوله . الابتدائي على صفين وكل صف فيه تقريبا 20 طفل .. هذا اول مابدا التسجيل الحين مادري .. وبخصوص الروضه والحضانه والله ماعندي فكره