رحلتي إلى ( جزر المالديف ) ..

[L I N D T]

صباح \ مساء الورد والكادي .. :eh_s(17):

\

منت فاهم يا أغلى من مر بعيون ..

عاشقك سلم أمره للغرام ..!}

شفت فيك العمر يالقلب الحنون ..

من عرفتك وانا عايش في هيام ..!}
​

في تاريخ 10-2-2009 .. انتقلنا من الكويت الى قطر ومن قطر الى المالديف ..

الرحلة من قطر الى المالديف تقريبا 3 ساعات ..

وكان وصولنا صباح 11-2-2009 ..

بالبداية .. وصولنا الى مطارهم العنونووو بالعاصمة ( مالي ) .. اخليكم مع صورته ..

لكن استقبالهم جداً رائع .. عصير ومكان هادي ..

وبعد ساعتين كان موعد رحلتنا الى جزيرة ( Kuda-Funafaru) بداية انتقلنا بالباااص .. ومن ثم طيارة بحرية ( الرحلة اخذت 45 دقيقة ممتعة ) ^^

وبعدها التقطت العديد من الصور للبحر من فوق الطيارة .. كانت مناظر خيالية .. :eh_s:

بس طبعاً التصوير مو اوكي فـ مو باين عدل .. ( تدرج الوان البحر كان رهيب من الكحلي الى السماوي) .. لا اله الا الله .. :eh_s(21):

ويوم وصلنا كنّا وهـ بس خادرين الى اخر درجة .. البطارية صفر .. و كذلك استقبلونا بعصير منعش ( زنجبيل وليمون ) .. :eh_s(7):

 

[L I N D T]

وعقب ما نعنشنا شوي كملنا ،

هذا الدرب يوصل للشاليهات او الاكواخ الموجودة .. تقوولوون ادغال ! بس مناظر ممتعه .. لا تخلوا من السحالي والحشرات الجميلة

وبعدها وصلنا للجسر البحري اللي يوصل لكوخنا .. ( طبعا بس اول مرة ركبنا سيارة اما عقب دايما مشي .. كان الجو خيالي ) ..

ومن ثم وصلنا الكووووخ الجميييييييييل اللي ما صدقنا نوصله

ويووم شفنا الفراااش !!

ما قاومنا النوم :wqedqw:

وسحبناها نومة من العشر تقريبا الى الثنتين ..

يتبع ~

 

[L I N D T]

باك ~


نبتدي بالصور من على بلكونة الكووخ ..

وبعدها باذن الله نتدرج للجزيرة وللرحلة البحرية ..

/

هذي الجلسة الخارجية على البحر .. طبعاً محد يمنا .. ( احلى شي ) ,,

وبسبتها احترقت صرت حكّوكه :eh_s(6):

وهذا منظر الغروب من نفس المكان ..

واللي بوسط البحر هذي جزيرة خالية من السكان .. بس تشوفون اشجار .. عجبه هالارض ..

وهني كان الجو خياااال .. كانت تمطر عالخفيف ،،

/

طبعاً من صغر الجزيرة ينلف حولها خلال نص ساعه وان كثرت ساعه الا ربع مشي عالاقدام ..

بس على كثر ما نمشي فيها ما نمل من المناظر ..

والحين اخليكم مع كذا صورة لانحاء الجزيرة ..

بحرهم لااااا اله الا الله تبارك الرحمن .. اصفى من ماينا اللي نشربه

\

 

[L I N D T]

وهذا واحد من المطاعم ( بالجزيرة فيه 2 بس ) ,, وصورت الثاني بس الكاميرا الثانية خربت ..

عاد كانت قعدته اروع رومانسية بزيادة .. :eh_s(17):

/

وكفاية داخل الجزيرة ..

خلوونا نطلع برااا ..

تمشية بحرية ورحنا زرنا سكان المالديف الاصليين وشفنا حالهم وعليّه ، الحمدلله على النعمة ..

هني كنت حدي متصرقة لازقة بمكاني خخخخ .. وسط البحر يخوّف ..

لا اله الا الله تشوفوونه !! ترا حول 2 ونص الى 3 امتار تحتنا .. وصافي ،، تبين الاسماك والصخر الملون ..

واول ما وصلنا .. صورت المكان قبل لا ندخل بين البيوت ^_^

وهذا مستشفاهم .. الحمدلله على الحال اللي احنا فيه .. والخير ..

وهذي الممرات اللي بين بيوتهم ..

استقبلونا بعصير جوز الهند .. كان ودي اصور بيت اللي مستقبلينا بس استحيت :dddds:.. بس صورت يدتهم وما راح احطها لكم عيب لوول :$

وهذا مسيدهم ..

هذي مقبرة صارلها حول 500 مادري 600 سنة .. والله نسيت ..

يوم شفتها اقشعر جسمي ..

وهذي احد الفصول الدراسية من برا ..

وبنهاية الرحلة .. بغيت اسوي مناحة خخخخخ .. :krkrkr:

شفتوا هالمكان ؟؟

الماي تحتنا حول مترين !!

وحاطين الطرّاد بعيد عن الدرج ..

قالولي نقزي .. قلت مابي اخاف اطيح ..

كل اللي كانوا قاعدين ميتين ضحك على شكلي واولهم ريلي المتوحش لوول ..

اقولهم مابي روحوا بقعد بالجزيرة اخاف انقز .. خخخخ .. :$

وبالنهاية استسلمت قطيت كل عفشي داخل ونطيت :eh_s(9):

 

[L I N D T]

\

قعدنا نفر فر شوي بالبحر وشفنا القرش واللخمة .. وطيور عجيبة غريبة ما شالله ..

وبعدها رجعنا ..

ومن باجر مشينا منها ورحنا لـ ماليزيا ..

وهذي صورة الودااااع لها .. كانت مجرد 3 ليالي لكنها رحلة لا تنسى .. :eh_s(17):

أنسى هالعالم ولو هم يزعلون ..

ما عطيت اليوم غيرك اهتمام ..!}

عزة عيوني على غيرك تمون ..

وما عرفت أنطق لغيرك بالسلام ..!}​

للأمانة kuwait moon هي انا L I N D T ^_^

شكراً لحسن متابعتكم :eh_s(17):

 

[MacIaToOo]

عليكم بالعافيه الصرحه شوقتينى اروح

 

[برونزية]

وااااااااااااااااااااااااااااااو عليكم بالعافية
شوقتيناااااااااااااااااا

 

[Arosha]

واي واي لنتووووو عليج بالف الف الف الف الف عافيه
اينن واي صج ودي اروحلها عليج بالعافيه مره ثانيه بعد

 

[أم الجوري]

عليكم بالعافيه
صج صج حلوووووة

 

[ضي2007]

ماشالله رحلتج عجييبه علييج بالعافيه

 

[ZajiL]

ماشاء الله روعه عليج بالف عافيه حبيبتي

 

[ام عيون عسلية]

لندت حيااااااتي

عليج بألف عااااافيه

تنصحيني فيهااااااااااااااااا ؟؟!!

 

[Mrs P!NK]

ماشاءالله رووعه البحر خيال
عليج بالعافيه
في المكان اللي صرتي فيه حكوكه المكان معزول ؟ ولا على حطج ؟

 

[نجـلا]

روعة الصور, فى اى منتجع قعدتو ؟

وعليج بألف عافية

 

[ليالي العاشقين]

معرووووووف ...
المالديف من اجمل جزر العالم ...
ان شاء لله في مشروع ...
وعليج بالف عافيه..

 

[L I N D T]

عليكم بالعافيه الصرحه شوقتينى اروح

ربي يعافيج يالغاليه ..

اي تشوق :dddds:

حياج الله حبوبة

 

[L I N D T]

وااااااااااااااااااااااااااااااو عليكم بالعافية
شوقتيناااااااااااااااااا

ربي يعافيج يالغلااا ..

اي ما اوصيج روحي حتى لو بروحج :ggdw:

منورهـ حبوبة

 

[L I N D T]

واي واي لنتووووو عليج بالف الف الف الف الف عافيه
اينن واي صج ودي اروحلها عليج بالعافيه مره ثانيه بعد

الله يعافيج حبيبتي ..

لوول روحيلها انتي والبيبي اذا ولدتي بالسلامة ان شالله :dddds:

نورتي يالغلا

 

[L I N D T]

عليكم بالعافيه
صج صج حلوووووة

الله يعافيج حبوبه ..

عيونج احلىىىى ..

حياج الله يالغاليه ..

 

[L I N D T]

ماشالله رحلتج عجييبه علييج بالعافيه

الله يسلمج ويعافييج حبوبه ..

والاعجب مرورج :ggdw:

حياااااج ربي