Make OVERs Girls diet بشكل يديد وحماس اكثر حياكم

[Loving Stella]

حساسه اي انا نفع معاي رجيم المطوع تقريبا نزلت الحمد الله منه كيلو ونص تقريب الحمد الله و الله يتمم ما شاء الله و اهم شي يشبع ترى
كلما اشوف الميزان اشكر ربي و اذكرج لانج شوقتيني اسويه هالرجيم نفع معاي ايام الدوامات خصوصا

فل مون لا حبيبتي عادي لا حساسه ولا شي كلنا خوات و ادري فيج تتغشمرين لووول والله عادي انا مو نوعي ازعل و الله ينولج و ينولنا الي ابالنا عاجلا غير اجلا يارب و ننزل بصحه و عافيه اللهم امييييييين

 

[Eng_7asasa]

الله يوفقج حبيبتي

انا مشيت عليه بس بعدين يتني الدورة الظاهر من جذيه حسيت انه تلخبط عندي النظام

ان شاء الله رادة عليه وبقوة

انزين طبقتي يومين فواكهه بكمية مفتوحة ؟

وكنتى شنو تالكين على الغدا دياي مشوي دايما

 

[FuLL.MooN]

لالالا يبه انا ترى من باب الضحك .. ليش حساسية ؟؟ اشدعوة احنا ما تكلم فيس تو فيس بالنت .. وبعدين حتى لو فيس تو س فيعادي إذا فيها ضحك او مناقشة ...لا يتحسيسون ولا شي ...
وبعدين انا ما نقشة اي ناس علشان ينحرجون انا قاعدة اكلمكم انتو من باب الميانة ولأنكم كاتبين الدعاء بس ...
اتصير مواضيع الزواج حساسة ... لما يحرجون الوحدة جدام الغرب ... يعني لما يقولوي شدي حيلج ما ادري شلون اشده انحرج وله لما يقولونلي اشناطرة لووووووووووووووول بس كبرتي اوكي اهني الوضع يصير احراج ...
بس لما اسولف معاكم من باب الصداقة بالنت
على العموم انا صج كان قصدي من باب السوالف والتعليفقات وانغير على بعض الجو

 

[ماف راسها]

مساء الخيرات


ألف مبروك لكل الي نزلت أوزانهم وهارد لك لكل الي زادوا


بنات من اول أمس وأنا قاعدة آكل الأخضر واليابس مادري شفيني مو قادرة أمسك نفسي!!

ياليت تعطوني كم كلمة في العظم يمكن اتسنع

نفسيتي تعبانة من تخبيصي وياليت على أكل حلو ويشبع ..كله شيبس وحلويات تمتن :botetoo:​

 

[Eng_7asasa]

حبيبتي لا دربالج يمكن لانج اتبعتي الكيمائي وحداا فيه حرام وفيه تنوع غيري رجيميج وبس وقفي

ولا ترى التعب كل بيروح دربالج الاسبوع الياي تصيرين من سمينات الاسبوع

وحالهم ما يسر الصراحة جفتي اشكالنا وعليه علينا ههههههههههه

 

[Loving Stella]

حساسه لا والله ماطبقت الفواكه بكميه مفتوحه نسيت لوووووووووووول


فل مون لا حبيبتي شدعوه ادري انه من باب الدعابه و الغشمره لا تشيلين هم ادري انه غشمره عادي :*

 

[Loving Stella]

امييييييين حساسه و يوفق الجميع يارب

 

[عليـاء]

شلونكم بنات
فديتكم والله

ومبروكين اللي فازوا
رشيقات الأسبوع الحلوات

وهاردلك
للدبات هههههههههههههههه
أوما حساسة مت على الصورة روعة والله
وكاشخين بالأحمر أنا وانت وكويتية

يارب يابنات الله ينولكم اللي في بالكم
ويهدي سركم ويبعدكم عن الحرام ويقرب لكم الحلال
وتعيشون بصحة وبعافية
وتكونون قراب من رب العالمين

أنا ادعو لي أن احفظ القرأن
عندي تسميع - وفترة تزيد عزيمتي وفترة تقل
يارب أجعلني قارئة للقرآن حافظة لها عامله به
يارب .

 

[om.5doja]

قوه ياحلوين

سامحوني ماقدرت اشبك والله ظرروفي استغفر الله تزهق الواحد بس الحمدالله على كل حال

وناسه انا الاولى

الف الف الف مبروك حق كل اللي نزلوووو

والف الف مبروك هنوووفه وليمونه وعقبال الوزن المثالي اللهم امين

واللي زايدين ليش ؟؟؟؟؟؟؟

كويتيه حساسه @_@ شفيكم ؟؟؟

يالله شدو حيلكم وان شاءالله هالاسبوع تكونون من رشيقات الاسبوع اللهم امين

نظامي ماشيه عليه الحمدالله

بس حبيت اقولكم هالجم يوم اعذروني

اشوفكم على خير

 

[عليـاء]

أنا بعد اليوم
كلت الخضار واليابس
بس الحمدلله أني اسكر حلجي من الساعة 5
وشربت مرتين شاي أخضر
والحين اشرب عصير رابينا اللي يقولون يزيد الدم .

أما غداي
كان برياني وكلت قطعة كيك
وخربتها من الزين
بس اربع ونص وقفت كلش بس اشرب ماي وشاي

أم خدوج
تعالي شوفي خربت الريجيم اليوم
المشكلة ايش اسوي فيها هالدوخة اللي تجيني مو مستحملة والله .
مع ان ترى والله الريجيم وايد زين بس ماقدرت

 

[عليـاء]

أم خدوج
الله يعينج يارب
وتيسر لج الظروف ونشوفج على طول
مانستغني عنج والله
والف مبروك النزول

يالله انا رايحة انام
هنوفة - حساسة - لوو - ليمونة - ام خدوج -
فول مون - ستيلا - الماسة - ماف - كويتية
وكل البنات يارب مانسيت أحد
يارب تكونون بخير على طول

روزي
طمنينا عليج ياحلوة
يارب تكونين بخير بس طلي علينا

 

[Eng_7asasa]

هلا علويه جفتي اشكالنا ههههههههه انينن

ام خدوجة حبيبتي والله ملتزمة بس مادري من الدورة يمكن او من الدراسة بس ان شاء الله اشد حيلي ما عليي حبيبتي

تحملي مالج الا الدعاء واللجوء لرب العالمين

علويه شنو نظام بو خمسة وروحي حق اخصائي تغذية احسلج يحطلج برنامج عشان تضعفين عشان فقر الدم

 

[عليـاء]

هلا حساسة
اي والله مت من الضحك ههههههههههه روعة الصورة < ماعندها احساس ههههههههههه
النظام نفس نظام ام خدوجة حطيته مرة اهني
ترى من جد وايد اوكي يعني اتوقع صج يضعف 5 كيلو بخمس ايام
مع ان في أكل
لأني امس وزني 74.6 اليوم وزنت صار 73.6
يعني تخيلي كيلو
لكني ماقدرت اليوم استمر عليه اتوقع اليوم رديت الكيلو كله هههههههههههههه
http://q8yat.net/showthread.php?t=411495
هذا الرابط

والمشكلة ماعندنا اخصائيين زينين مثل اللي عندكم
احسهم كلهم بس تجاريين

 

[om.5doja]

علوويه حبيبتي ميخالف المهم انج لما تخورينها تعويضنها انج توقفين اكل من العصر والله يوفقج ياقلبي وماتشوفين شران شاءالله

الله يعلم اني حتى انا ماقمت اقدر استغنى عنكم

احساسي معاكم جد جد انكم خواتي

والله لا يحرمني منكم

والله يضعفنا على عافيه اللهم امين يارب العالمين

تسلمين حساسه حبيبتي ماتقصرين .. شدي حيلج وان شاءالله هالاسبوع ينزل مثل ماقلتي يمكن من الدوره

موفقه يارب :*

 

[Loving Stella]

شلونكم بنات
فديتكم والله

ومبروكين اللي فازوا
رشيقات الأسبوع الحلوات

وهاردلك
للدبات هههههههههههههههه
أوما حساسة مت على الصورة روعة والله
وكاشخين بالأحمر أنا وانت وكويتية

يارب يابنات الله ينولكم اللي في بالكم
ويهدي سركم ويبعدكم عن الحرام ويقرب لكم الحلال
وتعيشون بصحة وبعافية
وتكونون قراب من رب العالمين

أنا ادعو لي أن احفظ القرأن
عندي تسميع - وفترة تزيد عزيمتي وفترة تقل
يارب أجعلني قارئة للقرآن حافظة لها عامله به
يارب .

علووويه شخبارج حبيبتي
ما شاء الله عليج يارب تحفظين القرآن كله و ترتلينه احسن ترتيل و الفال لنا يارب
و الله ينولنا اجمعين الي نتمناه يارب يارب يارب يارحيم يارحيم يارحيم

 

[كويتيهx5]

هلا بنات

ماااف ليش التخربط ليش

علويه بالعافيه

فووول لا عادي يا قلبي تحجي مثل ما تبين عزيزه وغاليه

حساسه اميين

ستيلا اميين

ام خدووج الله يفرج علييج ان شاء الله

 

[om.5doja]

صباح الخير ياحلوين

ان شاءالله تكونون ملتزمين اللهم امين

والله يضعفنا على عافيه اللهم امين

علويه جبيبتي الله يسهل عليج حفظ كتابه اللهم امين وان شاءالله تختمينه اللهم امين يارب العالمين

كويتيه حبيبتي تسلمين ياقلبي :* مس يو والله

هنوووفه ياحلوه وينج ؟؟؟

حساسه لووو ليمونه ستيلا فل مون الماسه

شخباركم ؟؟ ان شاءالله تمام

الله يضعفنا على عافيه وينولكم اللي ابالكم ووفقكم اللهم امين يارب العالمين

 

[om.5doja]

علووويه انا قررت اني اغير النظام

احس انه شهيتي قامت تتبطل عالاكل

مع انه حاسه اني خافه منه

بس بمشي على رجيم التمر واللبن 5 ايام او اسبوع اصغر معدتي وارد اكمله

وببلش من اليوم 21 تمره ويه 3 قلاصات لبن او حليب

والله يوفقنا

 

[Eng_7asasa]

هلا ام خدوجة شلونج شخبارج انا ما ايد رجيم التمر واللبن احس يتعب خصوصا انتى ترضعين لازم تاكلين اشياء متنوعه

انا ريوقي كان كورن فليكس special k و حليب خالي الدسم و بس

 

[BiiShOoO]

صبببااح الخييير شلونكم

قبل شوي قعدت و باكل الحين كورن فليسك و حليب قليلي الدسم