عشاءنا يـوؤوؤمـ الـجـمـ ع ـــه >> قولولي شرااايكم :)

[Marlene Favela]

ما شاء الله شغل عدل

عليكم بألف عافية

 

[عاشقة المسك]

مشكورة عالموضوع الحلو عوافي

 

[desert rose]

وينج يا بني ناطرين ردج

 

[ورد الطايف]

واااااااااااااااااااااااااااااااااااااااااااااااااو

سفره خياليه

عليكم بستين عافيه
مشكوره حبوبه ع الصور ومقادير ماقصرتي

 

[أم عبد الله]

تسلم أيد كل من شارك في هذه السفرة الرائعة
عن نفسي جربت لج ورق عنب كان فظيع ولفائف الدجاج بالكريمة روعة وسلطة الناتشوز ابدعت فيها بصراحة كلمة روعة شوي عليها وسلطة الشمندر كل طبق أحلى من الثاني والوصفات بيضت وجهي يوم عزيمتي الله يبيض وجهك دنيا وآخرة

 

[chakletaA]

عواااااااااااااااااااااااافي والكرش دااافي

 

[قطوه ورديه]

ماشالله روعه
وعليكم بالعافيه

 

[مـزيـااان]

الف صحة وعافية

وصج شغل عدل

والله من حلوة حفظتة بجهازى عشان ارجع له اذاجعت ....لووووووووووووول

 

[كبسة جلكسي]

مقدر اقووول غير الله يجمعكم على الطاعه

ماشاء الله شغل عدل

 

[شباصتن غانمه]

وااو روعه صراحه عليكم بالعافيه

 

[إيمي1987]

بالعااااااااافية عليكم


رووووعة والله

ببوق طريقة ورق العنب لووول

 

[(ميادة الحسن)]

تسلم اليدين ماااقصرتوا ماشاء الله تبارك الله

 

[BuNNy]

ماشاءالله على طباخكم اينن ومشكوره وايد وايد على كتابتج المفصله والواضحه انا سيفت الموضوع عشان كل يوم ابي اتفنتك بطبخه منهم بس ياليتني شايفه موضوعج قبل لا اسوي ريجيم :krkrkr:

حبيبيتي ما عليج امر ابي طريقت البرياني شكله حيل يشهي وطلب ثاني ابي شنو اسم نوع العيش اللي تسخدمه الوالده ما عليج امر

وطلبي الثالث والاخير ان شا الله هو ابي طريقت عملكم للكبه تكفين لا تبخلين علي لانه فعلا شكلها يشهي يعني ابي شلون اتسوون عجينت البرغل وشنو اتحطون فيها

يا حياااتي انتي العفوو ما سويت شي وابشري من عنوني الثنتين بحط لكم كل شي بس ابي امسك الوالده شوي
صايره حدها مشغوله هالأيام وانشالله بحط لكم شغلات واااايد وانشالله تعجبكم بس انتو تاابعو الموضوع اول بأول _03ba:

 

[BuNNy]

ماشالله تبارك الرحمن

تسلم ايدكم وعليكم بالف عااااافيه

تدرين ان اطباقج دازينها لي بالايميل لووول وتوني دشيت موضوعج انصدمت قلت اكيد انعجبوا باطباقكم وقاموا يدزونها بالايميل اغلب مواضيع المنتديات يدزونها بالايميل

وسيفت عندي الاطباق وانشالله كل مره اجرب اسوي شي

امبييييه اي شي عيل فضيحتنا بجلاجل _03BA:
عاد ماكو احد بالكويت ما يعرف سماط امي احمر بأبيض خخخخخخخخ قدييييييم من سنة جدي :dddds:
ومدام قامو يراسلونه بالإيميلات عيل لازم نفتح مطعم دام عجب الجمهووور :eh_s(6):
عاد خووش مشرووع يبيله والله :eh_s(6): :eh_s(6):

 

[BuNNy]

:eh_s(6):

تسلم أيد كل من شارك في هذه السفرة الرائعة
عن نفسي جربت لج ورق عنب كان فظيع ولفائف الدجاج بالكريمة روعة وسلطة الناتشوز ابدعت فيها بصراحة كلمة روعة شوي عليها وسلطة الشمندر كل طبق أحلى من الثاني والوصفات بيضت وجهي يوم عزيمتي الله يبيض وجهك دنيا وآخرة

يا حياااتي والله لما حطيت الموضوع ما توقعت بلقا اقبال جذي بس الحمدلله الله وفقني
بطلتكم الحلوه ويا عمري ما سويت شي هاذا من واجبي وبالف الف الف صحه وعافيه انشالله
ومأكول الهنا يا قلبي وانشالله بحط طريقة البرياني والباشاميل ( بس مو مالت جدتي لا بحط مالت ماماتي الحلوه :eh_s(6): ) من قلب ابداع وبعد بجط لكم طريقة عمل كبة البرغل وبعد بحط لكم شكثثثثثثر وصفات سهله وبنفس الوقت
حلوه وتعجب الكل بس ما عليكم الا انكم اتابعون الموضوع اول بأول :eh_s(6):

 

[بحر القوافي]

ماشاء الله سفره دايمه

 

[BuNNy]

طريقة برياني اللحم : (( والله طال إنتظارج يا هالوصفه _03BA: ))

- المقادير :


3 كوب رز انديانا قيت (( شحلات هالعيش تييج الحبه طويله والعيش فللله يهبل بالعزايم )) + 1 كيلو لحم مكعبات


- المنكهات المستخدمه :

2 عود دارسين + 10 هيل + 10 مسمار + 2 ورق غار + 1 ملعقه كبيره ملح + ربع كوب ماي ورد + ربع كوب منقوع الزعفران + ربع كوب منقوع لون أحمر + 1 ملعقة شاي كركم ناعم + 1 ملعقة شاي كزبره ناعمه + 1 ملعقة شاي كاري ناعم + 1 ملعقة شاي فلفل اسود ناعم + 1 ملعقة شاي بهار برياني + 1 ملعقة شاي كمون ناعم + 1 ملعقة شاي لومي اسود + 1 ملعقة اكل زنجبيل مبشور + 1 ملعقة اكل ثوم مدقوق + 2 بصل مفروم + 1 ملعقة اكل معجون طماط + ربع كوب سمنه + نص كوب زيت + كوب طماط ( مكعبات )


- الخضار المستخدمه :

1 كوب بزاليا + 1 كوب بطاط مقلي + 1 كوب باذنجان مقلي + ثلاثة ارباع كوب جزر مقلي + 1 كوب شرائح بصل مقلي + 2 فلفل اخضر حار + نص كوب نعناع مفروم + نص كوب كزبره مفرومه



- الطريقه :

- يغسل العيش وينقع لمدة نص ساعه

- تغلين ماي وتضيفين له 1 دارسين + 5 هيل + 5 مسمار + 1 ورق غار + اللحم (( ويترك حتى ينضح اللحم يعني تقريبا لمدة ساعه ))

- تسخنين السمنه مع الزيت على النار وتقلين البصل المفروم + الثوم المدقوق + الزنجبيل المبشور + وتضيفين جميع البهارات الناعمه + اللومي + بهار البرياني + الفلفل الاسود + معجون الطماط وتخلطينهم مع بعض وعقبها اتضيفين اللحم المسلوق + ملعقة اكل الكزبره المفرومه + ملعقة اكل النعناع المفروم + كوب مكعبات الطماط + شوية ملح وتقلبين لمدة 10 دقايق وبعدين تشيلينه من على النار وتخلينه على جنب

- تسلقين العيش مع ماي مغلي وتضيفين له 1 دارسين + 5 هيل + 5 مسمار + 1 ورق غار + شوية ملح وتخلينه لمدة 9 دقائق وعقبها تصفينه من الماي وتزيلين البهارات عنه

- تجيبين جدر وتحطين فيه طبقه من الرز ثم ملعقة اكل من منقوع الزعفران + ملعقة اكل من منقوع اللون الاحمر ثم تحطين فوقه طبقه من ثلث كمية الخضراوات المستخدمه + الكزبره المفرومه + النعناع المفروم + الفلفل الحار و عقبها تضيفين فوق الخضراوات طبقه من خليط اللحم وتكررين ترتيب الطبقات نفس الشي حتى يخلص العيش اللي عندج وعقبها سكبي ماي الورد + ربع كوب من الزيت اللي قليتي فيه الخضراوات

- عقبها غطي الجدر بقصدير واغلقيه عدل يعني لا يدش ولا يطلع من هوا واتركيه لمدة 45 الى 60 دقيقه على نار هادئه


وبألف ألف ألف صحه وعافيييييه يالغالييين :eh_s(6): :eh_s(6): :eh_s(6):​

 

[BuNNy]

- طريقة عمل كبة البرغل :

- المقادير :

2 كوب برغل أسمر ناعم + نص كيلو جرام لحم غنم او بقر ((هبره)) + 1 بصله كبيره مقسمه

+ نص ملعقه صغيره من بهار الكبه + ملعقه صغيره ملح + ماي بارد


- الطريقه :

- يغسل البرغل وينقع لمدة 10 دقايق

- تحطين البرغل بمفرومة اللحم مع البصله المقسمه وتفرمينهم فرمه وحده وتشيلينهم بصحن

- وبعدين تحطين اللحم بمفرمة اللحم وتفرمينه فرم ناعم

- تخلطين اللحم المفروم مع البرغل الي فرمتيه مع البصل وتتبلينه ببهار الكبه + الملح (( تخلطينهم عدل عدل ليمن تتأكدين ان كل الخليط اندمج ))




- الحشوه :

نص كيلو لحم مفروم + نص ملعقه صغيره ملح + ربع ملعقه صغيره من بهار الكبه + ملعقه كبيره سمن نباتي +

بصله مفرومه فرم ناعم + ملعقه كبيره من الجوز المفروم + 2 ملعقه كبيره صنوبر محمص



طريقة الحشوه :

- تقلين البصل المفروم بالسمن النباتي وعقبها اتضيفين اللحم وتقلبين تقلبين عدل وبعدين اتضيفين بهار الكبه + الملح

+ الجوز المفروم + الصنوبر المقلي


وتبدين عملية حشو الكبه بالطريقه اللي تعجبج يعني تبين تخلينهم كبار او صغار هاذا شي راجعلج :eh_s(6):


وبألف صحه وهنا يا قلبي انتو :ggdw: :ggdw: :ggdw: :ggdw:​

 

[desert rose]

مشكورة حبيبتي عالاطباق ويعطيج العافيه
عندي استفسار خلطت الكبه ما اتحطون فيها نشا او طحين عشان تتماسك؟

و وين تبين اتحطين الاطباق اليديده في نفس الموضوع ولا في موضوع يديد ما عليج امر اذا حطيتي الاطباق اليديده نبي صورهم عشان نتلذذ فيهم

وربي يوفقج بدنيا وآخر ه

 

[حياتي انت]

lماشالله رووووووووعه الله يعطيكم العافيه