مسوية جراحة فك .....قولي تجربتج هني

[dantella]

ميخالف قرقت وايد بس ماقدر اشوف شي غلط واسكت

 

[safia]

دانتيلا كلامج حيل يطمن بس انا حساسه وغلطتي اني خرعت البنات وانا بمرحلة العلاج المفروض بعد ما اخلص ادش اكتب تجربتي
واللي ضيق خلقي الدكتور محمد المصري براسه يوم قام ينافخ علي وقال ده وشك خلاص انسي وشك القديم كل هذا لاني كنت امشي وحاطه كلينيكس مغطيه خشمي وفكي
وكل الدكاتره لما اكلمهم يخوفون يكلموني واهما معصبين ما يتكلمون ولا يفهمون ولا شي يخلون الواحد يضيع بس شطارتهم يشرحون للطلبه الموجودين
وفوق هذا يوم رحت لدكتور اشرف قال ما سوو الفك مثل مانبي لما الحين احس فكي راد ليورى ضاق خلقي قلت كل هالتعب يعني على الفاضي والحين شاده على عمري قاعده اطلع فكي لجدام مثل ماقال لي الدكتور
بالنسبة لاهلي قطعوني بالمدح تهبلين وتهبلين ادري انهم يقصون علي الا اختي مساع فلت لسانها وبعدها تحسفت وقالت ادري ضايقتج بس بعد شنو
وضايق خلقي مابي اداوم وشكلي جذي متفخ مالي خلق اللي معاي وتعليقاتهم لاني مثل ما قلت لكم حساسه
ابي اجازة لحد عطلة الربيع وماعتقد يوافقون يعطوني

دانتيلا انتي كاتبه تجربتج وحيل تشجع دشيت انا وعفست كل شي
خوفت البنات صج انا متوحشه لووووووووول

 

[dantella]

لا حياتي انتي ماتنلامين لسبب
انتي الحين باقسى فتره باصعب مرحله وكلشي بشع قاعده تشوفينه هذي اصعب فتره
مومعناته ان مابرزو الفك حيل يعني العمليه فشلت لالا راح ياخذ وضعه لاتخافين ودكتور اشرف لو شايف ان موناجحه اهو بنفسه راح يطلب تردين وتسوين جراحه ثانيه
هل سمعتيه يلمح او يتغز انج محتاجه لجراحه ثانيه؟
اهم خو ماهمهم شي ولادافعين من جيب ابوهم فاسهل شي يطلبون جراحه ثانيه وجنه الورد
بس لان يدري ان هالوضع مؤقت
حبيتي ارد واقولج دكتور محمد المصري كلامه قليل مع المرضى هذا لان مع احترامي اكبر غبي يحسب الكل نفسه فاهم ودارس هالنوع من الجراحه
وحتى دكتور عماد النجاده مو احسن منه نفس الطقه اسلوب ماكو
انااكلمج عن الي شفته بعيني مع الفارق ان نفسيا كنت متحمسه وادري بوقتها ان مو هذا شكلي
طبيعي الاهل يمدحون وطبيعي يخافون ويطبيعي ينتقدون هذا كله طبيعي
بس تو النااااااااس مو الحيييييييين ياليت اهم يقرون كلامي بعد
هذا ابدا موشكلج
ليش يمدحون واصلا لازال ويهج وارم
وليش ينتقدون واصلا هذا موشكلج الطبيعي
خلج متفهمه طبيعتج الحين
هذا كسر بالفك
والفك اقوى عظمه بجسم الانسان لالالا يمكن تلتئم بضرف سبوعين
احنا نتكلم عن شهور وانت ماصارلج 3 اسابيع حبيبتي
ماعليه هم مالومج
الي مريتي في انا مريت فيه وعارفه قسوته
واحب اقول ان كل الي بسوي هالجراحه لازم يتوقعون ان يمرون بنفس الي مريتي فيه
بس لازم يعرف ان مودايم مو دايم كلللللللللللش

 

[dantella]

حتى انا اقولج خلالالالالالالالاص انسي شكلج القديييييييييم بس نطري شكلج اليديد لان لي الحين ماطلع ولا حتى بان اثر منه ابدا ابدا
شكلج اليديد بكون احلى بواااااااااايد وبتقولين دانتلا قالت بس بعد هاااااااااا مو اقل من 10 شهور ياقمر
وسالفه المضغ واااايد مهم راح تغير اشياء وايد بس هالحجي مو الحين
انتي اصلا لي الحين ماشالولج الحدايد
منطقيا مو وقت الحكم على اي شي
ماعليه قرقت وايد تحمليني وبضل اقرق حق كل وحده محتاجه القرقه ههههههههههههه

 

[safia]

لالالالا بالعكس كلامج حيل يريح ويطمن
بس 10 اشهر وقت طويل عكس الاجانب ثاني شهر يصيرون يهبلون
بالنسبة للدكتور اشرف ما لمح لي لجراحه ثانيه ولو شنو يصير لا سمح الله ما عيدها
بالنسبه لاهلي يقولون يبيلج وقت الا امي حياتي تخفف عني تقول لا بين عليج صايرة تهبلين ادري انها تخفف علي ولا انا بعيونها حلوه صج لووووول
وانا ادري ان شكلي تو الناس عليه ولما الحين وارم بس احاتي شلون بطلع للناس والدكتور اليوم قال لج شهر ونص اجازة بس
شهر ونص مايمدي يفش الورم وجسمي ضعيف شلون بداوم بحالتي هذي
انا خايفة من نظرة الناس لي اذا شافوني مالي خلق تعليقاتهم وانا حساسه
احس الالم النفسي عندي اقوى من الالم الجسدي

دانتيلا والله دايم ادعي لج وبظل ادعي لج لانج ماشاءالله عليج تستاهلين كل خير وان شاءالله كله بميزان حسناتج

 

[dantella]

فديتج صافيه انا ماسويت شي وكلنا خوات
انا الي يخليني مجابله هالموضوع ان لمن كنت بنفس هالحاله كنت حيل محتاجه لكلمه تطمن وحاسه بالي يحسه غيري بس بالنت والمواقع العربيه قليل تلقين هالتواصل عرفتي؟
حبيبتي ظلم انج تقارنين الدول الغربيه فينا اهم وييييين واحنا وين
اهم الطب والجراحه عندهم متطوره واحنا زين يعرفون يسحبون دم للتحليل
بس ماعليه الموضوع محتاج للصبر مو اكثر
عاد تصدقين ان انا من 3 سبوع طلعت ورحت السوق
حتى بالضبط اذكر اني رحت سنتربوينت
كان وقتها شتا وكنت فاصله ابي تريننج احمر لييييش احمر مادري بس ابي احمر
ولي يومك اذكر نظرات الناس واليهال حرام شلون يطالعون لان فعلا كان شكلي غرييييييب
بس كنت اقول الي بشوفوني وبشوفهم الحين ماراح ارد اشوفهم مره ثانيه
واذا كان شكلي يخوف شالمشكله كل هذا بروح
وقوات عيني الي يخزني اخزه هههههههههه بس ماكنت احب احكر روحي
انا داومت عقب ثاني شهر وكان لازال ويهي وارم
بس كنت احس بتعب ودوخه هم لان الاكل ماكان مريح المضغ هم كان صعب شوي بس لازم تاكلين على الفك ينزل وياخذ وضعه
واهتمي بالتمارين الي قالج عنهم ترا وايد مهميييييييييين
واي سؤال سئلي ماعليه يمكن انا مو دكتوره وكلامي مو دقيق بس ماره بتجربتج

 

[safia]

لوووووووووووووووووووووووووول اهم شي الترينق الاحمر
ورحتي ما غطيتي ويهج؟ انا طول الوقت امشي وكلينيكس على خشمي وفكي مابي الخدامات يشوفوني وتتعب نفسيتهم لوووووووول
وشكثر طول معاج الصعوبه بالمضغ؟
وشنو قالوا البنات لج اول ماداومتي؟؟
تتوقعين لو اقول لهم ابي امدد الاجازة المرضية يرضى الدكتور؟
وماشاءالله عليج والله احسن من الدكاتره اللي مايعطون ويه بالمره

 

[dantella]

لا ماكنت اغطي ويهي مادري ليش كنت فرحانه بعمري ههههههههههه
المضغ والله طول مو بسهاله اخذ له جذي شهرين
طبعا البنات بالدوام مايجاملون قالولي ان ويهي كان مو طبيعي بس الحلو فيهم ان كل ما يتغير يقولون لي ترا تغير صار جذي وجذي وجذي اول باول
وانا هم كنت كللللللل يوم اصور ويهي كل يوم بعيني اشوف التغييرات
انا دوامي نوعا ما متساهلين وكنت كاسره خاطر مسؤولي فكان مخليني على راحتي

 

[el-zain]

وااااااااي دانتييلا تهبليييييين كلامج صج يريح... وماشاءالله احلى شي فييج انج مريحيه نفسييتج ع الاخر و طلعتي و اهم شي الي تخزينه يخزج هههههههههههههههههههههههههههههه ظحكتيني والله ... والله والله تهبلييييييين
انا قاعده اقول حق امي ان شاء الله من اسويها على طول بسافر عشان لحد يشوفني و لي سافرت اطلع على رااحتي خو هناك محد يطالع احد بس احنا مجتمعنا استغفرالله يعيبون عليج اشكره وصج تتحطمييين

 

[dantella]

حبيبتي الزين فديتج والله من طيبج
بس ما انصحج تسافرين الا عقب ال3 شهور عالاقل لان بتكونين تعبانه وحتى ضغط الطياره باثر على مكان الجرح بتحسينه بنبض
اهو اهم شي الواحد يكون نفسيته مرتاحه خلاص عقبها مايهمه احد
والاهم انج تكونين فاهمه لضروف هالعمليه لان مو الكل يمر فيها
واهم شي انج تتذكرين هالفنانين والممثلات شلون يقلبوووووون خلقتهم وترا هم يمرون بنفس هالضروف وتشوفينهم بالاخير شلون يصيرون
هالفنانين مو اقوى مناا طبعا اهم مو قدوتنا بس كنت اضرب مثال فيهم
اهم شي انج تكونين قويه ومتوقعه كلشي

 

[el-zain]

مممممممم صح كلامج .. عيل بسويها و بقظب ارظي و اقعد فبيتنا لان على ما تطوف ال 3 شهور الا خلص الصيف و يبلش الدوام التعيس مره ثانيه

 

[dantella]

وانصح الي بسوي هالجراحه مايسويها بالشتا او حزه امراض حساسيه لان وحلجج مسكر وتمرضين او تكحين او تعطسين بتتعبين وايد
وحتى الدوا بكون صعب انج تاخذينه اهو صح بالصيف حر وتعب بس عالاقل ضامنه انج ماراح تمرضين ان شاء الله

 

[el-zain]

ايييي انا ان شاء الله بسوييها بالصيييف عزز الحر اول ما اخلص الفاينل ان شاء الله على طول اسويها

 

[safia]

ويه حتى الاكل طول معاج شهرين؟
انزين بسالج مبدئيا التحسن الاول اللي حسيتي فيه متى؟
يعني اربع اشهر حسيتي انج تقدرين تسوقين وتطلعين؟؟
شكلي باخذ طبيات من المستوصف والمستشفيات الخاصه حتى لو قصوا معاشي بالطقاق
بس مستحيل اخلي اللي بالدوام يشوفون شكلي جذي

 

[dantella]

اي تقريبا ب3 شهر حسيت ان صحيا صرت افضل بس ظلت الدوخه معاي لي عقب 6 شهور خصوصا لمن اكون مثلا منسدحه وافز بسرعه او اقوم ساعات اطيح من طولي

 

[safia]

اعراض فقر الدم واضحه
انزين بسالج انتي من طلعتي من العمليه مسكرين حلجج وبعد شهر شالوه وقالوا اكلي على طول ولا عطوج تمارين قبلها؟
الحين معطيني تمرين افتح حلجي واسكره بس متعب

 

[dantella]

هالتمارين كنت وايد اركز عليهم وكذ ا مره ذكرتهم هني واااايد مهمين
لابس قالي تدرجي بالاكل لي ماتحسين انج تقدرين تاكلين
طبعا مو من اولها تروحين على اللحم والدياي والسندويتشات
راح تسين ان حتى حلجج ماراح يتبطل ولازم ماتشديد عليه
بدايتها تقدرين تاكلين عيش لين او ماتش بوتيتو او حتى تشريب ومحروق صبعه تالي تدرجي

 

[safia]

لووووووووووووول لا تخافين لا لحم ولا دياي
الحين كل طموحي اكل بيض وتوست << قنوعة اسم الله علي خخخخخخخ

انزين شلون ماتقدرين تبطلين حلجج وانا الحين الدكتور حاط لي سيور ابطل حلجي واسكرهم صج صعب شوي بس قاعده اعود نفسي لان جدامي اربع اسابيع تو الناس
لاحظي العمليه كل مالها تختلف انتي قبل سنتين غير والحين انا غير
واذكر اني قريت قبل بالنسبة للفك ماراح ينطرونه ينجبر لانهم ثبتوه ببراغي

 

[dantella]

اي فعلا لاحظت ان الاختلافات كبيره بالتكنيك
بس هم انا زارعين لي مسامير تثبيت

 

[غلاااه]

دانتيلا

الله يريح بالك وقلبك ويسعدك

مره مره كلامك يريح


صافيه :eh_s(6):


البسي كمام طبي احسن

وإذا احد قالك شيء قولي خايفه من انفلونزا الخنازير(الله يكفينا وإياكم شره)

الحين وين مانروح نلقا المعظم لابسينه .



....


سؤااااااااااال

كيف تتوضون للصلاة ؟؟!!
ولا طول الشهر تيمم!!

لكم ودي


.​