تجربتي في مطعم سنيور ساسي الايطالي Signor Sassi
اهو اللي صاير بنفس المبنى اللي فيه fish market يم الأبراج وشيليز، أول ما دخلنا كان في حوالي 6 فلبينيات ، أول سؤال: حاجزين؟ قلنا لأ، قالت رح تنتظرون ساعة ونص :eh_s(1): قلنا أوكي، الفلبينية تفاجأت من الجواب، قالت ساعة ونص ! قلنالها no problem ، وسجلنا الاسم والرقم وقعدنا على الكراسي مالتهم (زين اللي وصلنالهم من زحمة شارع الخليج)، المهم، كان حوالي 3 عوايل منتظرة، كل مايو ناس ييبون يدشون سألونهم نفس السؤال بس الجواب لا ما يبون ينتظرون، بس الغريب ان ساعتهم واقفة على الساعة ونص، كله نفس الجواب، المهم بعد 10-15 دقيقة، المدير قالنا تفضلوا !!!! بقدرة قادر !! قلنا هذي حركات علشان نشوف أن المطعم في وااايد ناس ويبيله حجز،،،
لما دخلنا فعلا المطعم full! وقبل الطلب يابو مقبلاتهم الحلوة زيت الزيتون وزيتون وطماط وخبزهم،
وبعدين طلبنا،
bruchetta بالموزاريلا........... روعة،
روزيتو واللي اهو الرز الايطالي بالسوس الأبيض والمشروم..........تهبل،
3 أنواع باستا ييون بطبق واحد................ رهيييييييب،
2 سفن أب
1 آيس كريم (1.200 دينار) عبارة عن 3 سكوب (كاكاو، فانيلا، وبرتقال يمكن)
شاي (نص دينار)
الحساب طلع 17.800 دينار...
الصراحة أكل روعة، القعدة تونس، والمدير ايطالي دمه خفييييييييييف وسمعوه اهو ويتحشى انجليزي
أنصحكم بالمطعم، بس الأحسن تحجزون قبل لا تروحون....
