خبيرات امريكا ابليز

[احلى من الحلى]

هاى بنات


اشلونكم شخباركم



انا بصارحه دخت وانا اقرى مواضيعكم ومااعرفت ايمع الاشياء المهم



المهم عاد ادرى فيكم ماتبخلون على



انا انشالله انشاالله ناويه اسافر امريكا الصيف اليايى


مع انى كنت بروح الصيف الى طاف بس رحت اوربا


المهم ما اطول عليكم

ابى كل شى اتقوليلى عنه


متى اسوى الفيز ؟؟؟

اى طيران احجز

شنو احتاج اخذ معاى


جم مصرف يكفينى من غير سوق حق اربع اشخاص 2 كبار 2 يهال ؟؟؟؟؟؟؟
المده 20 يوم

واى ولايات اروح ؟؟؟

واشلون احجز السياره

وكل شى ابليز


وابى مكاتب احجز منها لانه انا مو ذاك الزود بالنت يعنى ابيهم اهم يحجزولى ؟؟؟؟


ومشكورين مقدما


:jbdwjbd:

 

[semaasem]

هلا فيج اختي احلى من الحلى


بالنسبة حق امريكا:


1- سوي الفيزا وكل ماكانت أبجر كان افضل عن الزحمة تدخلين سايتهم بالنت وتسوين الاجراءات وتختارين موعد للمقابلة على الراحة قبل

زحمة الصيف وضغوطات السفر.

2- بالنسبة للتذاكر الحين راح تلاقينها غالية لازم تتابعينهم باستمرار وتشوفين عروض الاسعار حق السنة الياية اعتقد تنزل شهر3.

3- بالنسبة للفنادق سوي سيرج بالمنطقة ولا الولاية اللي تبينها دشي قوقل وكتبي مثلا فنادق....مثال: فنادق نيويورك أو فنادق أورلاندو

وراح يطلعون لج السايتات دشي وشوفي واختاري وقارني ونصيحة مهمة عندي لازم تشوفين آراء الناس اللي سكنوا بالفندق وملاحظاتهم.


4- بالنسبة للسيارة أنصحج شخصيا تروحين مكتب ناشيونال كار يم دوار العظام يم الشركة الكويتية لتعليم قيادة السيارات تصدقين ان لقينا

عندهم أرخص من النت وتدفعين هني ويكون شغلج كله خالص.

5- اذا بتنتقلين من منطقة لي منطقة او من ولاية لي الثانية ممكن تحتاجين طيران داخلي او ممكن عن الطريق السيارة بس لازم بالبداية

قبل كل شي تحددين لج خط سير الرحلة وكل مكان جم يوم بتقعدين فيه علشان تعرفين اللي لج واللي عليج.


بالنسبة للطيران أنصحج بالقطرية اختي (مرت ريلها) وااايد مدحتها وانا رحت عالاتحاد موذاك الزود وطبعا اليونايتد عادية مو وااو تمشي

حالها بس في افضل منها بوايد ووخري عن الدلتا بعيييد بعييييد لا تفكرين بالدلتا. يعني عندج القطرية ،الاماراتية،klm.....


بالنسبة للمبلغ يعتمد انتوا جم يوم بتقعدون اسبوعين شهر شهرين...وشنو الولايات اللي بتروحون لها....وشنو الفنادق اللي بتسكنونها....

يعني ماقدر أحدد لج ميزانية يعتمد عليكم انتوا وانتي مو محددة المدة اللي بتقعدون فيها ولا الولايات ولا مستوى الفنادق و....هالامور تحدد



بصراحة أشجعج وأهنيج على اختيارج وامريكا رووووعة والله يسهل عليكم اموركم وتستانسون واي سؤال دخلي تجمعنا وماراح نبخل عليج

 

[احلى من الحلى]

مشكووووووووووووووووره حبيبتى ماقصرتى والله


انا ناويه اقعد 20 يوم انشالله ابى اعرف تقربيا الملبغ عشان احط بالى اهى نفس اوربا ولا اغلى ولا ارخص ؟؟؟؟

 

[semaasem]

العفووو عمري شوفي عشرين يوووم زوينين بس صدقيني لا رحتي ماودج ترجعين


هي تذكرتها اغلى طبعا بس الامور الثانية لا ارخص وانتي وشطارتج كل ما نبشتي وسويتي سيرج ودورتي عروض سواء تذاكر ولا فنادق

راح توفرين اكثر أما السوق فيه الغالي وفيه الزين بس راح تنهبلين عالسوق يعني حطيلج ميزانية خاصة حق السوق لانه فرص تلاقين هناك

شغلات عندنا دبل السعر يعني عندج امس انا وريلي رايحين المارينا ريلي دخل شاف له جينز بولو رالف لورين 75 دينار وهو ماخذه من أمريكا

سعره 11 دينار شفتي الفرق؟؟

واي شي تبين انا حاضرة

 

[احلى من الحلى]

يسلمو حبيبتى

يعنى 4000 تكفى من غير السوق

اكل وتذاكر وسكن وسياره

 

[semaasem]

تكفي وتزيد بعد

 

[carrot^cake]

الفيزا حاولي تسوينها الشهر الياي
على ما تدزينلهم ايميل
ويدزنلج ايميل ويعطونج موعد
سويها وخليها عن زحمة الصيف
مدتها 10 سنين


وانا سافرت عالكويتيه دايركت لنيويورك
زين بس في وااايد احسن


وعن نفسي ما رحت الا نيويورك
بس واااايد حلوة

 

[semaasem]

كاروت كيك


هذي حلاتها الكويتية انها دايركت

 

[carrot^cake]

اي والله ولا عبالة النزلة والصعده
13 ساعه وشي سنه وحده
نوم واكل
ماكو شغل

 

[tofa7a.09]

سلااااام .. شوفي حبيبتي انا هذا اول يوم لي انا عضوة يديدة و اول مر اشارك في منتدى بس يمكن اقدر افيدج ..
انا رحت امريكا هالصيف واايد حلوة ولاية فلوريدا , هي كمصرف ما تعتبر غالية ولا واايد رخيصة على حسب .. المطاعم نفس اسعار الكويت , السوق رخييص واايد , و احنا خذينا فيلا فيها حمام سباحة وايد حلوة لان فلوريدا حر فاذا انتي تحبين البحر و الهدوء و احنا منطقتنا كانت واايد امان فلوريدا تعتبر ممتازة , اما اذا تبين بردد فا كلش ما تنفع .. و فيها وورد ديزني عجيبة واايد تونس اذا عزمتي على فلوريدا قوليلي اعطييج اسم جم مجمع و جم مكان حلوييين .. انشالله اكون فدتج

 

[اللولو84]

مرحبا
ممكن اختى تفاحه تقولين لي اسم الفندق الي سكنتيه في فلوريدا او الفيلا الي فيها بركة سباحه وكم سعرها

 

[majeeeed]

بليز تفاحه ابي فندق نظيف جدا ورخيص بفلوريدا برووح بنص هالسنه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[semaasem]

بنات انا بفلوريدا ممكن أرشح لكم جم فندق بس وااايد عجبني فندق ( شيراتون فيستانا ريزورت )


واذا تبون تشوفون صوره حياكم بتقريري قسم التقارير المصورة (رحلة الأحلام لبلاد العم سام)

منزلة صوره وراح انزل بعد صور زيادة وفي وااايد غيره بعد ممكن تحطون سؤال في تجمعنا (تجمع العائدات من أمريكا)

والبنات ماراح يقصرون فيكم


أحلى من الحلى

ما قلتيلي حددتي الولايات والمناطق اللي بتروحين لها؟؟؟

 

[ام الحلا والريم]

انا في امريكا وحبيت افيدكم بطريقه حلوه لحجز الفنادق مثلا فندق الماريوت الليله 250 تقدرين تاخذينها عن طريق الحجز 70 دولار بس

 

[احلى من الحلى]

بنات انا بفلوريدا ممكن أرشح لكم جم فندق بس وااايد عجبني فندق ( شيراتون فيستانا ريزورت )


واذا تبون تشوفون صوره حياكم بتقريري قسم التقارير المصورة (رحلة الأحلام لبلاد العم سام)

منزلة صوره وراح انزل بعد صور زيادة وفي وااايد غيره بعد ممكن تحطون سؤال في تجمعنا (تجمع العائدات من أمريكا)

والبنات ماراح يقصرون فيكم


أحلى من الحلى

ما قلتيلي حددتي الولايات والمناطق اللي بتروحين لها؟؟؟

اكيد انشالله بروح فلوردا والولايه الثانيه بحددها على كلامكم

 

[احلى من الحلى]

انا في امريكا وحبيت افيدكم بطريقه حلوه لحجز الفنادق مثلا فندق الماريوت الليله 250 تقدرين تاخذينها عن طريق الحجز 70 دولار بس

اشلون حبيبتى ؟؟؟؟

من وين انحجز ؟؟؟

 

[احلى من الحلى]

مشكوووووووووووورين بنات ماقصرتو


بس ابليز لايوقف امتعونا بالمعلومات

:ggdw: :ggdw: :ggdw: :ggdw: :ggdw:

 

[semaasem]

الثانية تعتمد شوفي بالنسبة لي انا شسويت

قلت انا واصلة نيويورك لان الطيران هناك فخليتها محطتي الاولى منها نريح فييها جم يوم ومنها نشوفها

والمحطة الاخيرة رديت نيويورك بس ماقعدت فيها طلعنا بره نيويورك رحت ولاية بنسلفانيا منها نشوف شي يديد ومنها قريبة من نيويورك حق الرجعة يعني ممكن تحددين على حسب الطيران وين ينزل وشنو المناطق ولا الولايات القريبة واللي ممكن تزرقين لها بالسيارة


بس ودي اعرف شلون 250 يصير 70؟؟؟ قصدج العروض اذا خذيتي باكج كامل ولا شلون؟؟؟

 

[احلى من الحلى]

بنات وايد ناس خرعونى من اجراءات الدخول حق امريكا

يقولون بالمطار ينشفون دمى

انتو اشرايكم ؟؟؟؟


وانا مو ذاك الزود لغه يعنى يالله حدى امشى نفسى تاكسى مطعم مو تحقيق


فبليز فيدونا

 

[احلى من الحلى]

بنات وينكم مارديتو على