المشي ..

[atosha]

هاي بنووووتاااات... شلووونكم
حبيباتي انا احب رياضة المشي ومن زمااان تاركتها وحملت و ولدت وصارلي 6 شهور من والدة وماكان لي خلق الرجيم والرياضة بس الوزن كل مالة ويزداد ودق جرس الانذار عندي فقررت اني اسوي رجيم وابلش مشي... وانشاللة اذا اللة سهل راح اشترك بنادي بالصيف ... المهم يا طويلات العمر..

ابي اسأل ذوات الخبرة واللي عندها معلووومات... بس بعرف :

* هل المشي لازم يكون بصفة يومية ( كم مرة بالاسبوع )

* شكثر امشي ( عدد الدقايق )

*متى ابدي ازيد عدد الدقايق ..؟

* وافضل وقت للمشي ..؟

وياليت تفيدونا بمعلوووماتكم ..لان مثل مانتوا شايفين هالموضوع ..يمكن يهم وااايد من البنات ويمكن نفس الاسئلة تدور في بال احد الاخوات .. فياليت المشاركة من الجميع ..وانشاللة يستفيد الكل من المعلوومات .. وانشاللة يجعلة اللة في ميزان حسناتكم ... مشكورين مقدما:eh_s(17): ​

 

[bnt q8 in usa]

* هل المشي لازم يكون بصفة يومية ( كم مرة بالاسبوع )

تبين نصيحتي...............يومياا اللهم ممكن ترحين يوم واحد اذا انتي حابه

* شكثر امشي ( عدد الدقايق )

ساعه واذا سويتيها ساعه وربه ونص هم زين علي زين انتي ومدي احتمالج

*متى ابدي ازيد عدد الدقايق ..؟

اول 3 ايام 1\2 ساعه بعد ال3 ايام سويها ساعه وبسرعه عاليه

* وافضل وقت للمشي ..؟
الجميع اجمع علي انه افضل وقت للمارسة الرياضه الصبح بس بما انه عندنا دوامات ومشاغل ممكن العصر او المغرب

انشالله تستفيدين

 

[Alia]

بنات والمشاية شكثر امشي عليها بداية؟؟؟ الصراحة اتعب بسرعه اكثر من المشي العادي

 

[bnt q8 in usa]

امشي عليها ساعه وبسرعه 4.0 وكل مازدتي السرعه افضل ولاتسندين ايدج علي علي السنادات الي يم الجاز خلي ايدج طايره وياج وحركيها

 

[Alia]

كويتية تصدقين اذا سرعت ما اقدر ما امسك السنادات احس جني بطيح!

شتنصحيني؟

وصج المشاية تضعف اكثر من المشي العادي بالممشى ؟

 

[atosha]

* هل المشي لازم يكون بصفة يومية ( كم مرة بالاسبوع )

تبين نصيحتي...............يومياا اللهم ممكن ترحين يوم واحد اذا انتي حابه

* شكثر امشي ( عدد الدقايق )

ساعه واذا سويتيها ساعه وربه ونص هم زين علي زين انتي ومدي احتمالج

*متى ابدي ازيد عدد الدقايق ..؟

اول 3 ايام 1\2 ساعه بعد ال3 ايام سويها ساعه وبسرعه عاليه

* وافضل وقت للمشي ..؟
الجميع اجمع علي انه افضل وقت للمارسة الرياضه الصبح بس بما انه عندنا دوامات ومشاغل ممكن العصر او المغرب

انشالله تستفيدين

الف شكر حبوووبة على الاجابة الكافية والوافية.. ويعطيج العافية وماقصرتي

 

[atosha]

Alia .. مشكورة حبوبة على المشاركة والتفاعل...

ياللة يا بنات افيدونا اكثر .. وين الباجي.؟؟؟؟؟؟؟؟؟؟؟؟؟؟؟؟؟

 

[bnt q8 in usa]

عاليه لا ياقلبي اثنينهم نفس الشي ونفس النتيجه وبالعكس شحقه تطيحين سوي حق نفسج توازن

اتوشا حياج حبيبه اي سؤال حاضر

 

[noty]

هلا حبيبتي

شوفي دير .. جهاز المشي ياثر عالركبه اذا واييد تستخدمينه

لازم 30 دقيفة و تتزيلين منه


المشي .. اذا صارلج مدة صج مو ماشيه بلشي ب ربع ساعة الا ثلث ساعة اول ثلاثة ايام

بعدين زيدي كل يوم 5 دقايق ليين توصليين حق الساعة


والمشي بالهوا افيد بوايد من الجهاز


وموفقه حبيبتي

 

[Alia]

مشكورين بنات ماقصرتوا بس شنو اكثر جهاز يضعف الجسم من فوق؟؟؟

احس لامشاية بس تضعف من تحت

شرايكم؟

 

[noty]

عدل جهاز المشي و القاري اضعف المنطقة اللي تحت اكثر

تمارين المعدة و البطن و الظهر

اكيد في اجهزة متخصصة اللي اكون كل الشغل فوق

 

[^^دموع الكويت^^]

* هل المشي لازم يكون بصفة يومية ( كم مرة بالاسبوع )
يفضل يومياً او 5 مرات بالاسبوع .

* شكثر امشي ( عدد الدقايق )
اقل شي 30دقيقة واكثر شي 60دقيقة .

*متى ابدي ازيد عدد الدقايق ..؟
تزيدين اشوي اشوي لما توصلين للـ 60دقيقة .

* وافضل وقت للمشي ..؟
الصبح او بعد المغرب اهم شي يكون مر على اخر وجبة 3-4ساعات ويفضل على معدة خالية .

 

[^^دموع الكويت^^]

شوفي بعد هالرابط :

http://q8yat.net/showthread.php?t=18110

 

[كيت كات]

مشكوووورين وما قصرتو
بس عاد المعدة مو خاليه كلش ملش
اذا الصبح عصير برتقال واذا المغرب مو لازم شي انتي اكيد ماكله
انا امشي على جهاز بالبيت وعيبه الوحيد انه ماااايل للامام عاد انا قمت وحطيت من ورا طابوقتين علشان يتساوي طلع فلللللله وناسة ما ودي انزل منه