عندج استفسار عن منهج الرياضيات للمرحلة الابتدائية....حياج

[وافية*]

كل عام وانتو بخير مرة ثانية نرد وانشاللة تلقون الاجوبة لكل استفساراتكم هني
حبيبتي ريشة اول 3 لادروس عن الانماط
وبعدها ندش على استكشاف الاعداد من 1 الى 9 وبعدها الصفر
بعدين اكثر واقل
والرسم البياني

 

[أم العفاسي]

الله يكثر من أمثالكم

عشتوا والله لا يحرمكم أجر اللي قاعد تسوونه

متابعتكم بإخلاص

 

[لمار اسماعيل]

مشكوره اخت وافيه على الشرح و صج اسم على مسمى
وانا بصراحه اعاني وايد من ولدي والحين اهو برابعه ومو فاهم الألوف :0bee2e8d89:

 

[وافية*]

مشكوره اخت وافيه على الشرح و صج اسم على مسمى
وانا بصراحه اعاني وايد من ولدي والحين اهو برابعه ومو فاهم الألوف :0bee2e8d89:

نصيحة لاتخلينة لازم تفهمينة ولا ماراح يفهم حتى المنازل اللي وراها لايصير عندة ضعف تراكمي.واذا تبين طريقة الشرح وشلون تتدرجين معاة بالمفهوم انا حاظرة.

 

[Um_3boud]

يعطيج العافيه حبيبتي
انا بصراحه منصدمه من رياضيات خامسه منصجهم على هالمنهج الله يعينكم شلون بتشرحون حق اليهال
انا مع ولدي راح اتعب وايد على ما افهمه الله يستر

 

[فرحه عمر]

مدرسات الصف ال 5 رياضيات حياكم

بصراحه شفت كتب خامسه ابتدائي رياضيات وللاسف نقدت على روحي حسيت اني اقرى طلاسم مع اني مدرسه ابتدائي بس مو تخصصي رياضيات
يااااااااااااريت اذا في مدرسه رياضيات عندها خبره بالصف الخامس تتواصل معانا وتساعدنا
وانا بابتدي باول سؤال

س: الاس ينكتب على عدد الاصفار؟ يعني مثلا,, 100=10‌‌والاس 2!!
وال 1000 = 10 والاس 3 مثلا؟؟

والطامه الكبرى السؤال: كم 10000 في 100000؟؟ الله يهداهم شهالاسئله بخرج بنتي وبوديها وكاله ناسا للفضاء

 

[فرحه عمر]

موووووووو مصدقه الله يجزاكم خير
توني كاتبه موضوع نبي مدرسه رياضيات خبره بالصف الخامس (( دوخنا هالخامس))

تكفووووووووووووووون مدرسات نبي تفاعلكم مع موضوعنا بس حق خامسه مو طبيعي هالمنهج

عقدونا هالاسس وكم 10,000 بال 100,000
كلللللللللللش ولا السؤال 15 بالصفحه 16 تكفون اللي تقدراه وتحس انه الكلام طبيعي مو طلاسم تقولي
س: اذا ضربت عددا في 10 يحتوي على الرقم 3 في منزله عشرات الالوف , فاين ستاتي منزله الرقم 3 في ناتج الضرب؟؟ وضح ذلك

واللي يرحم والدين اللي كاتب المنهج احنا خل نفهم شنو كاتب عشان نوضحلك ذلك
انا اللي طلعت فيه انه ال3 =30,000x10=300000
يعني قصده ال 3 تصير منزله مئات الالوف؟؟؟ مااااااااااااااااااااااااالت
مايعرف يكتب كم ناتج ضرب 30000 في 10 ؟؟

 

[حبيبة الكويت]

رد: مدرسات الصف ال 5 رياضيات حياكم

أنا ولدي نفس بنتج بخامس

أنا إلى فهمته من درس (الأُس) هو :

100 = 10 2 يعني كم 10 موجودة في 100
1000= 10 3 يعني كم عشرة موجودة في 1000

سهل الدرس بس سؤالج الثاني هم يبيله شرح من مدرسات خامس

 

[برونزيه شقرا]

رد: مدرسات الصف ال 5 رياضيات حياكم

نفسكم أرفع علم الإستسلام الأبيض
وين قاعدين أس وربعه
ويهال ما يفتهمون
والأعداد بالمليارات فراغه

 

[أم عبووووود]

رد: مدرسات الصف ال 5 رياضيات حياكم

بصراحه شفت كتب خامسه ابتدائي رياضيات وللاسف نقدت على روحي حسيت اني اقرى طلاسم مع اني مدرسه ابتدائي بس مو تخصصي رياضيات
يااااااااااااريت اذا في مدرسه رياضيات عندها خبره بالصف الخامس تتواصل معانا وتساعدنا
وانا بابتدي باول سؤال

س: الاس ينكتب على عدد الاصفار؟ يعني مثلا,, 100=10‌‌والاس 2!!
وال 1000 = 10 والاس 3 مثلا؟؟

والطامه الكبرى السؤال: كم 10000 في 100000؟؟ الله يهداهم شهالاسئله بخرج بنتي وبوديها وكاله ناسا للفضاء

حبيبتي بالنسبة للاس

شوفي عندج مثال 10000000 = 10 اس 7 شلون ؟؟
راح نضرب 10×10×10×10×10×10×10 يعني ضربنا العشرة بنفسها 7 مرات

والاس هو عدد المرات اللي نضرب فيها العدد بنفسه

100 = 10× 10 =10 اس 2
1000 = 10 × 10 × 10 = 10 اس 3

10000 = 10 × 10 × 10 × 10 = 10 اس 4 وجذي

اي سؤال انا بالخدمة


وهذا السؤال كم 10000 في 100000؟؟ قسمي 100000 على 10000 طبعا راح نحذف كل صفرين من العددين مع بعض ويبقى عندنا 10 هذا هو الناتج

للتأكد ضربي 10 × 10000 = 100000

مثال ثاني من عندي

عندج كم 100000 في 10000000 ؟؟

راح نقسم 10000000 على 100000 ونحذف الاصفار من العددين مع بعض يعني بنحذف 5 اصفار راح يطلع الناتج 100

للتأكد

ضربي 100 × 100000 = 10000000

فهمتي حبيبتي الحين

اي سؤال انا موجودة

حياج الله

 

[كويتية صغيرة]

_03ba:_03ba:_03ba:

حبيبتى ...... كل درس اذا فاهمة فكرته راح تلقينه سهل ماي

اولا الأس:
اخذيها قاعدة
الأس = عدد الأصفار
و هم ماراح ياخذون ارقام معقدة دائما 10 و مضاعفاتها
يعنى مثلا : 100 = 10 أس 2 (لأن يوجد صفرين في 100 )
1000=10 أس 3 (لوجود3 أصفار في ال 1000 ) ..... و هكذا


الدرس الثاني اللي تكلمتى عنه:
القاعدة فيه انك تطرحين عدد الأصفار ..... بس هذه كل القصة
(تطرحين الأصفار للرقم اللي على اليمين من الرقم اللي على اليسار )
خليني اشرحه على مثال:

سؤال1: كم 100 يوجد في 100000 ؟
الإجابة: ال 100 فيها صفرين ...... اذن الرقم الثاني (وهو 100000) أغطى فيه اول صفرين على اليمين ..... كم يتبقى ؟ يتبقى 1000 صح ؟؟ اذن الإجابة هي 1000

بطريقة ثانية الرقم الأول فيه صفرين ...... اذن الجواب هو الرقم الثاني مع إزالة أول صفرين على اليمين
وايد سهل و علمي ولدك يغطى بأصابعه علشان بسرعة يطلع له الجواب بدون أي حسبة.


سؤال2: كم 1000 في المليون الواحد؟
الجواب: نحن نعلم ان المليون فيه 6 اصفار ( اي 1000000) و السؤال كم 1000 ..... و 1000 اللي يسأل عنها فيها 3 أصفار ..... اذن الجواب فقط ان اخذ رقم المليون و اغطى او اشيل اول 3 أصفار على اليمين ..... فيتبقى 3 أصفار من الستة اصفار ..... اذن الإجابة 1000



ارجو ان يكون الشرح واضح لان الدرس سهل مافيه شي
بالتوفيق

 

[فرحه عمر]

ام عبوووووووود
كويتيه صغيرونه
صراحه خجلتوني بالرد ,, يعني ماقصرتو شرحتوه بالتفصيل الممل << ترى مدح
وعسى الله يجعله في ميزان حسناتكم

 

[10toto]

السلام عليكم امس ولدي اللي بخامس مو فاهم التقريب لاقرب مليون ولاقرب مءة ألف يا ريت احد يفهمني عشان اقدر افهمه ضروري اليوم راح المدرسة احس حلينا الواجب غلط وانا قلت له يروح حق ابلته بالفرصه ترد تشرح له لكن اكيد ما راح يروح اعرفه ولدي:0bee2e8d89:

 

[أم عبووووود]

السلام عليكم امس ولدي اللي بخامس مو فاهم التقريب لاقرب مليون ولاقرب مءة ألف يا ريت احد يفهمني عشان اقدر افهمه ضروري اليوم راح المدرسة احس حلينا الواجب غلط وانا قلت له يروح حق ابلته بالفرصه ترد تشرح له لكن اكيد ما راح يروح اعرفه ولدي:0bee2e8d89:

هلا حبيبتي

اول شي بعطيج مثال بسيط

عندنا العدد 675 نبي نقربه لاقرب 10

تروحين عند الرقم 675 وتحطين خط تحت الخانه المطلوبة وهي خانة العشرات اللي فيها العدد 7


تروحين للعدد اللي قبل اللي حطينا تحته خط وهو العدد 5 نشوفه اذا كان 0 او 1 او 2 او 3 او 4 فراح نحذفه ونحط بداله صفر

اذا كان العدد 5 او 6 او 7 او 8 او 9 راح نزيد على العدد اللي حطينه تحته خط +1

العدد اللي عندنا 5 يعني من المجموعه الثانية فراح نزيد 1 على العدد اللي تحته خط ويصير 8

وطبعا بعد التقريب كل الاعداد اللي على يمين العدد تصير اصفار

العدد بعد التقريب يصير 680

***********************

هذا مثال ثاني

مثلا عندنا هذا العدد 897 345 52

راح اقرب لج لاقرب مئة الف

تروحين عند الرقم وتحطين خط تحت الخانه المطلوبة وهي مئات الالوف 897 345 52 وهي العدد 3 لان هو اللي بخانة مئات الالاف

تروحين للعدد اللي قبل اللي حطينا تحته خط وهو العدد 4 نشوفه اذا كان 0 او 1 او 2 او 3 او 4 فراح نحذفه ونحط بداله صفر

اذا كان العدد 5 او 6 او 7 او 8 او 9 راح نزيد على العدد اللي حطينه تحته خط +1

العدد اللي عندنه 4 وال 4 موجودة بالمجموعه الاولى يعني 0

وطبعا بعد التقريب كل الاعداد اللي على يمين العدد تصير اصفار

راح يصير العدد بعد التقريب 52300000

ان شالله اكون فدتج

 

[وافية*]

ماشاللة ام عبود كفت ووفت
القاعدة انج دايما بالتقريب تحوطين المنزلة المطلوبة وعينج عالمنزلة اللي قبلها اذا كانت اقل من الخمسة فراح نحذف كل المنازل اللي على يمين المنزلة المطلوبة وتظل المنزلة المطلوبة كما هي ماتزيد.واذا فية ارقام على يسار المنزلة المطلوبة دايما ينزل كما هو.

اما اذا كان الرقم في المنزلة اللي قبل المنزلة المطلوبة اكبر من اويساوي الخمسة نفس الشي اللي عاليمين راح ينحذفون ونحط اصفار بس الفرق انا راح نضيف واحد للمنزلة المطلوبة (لان اللي قبلها اكبر من اوتساوي خمسة) وطبعا المنازل اللي عاليسار تنزل كما هي.​

 

[ros]

up


up


up

 

[dectora 7elwa]

الله يعطيكم العافيه وماتقصرووووون

 

[الدلال]

الله يعطيكم الف عافيه على جهوودكم


واذا ما عليكم امر ابيكم تشرحون لي الاعداد العشريه

الاجزاء من عشره ومئه والف

والله اللي حط هالمنهج ماعنده سالفه, ترى هذول يهال مو عُلماء

 

[هموسه!!]

عساكم عالقوه يارب

فعلا ريحتونا..

 

[كويتية صغيرة]

الله يعطيكم الف عافيه على جهوودكم


واذا ما عليكم امر ابيكم تشرحون لي الاعداد العشريه

الاجزاء من عشره ومئه والف

:krkrkr:
وانا بعد وياكم