حقيقة أغنية أين العيد لزين000!!!!!!!!

[أم حمد =)]

مشكلة بعض المسلمين كله شاكين بنفسهم فلان قصده يبي يخرب عيالنا وفلان قصده يبي يخلينا ننحرف

 

[عجميه قمر]

يجوز 000الله العالم

 

[باربي للابد]

لا تعليق​

 

[شكليطه]

ههههههههههههههههههههههههههههههههههههههههه لا حول ولاقوة الا بالله


والله محد متنك من شربة كويكر ولقيمات القاضي الا كاتب المقال


الله يعينه على نفسه


هذا احنا يا (اغلب) المسلمين ....اكل ومرعى وقلة صنعه

ننطر الزله على غيرنا ولازم نشك ونلف وندور بالتفاسير.....بدال ما ناخذ الشي بحسن نيه وبأبسط ما يكون


بدال الانتقاااااااااااد والانتقااااااااااد والهجوم اللي ملينا منه..جان تبرع الاخ كاتب المقال وألف دعايه حق اعيادنا الاسلامية

مو ننطر غيرنا يشتغل وينجح وانيي احنا بكل برود وحقد ننسف تعبه ونجاح شغله

 

[ScarletteO'Hara]

و انا اعتقد ان عيالنا كلهم يحملون شهادة الدكتوراه عشان يفكون شيفرة الاغنية مثل كاتبنا المخضرم!! شنو هذا التفكير؟ شتو بالله عيد القيامة ممكن احد يفسرلي؟ هذا اول مرة اسمع عنه و شنو علاقته باليهال بالغيوم؟ يعني لما اتزوج و احب ما افرح؟ لما يصير عندي عيال ما اطير من الفرحة لما يقولون لي "يمه"؟ خلاص تبون الدنيا كلها هم و غم؟نقعد نطالع كل شي بنظر سلبية عشان الكاتب و شاكلته يستانسون؟
و الي يقولون انهم ما يابوا سيرة العيدين عيل بالله الهلال الي قاعدين يدورونه و بكل لقطة و الثانية طالع لنا يرمز حق شنو؟ و لا بس فالحين بالفتاوي السخيفة؟ و لا اي شي ينقال يتصدق من غير التحقق من هوية الراوي؟
هدف الدعاية واضح الي اهو شوفة الفراحة بكل شي بحياتنا بدال هالافكار السوداوية الي محاوطتنا من كل مكان!
و الي مو عاجبة سهلة, خل يطفي التلفزيون

 

[أســــرار]

الحمدلله و الشكر .. عالفطين اللي فســّر المعنى على كيفه
إذا احنا الكبااار ما فكرنا بولاا شي منا للي قاااله لا عيد حب و لا عيد بطيخ

شهالعقلية استغفرالله !!
لا و عيد قيامة بعد !! عيد قيامه و هلاااال!!

اشوفه ما ياب طاري الهلال

هذا اللي رادنا ورى ... ناس فاضية

 

[!! شوق !!]

مشكلتنا عندناااااااا عقده المؤامره بكل شي
نفسره انه مؤامره على العرب .. معن بعض شباب العرب الله بالخير بليا شي
من وجهه نظري ان الاغنيه مافيها شي

 

[ام دندوش]

صح انا بعد شكيت بس عالم من حولنا فيه وايد اشياء تخرب عيالنا مو كل شي نمنعه لازم احنا نعلم عيالنا ماستقبلون معلومات إلا منا احنا اهلهم وبس

 

[ام البتول]

هذول العرب من عمر ما ناخذ منهم الا الهذرة الزايده والقرقه اما يطلعون بشي مفيد مستحبل

بالله شالياهل العبقري الي بيوصل لهالتفسير ماشالله مو ياهل فيلسوف حشى
اذا احنا الكبار ما فسرناها جذي
الكاتب مخه بركبه واظاهر مكثر لبن:krkrkr:

 

[مخروووشة]

الله اعلم

الله يكاافينا كل من فية شر

 

[ml7_q8]

شدعوه من صجكم

مآدري احس تفسيره غلط


لو كل وآحد بيفسر على كيفه جآن كل شي تفسيره مو زين

 

[@Miss Dio@]

ما شاء الله فلسفه مو طبيعيه اشلون المواضيع تتحور

 

[قطورتي]

واااي امبيييه شكوووو
يحليله كاتب مقال طويل عريض وعاصر مخه على اغنية يهالوو تهبل
وبعدين اش سالفة عيد القيامة وعيد النصارى مادري شنو؟؟ اول مرة بحياتي اسمع فيهم يعني اهو الي فتح عيني عليهم..
وكلمات الاغنيه بسيطه وبريئة ولها معاني حلوة (( اعرفتم اين العيد الان .. من حولنا وبكل مكان))
والحين يعني اعيالنا بينحرفون من هالاغنيه ؟؟ الله يهديه بس
عيل لو يشوف قناة ميلودي ولا قناة غنوة مات النوريات اش بيسوي بعمره

 

[akadenia]

لا لا لا مو جذي التخلف


انتوا اللي بتخربون الدنيا

يعني اذا صار ابداع كويتي تقعدون تذمون فيه


عيدي خلف الشجرة يعني ابسط الامور تفرح الانسان مو شرط حتى تسافر او تصرف او تشتري

بالحب والتفاهم يصير العيد


في بطني يكبر

فرحة الام بضناها هو العيد مو شرط مرتاحة او غير مرتاحة بحياتها



العيد في كل مكان ---- بس بدون عقد يا اللي بتردونا ورا الشمس ------------------ بليز خلونا نتطور

واللي ما يبي اصلا مايشوف تلفاز على قولتكم

 

[pure feminine]

حسبي الله عليهم توني انتبه للاغنيه ما كنت معطيتها اي اهتمام

 

[pure feminine]

لا لا لا مو جذي التخلف


انتوا اللي بتخربون الدنيا

يعني اذا صار ابداع كويتي تقعدون تذمون فيه


عيدي خلف الشجرة يعني ابسط الامور تفرح الانسان مو شرط حتى تسافر او تصرف او تشتري

بالحب والتفاهم يصير العيد


في بطني يكبر

فرحة الام بضناها هو العيد مو شرط مرتاحة او غير مرتاحة بحياتها



العيد في كل مكان ---- بس بدون عقد يا اللي بتردونا ورا الشمس ------------------ بليز خلونا نتطور

واللي ما يبي اصلا مايشوف تلفاز على قولتكم

ترى زين مو كويتيه بس

الله يهديكم شلون تقلبون الامور خليتها تهاجم الابداع الكويتي

بعدين الكاتب سعودي وشركة زين سعوديه والقناه سعوديه !

 

[leza_q8]

هووووووووووووب زين سعوديه ؟؟


من عمر الدنيا وانا ادري انها كويتيه تبع الاتصالات وعندي اسهم فيها شلون صارت سعوديه


بعدين هالكاتب واشكالنا اهم الي بودونه وره


ابيه شلون فكر جذيه بدع

 

[توت عنكبوت]

العلم عند الله

 

[انا خطر]

لا شكووو ؟؟؟

مشكووووووووووورة

 

[مش رش]

لا لا بنات صح تفسيره
اهم يبون يبينون انه العيد على كيف كل واحد مايصير جذي احنا اللي نعرفه عيدين الفطر والاضحى
وهذي الاغنيه يا ربي كنت حاسه انه فيها شي سبحان الله وما كنت فاهمتها شنو عيدي خلف الشجره يحرف اسمينااا عليها ؟؟؟
امبيه بنتي لما تغنيها ازفها شنو عيدي ضحكه من شفتيها بالله هذا حجي نعلمه عيالنا وبناتنا وين جذي يغنون ؟؟
امبيييييييييييييييه انصدمت والله بنتي مندمجه وتغني عيدي ضحكه من شفتيها !!!!!!!!!!! الله واكبر عليهم
والا عيدي داخل بطني يكبر احمله تسعة اشهر ؟؟؟؟
يعني شنو عيد الميلاد اللي الله ورسوله حذرونا منه ؟؟
حســـــــبي الــــلـــه ونـــعـــم الــــــوكــــيل فيـــــــــهم