تجمع التزوجات بعمر العشرينات

[blueberry]

:

اوبرا

اليوم خميس بيت خالتي اليوم وباجر اليمعه بيت امي

سوسو

انا عيارة مخليته الخميس عشان تصير عندي حجة اني تعبانه وفعلا اكون تعبانه وما اقعد لييه الليل

ساعات لييه المغرب ساعات العصر وامشي

:

 

[Spoildish]

:

اصلا انا مبدعه بس محد مستغلني لوووووووووووووووول

والله قبل الزواج كنت مينونة فوتوشوب كنت اسوي ستايلات وسوالف

وحق الشركة كنت اسوي بلاوي حق الشو روووم

غير كان عندي منتدى لي كنت هوايل اسويله

بس الوحده من تتزوج آآآخ ما ابي اكمل

:

وااااااااااي حااسه فيج انا كان عندي قروب ملهية نفسي فيه طوووول اليوم غير اني اقعد اسوي مقاطع رنات تظحك و فديوات تونس حق البلوتوث بس الحيين وييييييييييييين حدي هني المنتدى و بس

 

[Spoildish]

:

اوبرا

اليوم خميس بيت خالتي اليوم وباجر اليمعه بيت امي

سوسو

انا عيارة مخليته الخميس عشان تصير عندي حجة اني تعبانه وفعلا اكون تعبانه وما اقعد لييه الليل

ساعات لييه المغرب ساعات العصر وامشي

:

لوول زين تسوين
انا يمعه الي عندي يوم يمعه بيت يدتي , احلا عذر
انحااش من الصبح اروح هنااك مرات اتاخر عشان بنتي تكون نايمه و اطلع جدامهم افففففففففففف تحلطم و كلام وصخخخ ليش اني طالعه عاد انا اذوني طييييييييييين ولا جنهم موجودين بس سلام بدون ماطالعهم و اطلع , وايد عليهم بعد

 

[opera]

يا بنات لازم ما تتخلون عن هواياتكم :|



ليش انا ماعندي هوايه

 

[blueberry]

:

اي والله يا سوسو

الزواج ياخذ من المره وااايد مو شوي

انا كنت ارسم , اخيط اشتغل اشغال يدوية

غير دفاتر عيال خالتي وبنات اختي قبل المدارس اسطرهم كلهم وتزيين واستكرات

بس الحين حتى الكمبيوتر مالي خلقه

:

 

[blueberry]

:

اوبرا اكيد عندج هواية ما في احد ما عنده هواية بس يمكن لما الحين ما اكتشفتيها

جربي كل شي يديد وشوفي شنو تستانسين فيه وشنو تتقنينه بكون هوايتج

مو شرط عمل يدوي

ممكن يكون سفر , ممكن يكون طيور ( غرامي طيور وكاسكوات ) ممكن يكون يمعات مع الاهل .... الخ يعني مو شرط

:

 

[opera]

انا الويك اند كله ضايع بالزوارات ما اقدر اسوي شي


الخميس بيت يدي ونفس الوقت بيت يده

الجمعه بيت عمي ونفس الوقت بيت يدي من ابوي

السبت بيت ابوي


:|


ضايعه اسبوع هني واسبوع هناك

 

[Spoildish]

اوبرا والله مو بايدنا هدينا هواياتنا
بلو انا كنت اكتب قصص بالانجليزي وكنت اقصص صور و اسوي مثل مجلات انجليزية ليلحيين اطالعهم واتحسف على عمري غير اني كنت اسوي اكسسوارات بسيطه البسها ولا اذا انكسر شي عندي ابدع فيه, مرة انكسر عندي اطار صورة ملون جان اسويه لوحه صغيييرة وخليت فراغ داخلها كنت احط فيه مفاتيحي شكله كااان يونس حددددددددده

 

[blueberry]

لوول زين تسوين
انا يمعه الي عندي يوم يمعه بيت يدتي , احلا عذر
انحااش من الصبح اروح هنااك مرات اتاخر عشان بنتي تكون نايمه و اطلع جدامهم افففففففففففف تحلطم و كلام وصخخخ ليش اني طالعه عاد انا اذوني طييييييييييين ولا جنهم موجودين بس سلام بدون ماطالعهم و اطلع , وايد عليهم بعد

:

امبيه سوسو

انا انطر ريلي يطلع العصر عشان امشي

بس شنو انا اروح لان جد ما في شي اسويه

قاعده مكاني حتى عزكم الله حماما ما اقدر اروح

يعني عقب الغدى خالتي تقعد تلعب مع احمد شوي وبعدين تروح تنام لانها مره عودة وعمية حرام ما تشوف وتتعب

والثانية راده من الدوام تعبانه مسكينة وكل خميس تصوم تقعد اطقطق روس

والثالثة من مسلسل تركي لييه تركي طول الوقت

واصغر وحده عمرها 38 تكون نايمه والعصر تروح المعهد

وحماي ومرته يقعدون على الغدى ومن يخلصون يدخلون غرفتهم ما يطلعون , ساعات اروح البيت المغرب واهمه لما الحين في غرفتهم

وانا قاعده مكاني على الغنفه ما اتحرك

لي حق اروح البيت والا لا

اطق اموت ازهق اصلا

:

 

[blueberry]

:

الله يعينج اوبرا

يعني احنا ننطر الويك اند عشان نرتاح نتعب اكثر من الايام العادية

خل اروح اودي الاوراق وايي افكر باقتراح يعيد لنا هواياتنا لوووول

:

 

[opera]

بلووو من صجج عيل ليش يتيمعون ؟؟

انا منج اتغدى وامشى على طووول

 

[Spoildish]

بلو طلعي روحي تمشي
انا الي عندي لو كفو جان قعدت بس وييين ياحظي, اشوه انه يمعتهم مع يمعه بيت يدتي وانا اصلا جذي جذي مجابلتهم طوول اليوم لانهم 24 ساعه عندنا يغثوني عاد انا ارد نص الليل بعد ما كللهم يطلعون

 

[نور78]

صباح الخير اكيد متاخره
انا اسفة ياخوااااتي العزيزات

 

[blueberry]

:

اوبرا

انتي لو تشوفين الوضع تنصدمين

يعني تخيلي على الطاولة بس انا وريلي وخالتي وحماي ومرته

والباجي ما يقعدون على الطاولة ما ياكلون معانا حتى لو ماكانوا صايمين

وحتى ايام رمضان عقب الفطور وصلاة العشى يحطون اكلهم ويتفطرون

بس شنو اسوي هذي حياتهم وتعودت

وانا قاعده اروح يوم بالاسبوع بس وساعات امر بساعة عشان خالتي تلاعب احمد

:

 

[Spoildish]

بلووو من صجج عيل ليش يتيمعون ؟؟

انا منج اتغدى وامشى على طووول

تصدقين انا خالتي تقعد طووووول اليوم تتحلطم لانه يايين عندها مادري شلون صايره و بعدين على قوله بلو مسلسلات تركية واحد ورا الثاني وتطول عليه حددددددددددددددده و زوجي يطلع و يخليني معاهم و اخوانه حااطين دوبهم دوبي و مرت حماي ماسكه اللابتوب و قاعده, انا شسوي؟ اروح بيت يدتي على الاقل هناك محد يكلمني ولا يسبني

 

[opera]

هلا نوور صباح النور


احنا يوم اليمعه جذي بيت عمي كلهم يتغدون يشربون جاي ويطلعون يعني عال 4 ماكو احد الا اليهال

لووووووووووووووول


كلهم يقطون اليهال على خالتي ويطلعون ... كل واحد ومرته

الا انا :|


وين ما اروح اخذ ولدي معاي

 

[جواهر روعة]

انا كنت اكب شعر بس والله من زمان ما كتبت شي مو من الزواج لآ من قبل الزواج حطيت همي بالشغل وكنت ابدع بالشغل فخذا وقتي و الحين متحسفة

 

[blueberry]

:

الله يعين سوسو

صج ليييه قالوا الناس انواع

اهلا نور صباح الخير

:

 

[opera]

سوسو عندنا وعندج خير

اشفيهم العياييز عالمسلسلات التركيه


لووووووووووووول حتى خالتي من مسلسل لي مسلسل :| وعلى قولتج مطوله على حده ومندمجه ماتسمع اللي يناديها


بس حلوه حركة اللاب توب شكلي اذا نزلت تحت بنزل معاي اللابتوب

 

[نور78]

اليوم بروح السينما بودي حموااااتي مع ريلي الساعة 9
باجر يمعه بيت خالتي علي الغدا وعقبها اروح بيت اهلي اقعد الي الليل والسبت طلعة كتااااكيتي الصبح لازم الافينيوز
وسلامتكم ياااحلوين