تقريري عن الخبر ليله وحده بس بس بس بس

[<< أزيان >>]

السلام عليكم


شلونكم


اموت عالتقارير والقصص تعالوا خل اقولكم عن سفرتي المينونه


ليش مينونه لأنها ليله وحده بسسسسسسسسس وبالسياره لووووووووووووووول


بس بالبدايه احب اشكر حبايب قلبي اللي ماقصروا وساعدوني ودلوني على كل الاماكن بالخبر


وهالشي اهو اللي سهل علي وخلاني استفيد من هالليله واهم


خواتي العضوات


ABEER FLOWER


flower40



يالله بسم الله نبتدي



كانت سفرتي قبل رمضان بيومين ومشينا من بيتنا الساعه 12 ونص الظهر وهذي الصوره لما وصلنا الحدود


طبعا واقفين يم كبينة الجوازات بالحدود الكويتيه العسكري يختم جوازاتنا وانا اصور خخخخخ


وريلي طايره عيونه وكوعه دش ابطني لووووووووول يقولي ممنوع التصوير قلت عادي انا مايقولولي شي خخخخ


حدها واثقه الاخت واحنا طالعين من جوازات السعوديه يقولي اذا فيج خير صوري اللحين يدري بايعتها

وعاد عقب ماطفنا الحدود ورانا طريج طويييييييييييييييييل قلت اطلع عدتي شوفوها

ثلاجه حاطه فيها ماي وعصاير وكاكاوات

وحبيب قلبي ورفيق دربي لووووووووووول الحب الشمسي ريلي يقول مقعد يمي كاسكو مو مره خخخخخ

ومن الاشياء اللي احرص عليها الكيك عندي شي ضروري بالسفر

واهني وقفنا بعد فتره نترس بانزين وخذيت لكم هالصوره

وبعد 4 ساعات وصلنا الخبر وهذي المناظر خذيتها واحنا ندور على سكن هذا الفندق زوجي كان مصمم نسكن في

وانا مارضيت لوووووووووووووووول

وبعدها مرينا صوب حي الكورنيش

وشفنا هناك فندق مريديان وهم صمم زوجي الا نسكن في وهالمره نزل وسوى اللي براسه

شاف الغرف والاسعار كانت ليلته تقريبا ب 60 دينار ومافي نت بالغرفه بس باللوبي واذا نبي بالغرفه ندفع100 دينار

زياده عن سعر الغرفه وانا مارضيت مو بخل بس الغرفه احنا نبيها للنوم بس يعني ماراح نقعد فيها بنام جم ساعه ونمشي

اشرايكم فيني موخوش وحده خخخخخ مراعيه جيب ريلي لووووووووووووول

واهني مرينا شرفة الخليج شقق فندقيه نزل ريلي ماعجبه توه طالع من مريديان محد بيترس عينه

والجو كان روطوووووووووووووووووووووووبه ماكو اوكسجين شوفوا الجام من الرطوبه

اهني مصارين بطني قامت توصوص صارت الساعه 5 ونص وانا ماكليت ضرب عندي العداد وصرت متوحشه

وقلت لريلي خلاص مابي لاسكن ولا سوق يوعااااااااااااااااااااانه باكل والا احنا عالكورنيش قال طبي وتخيري

اي مطعم تبين الكورنيش كله مطاعم قلت لالالالالالالالالالالالالا انا مسويه خطه بمشي عليها لوووووووووووول

ومختاره المطعم ابي اكل بمطعم ماضينا نفس ستايل فريج صويلح مطعم عالنظام القديم البنات اللي ذكرت لكم اساميهم

وشوفوا الصدف اساميهم متشابهه خخخخ مع انهم مايعرفون بعض بس الظاهر اهل الخبر احساسهم مرهف

ويحبون الورد وحده اسمها عبير فلور والثانيه فلور 40

المهم اهم قايليلي عنه وعبير حبيبتي عطتني له وصف دقيق قالت اذا صارت مكتبة جرير على يمينج لفي يمين بتلقينه سيده

المهم مشيت عالوصف ولا صج القاه بس طلع مافي عوايل وخذينا منهم خريطة الفرع الثاني للعوايل

وماكان بعيد عنه طبعا اول ماوصلت قمت اصرخ واصفق خخخخخخ واللي يمي وده يبطل الباب ويرفسني باااااطه جبده

ليش صممت على هالمطعم






نطروني احمل لكم الصور وارجع

 

[<< أزيان >>]

طبعا قبل مااكمل التقرير

احب اعتذر لكم عن ردائة الصور كنت اصور من موبايلي وتأثر وايد من الرطوبه وتم جم يوم تصويره موواضح

لحد مارجع لوضعه الطبيعي والحمدلله

يالله وصلنا للمطعم وهذا كان شكله من برا

[/IMG]

واهني لما دخلنا ريلي راح يطلب وكانت الصدمه الكبرى

[/IMG]



مااااااااااااااااااااااافي اكل لوووووووووووووووووووووووووووووووول


لالالالالالالالالالالالالالالالالالالالالالالالالالالالالالالالالالالالالا


تكفون احنا حدنا يواعه وتونا واصلين من الكويت سيده عندكم قال في اخر صحن مندي دياي

ومشويات وقرصان على مااعتقد اذا ماخاب ضني اللي اهو مثل التشريبه عندنا شوفوا معاي الصور




هذي الكبينه اللي قعدنا فيها

[/IMG]

[/IMG]

[/IMG]


وهذي كبينه صغيره اصغر من اللي كنا قاعدين فيها

وهذي اكبر كبينه عندهم تقريبا تكفي 15 الى 20 شخص بتقديري

واللحين وصل الاكل يمي يمي حدي يوعانه نسيت اصور وعقب جم لقمه ذكرت خخخخخخخخ

والحمد لله ترست بطيني وارتحت الاكل ماكان واااااااو بس مافي شي ماشي حاله


واللحين قعدنا نفكر نروح نضيع الوقت واحنا ندور سكن ولا اروح للسوق اللي انا اصلا متعنيه عشانه


تتوقعون وين رحت


انوم بنتي وارجع لكم بإذن الله

 

[& ام سلمى &]

واااااااااااااااااااو روووووووعه على تقرير الله يهنكم ياقلبي

 

[Miss-Madry]

ناطرينج سوالفج توونس


يلالالالالالالالا وودي اروح الخبر

 

[**بياض الثلج**]

عاااااااشت يعطييج العافيه وانا احب السفرات الخطافيه

 

[شاي مهيل]

يعطيج العافيه ماركيه


لا كملي خلي العبوبه تنام بروحا​

:ggdw::ggdw::ggdw::ggdw:

 

[جننها السعودي ]]

حلو حلوو ..~
بس كيف ماتعتبوو صصعبة والله بنفس اليوم " ماشاء الله عليكمـ
ناطرينك

 

[jooore_q8]

يعطيج العافيه .. متابعين ويااااج

 

[<< أزيان >>]

واااااااااااااااااااو روووووووعه على تقرير الله يهنكم ياقلبي

ناطرينج سوالفج توونس


الروعه بمرورج يا ام سلمى

مشكوره حبيبتي هذا من ذوقج

يلالالالالالالالا وودي اروح الخبر

عاااااااشت يعطييج العافيه وانا احب السفرات الخطافيه

الله يعافيج ياقلبي

يالله عيل يبيله ترافجيني ونروح انا معاج لووووووووووول

يعطيج العافيه ماركيه


لا كملي خلي العبوبه تنام بروحا​

هلا حياتي الله يعافيج

نومتها بعد جهد جهيد والله طلعت عيوني


:ggdw::ggdw::ggdw::ggdw:

حلو حلوو ..~
بس كيف ماتعتبوو صصعبة والله بنفس اليوم " ماشاء الله عليكمـ
ناطرينك

هلا بريحة السعوديه واهلها

والله تبين الصج تعب عقب هالسفره قعدت يومين بالفراش بسبة الرطوبه عضامي كلها تعورني

بس كل مااذكرها استانس حلو ان الواحد يجرب كل شي

 

[<< أزيان >>]

عندنا اليكم من جديد


وقفنا عند مطعم ماضينا عقب ماترست بطيني وبعدها احترنا وين نروح نتسوق ولا نشوف فندق


وقررت اني مااضيع وقت واروح اتسوق وانا يايه مخصوص لشارع سويكت لووووووووووول


لأني بشتري عبي لرمضان ومدحولي العبي هناك قعدنا نفتر وندور وين سويكت لحد مالقيناه


تخيلوا الدنيا رطووووووووووبه والسوق مكشوف عباره عن شارع يمين ويسار كل محلات ويتفرع الشارع


ذكرني بسوق السالميه عندنا ووسط البلد بالقاهره نفس النظام بالضبط تمشين على رصيف الشارع والسيارات تمر


شفتلي عباتيين عجبوني وحده جاهزه ووحده قال بيفصلها لي والريال استانس علينا وكانت معاملته وايد حلوه


حتى طلبت ان يفصل لبناتي عبي ووافق مع ان باجي المحلات مارضوا يفصلولي قالوا سوي اوردر وعطينا


رقمج وعنوانج اندزها بالبريد تخيلوا وعقب باجر رمضان قلت مايمدي انا ابي اخذها بيدي


المهم الريال ماقصر قال تعالي باجر الساعه 1 الظهر واستلمي العبي


شوفوا هالصور خذيتها وانا بالطريج ولما كنت ادور شارع سويكت

هذا فؤاد سنتر على شارع الكورنيش مادخلته بس مريت عليه

هذا مطعم لبناني هم مريت عليه مرور كرام اعتقد اسمه القلعه اللبنانيه

وهذا مجمع الخبر بلازا هم مريت عليه مرور كرام وانا رايحه لسويكت اهو على مااعتقد بنفس امتداد

شارع سويكت

وبعد ماخلصت من التسوق طبعا تسوقت بروحي زوجي قالي ماني مينون امشي بهالرطوبه خخخخخخ

نطرني بالسياره مشغل التكييف ويكسر حب لووووووووووووووووول


عقب رحنا ندور سكن وكان مهدود حيلنا اول فندق شفناه قال زوجي اذا بطلتي حلجج ياويلج خلااااااااااااااااص

انا حدي تعبان لو الليله بألف دينار بنام في

نطروني اقولكم عن الصدمه الثانيه لوووووووووووووووول

 

[د.شريفة]

واااااااااااو وناسه بانتظارج الله يعطيج العافيه على التقرير اللي اينن تبارك الرحمن

 

[& ام سلمى &]

يلا شنو في بعد الله يعنيج على الرطوبه

 

[موكاq8]

ناطرينج حبوبه بس على فكرة بما اني قديمة على الخبر شارع سويكيت نفس سوق الفروانية ملوت العبي ماكو شي زود انا اعرفه زين ويمكن اغلي وبانتظارج

 

[بواسم]

لا يوقف لا يوقف واييييييييييييييي انا احب الخبر وايد واحب سوقتها

شوقتينا ناطرينج

 

[addict to me]

القرصان مثل القبوط بس مو محشي

التشريبه اهيا الثريد

عااد في اكله خطيره بالسعوديه اسمها مثلوثه جربيها مره ثانيه

ومكوناتها 3 اشياء عيش + جريش + قرصان اهياا وايد خبيصه ولويه بس لذيذه

 

[remoo_007]

يله يااااحلوه نااااطرييييييييييينج شوقتينا ههههههههه مو انا سويتها رحت يوم واحد للخبر امبيييييييييييييييييه مااااسي

 

[<< أزيان >>]

بااااااااااااااااااااااك


واللحين اكمل لكم عن الفندق طلعنا من سويكت الساعه 10 ونص بالليل

واحنا نمشي قلت لريلي رفيجتي عبير فلور تقول ان بشارع سويكت في فنادق كثيره خلنا نشوف واحد منهم

ماكملت كلامي لف يمين بعد مامشينا مده ولا ذيك العمار اللي من طقت بودل اللي عندنا بالكويت شوفوا شكله من برا






دخل زوجي يتفحص المكان ونبهت عليه ان اهم شي عندي النظافه وخاصه عزكم الله الحمام لووووووووول

ولا الفراش احنا ناخذ كفراتنا معانا فاموشايله همهم


رد زوجي ولا اشوفه يبتسم قلت هابشر تتوقعون الصدمه اللي قلت لكم عنها شنو خخخخخخخخخخخ






قالي الغرفه نظام سويت غرفه وصاله وفيها مطبخ تحضيري وعزكم الله حمام نفس نظام الشقق الفندقيه المعروف

والصدمه كانت بالسعر سعرها يامحفوظين السلامه كان





350 ريال لوووووووووووووووووووووووووووووووووووووووول

تخيلوا كل هالمواصفات بهالسعر لا وازيدكم من الشعر بيت في نت بكل غرفه مفتوح مجاني 24 ساعه

تلوموني لما ماوافقت زوجي عالمرديان هذاك كان ليلته ب 900 ريال وازيد 100 ريال للنت يعني 100 ريال

وعلى ماخلصنا من التوسق وخلصنا الحجز وصعدنا الغرفه الا الساعه 11 بالليل وبقعد من الصبح اسوي جيك آوت

يعني حده مايسوى اني احجز فندق غالي

اول شي بحط لكم عنوان الفندق وموقعهم على النت للي يعجبها وحابه تحجز

فندق نيلوفر الخبر

العنوان الخبر الشماليه _ شارع الامير مساعد بن عبدالعزيز بين تقاطع 21 و 22 _ هاتف 038975656

www.neloversuites.com




هذا شكل الفندق من برا صورته بالليل وبالنهار

وهذا اللوبي مع الرسبشن بسيط وصغير للإنتظار فقط

وهالصوره لما صعدنا صوب الاسنسيرات والدري

وهذا باب غرفتنا

والاهم من كل هذا ان المودم مال النت جبال بنابنا شوفوا لوووووووووووووول

 

[<< أزيان >>]

هذي الشقه اول مادخلناها طبعا الصاله وفيها تلفزيون بلازما وثلاجه ومطبخ تحضير

وهذي غرفة النوم

وهذا عزكم الله الحمام

هذي كانت صور الشقه بسيطه ونظيفه وتأدي الغرض

وسعرها يعادل 29 دينار كويتي وايد حلو السعر


ماانتهى التقرير


في تكمله بس المنتدى صار بطيئ وخايفه من الايرور


وتبون الصج تعبت حدددددددددددددددي دايخه باجر ان شاء الله اكمل اذا الله احياني


بوديكم سويكت خذيت جم صوره الصبح واهو فاضي


وبوديكم مجمع الراشد هم خذيت جم صوره


وراح تعيشون معاي معانات الرجعه والطريج الخطر


اشوفكم على خير

 

[NoNy aLM]

شفت الاكل يعت امبيييييه يوعانه حرررام عليج p:
يونس التقرير يلا ناطررينج

 

[<< أزيان >>]

مشكورين بنات

ويسلمو عالتشجيع

رفعتوا من معنوياتي

ونسيتوني التعب والتشنج جدام النت لووووووووووووول

فديتكم والله يااحلى بنات