قرقيعان فيتامينات

[HearT ChocolaTe]

السلام عليكم ورحمة الله وبركاته



شلونكم حبايب قلبي .. كلنا بلا شك نعطي عيالنا فيتامينات .. ابي كل وحده تكتب شنو الفيتامين
اللي ألتمست منه النفع .. وبالأخص فيتامينات تخص المخ والأعصاب

أنا الدكتورة عفاف الرومي .. أمدحت لي وايد Efalex ووصيت عليه من المانيا وما قصروا اهلي
العام خذوا لي 3 علب بس للأسف ما كفت ووقفت .. حسيت من خلالها عزوز تغير من ناحية الإنتباه
ويمكن لو مكمله كنت يمكن أشوف شي أحسن منه .. هو متوفر بدول الأوربيه بس
وبحط لكم السايت وتقدرون تستفيدون منه .....

http://translate.google.com/transla...en&hl=ar&safe=active&rlz=1T4RNTN_enKW349KW349


أنتظر منكم التفاعل يا أحلى أمهات ... :ggdw:

 

[اللولو000]

الله يعطيج العافيه ام عزوز

انا اعطي عيالي فيتامين د

لان وايد زين ريلي دكتور وعندهم دراسات عن هالفيتامينات يقولج ان فيتامين د يمنع الامراض السرطانيه اللي تصير مع الكبر بعبد الشر

وانا وكل الاهل ناخذه

وحق الياهال موجود منه على حلاو جلي سألوا عنه بالصيدليات

واعطي ولدي الصغير كالسيوم

وانشالله اكون فدتكم

 

[الصابرة المحتسبة]

يعطيج العافية على المواضيع المفيدة

 

[ام نوونه]

انا محد قالي اعطي ولدي فيتامينات
يعني صج لازم اعطييييه ؟؟؟؟؟؟
وصج يزيد الانتباه عفيه قولولي ماكنت ادري

 

[@شمس الضحى@]

انا اعطي اسوم حديد وزيت كبد الحوت
واحط لهاا مع الاكل قفشة سمسم مطحون وقفشة زيت زيتون
ترا السمسم كله فاايدة انصحكم فيه

 

[الأماني]

 

[نشـــامي]

انا سمعت عن فيتامينات تغذي المخ بس بسأل الدكتور وأردلكم خبر

 

[ام اميره]

فيتامينات حق اطفال الداون ولا شنوووو فهموني عشان انا ودي اعطيها ؟؟

 

[HearT ChocolaTe]

هلا اللولو مشكورة فديتج .. صح كلامج فيتامين د مهم لليهال وتلقينه مركز بالزيت زيتون
ومرة قالي الدكتور ملعقه وحده باليوم تكفي .. فليش اعطيه زياده مشكورة يا قلبي
و يا ريت تسألين زوجج عن أسماء الفيتامينات اللي تفيد أطفالنا من هذي الفئه وتزيد من نشاط المخ والأعصاب
يعني تكون مساعده طيبه منج لأمهات التحدي والصبر

 

[HearT ChocolaTe]

يعطيج العافية على المواضيع المفيدة

يعافيني ويعافي كل عيالنا يارب

العفووو فديتج

 

[HearT ChocolaTe]

انا محد قالي اعطي ولدي فيتامينات
يعني صج لازم اعطييييه ؟؟؟؟؟؟
وصج يزيد الانتباه عفيه قولولي ماكنت ادري

يا فديت قلبج .. الأحسن أنج تعطينه .. لأن عيالنا محتاجين
وإذا سألتي الطبيب بيقولج الأصلح له .. بس حطي بالج ترى يعني في فيتامينات
تكون للجسم بس يعني ما تنفع المخ .. وأنا حاطه لج سايت تقدرين تستفيدين منه

انا اعطي اسوم حديد وزيت كبد الحوت
واحط لهاا مع الاكل قفشة سمسم مطحون وقفشة زيت زيتون
ترا السمسم كله فاايدة انصحكم فيه

عدل كلامج يا الغاليه .. تسلملي أسووم وأمها

 

[HearT ChocolaTe]

انا سمعت عن فيتامينات تغذي المخ بس بسأل الدكتور وأردلكم خبر

ناطرينج يا نشامي

فيتامينات حق اطفال الداون ولا شنوووو فهموني عشان انا ودي اعطيها ؟؟

كل أم عندها فيتامينات وشايفه الفايده فيه على عيالها تذكره
مع كتابة الفايده اللي شافتها ..

 

[HearT ChocolaTe]

حبيباتي يا أمهات .. كل وحده حابه تشتري الفيتامينات
تقرأ بالأول المنشور اللي داخل العلبه .. وشنو الأعراض الجانبيه ضروري
أنا مرة شريت الجنسينج حق عزوز وسوى معاه التهاب بالشعب الهوائيه لأنه ما يصلح للربو
اللهم أني بلغت اللهم فاشهد

 

[أم عبووووود]

ياحلوج يام عزوز مواضيعج صج هادفه ==> اليوم ابلة عربي انا :dddds:

يعطيج العافية وماقصرتي

ربي يحفظ لج عيالج ويطرح فيهم البركة ان شالله

 

[ام نوونه]

مشكوورة ام عزوز حبيبتي
بودي ولدي عند د.عفاف الرومي
وبشوف شنو بتعطيني وانشالله اقولكم

 

[HearT ChocolaTe]

ياحلوج يام عزوز مواضيعج صج هادفه ==> اليوم ابلة عربي انا :dddds:

يعطيج العافية وماقصرتي

ربي يحفظ لج عيالج ويطرح فيهم البركة ان شالله

:dddds: يا حلووووو أبلة العربي يوم تطل علينا هالطلات
الله يعافيج فديتج .. وما ابي غير محبة خواتي ودعائهم

مشكوورة ام عزوز حبيبتي
بودي ولدي عند د.عفاف الرومي
وبشوف شنو بتعطيني وانشالله اقولكم

ناطرينج يا عسل

 

[نشـــامي]

الدكتور وصفلي هالدوا

ويقول مدته3شهور وماله اعراض جانبيه ع فكره ترى دكتور اعصاب
nootropil

سامعين فيه؟

 

[الصابرة المحتسبة]

رفع

 

[مشاعل الشمري]

رفع لابداعات ام عزوز

 

[الصابرة المحتسبة]

رفع