بليز تجمع للمصابين بالقولون وامراض واضطرابات المعده والجهاز الهضمي

[** باربي **]

اوو مسوين حق قولوني العصبي النكدي تجمع وانا ما ادري

 

[كتكوته نورة]

رد: رد : بليز تجمع للمصابين بالقولون وامراض واضطرابات المعده والجهاز الهضمي

بنات مادري ليش اذا كانت علي الدوره تزيد عندي الغازات والاصوات الي تفشل بروحي انا على طول احاتي بالايام العاديه بس بالدوره على طول يعني لو شنو منو اطلع ومشكلة اذا عندي محاظرات مادري شسوي :eh_s(2):





كتكوته حبيبتي شنو العلاج يعطيج العافيه

اذا نفسي كل تبين الحمام واصوات وغازات انا رحت الالماني بجده و راتحت على علاجه ... كتبلي :
1) كبسول (فيرين) لتهيجات القولون عجييييييييب وخر الانتفاخ وقلل دخول الحمام .
2) مع كل وجبه ديسفلاتيل انا اخذا مع العشا .
3) بيني فايبر عبارة عن الياف تريح البطن ...

جربي وقولي لي انا خف الاعراض بنسبة 70%

 

[كتكوته نورة]

uppppppppppppppp

 

[shoO shoO 95]

رد : بليز تجمع للمصابين بالقولون وامراض واضطرابات المعده والجهاز الهضمي

اذا نفسي كل تبين الحمام واصوات وغازات انا رحت الالماني بجده و راتحت على علاجه ... كتبلي :
1) كبسول (فيرين) لتهيجات القولون عجييييييييب وخر الانتفاخ وقلل دخول الحمام .
2) مع كل وجبه ديسفلاتيل انا اخذا مع العشا .
3) بيني فايبر عبارة عن الياف تريح البطن ...

جربي وقولي لي انا خف الاعراض بنسبة 70%

بروح اشتري اللي قلتي عنه اليوم و بزيد عليه هذيل
pankreoflat
ماء الزعتر العطري
يعطيج الف الف عافية

 

[still there]

رد : بليز تجمع للمصابين بالقولون وامراض واضطرابات المعده والجهاز الهضمي

بنات عندكم تجمع للقولون العصبى و ما ترفعون الموضوع ؟ :flower:

حسافة فيه مواضيع شكثر انقالت فيه معلومات
بس للاسف كل موضوع بروحه و محد يرفعهم
وهذا واحد منهم
http://www.q8yat.net/showthread.php?t=716124

بالتوفيق للجميع :eh_s(15):
​

 

[still there]

رد : بليز تجمع للمصابين بالقولون وامراض واضطرابات المعده والجهاز الهضمي

بشارككم بفيديوات مفيدة عن المرض

هذا فيديو فيه شرح بسيط و متكامل عن المرض من الدكتورة ليز ليبسكى

http://www.youtube.com/watch?v=IqhBpHyBReI&feature=related

و هذا فيديو عجيب يبين مقارنة بين قولونات < جمع قولون .. مجموعة مرضى يابانيين , و شلون سبحان الله كل قولون يدل على نمط حياة كل مريض , شنو متعود ياكل شنو يعانى من امراض , و فيه بعد مقارنة قبل و بعد العلاج بما فيهم مرض الخبيث بالقولون

http://www.youtube.com/watch?v=nJiGO0ZzWVQ&feature=related

 

[أم التباشير]

انا جربت عشبة العطار مع العسل من الشيخ ابو حاتم روعة ارتحت الحمداللة علاج كامل

 

[المهـــا]

انا صارلي شهر قالولي فيج التهاب بالقولون مرات لما اعصب واتنرفز يعورني بس الدكتور قالي حاولي ما تعصبين هالأياام واديرين باااالج عشان مايستمر معااج طوول العمر ..

 

[جنه الخلد]

رد : بليز تجمع للمصابين بالقولون وامراض واضطرابات المعده والجهاز الهضمي

السلام عليكم بنات .. انا راح اقولكم قصتى العجيبه مع القولون .. انا من 3 سنوات حاشنى انفلونزا مو عاديه تعبت حيل فيها بس كان معاها اعراض غريبه هي استفراغ وحرقه بالمعده قويه حيل حيل وتقلصات والم وعدم خروج الغازات وامساك رحت الاميري عطوني دربين حسيت صرت احسن وبعدين قامو طلعونى من المستشفي لما رحت البيت ماكو شوي الا وترجع الاعراض بقوه استفرغ وحالتى حاله وزاد عليهم تشنج شديد بالاطراف يعنى مثل الشلل.. قام زوجي طار فينى على دار الشفا.. هم عطونى دربين ونيمونى تقريبا 12 ساعه وما حد قالي عندج لاقولون ولاشي قلو التهاب براس المعده .. المهم انا رحت بعدين عادي وارتحت .. عشت الثلاث سنوات اللى طافو وانا ما عندي اي فكره عن القولون بس كنت الاحظ على نفسي لما اكل فلفل اتعب ولما اكل اكل ثقيل معدتى تعورني بس تكون اعراض وايد اخف من هذيك المره.. يعنى كنت احس ان معدتى ثقيله وعندي دوخه ومغص بس مافي استفراغ.. وصار جم مره انى اعصب مع زوجي بس اصارخ واتنرفز بسرعه اروح استفرغ بالحمام بس صدقونى ما افكر شنو السبب.. المهم صار من 4 ايام معاي انفلونزا بس ما كانت عاديه يعنى مثل هذيك المره من 3 سنوات مغص الله لا يوري احد استفراغ وحرقه مو طبيعيه والله قلت خلاص بموت.. زوجي طار فينى على الاميري.. عطوني دربين .. ما ارتحت قاعده اصارخ بالمستشفي واعطوني الثالث صرت احسن .. يسألنى الطبيب اول مره تصير فيج جذي اقوله لا ثاني مره .. جان يقول اه من القولون.. جان اقوله لا ماعندي قولون .. قال عندج قولون عصبي جان انا وزوجي ننصدم ونتفاجأ حيل.. والله انى زعلت واتضايقت... شفتو بنات قصتى الغريبه..من هذيك المره ماقالولي وكان تشخيصهم غلط بس انا عشت حياتى طبيعيه وعلى اساس هالمرض مو عندي تصدقون بنات لو ننظم شوي اكلنا وساعات نومنا وحالتنا النفسيه راح نعيش كأنا ما عندنا مرض احس لما دريت انى عندي وسوست وصرت احاتي والله لو انى ما دريت احسن.. اسمحولي طولت عليكم..

 

[Diva-Q8]

رد : بليز تجمع للمصابين بالقولون وامراض واضطرابات المعده والجهاز الهضمي

متى حاشج؟
سنة 2000 صارلي 10 سنين
شلون بدا؟
انا يبتا حق نفسي في ذيك سنه كنت منهاره نفسيا من حدث مؤساوي صار بحياتي وصارخت من قمت راسي لين حاشني الم بمعدتي ومن يومها اقل شي يقثني يشب علي القولون

شنو اعراضه؟
اهوا يختلف من شخص لي شخص اختي يصير معاها امساك انا تكرمون اسهال وغازات ويصير بطني يابس ومتفوخ واصوات ومغص وفار قاعد يلعب صيده مصيده ببطني مادري مع منو يصعد ينزل ويتزحلق ويناقز مادري شسوي بالظبط بحطله لزاق المره اليايه هههههههه


منو شفتي من دكاتره؟
الاول بالكويت ماذكر شنو اسمه من 7 سنين اهوا اللي بشرني بالقولون العصبي والثاني بالهند من سنتين وقالي نووو ميديسنت طنشيه لانه مو مرض عضوي ابتعدي عن الاسباب اللي اتثيره وتختلف من شخص لي شخص انا بس لي تظايقت يحوشني والسهر بعض الاحيان مو دايما .

شنو جربتي علاج؟
ولا شي لانه نص اهلي فيهم ومافاد معاهم العلاج لا الكيميائي ولا الشعبي عاد انا ليش اصير مثل الفار اللي ابطني ويجربون فيني مابي

توصلتي لعلاج؟
اهوا ماله علاج مرض من قديم الازل يمكن حتى كليوبترا فيها قولون هههههههه !
يقول المثل اذا عرف السبب بطل العجب ...انا يحوشني لي تظايقت ...قمت احاول اتجنب الزعل عشان مايحوشني العوار وبس مافي اسهل من هل علاج لاحبوب ولاغسيل معده اذا انتي عارفه لي سهرتي مثلا يظايقج القولون خلاص لا تسهرين الشي اللي يظرج وخري عنه لاتعاندينه واذا في مناسبه عادي يوم يفوت ولا حد يموت

واذا ماتوصلتي شتسوين لاياج وشلون نفسيتج؟
الحمدالله صار القولون صديقي الصدوق 10 سنين هذا توأمي مو مرض خلاص ( تعايشت معاه ) حاله حال النشله لا بعد النشله اتحوشني مره او مرتين بالسنه هذا كل شهرين يزورني هههههههه ونفسيتي طبعا أرف لمن تيلي الحاله وساعات العوار يقعدني من عز نومتي وماسوي شي بس احاول اتمشى بالبيت واتجنب الكلام واوخر عن ريلي لا يحوشه طشار لانه الالم فعلا يظايق والله يشافي امة محمد ولاتبلانه باللي اخس منه الحمدالله

وادعولي ربي يثبت حملي واقوم بالسلامه الله لا يهينكم :*

 

[!! غزل !!]

قوة بنات من بعدغيبه

انا الحين صارلي 6 شهور مع هالمرض والحمدلله بس قريت واجد واستفدت من خبرات البنات

وكلام دكتوري كان صح كوني دكتورة نفسج

انا شفت تجارب البنات وقمت اجرب الاشياء اللي تعور بطني وتهيج القولون

انا سالت الدكتور عن ماكولات معينه قال مافيه

بس بعدي عن الحليب لانه يسبب غازات

طبعا بما اني دكتورة نفسي قعدت اقيس واشوف الشغلات اللي اذا كليتهم او شربتهم يجيني عوار

طبعا باختصار


1_ القهوة العربيه < هذي اول مااشربها اصوات وسمفونيات ببطني وعوار ف قطعتها
والقهوة الفرنية والتركية عذاب ف تركتهم مع اني احبهم


2_ الفلفل < بس مو دايما

3_ المشروبات الغازيه والبيبسي< وربي من هديتهم ارتحت من الاصوات واول مااشربهم على وجبه ولا شي اصوات فضيعه تفشل

ف صرت حتى لو وجبه اشرب عليها عصير واذا مالقيت لبن بس مستحيل اشرب بيبسي


هذا بشكل عام للكل


والدوا عشان الامساك تكرمون اخذ دسبتالين

لان قبل كان فيني اسهال لمده 4 شهور

والحين الامساك



وسمعت د. خالد الجبير انصحكم تسمعون محاضرته اذا تقدرون اسمها ابذل الاسباب او ماهي الاسباب

او شي جذي


عرفت واقتنعت اني بخير ونعمه وهذا قولون مو شللل او تخلف لاسمح الله

وان هذا كله عشان ربي يخفف ذنوبي لان كلنا عنده ذنوب كبار


وعسى ربي ياجرنا ويكون بعونا


وفديتكم يااحلى تجمع

 

[!! غزل !!]

ومرات اخذ زعتر او ينسون حده مريح

 

[!! غزل !!]

اب


الله يشفينا


اب


الله يأجرنا على مرضنا والحمدلله على كل حال

 

[العفاسيه]

الله يشفيكم

انا من زمان فيني قولون عصبي بس ماكان يعورني حيل بس امساك قووي اقوااااااا شي لدرجة ودي اشق هدومي

طبعا غير الغازات بس بعد ماولدت صرت احس اني اختنق مع نغزه قويه وخصوصاا اذا شربت شاي واي

والدكتور قالي ماله علاج بس مسكنات

 

[daana]

والله مدري شقول الله يشافينا كلنا
انا كنت مرتاحه فتره من العوار وماخربط بالاكل رجع علي القولون والحين اخذ ابر
يعني لا اذا خربطنا بالاكل نفع ولا ااذ التزمنا بالاكل الخفيف نفع لا بسافر بعد وللحين ماصرت زينه يعني الله يعيين اهلي علي
والله محتاره
شكلي بسوي منظار قولون عوار ساعه ولا كل ساعه
منو جربت منظار القولون

 

[daana]

والله ماخربط وملتزمه وبالليل ماكل دسم ولا اشرب غازات بس رجع ويقوه ملييييييييييت ياربي تعبت الحين مستمره مع دوايي وابري بشوف شلون
بس خلاص قررت اسوي منظار بس منو جربت المنظار حتى لو يعور بسوي

 

[shoO shoO 95]

رد : بليز تجمع للمصابين بالقولون وامراض واضطرابات المعده والجهاز الهضمي

بس خلاص قررت اسوي منظار بس منو جربت المنظار حتى لو يعور بسوي

والله ما يعور بس خل يعطونج بنج عام كامل احسن
مايعور ولا شي
والله يعطيج العافية و يشافيج يارب

 

[!! غزل !!]

مرحباااا بنات شخباركم الله يشفيني ويشفيكم جميع


المنظار ياقلبي انا سويته الله لا يعوده تالمت بس عادي يوم وعدى

بس هذا للفحص مو للعلاج ترا ؟!



بنات انا الحين صاير فيني اسهال وانتو بكرامه شنو آخذ ؟

لان الفتره اللي طافت كان فيني أمساك وكنت اخذ دسبتالين وارتحت معاه حيل

والله يعطيكم العافيه

 

[أم@الحلوين]

سلام عليكم عسولات
شلونكم
أنا زوجي فيه قولون (كرونز) تقرحات بالقولون وياخذ علاج حبوب اسكول ويراجع عند دكتور اقبال في ثنيان الغانم
بس صارله فتره يحس بألم في الركبه والظهر والمفاصل واليوم الدكتور حوله على دكتور خالد الجارالله عشان يسويله فحوصات واشعه
بغيت أسألكم هذي من أعراض القولون يعني ؟؟

 

[أم@الحلوين]

اب

اب