شوفوا اشلون بسدد قرضي وشنو قالي البنك

[sweet fashion]

السلام عليكم
ببيدي بالسالفه
انا يابنات ماخذه قرض من البنك مبلغ 25 الف دينار وفايدتهم 12 يعني التوتل 37 الف
انا لمااستلمت القرض كنت ناويه اشتري لي سياره وعقب استخرت وهونت واخذت الفلوس الباقيه من القرض كانت 11000 وحطيتهم بالجوهره جودد افوز واسدد قرضي واخذ بيت الاحلام المهم
فكرت وفكرت وفكرت وطرت علي بالي فكيره هو ان ارجع المبلغ للبنك يعني بمعني اسوي اعادة جدوله وارجع 10000 الف يصير اللي ماخذته اقل وقلت لهم بزيد القسط الي 280 دينار واسدده علي 5 سنين وقالوا يصير
اشرايكم حتي فايدتهم قلت علي لاني قللت القرض صار التوتل الاخير مع الفايده 17 الف
اشرايكم بنات اسوي هالطريقه وافتك من القرض بسرعه علي الاقل اسدده قبل لانشتري بيت وقبل لايدخل ولدي الروضه فديته افكر بمستقبله
مرات لما اقول جذي يقولون لي لاتتسرعين لان قضية القروض بتنحل وانا اللي اشوفه ان ماكو حل الا ان اسدد بقسط مضاعف وارد الزايد وكل ماكان عندي دفعه عطيتهم علشان بعد بأقل من 5 سنين اكون خالصه
اشرررررررررررررررررررررررررررررايكم :eh_s(6):

 

[{ ليت ظني كآن صآيب }]

حبيبتي واجد 25 الف ليش ماخذتهم حراااام ؟

انا عندي قاعده المرا ماتاخذ قرض الا اذا حدها الزمن

بمعنى اخر .... المفروض ماناخذ قروض الا للشديد القوي

انا اخذت 2000 ومو بالعتهم وودي افتك منه بسرعه >> يمكن عشان معاشي ضعيف ومايتحمل

الحين حاولي كثر ماتقدرين تسكرينه ولاتنطرينهم يطيحون القرووض !

لانها ماراح تطيح فتصرفي الحين احسن

وقطي عليهم فلوسهم حرام معاشج ينقص 5 سنسن


......


12 الف فايده >> مصدومه الصراحه !

 

[بعيون مغليك]

حساااب الجوهره

حرااااااااااام !!

 

[Om Saud]

اي والله ليش هالكثر قرضج ومو حق شي ضروري ؟؟
أنا قرضي15 وحق بيتي وضايق خلقي أبي أخلص بسرعة ترى الدين عمات عين واللي يستسهل القرض ما راح يفتك منه مثل ما قالت لج الاخت اللي قبلي لا تحطين على نفسج قرض الا للشديد الأوي مثل ما يقولون يعني ان مافكرت الا علشان حق بيتي والحمد الله عيالي بعدهم صغار لأن أول شي فكرت انا وريلي بالبيت واحنا تونا صغار وعيالنا توهم .!انتي لازم واحسن لج اتسوين اللي فكرتي فية مع البنك علشان تفتكين ويصير لج مجال بعدين حق البيت ! وعسى اللة يفكج من هالقرض وترتاحين ويرتاح بالج وتشترين لج بيت !

 

[فيلجاويه_عسل]

لو مخليتهم وحاطتهم بالحسوبااااااااااات وااااااااااااااااايد احسن يمكن تفوزين ب 250000





وبجذي تسددين قرضج والباجي لج وتقدرين تحطينهم بالدااااااااااانه وتربحييييييييين مليوووووووووووووووووووون

 

[sweet fashion]

ليت حبيبتي انا يمكن تسرعت بالقرض بس كانت طريقتي اني حولت من بنك الي بنك والبنك اللي حولت له سددلي مديونيات برا واخذت فوقهم بعد علشان اسدد لناس وكنت بشتري ارض وسياره عاد تخربطت الحسبه وقلت الحين اردهم مادام اني علي البر
واذا رديت راح اكون حدي مرتاحه لاني تقريبا سكرت ربع القيمه والقيمه الباقيه باقل من 5 سنين راح اسددها لاني بزيد قسطي وفوقهم بعطيهم مع كل سنه دفعه الف دينار انشالله انشاااااالله ب4 سنين اسدد اللي علي وانا علي اخر رواء ومعاهم ابتسامه عريضه عقب بقول لهم بيباي وارجع للتمويل ابرك لي
بس الحمدلله القرض استفدت منه وايد اشياء ماراح علي ماركات ولبس وخرابيط بالعكس اللي يشوفني مابين علي ان عندي شي
والحمدلله بعد المعاش فيه بركه وقاعده اوفر منه وحاشه لي مبلغ توفير من معاشي حق الازمات مو حق سفر وخرابيط لاني جديه بالتوفير والهدف الاول سداد قرضي باقصي مده والهدف الثاني توفير للزمن
الحمدلله الحمدلله مرتاحه ماكو شي تغير علي والله يعافي ابو العيال مساعدني ويعيني بكل صغيره وكبيره عسي الله يخليه لي ولولده

 

[مو عايشة بالدنيا]

والله انا اقول رديهم مثل ماقلتي احسن لج
و5 سنين اقساط ولا اكثر
خوش فكرة الصراحة

 

[الباسمه]

انا من رأيي تنطرين شوي على الاقل 4 شهور وشوفي شنو يصير بالقروض مت تدرين يمكن تطيح الفوائد على الاقل
لانج اذا دفعتي للبنك الحين مبلغ راح يحسبونها من فوائدهم مو من المبلغ الاساسي اللي تقاصدينه
انشاء الله تكونيني فاهمتني
على العموم انتي خذيتي القرض صبري وشوفي شنو يصير ولا تلعبين بالمبلغ ابدا
الله يعينج على قضاء دينج

 

[malekatsabaa]

بالعقل ما اعتقد القروض بطيح..
لان في ناس ماعليها قروض ...يعني لازم يعطون الي عنده والي ماعنده قرض...
شغله مادش الخ..

اما قرضج
ردي المبلغ ولاتحطين على روحج هالكثر فوايد ..وسوي اعادة الجدوله وايد حلوه ..

وبالتوفيق

 

[قلبي فقلبه]

نصيحه سوي اللي قلتي وافتكي الدين عمى العين

 

[الراحله]

شوفي ياقلبي اولا اكثري من الاستغفار لان القروض ربا حرااااااااام وهي سبع وثلاثون درجه اقلها ان ينكح الرجل امه
شتبين اكثر من الحرمه هذي؟
لكن اكيد انج كنتي تجهلين الشي هذا مثل ماكنا نجهله

الله يكفينا بحلاله عن حرامه ويغنينا بفضله عمن سواه

انا نصيحتي دامج خذيتيه وانحسبت عليج الفوائد انج ماتردينه ابدا
وي انج تحطينهم وديعه في التمويل وتنزل لج ارباح عليهم كل ست اشهر
او انج تسوين مشروع مربح ومن خلاله تسددين القرض
وهذي نصيحتي

 

[ملك الالوان]

حبيبتي دقي علي وانا اقولج شلون تسدديد قرضج بسرعه ........عن طريق اقوى استثمار في الكويت ......وحياج الله

 

[WaChoCha]

حبيبتي دقي علي وانا اقولج شلون تسدديد قرضج بسرعه ........عن طريق اقوى استثمار في الكويت ......وحياج الله

حبوبة نورينا كلنا يمكن نقدر نسدد ديوننا احنا بعد جزاج الله خير

 

[قلب نواف]

انصدمت من الفوائد؟؟

ماعرف طريقة القروووض لكن حبيت ادعي لج الله يسهل امورج ويسرلج

 

[sweet fashion]

نصيحه بنات خلوكم علي البنوك الاسلاميه ابرك علي الاقل شي اهون من شي
مع ان كلهم نفس الطريقه وكل بنك ياخذ ربحه بفوائد

 

[@ الرسامة @]

انتي تدرين شراح يصير



اذا رديتي قرضج ؟؟؟



يعني قيمة الفايدة اللي راح اتسددينها حق البنك راح اتكون مقابل هوا
يعني مطلوبة للبنك من ولا شي

حرااااااااااااااااااااام


حطيها وديعة وتنزل لج ارباح سنوية او فجي مشروع منه
مافي الا هالحل والله يعينج


والبنات اللي يقرون بقولهم لاتاخذون قروض على عمركم باجر وراكم مسئوليات اشلون راح تشترون بيوت باجر ؟؟؟

 

[sweet fashion]

صاجه الرسامه
والله يبيلي ادرس الموضوع بجديه اكثر
اصلن اقدر ازيد القسط ومع الدفعات اقدر اسدد مبجر بس قلت مبلغ زايد برجعه
لكن الحين اطلعت لي سالفه ان لازم اشتري سياره ريلي تغير دوامه ومايقدر يوديني وييبني وسايق اهلي صار ضغط عليه
عاد فكرت اشتري لي سياره صغيره خفيفه حق الدوام

 

[حجيه هيونه]

والله نصيحتي لج دام خذيتيه وتدبستي لاتردينه

اخذي جزء منه شغليه وجزء حطيه وديعه او شهادات مثل دانه والجوهره

 

[sweet fashion]

اي حجيه هنونه مفكره جذي ومفكره بالفكره الاولي
بس اشرايكم اشتري سياره والمتبقي احطه بالجوهره والدانه ؟
اشرايكم خواتي

 

[عاشقه القيصر]

للرفع