تبين المليووون ؟؟؟ دشي !!

[حلم الطفولة]

..

خوش موضوع وخوش تفاءل

@@@ مشكوره شمس الضحى وان شالله شمس التفاؤل تشرق بكل أيام حياتج @@@

الله يجزاج بكل حرف وكل كلمه وكل جمله وكل ثانية وكل دقيقه وكل ساعه

وكل يوم عطيتينا فيه من وقتج وتعبتي أناملج الحلوه في كتابة هالموضوع الأكثر

من رائع وتستاهلين عليه وسام أفضل موضوع في كل أقسام المنتدى على الإطلاق

ويشهد علي الله إني ما جاملتج بحرف واحد وإن كل حرف طالع من القلب للقلب

لأنج إنتي بأسلوبج وبطيبتج وبإخلاصج بنقل تجربتج والشرح والتشجيع دفعتيني ودفعتينا

كلنا إن نشكرج بما إنتي أهلٌ له ُ​

كلّج ذووووق يا باقة ورد .. .. أخجلتيني يالغاليه وكلامج عنوان يدل على صاحبته .. إنسانه قمه في الروعه ,, والذوق .. والخلق .. أشكر إطرائج وياعسى ربي يوفقكم وياجرنا بالخير جميعا ..
والله أشعر بالسعاده إن الموضوع أثر فيكم لأني صج من قلبي حابه الكل يستفيد .. :: ماقصرين.

تسلم يمنآج...

موضوع رآئع...روعته في فائــدته...

مشكوره وانتي الروعه يا عجميه


....

 

[أم عبووووود]

مااشلله موضوعج روعه ياحلم ماهديته لين خلصته

ربي يرزقج الجنه ان شالله

عطيتينا دافع قوي جدا جدا وخصوصا اني قبل فترة كنت تاجرة صغيرونه شاركت بنت اختي لان عندنا تقريبا نفس المواهب :dddds:
وسوينا سوالف و الزباين من اهلنا وشاركت بمعرض لكن ماصمدت :0bee2e8d89:

يمكن لان الفكرة صارت بدون تفكير ولاترتيبات وبسرعه بسرعه

سبحان الله لكن برجع احاول واعيدها ان شالله ربي يوفقنا اجمعين

 

[جارة القمر]

خوووووووووووووووووش موضوع



رووووووووووووووووووعه



المشكلة


لو عندج الشغله اللي تحبينه وودج تفتحين فيه تجارة


بس محد يساعدج ولا يشجع ويوقف معاج


موضووووووووووووووع رووووووووووووعه



حبيبتي

 

[حلم الطفولة]

مااشلله موضوعج روعه ياحلم ماهديته لين خلصته

ربي يرزقج الجنه ان شالله

عطيتينا دافع قوي جدا جدا وخصوصا اني قبل فترة كنت تاجرة صغيرونه شاركت بنت اختي لان عندنا تقريبا نفس المواهب :dddds:
وسوينا سوالف و الزباين من اهلنا وشاركت بمعرض لكن ماصمدت :0bee2e8d89:

يمكن لان الفكرة صارت بدون تفكير ولاترتيبات وبسرعه بسرعه

سبحان الله لكن برجع احاول واعيدها ان شالله ربي يوفقنا اجمعين

يا حلو هالطلّه أم عبوووود زميلتي الغاليه .. مشكوره أتمنى أكون أشعلت حماسج وتردين بفكرة مشرووووعج

 

[حلم الطفولة]

خوووووووووووووووووش موضوع



رووووووووووووووووووعه



المشكلة


لو عندج الشغله اللي تحبينه وودج تفتحين فيه تجارة


بس محد يساعدج ولا يشجع ويوقف معاج


موضووووووووووووووع رووووووووووووعه



حبيبتي

هلا وغلا هلا وغلا بالقمر وجارة القمر ... مشكوووره عالمرور وإن شالله تلقين اللي يشجعج ..

 

[جارة القمر]

بعد عمري



تسلمييييييييييييييين

 

[كويتيهx5]

الصراحه موضوعج حلووو

انا عندي مبلغ صغير وابي مشروع بس ابي مستمر لفترة طويله وابي مو موجود

انا كنت اصمم ازياء بس ما يستمر معاي لانه مايكون في عندي فلوس لاني ما اشتغل ومحد يدعمني ماديا الحين يالي مبلغ حلوو
بس ابي مشروع يستمر ومافي منه عشان اعتبره وظيفه لي

شنو تنصحيني فيه

 

[khawla&tito]

راااااااااااااااااااااااائع

 

[وحش الريم]

حلم ......وانتي صج حلم
ياربي شاقول اسلوب رائع .....تبارك الرحمن
وموضوع اروع
بارك الله لكي في اولادك ومالك وسخر لكي عباده
متابعه بشده.........

 

[حلم الطفولة]

بعد عمري



تسلمييييييييييييييين

:eh_s(6): الله يسلم عمرج حبيبتي :eh_s(6):

الصراحه موضوعج حلووو

انا عندي مبلغ صغير وابي مشروع بس ابي مستمر لفترة طويله وابي مو موجود

انا كنت اصمم ازياء بس ما يستمر معاي لانه مايكون في عندي فلوس لاني ما اشتغل ومحد يدعمني ماديا الحين يالي مبلغ حلوو
بس ابي مشروع يستمر ومافي منه عشان اعتبره وظيفه لي

شنو تنصحيني فيه

هلا والله .. ,, أول شي أسأل الله أن يقدرني على مساعدتكم في المشوره حبيباتي ,, ولكن يبقى الأمر مجرد نصيحه بقدمها من وجهة نظري الشخصيه .. حيث إني لست استشاريه في هالمجال .. وسامحوني عالتقصير واعذروني إن أخطأت .

انتي كان عندج هواية التصميم وماكان عندج وفره ماديه فكنتي توقفين .. والحين ياج مبلغ زين , توكلي على الله وردي عالتصميم .. بفكره ثانيه !
هذا طبعا رأي شخصي .. انتي شتحسين ؟ تحسين انج عندج أفكار وإبداعات في التصاميم؟ وتبينه يكون شي يديد !!
دمجي فكرة التصميم مع شغله ثانيه انتي تحبينها بحيث تصاميمج ماتكون عباره عن فساتين .. تكون شي ثاني فريد من نوعه ومو موجود .

طالما عندج فن وحب لهاشي استغليه ,. والله الموفق .

 

[حلم الطفولة]

راااااااااااااااااااااااائع

مشكووووووووووووووره

حلم ......وانتي صج حلم
ياربي شاقول اسلوب رائع .....تبارك الرحمن
وموضوع اروع
بارك الله لكي في اولادك ومالك وسخر لكي عباده
متابعه بشده.........

يزاج الله خير .. الله يجزيج أضعاف هالدعوه الطيبه.

 

[حلم الطفولة]

هذا كتاب متاز وحلو .. ترتيبه للأفكار والمواضيع في الداخل أكثر من روعه
فيه منه متجرم للغه العربيه في جرير.

راح أعطيكم من الأفكار اللي فيه ان شالله .. وراح أظل أقدم لكم النصايح حبيباتي ولا يهمكم ,, ولكن يبقى الحكم في ظروفكم وأفكاركم ومشاريعكم هو : أنت شخصيا
لأني هنيه بس عشان أعطيكم دافع والباقي عليكم يا مبدعات ..

في الصفحه 204 من الكتاب يختار المؤلف 23 مشروع فردي يقول ان السبب في اختياره لها هو : إنها ماتحتاج شهادات عاليه ,, ممكن تطبق وتنتشر باتساع في المجتمع بجميع طبقاته ,, تحتاج لتكاليف قليله ,, ساعات العمل مرنه ممكن تكون ساعات معدوده وممكن تكون دوام كامل ,,



تربية الحيوانات ,, بائع زهور ,, رعاية الأطفال ,,مهندس ديكور داخلي,, مصمم نباتات الزينه للمنازل ,, مطعم ,, مصنع أغذيه نوعيه : وهذا بنات أحسه شي وايد ناجح فكره تبدي من مخلل : مربى : صنف غريب من الحلويات : صنف مضبوط من الموالح : نوع من الخبز المميز ...... وتنتهي بمركز مواد غذائيه ناجح أو مخبز أو ....

ينتهي قائمته بمدلك و وكيل بيع عقاري ومعد مواقع لإنترنت .


ثم يا خواتي في الصفحه رقم ....

:dddds: والله اني احبكم :dddds:

:dddds:

 

[شيخة البلادين]

مافي كلمة توفيج حقج بعد هذا الموضوع...

غير...جزاك الله خير..


تصدقين عاد من زمان ودي ابدي بمشروع..

بس كنت افكر بان لازم اسوي شي انا احبه وشاطره فيه..

وانا بصراحة شاطرة في الدراسات والبحوث..

ففكرت اني اسوي بحوث للطلبة...

وطول هالمدة ماني عارفة منين ابتدي...!!!!:

وادور احد يوجهني.. وبنفس الوقت ماني لاقية تشجيع..

بس موضوعج زاد حماسي..

الله يعطيج العافية حبيبتي...

وربي يوفقج دنيا وآخرة.. ويرزقج من خيره وفضله.. آمين

 

[حلم الطفولة]

مافي كلمة توفيج حقج بعد هذا الموضوع...

غير...جزاك الله خير..


تصدقين عاد من زمان ودي ابدي بمشروع..

بس كنت افكر بان لازم اسوي شي انا احبه وشاطره فيه..

وانا بصراحة شاطرة في الدراسات والبحوث..

ففكرت اني اسوي بحوث للطلبة...

وطول هالمدة ماني عارفة منين ابتدي...!!!!:

وادور احد يوجهني.. وبنفس الوقت ماني لاقية تشجيع..

بس موضوعج زاد حماسي..

الله يعطيج العافية حبيبتي...

وربي يوفقج دنيا وآخرة.. ويرزقج من خيره وفضله.. آمين

ولج مني نفس الدعوه يالشيخه ,, يزاج الله خير .. وفتحها عليكك ربي من حيث لا تعلمين .. آمين.
والله آنا بعد شكلي شجعت نفسي صار عندي حماس من تفاعلكم حبايبي .. وان شالله بسوي مشروع يديد ..

بالتوفيق شيخة البلادين .. خلاص اعتبري أنج بديتي بالمشروع والحين روحي أخذي ورقه وقلم .. وشحذي الأفكار وكتبي كل كلمه تطري على بالج .. وبإذن الله سبحانه راح تلقين فكره يديده جاذبه لمشروعج تبرزين فيها عن غيرج من طابعات البحوث

 

[ام فجور 2008]

ودي يكون عندي مشروع بس احس اني مو فاهمة نفسي
يعني مو عارفة انا شنو الي ممكن اعرف اسويه واشتغل فيه

 

[كويتيهx5]

هلا والله .. ,, أول شي أسأل الله أن يقدرني على مساعدتكم في المشوره حبيباتي ,, ولكن يبقى الأمر مجرد نصيحه بقدمها من وجهة نظري الشخصيه .. حيث إني لست استشاريه في هالمجال .. وسامحوني عالتقصير واعذروني إن أخطأت .

انتي كان عندج هواية التصميم وماكان عندج وفره ماديه فكنتي توقفين .. والحين ياج مبلغ زين , توكلي على الله وردي عالتصميم .. بفكره ثانيه !
هذا طبعا رأي شخصي .. انتي شتحسين ؟ تحسين انج عندج أفكار وإبداعات في التصاميم؟ وتبينه يكون شي يديد !!
دمجي فكرة التصميم مع شغله ثانيه انتي تحبينها بحيث تصاميمج ماتكون عباره عن فساتين .. تكون شي ثاني فريد من نوعه ومو موجود .

طالما عندج فن وحب لهاشي استغليه ,. والله الموفق .

[/quote]


مشكورة ويعطيج العافيه اي والله قاعده افكر في شغله يديده بس فيها تصميم

 

[@دودي حياتي@]

يعطيج الف عافيه موضوعج مشوق ومفيد الله يوفقج ويكتب لنا اللي فيه الخير

 

[عيش و مرق]

موفقه مجهودج واضح والطاقه الايجابيه طلعت لى من الشاشه لووووووووول شكرا

 

[حلم الطفولة]

ودي يكون عندي مشروع بس احس اني مو فاهمة نفسي
يعني مو عارفة انا شنو الي ممكن اعرف اسويه واشتغل فيه

اخذي لج لفه بالانترنت .. وشوفي كويتيات مول القسم يعطيج أفكار ان شالله

مشكورة ويعطيج العافيه اي والله قاعده افكر في شغله يديده بس فيها تصميم

يا حبيبتي الله يوفقج ان شالله وعطينا الخبر الحلو قريبا

يعطيج الف عافيه موضوعج مشوق ومفيد الله يوفقج ويكتب لنا اللي فيه الخير

الله يكتب الخير للجميع ويبارك لنا بكويتنا الحبيبه وعيالها الكويتيين

موفقه مجهودج واضح والطاقه الايجابيه طلعت لى من الشاشه لووووووووول شكرا

:ggdw: ياعسى حياتج كلها إيجابيات مشكوره عالمشاركه.

 

[منيرة خالد]

تسلمين يا حلم الطفولة

موضوعج حلو يعطي دافع للناس المتردده ، انا كنت اشتغل وبعد ما تقاعدت يبت بضايع من الامارات ومشى الحال عال العال بس اثر الموضوع على استقراري العائلي يعني اي وحده تبي تبلش بتجاره لازم توفق بين عائلتها وتجارتها واهم استثمار بالحياة اهو العائلة واستقرارها ونفسيت عيالج ودراستهم ،حاليا وقفت حطيت فلوسي اللي ربحتها من التجارة بالبورصة وانطر ترتفع صحيح فيها بيع وشرا وكل فتره اطلع مبلغ محترم يتراوح بين 200 الى 500 دينار - طبعا لين ما القى مشروع اقدر ابدي فيه من جديد

وبنات نصيحه احلموا احلموا احلموا لأنه انا بديت من حلم لأني بعد التقاعد اكتشفت اني ما جمعت ولا بيزه - والشي هذا خلاني افكر واحلم واحلم اني اعوض السنين اللي طافت واخليها بحياتي فلوس كاش - دخلت جمعية وبفلوسها يبت البضاعة واستمريت رايحه راده على الامارات اشتري وابيع والربح مثل ما قلت عالي بس اثر على عائلتي وخاصة ان عيالي صغار ويبون رعاية ............ وانا للحين احلم كل يوم اشلون استثمر المبلغ اللي عندي وازيده وان شاء الله راح احقق حلم المليون