بسألكم عن تقويم الأسنان ؟ ظروري لاتطنشون (صور )

[Be colorful]

قوة بنات بسالكم عن كذا شغله في تقويم الاسنان ؟

أول شي انا اسناني مو طالعه لي جدام كلش يعني مو ( كنعان ) خخخخخخخخ
اسناني عويان اللي على جنب ( الناب ) وفراغات خفيفه كلش عند الناب واللي يمهم
اللي جدام مافيهم شي كلش
شوفوا الصورة

شوفوا السن اللي حاطه عليه لون :
اسود : عوي (( عوج - اعوجاج ))
الأحمر : هم عوي بس اخف من الاسود
الأخضر : فراغات بس مو وايد يعني

اسناني اللي بالوسط مافيهم شي كلش واللي تحت صفة لولو هههههههههههه

ابي اعدلهم بحط تقويم بس مادري بستفيد من تجاربكم :
انا شنو ينفعلي اي تقويم فيهم
لاتقولون هذا القديم ما احبه وع

هذا معقوله

هذا احسه يعور

ها شرايكم شنو تنصحوني فيه
وشلون الطريقه
وجم اسعاره
ويعور ولا لأ
والمده اللي يحطها
واحسن العيادات
ويحطلي تحت وفوق ولا بس تحت


بلييييييييييييييييييييييييييييييييز لا تطنشون

 

[Be colorful]

13 مشاهدة ولا رد

 

[Nonaa!]

اللي تقولين عنه ويع هاذا اساسي تحطينه


و اللي تقولين عنه حلو هاذا رتيرنر

 

[**روان**]

اهلين بالنسبه للتقويم فيه انواع :
التقويم العادي المعدني : افضلهم .
التقويم الشفاف مثل الصوره الثانيه : و كذلك حلو لكن ممكن يقلب للون الاصفر .
التقويم المتحرك الشفاف : اعتقد بطيئه نتايجه و يحتاج عنايه و تنظيف و ينشال عند الاكل
التقويم الداخلي : و يكون من ورا الاسنان ممكن يزعج الشخص و نتائجه نفس المعدني .

بإعتقادي مدة التقويم لج : من سنه الى سنه و شهرين , بالنسبه للعيادات اللي ترتاحين له افتري و شوفي و دوري عن الدكتور الافضل
و ارفضي ان قال الدكتور تحتاجين خلع لأن ما تحتاجين ابدا ً , و دام الفك اللي تحت تحسين ما يحتاج فلا تحطين فقط حطي من فوق و السعر على حسب العياده اللي بتروحين لها و اظن ما يزيد عن 1000 دينار كويتي

و بالتوفيق .

 

[Great-Me]

ماخترعو المهدئات الا حق هالشغلات ,, اي نعم اول الايام فقط يعووررر ,, وعادي الدكتور يكتب لج على مهدئات تاخذينها ,,

واول اسبوع ,, حاولي تاكلين اكل ناعم مثل شوربات وخبز لين واكل لين عشان اسنانج قاعده تتكيف مع التقويم لانه راح يشده لج اول الايام وفيه ألم بس عادي الواحد يقدر يتحمله ..

خليه يكتب لج على مهدئات ,, لاتنسين

حبيبتي انا حطيت تقويم ,,

وبقولج,,

التقويم الشفاف ,, هذا فيه امكانيه انه ينفتح او ينكسر ,, مو كلامي هذا كلام الدكاتره ,,, محد نصحني فيه بصراحه

اما اول واحد اللي بالصوره هذا اللي حطيته انا حطيته فوق وتحت

بصراحه

ممتاز

الدكتور ضبط لي العضه صارت متساويه ,, واسناني صارو حلوين ماشاءالله ومرتبين ولثتي نزلت وتغير شكلها

وانتي اسنانج لو راكبين فوق بعض وطالعين فوقهم اسنان مثل انغام قبل على الجوانب تقريبا يبي لج سنه ,, او 8 أشهر على حسب قابليه استجابه الاسنان للتقويم

ولو متفرقين ,, ( انا كانو جذي اللي عالجوانب متفرقين وكانت اسناني الاثنين الجداميين شوووووي راكبين على بعض على خفيف مايبين واضح وحتى مخارج الحروف كانو مو واضحين ,,


بعد التقويم ,, الفك تعدل عندي ,, مخارج الحروف صارت أوضح ,, تغير شكل ويهي ,, صرت احلى ههههههههههه وربي اوريج صوري قبل التقويم وبعد صج صج صج تشكيلة ويهي تغيرت ,,

أخذ مني تقريبا هو المفروض 6 أشهر ,,

بس لأني غيرت من دكتور لدكتور ومني ومناك وحوسه ودهر مارحت له وزعلت وحاله والخ الخ الخ ,, أخذ مني تقريبا سنتين ونص وشي



واللحين ضبطهم لي والحمدلله بكمل سنه تقريبا موخرتهم ,, وااااااااااااايد احب اسناني ماشاء الله صفتهم مثل صفت برتني سبيرز ,, بس على أصغر ماشاء الله ,,

يعني التعب اللي تعبته ماراح خساره ابد ابد ابد

نصيحه من اخت لأختها لاتحطين الشفاف هذا ثاني صوره ,, احسه خرطي سموحه عاالكلمه ,, بس هذا واقع ,, واسأل مجرب ,,

اي ونسيت شغله ,, بعد التقويم يحط لج مثل الحديده على اسنانج عشان يثبتهم لج ,, مثل السييييييم وانا حاطلي اياهم والحمدلله اسناني بعد التقويم ماختربو

بعضهم يهملون هالشغله وترد اسنانهم مختربه ومعويه ولا كأنهم سووو شي ,, بعد ماتخلصين تقويم حطيها حطي الثابته مو المتحركه نصيحه ,,,

وانا مو من الكويت ,,

لو تبين اسم الدكتور مايخالف اعطيج اياه ,,

 

[Be colorful]

فديتكم مشكورين حياتي
ماقصرتوا

بفتر على العيادات بروح :
البيان و اسنان وفرجينيا وبشوف

بس عندي سؤال
الحين انا اسناني اللي فوق تعبانين الل يتحت مافيهم شي
في دكاتره يحطون بس فوق اذا مو محتاجه تحت ما يحطون
بس علميا ان فك الانسان اللي فوق بارز اكثر من اللي تحت يعني لي سكرتي حلجج اسنانج ما تطق مع بعض
لأ الفك العلوي يخش السفلي حاولوا تفهموني ماني قادره اعبر عدل
اذا حط الدكتور تقويم حق العلوي بس وما حط حق السفلي راح يدخل طبعا العلوي والسفلي مكانه ما تحرك
شنو راح تكون النتيجه ان لي سكرتي اسنانج الفك العلوي والسفلي متطابقين فهمتوني جذيه الحنج راح يصير بارز
ولا أنا غلطانه قولولي

 

[Be colorful]

اب اب اب

 

[Great-Me]

عادي

هو بالبدايه انتي قولي له سوي لي اشعه .,,
لانه من خلال الاشعه يبين شكل الفك وشكل الاسنان واضح

عادي انا اول دكتور حط لي اياهم بس فوق ,,
وماشي حالهم ضبط لي اللثه ,, يعني ماشاء الله ماشاءالله مبينه اسناني مصفوفين يم بعض مرتبين ,,

ويوم غيرت دكتوري قلت له عن مشاكلي اللي بالفك وجذي ,,

وركب لي من تحت ومن فوق ,,

وصارت مخارج الحروف عندي اوضح ,, وفكي ماقام يعورني مثل قبل


هو على حسب الاسنان والفك


لو انتي محتاجه حق فوق بس عادي حطي ماراح يأثرون عاللي تحت ولاشي ,,

بس الاهم من هذا كله لمه تروحين حق الدكتور ’’ طلعي اللي بجبدج كله لاتخلين سؤال الا وتسألينه ههههههههههه

انا مشاكل الفك ماكنت اعرف ان فيني مشاكل ,, بالصدفه قلت له سوي لي اشعه ,, وقعدت اقوله عن مخارج الحروف وجذي
وهو بروحه بعدين عرف شنو فيني ,,

وان شاء الله ربي يوفقج
والسموحه

 

[فيونكة_وردية]

روحي عياده الميدان سالي عن دكتور شيتا واايد زيين وبسوي عنده انشالله

 

[ذكراك تكفيني]

يسلمؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ

 

[Be colorful]

روحي عياده الميدان سالي عن دكتور شيتا واايد زيين وبسوي عنده انشالله

ههههههههههههههههههههههه
ضحكني دكتور شيتا ذكرني بطرزان


تسلمون حبيباتي كلكم ما قصرتوا
يبيلي فره على العيادات

 

[KittyCat]

منو احسن دكتور تقويم بنات؟