يوميات تجمع قروب مرضى الذيبة الحمراء (مدموج )

[نور وضي القمر]

رد: يوميات تجمع غروب مرضى الذيبة الحمراء

انا اعاني من المرض هذا وصار لي خمس سنوات

 

[كاتمة الجروح]

رد: يوميات تجمع غروب مرضى الذيبة الحمراء

والله ياقلبي انا لي عشر سنوات من جاني هالمرض وانا مثل حالتك احب الهدوء لكن تصدقين يوم كنت اتواصل مع الدكتور جميل القدسي تحسنت حالتي ونفسيتي والحين اجرب الدكتور يوسف البدر بالكويت وماادري اكمل عنده او لا لان البنات في المنتدى خوفوني منه انا اعجبني كلامه اول مره رحت له بس مادري كلامه صح او لا وقالي ان سبب المرض عامل نفسي وكمان حشوات الاسنان السوداء وقال لي اروح اشيل الحشوات بعيادته بدبي

بس حبيبتي انتي عندك الضغط عالي انا ضغطي عالي وعندي الم شديد بظهري مااقدر اوقف او امشي مدة طويلة​

 

[كاتمة الجروح]

رد: يوميات تجمع غروب مرضى الذيبة الحمراء

حبيبتي نور انا موجدة الحين انتي وينك

 

[نور وضي القمر]

رد: يوميات تجمع غروب مرضى الذيبة الحمراء

هلافيج اختي

انا صار معاي المرض بعد عرسي بسنه وليمه الحين اعالج منه لانه مزمن

 

[نور وضي القمر]

رد: يوميات تجمع غروب مرضى الذيبة الحمراء

بدايته كانت الالم في المفاصل ارجولي وظهري وايديني وقالو انه فيني روماتيزم بس ما اكتشفو انه مرض الذيبه الحمرا

وانا موجوده الذيبه عندي بالكله وصار لي الحين 5 سنوات

 

[نور وضي القمر]

رد: يوميات تجمع غروب مرضى الذيبة الحمراء

والادويه اللي اخذهم ليمه الحين السلسيبت والكرتزون وحبه حق المعده

والضغط كان فيني بدايه المرض ولمه عالجت الذيبه واخذت الادويه بانتضام الحمدلله الدكتور وقف دواء الضغط وقال لي ماتحتاجينه الحين الحمدلله

 

[كاتمة الجروح]

رد: يوميات تجمع غروب مرضى الذيبة الحمراء

انا لي عشر سنوات واخذ ادوية الضغط وسيلسيبت وكرتيزون وبلاكونيل ​

 

[نور وضي القمر]

رد: يوميات تجمع غروب مرضى الذيبة الحمراء

انتي موجود المرض عندج وين؟؟

شلون اكتشفتيه ؟؟

 

[كاتمة الجروح]

رد: يوميات تجمع غروب مرضى الذيبة الحمراء

وانا بعد عندي بالكلى

 

[نور وضي القمر]

رد: يوميات تجمع غروب مرضى الذيبة الحمراء

شلونكانت بدايته معاج

انا اكتشفت بالحمل لانه المرض هذا ما يخلي الجنين يعيش كل ما احمل الذيبه الحمرا تقتل الطفل واكتشفته انا من الحمل وكان يسبب لي نزيف وينزل الطفل وسببت لي الذيبه الحمرا فقر دم حاد

 

[كاتمة الجروح]

رد: يوميات تجمع غروب مرضى الذيبة الحمراء

في البداية الام بالمفاصل بعدها ارتفاع بدرجة الحرارة ونزول الشعر ومن مستشفى لمستشفى ماحد قدر يكتشف ايش الي فيني الا بالمستشفى التخصصي بالرياض والحمد لله الحين اراجع عندهم كل ستة اشهر

 

[نور وضي القمر]

رد: يوميات تجمع غروب مرضى الذيبة الحمراء

في البداية الام بالمفاصل بعدها ارتفاع بدرجة الحرارة ونزول الشعر ومن مستشفى لمستشفى ماحد قدر يكتشف ايش الي فيني الا بالمستشفى التخصصي بالرياض والحمد لله الحين اراجع عندهم كل ستة اشهر

انا بدايته صح مثلج الالم بالمفاصل

وما اكتشتفته بسرعه صح لانه مرض نادر مو بكثره والدكاتره اغلبهم ما يعرفونالمرض هذا الا الدكتور متخصص له

 

[كاتمة الجروح]

رد: يوميات تجمع غروب مرضى الذيبة الحمراء

ماجربتي الطب البديل

 

[نور وضي القمر]

رد: يوميات تجمع غروب مرضى الذيبة الحمراء

انا ارجع كل شهرين واسوي كل التحاليل الخاصه حق الذيبه الحمرا وارجع عند دكتوري
بس الحمدلله انا ما صابني اكتئاب صحيح تعبت بداية المرض ودخلت العنايه المركز بس الحمدلله مرت علي خير قعد في العنايه ثلاث ايام وطلعت لانه كان المرض متمكن مني وحتي القلب كان حيل متضخم ومع العلاج الحمدلله رديت طبيعيه ولله الحمد

 

[نور وضي القمر]

رد: يوميات تجمع غروب مرضى الذيبة الحمراء

لا والله ما جربت العلاج الطبيعي امدحوا لي الشافعي اللي بالبحرين بس ما رحت له

 

[كاتمة الجروح]

رد: يوميات تجمع غروب مرضى الذيبة الحمراء

انا بالبداية كنت مثلك تعبانه وكان فيه موية على القلب والحمد لله انا الحين امارس حياتي الطبيعية بس اخاف ان الادوية تسبب لي اثار بعد مدة طويلة الله يستر عشان كذا احاول اجرب الطب البديل الحين واشوف النتايج

 

[نور وضي القمر]

رد: يوميات تجمع غروب مرضى الذيبة الحمراء

بالنسبه اذا مرضت ما اخذ اي اعلاج اله تحت استشارت دكتوري واهو اللي يكتب لي الدوي اللي استخدمه

 

[كاتمة الجروح]

رد: يوميات تجمع غروب مرضى الذيبة الحمراء

طيب ايش رايك بالدكتور يوسف البدر زين ولا لا

 

[نور وضي القمر]

رد: يوميات تجمع غروب مرضى الذيبة الحمراء

انا بالبداية كنت مثلك تعبانه وكان فيه موية على القلب والحمد لله انا الحين امارس حياتي الطبيعية بس اخاف ان الادوية تسبب لي اثار بعد مدة طويلة الله يستر عشان كذا احاول اجرب الطب البديل الحين واشوف النتايج

اي والماي مو بس كان في القلب كان موجود بالبطن والرجل والوجه وكان بطني الكل يسال انتي حامل اقول لهم لا انا تعبانه ماكنت ادري شنو هذا وكانت الرئه متروسه ماي ومن جذي دخلت العنايه وتعبت حيل بس الحين الحمدلله مافيني اي شي اخذ دواي الحمدلله حالتي مستقره

هذا علاجنا صراحه اهوصحيح حيل قوي بس هذا اهو اللي مشي معانا بالمرض الحمدلله علي كل حال

 

[نور وضي القمر]

رد: يوميات تجمع غروب مرضى الذيبة الحمراء

طيب ايش رايك بالدكتور يوسف البدر زين ولا لا

صراحه ما اعرفه

اهو وين موجود بالكويت تخصصه شنو كله وله جلديه ؟؟؟