لندنيات الكويت هلموااااااا......بليز

[سموي ملكي]

مرحبا حبيبات قلبي

انشاء الله بسافر لندن نص شهر عشره مادري اخذ معاي ملابس شتويه والا الجو زين هناك

لان دايم اروحلها شهر سته والجو روعه

وتنصحوني اخذ ولدي عمره سنه وخدامتي او اخليه عند امي

لاني بروح علاج وولدي متعلق فيني حيل اسم الله عليه

والله محتاره محتاره محتاره مادري اخذه او اخليه

 

[om wahabi08]

خادمتج اذا ما صارلها سنتين عندج ما يخلونها تروح

 

[law love]

بالنسب حق الهدوم شتوي لان انا توني رادة وكنا نلبس شتوي ماعدا الظهر و العصر انقط الجاكيتات
العام بشهر عشرة كان واااايد برد

الله يشافي مريضكم ان شاء الله

 

[عمر السنين]

انا بلندن الحين و ميته من البرد

فلازم شتوي و مانصحج تاخذين ولدج و خدامتج بتتلعوزين

و الله يسهل عليكم

 

[سموي ملكي]

خادمتج اذا ما صارلها سنتين عندج ما يخلونها تروح

مشكوره على الرد حبيبتي


صارلها ثلاث سنوات عندي

 

[سموي ملكي]

بالنسب حق الهدوم شتوي لان انا توني رادة وكنا نلبس شتوي ماعدا الظهر و العصر انقط الجاكيتات
العام بشهر عشرة كان واااايد برد

الله يشافي مريضكم ان شاء الله

الله يسلمج ويبعد عنا وعنكم الامراض يارب


يعني يبيلنا جم جاكيت عن البرد

 

[سموي ملكي]

انا بلندن الحين و ميته من البرد

فلازم شتوي و مانصحج تاخذين ولدج و خدامتج بتتلعوزين

و الله يسهل عليكم

شسوي متعلق فيني حيل تصدقين ما اقدر اطلع من البيت الا اذا نومته

وخايفه عليه من البرد هناك والامراض لاني مضطره اذا باخذه يروح معاي المستشفى

 

[سموي ملكي]

شدعوه بنات انا باخذ رايكم وانتم تبخلون بالرد

 

[ويلاه ضاق الصدر]

لا والله حبيبتي اخذي شتوي لان الشتا بلش والجو بارد نوعا ما نهارا وبارد جدا مساءً,,,نشره جويه خخخخخخخخخخخ
بالنسبه لولدج اخذيه معاج عادي حرام اتخليييييييييييينه
لاي استفسار ترا حاضرين

 

[بنوتة شانيل]

بالتوفيق انشالله انا بعد ابروح

لندن بعد اسبوع همن ابروح علاج لولدي

انشالله انتلاقى انتي اي مستشفى ؟؟؟؟؟؟؟

 

[raq6a]

لا اخذي ملابس شتويه انا كنت اهناك بالعيد والجو بارد يعني جاكيتات وماخذيت وياي صيفي اصلا وشهر 10 معروف ان لندن برد واذ ولدج متعلق فيج اخذيه وياج

 

[ابتسامتي سر سعادتي]

السلام عليكم

حياج الله في لندن حبيبتي انا الحين بلندن و راح أقعد فيها لآخر الشهر

الجو بصراحه غايه في الروعه عندي انا شخصيا الجو بارد نسبيا الصبح مع أمطار تخف و تزيد

وباليل برررررررررررررررررررررد

يعني بالعربي أخذي ملابس شتويه الخفيفة للصبح و باليل ملابس ثقيلة شوي اما بالشقة ملابس خفيفة

والله نصيحة أخذي ولدج معاج اذا هو حيل متعق فيج

والله يشافيج و يستر عليج ويردج للكويت بسلام​

 

[law love]

ترى الجو بدى يبرد حييل بلندن يعني الشتوي اهوة الاساسي

 

[سموي ملكي]

لا والله حبيبتي اخذي شتوي لان الشتا بلش والجو بارد نوعا ما نهارا وبارد جدا مساءً,,,نشره جويه خخخخخخخخخخخ
بالنسبه لولدج اخذيه معاج عادي حرام اتخليييييييييييينه
لاي استفسار ترا حاضرين

فديت عمرج على الرد انا شريت لنفسي شتوي وراح اشتري لولدي بعد

بس ماقلتولي شلون على انفلونزا الخنازير هناك مافي خطر على الجهال

 

[سموي ملكي]

بالتوفيق انشالله انا بعد ابروح

لندن بعد اسبوع همن ابروح علاج لولدي

انشالله انتلاقى انتي اي مستشفى ؟؟؟؟؟؟؟

الله يشافي ولدج وكل مرضانا

انا بروح علاج لي انا وماحددت اي مستشفى للحين ياقلبي

بس وين بتسكنين ؟؟؟؟؟

 

[سموي ملكي]

لا اخذي ملابس شتويه انا كنت اهناك بالعيد والجو بارد يعني جاكيتات وماخذيت وياي صيفي اصلا وشهر 10 معروف ان لندن برد واذ ولدج متعلق فيج اخذيه وياج

بعد عمري ماقصرتي على الرد

بس انا خايفه على ولدي من تغير الجو والبرد والمرض اللي منتشر الله يكفينا ويكفيكم شره

 

[kaboOOOOOOOOsa]

خدامممممممممممممممممممه لا تفكرين كلش وولدج خلي مع امج انتي رايحه علاج لان السفر لويه والملابس شتوي شتوي بس هم اخذي قمصان حق داخل المجمعات والمباني لان داخل قته وبره برد وجوهم يقلب بدقيقه

 

[حضاره]

حبيبتي المرض هناك ماله طاري كلش ولا هالخبه اللي عندنا00رحنا وردينا ماكو الا العافيه ولله الحمد والمنه00

ووليدج اذا فيج شده تقومين فيه اخذيه وخلي الخدامه تنطق بالديره00بعد خدامه وطايره لندن!!اتغشمر

وخلي ملابسج خفيفه واخذي لج جاكيت ولا اثنين00الواحد هناك مع المشي والحركه يدفى 00والله يوفقج ويشافي مرضاكم ومرضى المسلمين

 

[moone GRL]

الجو بارد الحين بلندن اخذي شتوي

افضل ماتخذين ولدج

 

[البسمه العذبه]

انا مسافره بعد شنو الاغراض الي مايرضووون تدخل لندن ياخذونها بالمطار