بليز تجمع للمصابين بالقولون وامراض واضطرابات المعده والجهاز الهضمي

[نووووونا]

تسلمين الاسطوريه


دمعه حزن فى ناس ارتاحت , للامانه انا شخصيا ما جربته ,

 

[دمعة حزن 30]

هلا نجد

في علاج أسمه مينسك حق المعده هم حلو بعد انا قاعد اكله زين وايد

طبعا هو نفس علاج الريسك بس اختلاف الشركه

 

[saw82]

صباح الخير بنات

حابه أقولكم مشكلتي قبل جم يوم صار معاي إمساك حاد وبواسير وبصراحة خفت و بجيت جان أتعوذ من بليس
وأشرب بابونج و ينسون وقاعدة اكثر من الماي و السوائل و الحركة بس المشكلة آنا مسويه عملية مرارة ومتأذيه منها
يعني مو قادرة أنام عدل وكله تعبانه و المشكله الثانيه إن طبيتي خلصت وداومت بس والله تعب عقب الدوام رحت الصيداية وكلمت الدكتور عطاني دهان من شركة هيمالايا كله مواد طبيعيه يعني فيه كركم وهالسوالف مالت هيمالايا أول ما حطيته حرقني شوي بس بعدين
توكلت على الله وصار الاحساس بهالمكان وايد أحسن يعني مو مظايقة لمن اقعد وهم عطاني تحاميل عليها صورة واحد قاعد على مربع أزرق

وقالي إنشاالله تتعافين لأن إلي عطيتج إياه أحسن شي

يارب أشوف نتيجة زينه و أبشركم عنها عشان الكل يستفيد

 

[روروو]

ماتشوفين شر اختي :eh_s(6):​

 

[MaNaNa]

بنات تسلم عليكم مانانا وتقول انها هاليومين بتكون مشغوله ماراح تقدر تدخل المنتدى​

وووووووواي حبيبتي تسلمين على التبليغ اشهد انج عسسسسسسل :fun:

هلا بنات شخباركم .. تصدقون ولهت عليكم قاعده اقرى اخباركم احس اني فقدتكم
الاسطوريه مبرووووووك الحمدلله بس نصيحتي عقب الدوره شربي برقدوش عشان ينظمها لج للشهر الياي وما تتعبين وموشرط كل يوم انا كل اسبوع مره او مرتين ونفعني بصراحه

رووووروووووو حبيبتي يا العياره :hjy5jewf: السنامكي اهو نفسه العشرج بس بنات لا تكثرون منه وايد يعني بالاسبوع مره كفايه واخذوه لهوم والا منقوع بماي وملعقه شاي صغيره حيل ويقولون اذا تبون يخف المغص خلطو معاه ينسون

وخلوني اقولكم عن اشياء سالت عنها بالنسبه لدواء الحبوبه اسطوريه يقولون موجود بالسعوديه اذا رحت بشوفه لكم وماكوووو موقع طبي الا مدحوه من افضل علاجات القولون

وبنات ترى يمدحون الحبه الحلوه والكمون على الريج منقوعه بماي مغلي طبعا

وبصراحه رحت سووويت غسيل قولون وريحني وااااااااايد بس اهو علاج مؤقت ترى

وسلالالالالالالالالالالامتكم = هذرت وايد لاني ولهت على السوالف معاكم :tek:

 

[تنآهيد ..~]

صبحكم الله بالخيـر
رورو تسلمين حبيبتي وماتقصرين أنا قلت لأمي عن السنا مكي والكراويه قالت لي هذا ينزل كل اللي بالبطن أشربي لج يآنسون وبآبونج أحسن فـ للحين مادري ~

 

[روروو]

منانا تسلمين ياذوق بقولك شي انا موعياره:eh_s(2): عندنا بالسعوديه ماله اسم ثاني غير السنا المكي
تناهيد اسمحيلي معلومة امك غلط انا مااقولك خذي العلبه كامله نص ملعقه صغيره انتي جربيها بيوم الاجازه وشوفي حنا مو واحد والا اثنين اللي استخدمناه كل العايله ويارب لك الحمد مااحد اشتكى انه جاب بطنه بالعكس كلهم يقولون ارتاحو
شوفي ياعسل انا قلبي عليك وبغيت انصحك وانتي ادرى بمصلحتك​

 

[شندوخه]

شلونكم بنات

الاسطوريه اهوا نفسه هالحبوب موجوده باسم ثانى بس ما عندى فكره اذا موجود بالكويت

سباسموكولوناز



التركيب الكيميائي:

صوديوم دِيهيدروكولات
20 ملغ

ثنائي الميثيكون
40 ملغ

سلولاز
20 ملغ

بنكرياتين
150 ملغ

ميثيكسين هيدروكلوريد
1 ملغ

ببسين
66 ملغ

حمض غلوتاميك
100 ملغ



الفئة العلاجية:

مضاد لتطبل البطن

حال لا ودي

مضاد تشنج

هذا في منه بالكويت بس الشركه المصنعه مختلفه اسمه سبازمونال يعتبر من الادويه اللي تخفف الالم وينوخذ حتى لالم الدوره

 

[شندوخه]

شلونكم بنات قطعت عنكم لان دخلت المستشفى وتعبت حيل
ورفعلي الدكتور جرعه الكرتزون مره ثانيه وهذي حالتنا

 

[روروو]

سلامات يالغاليه ماتشوفين شر
الحمدلله ع سلامتك
ماادري اشفيهم البنات ماعاد بينو عسى المانع خير ​

 

[الاسطورية]

سو انا بعد عندي الم بهالمنطقه حرقه وحراره اشك انها بواسير بس مادري

منانا هلا فيج شلونج شخبارج؟


شندوخه سلامات صج اختفيتي ماتشوفين شر بس الدوا دورناه مالقيناه وين ينباع؟


رورو شلونج
تناهيد شلونج



تسجيل غياب سارونه مختفيه والبنات وينهم

 

[شندوخه]

رووروو
حبيبتي الشر ماييج يا الغاليه


الاسطوريه
اذا تبينه قولي للصيدلي ابي سبازمونال ولا اذا رحتي للمخيزيم قوليله يعطيج وصفه انا شاريته من الصيدليه اللي تحت عيادته بس قلتلج مو نفسه بس الشركه المصنعه غير ويختلف الاسم لان الشركه غير ولا المحتوى واحد

 

[MaNaNa]

سلامات يا الحبيبات :balo:

هلا وغلا اسطوريه شخبارج؟ ترى دواج صج موجود بالسعوديه وانا باجر رايحه الخبر وبسال عنه ان شاءالله واقولكم

وررررررووووووررررررررتي حبوبه انتي احلا عياره احس انج نفس ميولي كل ما ادخل موضوع اقراه القاج هناج :ggdw:

شندوخه سلامات ماتشوفين شر يا الغاليه عساه بعدوينج :eh_s(7):

تناهيد حبيبتي اخذيها مني الرسول عليه الصلاه والسلام ما ذكر باكثر من حديث عن السنا مكي والا 10000% فيه فايده
بس حبوبه المشكله بطريقه الاستخدام لالالالالالالالا تكثرين مثل ما قالت روووروووو اشويه بس ملعقه صغيره او نقعيه بماي مع اي اعشاب تحبينها وشربي نص قلاص

بناااااااات الي تعرف حوااااااي ( حواج او عطار) شاطر بالخبر او الدمام تقولي لاني بروح باجر؟؟؟

والي تبي صوغه تتدلل :aha::aha::aha:

 

[sa7ab]

شلونكم بنات قطعت عنكم لان دخلت المستشفى وتعبت حيل
ورفعلي الدكتور جرعه الكرتزون مره ثانيه وهذي حالتنا

ويييي حبيبتي شندوووخه مو خوووش خبر
ماتشوفين شر

واحنا هذي حالتنا نتعب والدكاتره اسهل حل الكورتزوون

انا توني مخلصه منه والله كريم ان شاءالله


بسافر الاسبوع الياي ماخذه موعد عند بروفسور في بلجيكا مادحينه لي بشوف شيقول مع ان ادري الكلام واحد والمرض معروف وعلاجه واحد

الله يشفيج ويشفي الجميع يااااارب

ماتامرين على شي يالغاليه

 

[روروو]

هلا الاسطوريه وحشيني وينك مختفيه عسى ماشر

منانا وين شفتيني بأي موضوع :eh_s(22):

ابيك تاخذيني معك للشرقيه

اللي يعرف خبر عن سارونه يطمنا ​

 

[MaNaNa]

موضوع فراولة زرقاء الي تنصح فيه بالاعشاب وانتي ذبحتيها بالاسئله هههههههههههههه
عادي حبيبتي الظاهر شغلتي اليديده اني اراقبج _03BA:
وحياج الله معاي بروح الخبر والدمام والبحرين (كل منطقه نص يوم :eh_s(1)

سلامات يا سحااااااااااب ما تشوفين شر وتردين بالسلامه ان شاءالله

 

[بنت الديك]

السلام بنات مابغيت امر من غير مااسلم عليكم ان شاء الله الكل بخير حبيباتى الاسطوريه شلونج حبيبتى صارلى جم يوم تعبانه والدوره ذبحتنى من العوار بعد احنا ناقصين عوار كافى القولون يهبل اسم الله عليه الله كريم

 

[روروو]

حرام عليك منانا ماذبحتها ..راقبي ياعسل وخذي راحتك تمونين
بس انتي ليه تدخلين الموضوع عسى ماانتي تعبانه؟؟
اكيد قريتي السؤال اللي حطيته بقسم الاعشاب لما تورطت بالتحاميل:krkrkr: يومتها بغيت انجن لاوالبنات ماقصرو خوفوني زياده هذاك اليوم مانومت امي كسبت فيها ذنب اخر شي طلع بسبة الالتهاب​

 

[faith09]

بنات شلونكم .
شندوخة الف حمدلله على السلامة . وما تشوفين شر أجر وعافية .
الأسطورية شخباااااااااااااارج أشتقت لكم واييييييييييييد بس أنقطعت لأنه حدى تعبانة الظاهر حايشتنى أنتكاسة الكرونز والمخيزيم قرر لى منظار:eh_s(11): عشان يشوف شالسالفة .. وحبيت أقولج أن مثل ما قالت شندوخة ترى Spasmonal أنا بعد عطانى أياه دكتورى وبصراحة أهو زين ويستخدم حق تهيج القولون وحتى حق الالم من الدورة . وأعتقد موجود فى كل الصيدليات .
sa7ab حبيبتى ما تشوفين شر أنشاء الله . أنشاء الله تلاقين لج حل فى بلجيكا يارب . وطمنينا عليج .

روووورو أشتقت لج وأشتقت لسوالفك فى المنتدى .

سارررررررونة وينج مختفية ؟

 

[روروو]

هلا فيث وحشتيني موت :fun:

اما انا قولوني من امس معلن بنات مو مغص شفتو الي مشتغله 24 ساعه كيف جسمها يكون تعبان انا زي كذا وحرقان وغازات ساعه اتقلب ع الفراش ماقدرت انام الين اخذت السنا والكراويه انا خربتها بالاكل رجعت اشرب قهوه واكل فلفل :0bee2e8d89:​