الروايات الانجليزية ابي اعرف اقراها

[حنان!!]

قوة
منتدى كويتيات كلة مفيد وحلو يثقف وينمي ويدرب ويحل
عجبني هالقسم مني وايد وحابة اني استفيد
بنات احب اللغة الانجليزية وابي اقرا اشياء على قدي واناقشها معاكم
ابي مساعدة ماعرف شنو المساعدة ليشني ابي اوسع مداركي بلانجليزي ممكن تقولون انا مستواي متوسط في اللغة وابي بنوتة او اكثر يساعدوني في هالشي وتستحملني وتطول بالها علي حلمي هاللغة وعجبني وايد القسم مني

 

[ريوف2]

حبيبتي روحي الموضوع المثبت "تحبين تقرين كتبEnglish؟حياج معاي"
بالموضوع نسولف عن شنو قرينا وشنو بنقرى فراح تلقين اقتراحات وايد
حق كتب تقرينها تناسب مستواج باللغة

اتمنى اني فدتج

 

[baby soul]

اوكي اناحاضره اي سؤال سأليني ياه انا ماخذه دورات لغات اجنبية وتقديري فيها excellent
بس ماانصحكم بقراءة الكتب الانجليزية يعني الروايات الاصليه والله مافي احلى من اللغة العربية برواياتنا اهما غير كتبهم لااخلاقيه تدعو للفساد والحريه عندهم يعني شذوذ استغفرالله

اذا تبين تقرين انجليزي اقري لروائيين مسلمين مثل روجيه غارودي وبرنارد شو المناصر للاسلام

 

[C'est La Vie]

green paradise الله يسامحج ليش تعممين؟
يعني معقولة كل الكتب الانجليزية ما فيها الا الفساد والخراب؟
الله يهديج بس
ما عندهم كتب علوم؟
ما عندهم كتب ادب؟
كتب كوميديا راقية؟
قضايا اجتماعية؟
تحاليل نفسية؟
وتطوير الذات؟
كل هالكتب هديتيها وركزتي على الكتب اللي ببالج وعممتي؟
هالشي مو بس بالكتب الانجليزية حتى بعض الكتب العربية الله لا يوريج
ولا جان ما شفتي قائمة الكتب الممنوعة شطولها
والانترنت كل شي فيه
بس القرار يرجع للقااااااااارئ
في ناس تدور العلم وتثقيف نفسها
في ناس تهتم بتوسيع دائرة معارفها ومداركها
يقرأ لكل الكتاب مسلم ولا غيره المهم الافادة
كلامج جد يضايق
المثل يقول اطلب العلم ولو بالصين
وما يقتصر على مسلم ولا مسيحي ولا غيره


اختي صاحبة الموضوع حياج الله موضوع الانجلش المثبت
وطبي تخيري من الكتب اللي تعجبج انشالله

 

[وهج الحب]

السلام:
انا كنت حابة ارد على Green paradise بس ردت عليها C'est La Vie... بس حبيت ازيد يا اختي انا من يومي صغيرة وانا اقرأ الكتب الاجنبية المترجمة واموووت عليها ..ولا حياتي شفت الشذوذ اللي تقولين عنه وتعالي حق الكتاب العرب المصرين والحين السعودين وشوفي الاباحية بعينها وعلمها ولا كاتب سعودي او سعودية ما صاروا يتكلم برواياته عن الجنس الظاهر ولا كاتب مصري ما يقول ولو باخر الصفحة عن خاطرة بس كلمة او ايحاء مش حلو ...
أختي حنان :
زي ما قالت لاخت روحي للقروب اللي للكتب الانجليزية انا ادخل عندهم واشوف وقرأ معاهم وان ما اشارك بس قروب وايد مفيد ..وانشالله تستفيدين معاهم لان اللغة الانجليزية لغة عالمية مفيدة ..واذا صرت تقرينها وتتعلمينها بتتقنينها اما اذا هملتيها بتنسين ..

 

[أغلى الأثمان]

للرفع

 

[baby soul]

green paradise الله يسامحج ليش تعممين؟
يعني معقولة كل الكتب الانجليزية ما فيها الا الفساد والخراب؟
الله يهديج بس
ما عندهم كتب علوم؟
ما عندهم كتب ادب؟
كتب كوميديا راقية؟
قضايا اجتماعية؟
تحاليل نفسية؟
وتطوير الذات؟
كل هالكتب هديتيها وركزتي على الكتب اللي ببالج وعممتي؟
هالشي مو بس بالكتب الانجليزية حتى بعض الكتب العربية الله لا يوريج
ولا جان ما شفتي قائمة الكتب الممنوعة شطولها
والانترنت كل شي فيه
بس القرار يرجع للقااااااااارئ
في ناس تدور العلم وتثقيف نفسها
في ناس تهتم بتوسيع دائرة معارفها ومداركها
يقرأ لكل الكتاب مسلم ولا غيره المهم الافادة
كلامج جد يضايق
المثل يقول اطلب العلم ولو بالصين
وما يقتصر على مسلم ولا مسيحي ولا غيره


اختي صاحبة الموضوع حياج الله موضوع الانجلش المثبت
وطبي تخيري من الكتب اللي تعجبج انشالله

هلا

انا ماعممت بس الاغلب جذي والله كذا مره اقرا كتاب او رواية فيها مس لله او لمريم بنت عمران شغلة ثانية يسخرون من العرب وعبالهم اهم احسن منا بكل شي مع ان احنا عندنا بن سينا عالم مسلم اشتهر بالطب والفلسفة وابن حيان اكتشف الكييمياء والرياضيات

بالعكس اهم احسن كتبهم التعليمية وتطوير الذات فقط وهذا من وجهة نظري :d

 

[baby soul]

السلام:
انا كنت حابة ارد على Green paradise بس ردت عليها C'est La Vie... بس حبيت ازيد يا اختي انا من يومي صغيرة وانا اقرأ الكتب الاجنبية المترجمة واموووت عليها ..ولا حياتي شفت الشذوذ اللي تقولين عنه وتعالي حق الكتاب العرب المصرين والحين السعودين وشوفي الاباحية بعينها وعلمها ولا كاتب سعودي او سعودية ما صاروا يتكلم برواياته عن الجنس الظاهر ولا كاتب مصري ما يقول ولو باخر الصفحة عن خاطرة بس كلمة او ايحاء مش حلو ...
أختي حنان :
زي ما قالت لاخت روحي للقروب اللي للكتب الانجليزية انا ادخل عندهم واشوف وقرأ معاهم وان ما اشارك بس قروب وايد مفيد ..وانشالله تستفيدين معاهم لان اللغة الانجليزية لغة عالمية مفيدة ..واذا صرت تقرينها وتتعلمينها بتتقنينها اما اذا هملتيها بتنسين ..

هذا رايي وهذا رايج والاختلاف في الرأي لا يفسد للود قضية :eh_s(6):
ماعممت لا ع العرب ولا ع الغرب بكل مكان في الزين وفي الشين